رئيس الجمهوريه الأسلاميه "حدث ولا حرج"

أمبارح فى تمام الساعه التاسعه والنصف سمعت صوت الأذان بصوت عالى جدا !!!
فأستغربت وقولت أنا لسه مصليه العشا من شويه أيه ألى بيأذن دلوقتى !!!!
فخرجت البلكونه عشان أشوف في أيه تخيلوا طلع في أيه؟؟؟؟!!!!!
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
عمرو موسى فى مسيره وقفه قدام بتنا ومعاهم ميكرفون والأذان بيأذن وبعد ما الأذان خلص راجل طلع من العربيه ومسك المكرفون وقعد يقول بصوت عالى الله أكبر النصر لك يا عمرو موسى النصر لك يا رئيس الجمهوريه الأسلاميه!!!!

السؤال بقى دلوقتى ايه علاقه الأذان بحملات المرشحين وأيه علاقه عمرو موسى بالجمهوريه الأسلاميه.

[center]الملوخيه دخلت فى الباميه والكوسه زعلانه والقلقاس معترض وماما ليه زعلانه ما هى ألى غلطانه سابت النمليه مفتوحه شويه هههههههههه وأنا معتش فاهمه حاجه خااااااااااااااااالص

رئيس الجمهوريه الأسلاميه "حدث ولا حرج" 22-4-2012-7-27-3213

اظن ان فرصة عمرو موسي ضعيفة جدا حتي ان يصل الي الاعادة
واظن ايضا ان الاقوي في فرص النجاح

ابو الفتوح وحمدين صباحي واحمد شفيق

"المحشـــي في الكرنب".....

عآأادي خـآلص هذآ اسلوب طبيعي جدا جدا جدا...هذا هو الاذآن...هذآ هو التكبيــر وكأن عمرو موســي فتح
مصــر...نعم وحررهــآأا من المغول او التتآاراو الصليبين..O_o

ده ممكـــن توصــل في يوم يا شيماء انكـ تلقيهم بالاحصنـــه والسيــوف يتظــآهرون وعندمآ تتسألين...
لقــد بايعنـآ "عمــرو موسـي " علي الخــلآفة هع

يعنــي الموضوع مش محتآأج انك تفهميه نهائياً انما يحتــآج لتعــآيش... رئيس الجمهوريه الأسلاميه "حدث ولا حرج" 5fe516e23c3d6768aef0297ac340b9ec

رئيس الجمهوريه الأسلاميه "حدث ولا حرج" 5fe516e23c3d6768aef0297ac340b9ec

بصي أنا اعتقد ان الموضوع ليس له صلــه بعمرو موسي كمرشح محتمل لرئــآسه وانما الموضوع مرتبط بشكل مباشر بالاســلآميين..عفواً.."من لقبوا أنفسهم بالاســلآمين كأن البآأاقي كــفره وليعــآذ بالله"...أقـول هكذآ تعودنا عليهم في طريقتهم لعرض تأيديهم لجها بيعنها او رأيً ما ويزيد علي ذآلكـ أنهم في حــآله كبيرة من الارتبآك بعد انسحاب عم ابو اسمآعيل مش عــآرفين يبقوا مع عم ابو الفتوح ولآ الشيــخ موسـي ولا مين..!!

فيعنـي أرتبآك مع الجنون الطبيعي بتعهم أعتقد أن "الفيــوز ضرب"...ولآحــول ولآ قوة الا بالله العلي العظيم...ْ

أستاذ عماد شكرا لحضرتك ويارب يبقى أبو الفتوح
بنت العرب قلتلك ميت مره أسمها الشبت والبقدونس فى ورق العنب مش المحشى فى الكرنب
أما بالنسبه لما قلتى ففعلا المشكله مش فى عمرو موسى بس المشكله أن كثير من المرشحين بيستغلوا المزاج العام للناس وللأسف بيكذبوا على نفسهم ومش هيقدروا يعملوا الى هما بيتظهروا بيه

هههههههههههههههههههههههه
والله انتو عيال نكتة
ممكن يكون بيعمل كدا علشان يحاول يضحك علي الشعب المصري لانه شعب متدين من ايام الفراعنة لان المصريين القدماء كانو يعتقدو ان الملك خليفة الله في الارض فلتدينه حاول ان يلعب علي ذلك الوتر مثلما لعب الكثير بديكم درس في التاريخ صح كدا ولا ايه ياشيماء

الله الله يا مرووووووووووووووووووووووة.....

