مشكلة أنبوبة البوتجاز

[b]بالنسبة للمشكلة القائمة حاليا في جميع إنحاء مصر وهي مشكلة أنابيب البوتجاز وربطها أخيرا علي بطاقات التموين أرجوا من الأستاذة الفاضلة مني الشاذلي تبني فكرة إنشاء موقع تابع لوزارة التموين يتضمن حل جميع مشاكل كل مواطن يحمل بطاقة تموين ويقدم من خلاله جميع الخدمات من فصل بطاقات أو تعديل بيانات و نماذج إستمارات.......الخ وتكون الخدمة هذة مقابل رسوم وذلك تيسرا علي المواطنين وكذلك الحد من إستغلال أصحاب النفوس الضعيفة للمواطنين البسطاء .
كما يتضمن أيضا جمبع الأمور المستجدة الخاصة بأي تعليمات جديدة تخص العملية التموينية .
وأناعلي ثقة انه يوجد في مصر كوادر تتمكن من أحتواء هذا الموضوع ببساطة .
[right]وفي نهاية مشاركتي الأولي أقدم جزيل الشكر للقائمين علي هذا الموقع الرائع والفريد.

الاخ العزيز
اهلا بك فى المنتدى
بالنسبة لمشكلة انبوبة ابوتاجاز ومشاكل البنزين والسولار
اختفاء تلك السلع بيرجع لفساد كبير اوى يعنى السلع بتنتج يمكن اكتر من المعدل بنسبة 25% من اول ما حلصت الازمة لكن السلع بتتسرب
بكذا طريقة والمؤلم ان الحكومة مش معقول تكون مش عارفة اللى بيحصل .. ولكن عارفين اللى بيحصل وساكتين او متعمدين يبقوا ساكتين
انا امبارح كنت قاعد لمدة 45 دقيقة على قهوة فى شارع كلوت بك بالفجالة بالقاهرة .. وقفت قدام القهوة عربية نص نقل مليانة انابيب وفى ربع ساعة خلصوا .. بس طباع الانبوبة بتتباع ب 40 جنيه واكيد انت عارف تمنها كام .. العربية نزلت النابيب المليانة وحملت الفاضية وبمجرد تحركها جت واحدة تانية ..واكدي بالمعدل دع بتيجى كل يوم50 عربية .. من اخطر المشاكل اللى بتحصل تهريب الانابيب عبر الانفاق لقطاع غزة .. والانفاق من بعد الثورة سارت سايبة يعنى مفيش عليها رقابة لدرجة ان معظم العربيات الحلوة اللى بتتسرق بتروح الانفاق وتدخل غزة وتتباع هناك .. انا مش ضد اخواننا الفلسطينين .. ولكن مش معقول الانبوبة اللى بتدعمها الحكومة بمبلغ مفزع من دمنا تتهرب .. يعنى لو الخوان عايزين يدوا حبايبهم حماس البيوتاجز مفيش مانع بس يبقى بتمنه مش بالدعم ... المشكلة الاخطر ان الانابيب لما تتهرب لهناك مش بترجع الانابيب الفاضية .. يعنى ممكن هناك يسحوها ويعملوها حديد .. وبالطبع مع العدد الرهيب من الانابيب اللى بيتهرب كل يوم عدد الانابييب الحديد المتداولة ف مصر بينقص كتير جدا .. يعنى الغاز موجود فى مصنع التعبئة لكن الانابيب ناقصة ..اما عن ان الاستاذة منى الشاذلى تتبنى الموضوع كلام حلو لكن المشكلة ان مدام منى مش فى ايدها حاجة ... الموضوع فى ايد مجلس الشعب واللى مشغول بحاجات تافهة ومش بيتكلم فى مسائل الناس اليومية ... يعنى لو هذا المجلس من اول ما ظهرت الازمة عمل استنفر قومى كانت من زمان اتحلت ,, لكن هم مشغولين بإلغاء قانون الخلع .. والغاء تحديد سن الزوراج للبنات يعنى ممكن البنت تتجوز وهى فى سادسة ابتدائى وكمان الغاءشرط موافقة البت على الزواج وده يتعارض مع الدين وحاجات زى دى كتير .. وطبعا مش عندهم وقت يفكروا اصلا فى المشاكل والخوف الرهيب من رغيف العيش .. دلوقتى البلد فوضى فى كل حاجة .. يعنى مفيش اسيراد ولا فلوس والقمح بييجى من الخارج ولازم يكون عندك احتياطى لفترة طوياة مش اقل من 6 شهور .. وانت بتتعاقد على استيراد ما بعد الفترة .. لو سألأت عندنا احتياطى لمدة ادايه ما اعتقدش حد ممكن يقول الصدق وحانصحى الصبح فى يوم مانلاقيش رغيف العيش
ناهيك على الكلام اللى بنسمعو انهم بمسكوا عربيات كبيرة محملة باطنان من البنزين ناس بتشتريه بأربع اضعاف ثمنه وبيفرغوه فى الصرا لأن البنزين يعنى تحرك الحياة ... غير تهريب البنزين والسولا لمراكب الصيد وفيه ناس بتقابلهم فى عرض البحر .. والمركب صاحبها بيكسب اد تمن صيد السمك كذا مرة .. يعنى خراب دوبل يعنى مش حتلاقى سمك كمان واللحمة فيها مشكلة .. وبتوع الفراخ يشتغلونا
الموضوع الأول لازم يبتدى من مجلس الشعب .. يعنى بعد ما الكلام يبتدى هنا ييجى دور الإعلام انه يخلى الموضوع فى النور ويزنوا عليهم يخلصوا مشروع القانون بسرعة
مع اطيب تحياتى

