مشروع قانون الإخوان بمجلس الشعب لقصف روؤس المتظاهرين

يوم بعد يوم ينقشع و ينجلي الغمام الذي غشي أعين البشر والحجر و - تم الحذف - فاختاروا جماعة الإخوان لتنوب عنهم في مجلس الشعب ... فهل سمعتم عن مشروع قانون تنظيم حق التظاهر الذي تقدمت به جماعة الإخوان المسلمين في مجلس الشعب ... و الذي اعترض عليه العضو السلفي ( ممدوح إسماعيل ) ... إخواني أقسم بالله أن مثل هذا القانون لم يكن ليجرؤ النظام السابق على التقدم به مع كل ما كان له من جبروت و هيمنة...
القانون ينص في أغلبه على الآتي ...
1- يجب إبلاغ الجهات المسئولة عن نية تنظيم المظاهرة قبلها بثلاثة أيام على الأقل.
2- يبلغ إسم منظم المظاهرة و نائبين له للجهات المسئولة.
3- في حال تم رفض المظاهرة من جهة الممانعة و لم يلتزم المتظاهرون و قاموا بالتظاهر يحكم على كل من شارك بالمظاهرة بالسجن لمدة ستة أشهر و الغرامة 5000 جنية أو أحد العقوبتين.
و لنرى المظاهرات التفصيل...
4- تبلغ الجهات المسئولة بالغرض الذي سوف تقوم من أجله المظاهرة و لا يجوز تغيير الغرض أثناء المظاهرة ( بمعنى غرض المظاهرة هو إرتفاع الأسعار مثلاً ... فلا يجوز المطالبة بتنحي الحكومة )
بالله أنظروا المهزلة القادمة...
5- لا تنعقد المظاهرة إلا في حضرة مندوبين عن الأمن العام ( ضباط الشرطة ) ويحق لهم فض المظاهرة متى رأى أنها تخل بالنظام... ألم تروا هذا التهريج ... ألم تقوم المظاهرات من أجل إنتقادات الأنظمة ...
6- يحدد المكان والزمان الذي ستعقد فيه المظاهرة و كذلك المدة التي ستستمر خلالها المظاهرة.
مشكورين أيها الإخوان ... فالشعب يريد الضرب بالحذاء.
تحياتي

الإخوان مشموش نفسهم غير بالثورة

والثورة اللى عملها المظاهرات

نجحت الثورة

جاء الإخوان وتربعوا على العرش

عاوزين يأمنوا نفسهم من نفس مصير نظام مبارك

علشان مفيش مظاهرات تقوم ضدهم

إتعلموا الدرس من مبارك

مبارك كان بيمنعها بالأمن والقمع

هما هيمنعوها ويقمعوها بس بالقانون

كله بالقانون

وكله بما لا يخالف شرع الله

( أنا _ حقاً _ اعترض)

بكل اسف فشلوا فشلا زريعا ..

مشكورين أخوي الكريمين ... أنا راهنت منذ البداية على الفشل الذريع للإخوان ... و لم يخذلوني و ليتهم خذلوني و لكنهم خذلوا من وثقوا فيهم و انتخبوهم ...
خالص تحياتي