ايــه يابنتي الجمآأال ده

ايه يابنتي الادب دا
ههههههههههههههههههههه
هجبتك علشان تعرفي بس مش اي حد

كحكح...

أيـوة ياعم بس والله استنتآج جميل جداً..

هههههههههههه بصراحه جبتوا الديب من ديله أنتوا الأتنين

هههههههههههههههههههه
ماشي يابنت العرب

شوفتي بقي ياشيمو مش اي حد علشان تعرفي بس ان ليكي اختتين ايه معدين

احبائى
مع اطيب تحياتى .. وكل اللى قلتوه صح بس انا مش متفائل .. انا مع انى مسيحى لكن بحب احبائى المسلمين جدا وانا بصراحة خايف على الإسلام بجد
يعنى انا حافظ كل تعاليم الدين الاسلامى الحنيف الرائعة ... ومتأكد ان سيدنا محمد صلى الله عليه وسلم آخر الأنبياء ... يعنى مفيش لا اى إيحاء ولا حتى واحد فى المليون ان حاييجى لا دين بعده او نبى بعده ... وان الله واحد وبنعبده جميعا مع اختلاف بسيط فى العقائد والمذاهب لكن بنحب بعض وبنعبد اله واحد
اللى حصل لو انا حللته ... وانا لما بحلل بحس انى راكب سفينة فضاء وبنظر على كوكب الارض من بعيد .. وتحليلى محايد يعنى بنسى انتمائى وبشوف اللى بيحصل
انا شايف دين جديد داخل علينا .. بيحمل اسم الاسلام عشان مايترفضش من المسلمين .. بس مالوش علاقة بالإسلام بتاتاً
بمعنى ان فى اى دين بيبقى فيه تعاليم والانسان لما بيخالف اى من التعليمات بيبقى خاطىء
بمعنى ان الدين قال لك ماتسرقش لما تسرق يبقى بترتكب خطية وتبقى خاطىء لكن ماخرجتش عن الدين
لكن لما تخالف 90% من التعاليم .. يعنى تكذب وتسرق وتقتل وتكره وتكفر الناس الى آخره هنا تبقى خرجت عن الدين
ولما تستغل الدين لمصالح دنيوية دى مصيبة كبرى وعقابها النار حدف
لن الانسان لما بيموت بيقف يتحاسب فى طابور رئيس الجمهورية والملك مع اقل واحد فى الدولة ... يعنى اللى بيستغل الدين ويشتغل بيه عشان يبقى رئيس جمهورية او رئيس مجلس او وزير ... ساعة الحساب مش فيه طابور او بوابة للجنة بيدخل منها الكبار والوزراء ... مفيش فى الحساب قاعة كبار الزوار ودرجة اولى مكيفة ودرجة ثانية .. ولكن درجة موحدة ..ز يعنى اللى بيكذب ويعمل مصايب ويستغل الدين عشان منصب ساعة الحساب مش حايتحاسب كمنصب ولكن كشخص عادى ويشوفى كشف حساب البلاوى اللى عملها
لما بقول انا حاسس بدين جديد لو فكرتوا فيها ؟؟؟ اولا تحس ان بقى 500 نبى كل واحد بيتكلم عامل نفسو انه نبى والمصيبة ان اتباعه بيصدقوه وممكن يضحوا بارواحهم عشانه .. والحاجة الاخطر الكلمة الغريبة اللى بنسمعها كتير يعنى تنتخب فلان تدخل الجنة ... ايه ياجماعة هى الجنة بقت دريم لاند ؟؟؟ يعنى تلاقى فى كتير من محلات الموبايل معلقين يافطة هنا توجد تذاكر دريم لاند مخفضة ... هل الجنة وصلت للدرجة دى ؟؟؟؟
والاصعب من كدا ان حزبين متطاحنين كل حزب منهم يقول انتخبنى تدخل الجنة يعنى بقت العملية ان فيه جنتين ... زى مافيه دريم لاند وكوكى بارك
ولا حد يطلع يقول عيب الكلام ده تطاول على الله سبحانه وتعالى .. لأن مين اللى بيدخلك الجنة ومين بيدخلك النار ؟؟؟ واحد فقط الله سبحانه وتعالى حتى النبى وأى نبى مايدخلكش الجنة .. النبى ممكن يتشفع لك وممكن حسب اعمالك وخطاياكتكون الشفاعة مقبولة او مش مقبولة
يعنى لو واحد كسر كل قواعد الدين واعاث فى الارض فساداً ده حتى الانبياء ما ينفعش يتشفعوا له
وعيب جدا جدا وحرام جدا جدا يبقى التلاعب بالدين والمشاعر الدينية يبقى هو الموضة اللى ماشية اليومين دول ... لأن بعدين كل واحد حايحس انو إله واللى يعارضه حايبقى بيعارض الله
واتمنى ان كل واحد يتقى ربنا وياخد باله زى ماقلت ان فيه آخرة .. مافيهاش لا درجات ولا مناصب ولا وسايط ولكن حساب عسير
مع اطيب تحياتى