أولا أشكرك علي إهتمامك وردك علي موضوعي لكن حضرتك لم تتحدث عن لب الموضوع الا وهو إنشاء موقع خاص لوزارة التموين للتسهيل علي المواطنين وتخفيف الضغط علي مكاتب التموين وشكرا مرة أخري علي إهتمامك.

الأخ العزيز
ماهو حل المشكلة برضو فى ايد مجلس الشعب
يعنى يتحرك شوية ويحاول يحل مشاكل البلد الجذرية .. يعنى وزارة التموين شأنها شأن اى وازارة فى البلد .. شوية موظفين تنابلة مش عايزين يشتغلوا اصلا .. والمديرين بتوعهم بيتحركوا حسب الروتين المتعفن .. يعنى لو انتى عايز تعمل اى حاجة ولا حاتتعمل ولا بعد 75 سنة
الحل ثورة ادارية يعنى قيادات تلغى الروتين وتشوف صالح الشغل ايه مش كلام وخلاص ولما تحصل الثورة دى ونبقى زى الدول المحترمة اكيد هم لازم يعملوا الموقع اللى بتقول عليه .. لأن فى اى دولة محترمة كل وزارة لازم تحس انها بتنتج مش ناس بتقبض على الفاضى ومش بتعمل حاجة
يعنى نات لو فى اى بلد اشتكيت من اى مشكلة تقوم الدنيا وتقعد لحد ماتتحل فورا مش زى هنا الموظف يقول لك فوت لينا بكرا ياسيد
مع اطيب تحياتى

الأساذ المحترم عادل أكرر إحترامي لشخصك علي متابعتك للموضوع
لكن أنا وجهة نظري إن الإعلام هو أحد الوسائل الإيجابية لحل بعض المشاكل اللتي يواجهها المواطنون وخصوصا لما يكون فيه برنامج كبير مثل العاشرة مساءا وتدير لقاءاته إعلامية كبيرة مثل السيدة مني الشاذلي .
وموضوع عمل موقع لوزارة التموين علي الإنترنت سوف يخدم شريحة كبيرة من المواطنين ويخفف الضعط علي مكاتب التموين ويجيب إجابة حقيقية ودقيقة علي كثير من الأسئلة اللتي تشغل بال الماطنين .
وفي نهاية حديثي أرجوا ان تكون وجهة نظري وضحت .
وشكرا ....[b]

» مشكلة الخجل الاجتماعى
» مشكلة التعليم الصناعى
» التحرش الجنسى .. ليس مشكلة قانون فقط
» اقتراح لحل مشكلة الدروس الخصوصية
» مناقشة مشكلة ائتلاف حملة الماجستير والدكتوراه