احبائى
طبعا الامل احلى واغلى شىء فى الدنيا ...
بس الامل عشان يحقق لازم لو مقومات .. زى الحلة لما تبقى فاضية مالهاش قيمة غير لما يكون فيها طبيخ والعربية مهما كان تمنها كالهاش قيمة من غير بنزين والتليفزيون مهماكان حلو ماولش قيمة من غير كهربا .. ولو الكهربا مقطوعة لازم انت تحس حاتيجى امتى يعنى بعد ستعة ولا بعد يوم لكن مش مقطوعة وننتظر لما تيجى من فوق
امتى المريض بيبقى عنو امل انو يشفى ؟ اول حاجة يروح لدكتور شاطر بيحدد او بيشخص مرضه بالظبط بعدين بيحدد لو العلاج واول ما بيبتدى ياخد العلاج ويحس بتحسن بيبتدى يتجدد عندو الامل انو يخف وهنا الامل او الحالة النفسية بتعمل جزء كبير من علاجه
لكن لو المريض يروح لدكتور مش شاطر ويدخلو فى متاهات ويده ادوية ممكن يحس ان حالته بتتأخر مش بتتقدم .. ده اللى احنا فيه
يعنى مثلا اى امر فى الدنيا محتاج تشغيل العقل واسمحوا لى مثلا استلف الاخت العزيزة مروة .. واقول لها مشاكلك ايه او احتياجاتك ايه اولا نحددها كلها وبعدين نبتدى اولا بالحاجة اللى ممكن نحلها دلوقتى ,, ونعمل جدولة للحاجات اللى ممكن نحلها بعدين .. حا نلاقى اولا المشكال ابتدت تتحل وفى ظرف وقت قليل كل المشاكل اتحلت .. يعنى مثلا مروة اتكلمت عن الدروس الخصوصية .. دى انا بعتبرها وباء يعنى كتير فيه عائلات تمن الدروس وحدها يمكن اكتر من مرتب الاب والسبب الاساسى فيها ان المدرس اصلا مش بيشرح كما ينبغى ... يعنى مثلا لو نزلتى يامروة ميدان رمسيس وبصى كويس على عمارة رمسيس من فوق لتحت وشوفى فيها كام عيتدة وكام مكتب محامى وكام وكام وشوفى كام واحد فالح .. واسألأيهم انتم فلحتم ازاى عمر حد منكم اخد درس خصوصى حايقولوا لك ازاى ؟؟؟ انتى بتشتمينا ؟؟ ولا بتشتمى المدرسين المحترمين اللى علمونا وخلونا فلحنا .. وانا واثق من كلامى لأنهم 90% منهم كانوا تلاميذ ابويا الله يرحمه كان عنده مدرسة فى المنطقة دى وخرج منها 90 % من الناس المرموقين فى مصر دلوقتى .. آلاف عمر ماحد منهم اخد درس خصوصى .. وانا طالب كنت بروح المدرسة دى كان المدرسين المحترمين اسمع شرح الفصل كويس اوى بعدين ما كنتش محتاج اذاكر وقت طويل لأن المعلومات دخلت .. انتم عارفين فى اسرائيل ( اللى مش عاجبينكم دول ) المدرس اللى بيدى درس خصوصى بيعتبروه خيانة عظمى للوطن .. لن المدرس لو ماشرحش كما ينبغى حايطلع تلميذ فاسد يعنى مش متعلم كويس ويبقى موظف فاسد وممكن يغش فى الامتحان او يعمل برشامومن هنا يطلع دكنور او مهندس حرامى ..
احنا من يوم ماقامت الثورة والمشاكل كلها موجودة قدام عينينا .. والكل بيتكلم فى مواضيع تانية وسايبين المشاكل تكبر .. لو فيه ناس قلبها على البلد تحدد المشاكل وتعمل لستنفار قومى كان ممكن كل مشكلة تتحل فى 3 ايام ونستريح
شفتم الزلزلا السونامى المدمر اللى عمرو ماحصل زيه فى اليابان السنة اللى فاتت ؟ لما البحر طلع وشال كل حاجة فى وشة وشفتم العربيات مخلوطة على المراكب على الطيارات على حطام المنازل ؟؟ لو اى بلد فى العالم كانت انتهت فى يوم اسود زى ده او كان الشعب هجرها وراح لاجى فى بلاد تانية ولكن العزيمة من غير ما حد يقول الشعب قسم نفسو نصين .. نص يشتغل فى المصانع 24 ساعة ساعة عشان يعوض الخسائر الفادحة والنص التانى بيشيل الآثار وبينضف عشان يبنوا البلد تانى .. والنهاردة بعد سنة تلاقى كلو رجع احسن مما كان ولا كان فيه حاجة حصلت والاقتصاد رجع احسن من الاول ليه ؟؟؟؟؟؟؟؟
عشان عندهم وطنية وقلبهم على البلد والى بيشتغل فى المصانع واللى بيشيل آثار الزلزال كان عندهم امل انهم حايرجعوا زى ماكانوا
مع اطيب تحياتى
النوع
موضوع: نحن صناع الأمل 
الأربعاء مارس 28, 2012 10:04 pm