أخي الكريم الأستاذ عادل صموئيل في الدين الإسلامي كل من يخالف الدين فهو مسلم عاص و إن زنا و إن قتل و إن سرق و هناك صغائر و كبائر من ارتكبها لا يحكم عليه بالخروج من الملة و لكن هناك عقوبات توقع عليه أو ما نسميها الحدود و هي الحدود التي هي جزء من مطالب من يطالبون بتطبيق أحكام الشريعة فمن قتل بدون حق يقتل و من سرق تقطع يده بشروط تطبيق الحدود و ليس كل من سرق و قتل تقطع يده أو يقتل و من زنا يرجم حتى الموت لو كان محصناً و يجلد و ينفى عام لو كان غير محصن، جريمة واحدة فقط تستوجب الخروج لمن ارتكبها من الملة و هي جريمة الشرك بالله و لم يتب و يعود و يندم على إقترافه هذا الذنب، قال تعالى ((إن الله لا يغفر أن يشرك به ويغفر ما دون ذلك لمن يشاء)). يعني كل ذنوب البشر يمكن أن يغفرها الله سبحانه وتعالى بمشيئته الإ الشرك فإن مات صاحبه دون توبة منه ففي النار مخلداً فيها و العياذ بالله، و الله أعلم

لذلك فالإسلام أو الدين بصفة عامة ليس حكراً على أحد، كل إنسان مسلم يستطيع أن يؤدي شعائر دينه بالأذان و الصلاة و تلاوة القرآن سواء كان عمرو موسى أو غيره فالإسلام لم يجيء للإخوان و السلفيين فقط ليكونوا الأوصياء عليه و نحن مشاهدون لهم و إذا أدى غيرهم شعائره إنتقدوه.

و لماذا لم ننتقد عبد المنعم أبو الفتوح الذي هاجمه الشيخ محمد عبد المقصود السلفي قائلاً إنه أول من دعى لتدريس قصة أولاد حارتنا في المدارس و التي منعها الأزهر. قائلاً أنا لا أنتخب مشروعاً نصفه إسلامي و النصف الآخر علماني.
خالص تحياتي

محمود فرج كتب:: أخي الكريم الأستاذ عادل صموئيل في الدين الإسلامي كل من يخالف الدين فهو مسلم عاص و إن زنا و إن قتل و إن سرق و هناك صغائر و كبائر من ارتكبها لا يحكم عليه بالخروج من الملة و لكن هناك عقوبات توقع عليه أو ما نسميها الحدود و هي الحدود التي هي جزء من مطالب من يطالبون بتطبيق أحكام الشريعة فمن قتل بدون حق يقتل و من سرق تقطع يده بشروط تطبيق الحدود و ليس كل من سرق و قتل تقطع يده أو يقتل و من زنا يرجم حتى الموت لو كان محصناً و يجلد و ينفى عام لو كان غير محصن، جريمة واحدة فقط تستوجب الخروج لمن ارتكبها من الملة و هي جريمة الشرك بالله و لم يتب و يعود و يندم على إقترافه هذا الذنب، قال تعالى ((إن الله لا يغفر أن يشرك به ويغفر ما دون ذلك لمن يشاء)). يعني كل ذنوب البشر يمكن أن يغفرها الله سبحانه وتعالى بمشيئته الإ الشرك فإن مات صاحبه دون توبة منه ففي النار مخلداً فيها و العياذ بالله، و الله أعلم

