عاجل جدا

بإختصار سريع
واحد زميلنا عسكري إتوفي إمبارح بسبب صعق من تيار كهربي أثناء تنفيذه لأمر من كاؤاءده المباشر برتبه صول لعمل في غير تخصصه في الكتيبه بالإضافه آلي أن المكان لم يكن آمن وكان الوقتفي دخول الظلام
ودوه المستشفي وإتوفي والنيابه سمغتالشهود علي الواقعه وبعد كدا ظبط
قائد الكتيبه الليله لع النيابه وطلع المحضر مش بيدين الصول إلا علي خفيف
كامل قوه اللتيبه من امعساكر متظلمين ومش بننزل نشتغل في حقول الألغام وعاملين إضراب ومش بنجمع ولا بنعمل طوابير ولا حد بيقف خدمات
الوضع دلوقتي القيادات عاوزين يطبخوا الموضوع بالكوسه والعساكر واقفه ورافضه ده وكل شويه الشهيد يروحوا النيابه ويرجعوا
السؤال دلوقتي حد ممكن يدلنا إزاي نوصل للمخابرات وإزاي نشتكي ونبدأ منين بالضبط وإزاي ؟
وإحنا لنا زمايلنا عساكر برن ييقدروا يتحركوا بس فين بالضبط مش غارفين ؟
هل في إداره المهندسين ولا المخابرات ولا قياده المنطقه الشماليه
حد عنده معلومه مفيده

كويسه قيي فكره الدليل دي كانت رايحه عن بالنا خالص
بس مش عارفين مدي قانونيه ده بالميري
إحنا بنكلم ناس لنا بره يحاولوا يجيبوا لنا معلومات أسرع بس لسه مفيش رد شافي والوقت بيجري


فكره الإعلام دي مرفوضه تماما يا أيات دي فيها محاكمه عسكريه لإنها فضيحه للجيش وكدا ممكن حق زميلنا يروح تحت وطأه عداله القضاء العسكري النزيه
ممكن تساعدينا إنك لو تعرفي حد محامي مختص بالقضاء العسكري وفاهم فيه كويس يقول لنا نبدأ منين صح ويكون تصرفنا ميري
دي أكتر حاجه ممكن تساعدنا دلوقتي


مش قادر أنا بقالي يومين منظر زميلي بعد ما نشفته الكهربا وجسمه أززق قدام عيني طول الوقت

أصعب لحظه لما لنا بنصلي العشا أول إمبارح بعد الحادثه بساعه يالإمام بيدعي ربنا يشفيه وينقذه وإحنا بنقول آمين وأنا عارف إنه مات !

كل اللي قلتيه دا عملته إمبارح والمفريض أهله هيقوموا محامي النهارده
بس المشكله إن أهله ياعيني أغلب من الغلب
صوت أبون في التليفون كان بيقطعني..
دا تاني عسكري يموت في الكتيبه في أقل من ٥ شهورر
إحنا مرمين في الصحرا في مستوي معيشي أقل من حياه الحيوانات وبنتعامل معامله العبيد والله وكله باميري ه والأمر العسقري
للأسف ومكنش نفسي أعرف الحقيقه وأقولها
هوا دا الجيش المصري
مكنش نفسي أقول كدا برضه بس يارتني ما كنت دخلت الجيش
يا خساره الوقت اللي راح من عمري ويا خساره عمري كله إللي ممكن يروج


كلهم طينه وعجينه واحده٠
كلهم كدابين و ميعرفوش ربنا لأن اللي يعرفه يخاف منه
لجنه المخابرات لسه ماشيه من هنا دلوقتي
كلهم بيعرصوا لبعض
إختلفت الرتب والأساليب والملابس بس الهدف ياحد
قانون الأحكام العسكريو قانون محترم جدا لكن ملوش دعوه بالجيش قانين الجيش كله جمله واحده
الكوسه
الجيش لبني ع الظلم
حق زميلكم مش هيروح وأنا بكيت لما عرفت
عارفين ايه هوا الحق ده ؟
التعويض المادي وكوش علي إن فيه صف ضابط وكتيبه مسؤل

أسوأ إحساس ممكن تعيشه الإحساس بااعجز
نفسك تعمل حاجه وكلهم عليل
وقائد كتيبتك واصل ومظبط ومسيطر
حسبي الله ونعم الوكيل
فوضتك يارب لتنتقم لنا
إدعوا لنا نعرف نعمل حاجه

ربنا يعزيكم ويصبركم في الفقيد ويرجعكم لبيوتكم بالسلامة

احب اقول حاجة واحدة : لايضيع حق وراءة مطالب

ألف شكر ياجماعه علي مساندتكم والحمد لله بضغوطنا قدرنا نغير التقرير المزور وشهود جدد راحوا النيابه النهارده تاني بس إشتغلوا من هناك
بس الحمد لله حد من اصحابي بن عمي في المخابرات والموضوع وصل له وربنا يسهل ويعمل حاجه
وأهله إتحركوا النهارده وعملوا شكاوي وفاكسات وربنا موجود

حاسس براحه ضمير وإننا عملنا اللي نقدر نعمله وحققنا حاجه
هما بقي هناك في النيابه دي بقي ربنا يدبر لها
بس أنا ضميري إرتاح لما غيرنا التقرير وزمايلنا راحو يشهدوا من تاني
حاسس إني هعرف أنا وضميري راضي
منمتش بقالي حوالي ٦٠ ساعه
ربنا موجود ودعواتكم ومتشكر أوي مره تانيه