الاخ العزيز
فيه مشكلة خطيرة
انت لما تتحط فى منصب مرموق فيه شعورين اما تحس انك لازم تحافظ عليه كل دقيقة وتخلى الناس تحس فعلا تحس انك تستاهل المنصب ده
والتفكير الاحمق انك تحس او تتخيل ان الناس عايزينك اوى مهما كنت واختاروك ومتمسكين بيك فى اى ظروف
لو حسبنا الشعب 85 مليون كام واحد عايز الاخوان .. هم متخيلين ان الشعب كله عايزهم مع انك لو حسبتها حتلاقى عدد اقل كتير بدليل انك لو اخدت عينة عشوائية من الناس حتلاقى 10% فقط هم اللى عايزينهم وهم بيشتغلوا على العدد اللى مش بيفكر .. بطريقة اعلاء الدين وانت بتحب ربنا انتخبنى وانت تدخل الجنة لكن بالطبع الماس المثقفة واللى بتشغل مخها مش بتاخد بالكلام ولكن بتاخد اولا بالتاريخ وثانيا بالأفعال والملاحظ ان لا الكلام تقدر تحاسبهم عليه ولا الافعال .. يعنى خلال الفترة الماضية كان كل كلامهم مدح فى المجلس العسكرى لأنهم حسوا انه معاهم .. من يومين ابتدا كلامهم يتغير لأنهم حسوا ان المجلس العسكرى ابتدا يغير طريقته معاهم لن بالعربى المجبلس العسكرى عمرو ما حايقبل حد يملى عليه شروط .. والطريقة اللى فازوا بيها فى الانتحابات بعد ما وضبوا الامور بيقولوا ان اشعب هو اللى اختارهم وعليه انه يقبلهم زى ماهم يعنى يعملوا فيه اللى هم عايزينه .. لكن الصح انا واحد من الناس خلاص اللى حصل حصل وهم جم والمجلس ده الطبيبعى قدامه خمس سنوات هل حايفلحوا فى ادارة بلد ديمقراطية ولا حايفكروا فى نفسهم هم بس والبلد تتحرق مالهمش دعوة .. يعنى المجلس اشتغل من كام شهر عملوا ايه ؟ حلوا كام مشكلة ؟؟
والمهزلة بتاعة الدستور يعنى حاندخل فى التصرقات اللى على مزاجهم لكن مش مقبولة من الشعب .. يعنى اقل ما يقال عن اى دستور انه لازم يعبر عن كل الشعب مش ممكن دستور يعبر عن تيار واحد وبالذات لما يكون تيار بيختلف معاه كل المثقفين .. يبقى هنا اما تلغى المثقفين وبالطبع ما ينفعش فى مصر ام الثقافة انك تلغى المثقفين ... وتخيلوا لو حصل والمجلس ده حد خد حكم ببطلانه لن كل الاجراءات كانت باطلة واتعملت انتخابات تانية هل حياخدوا الاغلبية ؟ وهل حتكون الانتخابات نزيهة .. واقل ما يقال ان الثورة قامت عشان بالذات نظام الحزب الواحد اللى ماحش يقدر يتكلم معاه وكان مفروض المجلس ان اى حزب او اى تيار مهما كان حجمه مايزيدش عن 10 % من المجلس والباقى من كل طوائف الشعب .. بحيث ان الحزب ده لو قال كلام حلو احنا معاه ولو قال كلام مش حلو يبقى فيه معارضة فعالة او على الاقل لما المجلس يطلع قرار يبقى نابع من كل الطوائف مش من تيار واحد والباقى بيرفضه
مع اطيب تحياتى

الواضح من كلامكوا انكم بتكرهوا الاخوان بسبب او بدون سبب لان للاسف حتى الاعلام ساعد على كدا من طريقة عرضة لمعركة الدستور وكان متحيزا للبراليون واصحاب القنوات ولم يناقش الموضوع بحيادية بل صنع فتنة بين الشعب وكعادة يجعلون من الاسلاميين عامة والاخوان خاصة فزاعة كعادة النظام البائس اما اللذين يلقبوا بالنخبة فهم لايستطعون عمل اى شىء على ارض الواقع وليس لهم وجود بين الناس لذا فهم يلجأون للاعلام الذى يستمع اليهم ويصنع منهم ابطال الوطن .فهناك استفتاء شعبى على الدستور والشعب هو اللى يقرر وليس النخبة والاعلام حتى الاسلاميين فالشعب هو الحاكم والفاصل

أخي الكريم الأستاذ سيد عبد الله بداية خالص شكري و تحياتي ... في الحقيقة ربما يكون بيننا من هو أحرص على دينه أكثر من الإخوان المسلمين. و سألخص لحضرتك الإخوان في كلمات
1- جماعة عنصرية لا ترى سوى افراد جماعتها و مصلحتها في المقام الأول.
2- جماعة سياسية في صورة دينية
3- انتهازيون
4- يلعبون على إبرام الصفقات بين القوى الفاعلة.
5- يلعبون على كل الوجوه ... ( لا أريد أن أقول لديهم الكثير من النفاق ) ... بعكس السلفيون ( كاملوا الوضوح ) لا ينافقوا أحداً.
لو اهتم الإخوان بما انتخبهم الشعب من أجله لما خرجوا عليهم في بعض المحافظات مثل القليوبية مثلاً.
خالص تحياتي

» الفنانات يرفضن التمثيل في أفلام الإخوان بالحجاب ..الإخوان المسلمين عازمون علي تكوين شركة للانتاج الفني و مسلسلات تليفزيونية وأفلام سينمائية ..
» خطورة تعدي الدولة علي المتظاهرين
» هل هناك شركاء أجانب في مشروع مدينتي؟
» رجال بشار الأسد يرمون بجثث المتظاهرين في النهر
» توريج مشروع ممر التنمية