لذلك فالإسلام أو الدين بصفة عامة ليس حكراً على أحد، كل إنسان مسلم يستطيع أن يؤدي شعائر دينه بالأذان و الصلاة و تلاوة القرآن سواء كان عمرو موسى أو غيره فالإسلام لم يجيء للإخوان و السلفيين فقط ليكونوا الأوصياء عليه و نحن مشاهدون لهم و إذا أدى غيرهم شعائره إنتقدوه.

و لماذا لم ننتقد عبد المنعم أبو الفتوح الذي هاجمه الشيخ محمد عبد المقصود السلفي قائلاً إنه أول من دعى لتدريس قصة أولاد حارتنا في المدارس و التي منعها الأزهر. قائلاً أنا لا أنتخب مشروعاً نصفه إسلامي و النصف الآخر علماني.
خالص تحياتي

أستاذ محمود كل ألى حضرتك قولته صحيح وأنت أعلم منى بشئون الدين طبعا لكن أنا لما نزلت الموضوع وأكيد كان واضح من تعقيبى على بنت العرب أنى قصدت أقول أن هناك من يستغل المزاج العام للناس دون أقتناع بمعنى أن لو ده كان بيحصل والمزاج العام للناس مع الليبرالين مش الأسلامين هل كان عمرو موسى هيعمل كده أو كانوا هيقولوا عليه رئيس الجمهوريه الاسلاميه أعتقد "لا" أنا نفسى ان كل مرشح يظهر القناع الحقيقى ليه ويظهر أقتناعه الشخصى بكل صراحه مش تخفى وراء أقنعه مزيفه

أما بالنسبه لقصه ولاد حرتنا فدى بقى السر يا استاذ محمود ألى مخلينا متمسكين بأبو الفتوح

ده هو السر اللي مخلينا معجب بأفكارك أستاذه شيماء ... و يمكن أنا ذكرت إعجابي هذا في تعليق على موضوع آخر ... عموماً أختي شيماء علينا أن نعلم أن عمرو موسى مسلم يصلي و يصوم و له أن يستغل شعائر الدين كما يستغلها أبو الفتوح او غيره ... و ماذا نقول عن أبو الفتوح هذا المرشح الإسلامي الخارج من عباءة الإخوان المسلمين الذي سوف تدعمه حملته بمهرجان غنائي حاشد مساء الجمعة القادمة باستاد القاهرة؟

الجمعة.. مهرجان غنائى حاشد لدعم "أبو الفتوح رئيساً" باستاد القاهرة
اليوم السابع – منذ 16 ساعةً ( المصدر موقع ياهوو )

تنظم الحملة الرسمية لدعم الدكتور عبد المنعم أبو الفتوح، المرشح لرئاسة الجمهورية، مهرجاناً لدعم مرشحهم تحت عنوان "مهرجان مصر القوية"، وذلك مساء الجمعة القادمة، باستاد القاهرة الدولى، فى حضور عدد كبير من الشخصيات العامة.

ومن المقرر إقامة حفل غنائى للمطرب حمزة نمرة، حيث يعد المهرجان أكبر الفعاليات الدعائية لدعم أبو الفتوح، والتى سيشارك فيها حشد كبير من أنصاره.

هل أبو الفتوح يستغل شعائر العلمانية لإقناع العلمانيين لعلمانيته أم شعائر الإسلام لأسلمته؟

على فكره الحل في حمدين صباحي إبن الثورة ... الرجل الصادق الأحاسيس المنحاز للوطن و المواطن و المناضل من أجل العدالة الإجتماعية طاهر اليد و الذي لا تشوبه شائبة.
لا أبو الفتوح و لا عمرو موسى.
خالص تحياتي

الأغنيه دى أهداء لحضرتك يا استاذ محمود

» قرار رقم ( 1 ) لرئيس الجمهوريه
» السيد رئيس الجمهورية ....
» شعب بدون رئيس
» من هو رئيس مصر القادم
» ما هي مواصفات رئيس الجمهورية