هل منى الشاذلى بتأيد عمر سليمان ؟؟؟

حد قريب منى قابلنى النهارده ، لقيته بيقول لى(وهو يعرف أننى من معجبى أ/ منى ) :

ينفع منى الشاذلى تكون من الإعلاميين الموقعين على البيان اللى بيطالب عمر سليمان بالترشح للرئاسه ؟؟؟ !!!

لسه هقوله لأ طبعاً مستحيل مسكت نفسى على أخر لحظة وقلت له جبت الكلام ده منين ؟

قالى واحد صاحبى هوا اللى قال لى إنه متشير ع النت

فين ؟

قال لى بصراحه مش فاكر

طب إنت متأكد من الخبر ده ؟

قال شبه متأكد

قلت له أنا بستبعد ده تماماً لكن ياريت تجيب لى لينك بالخبر ده ع الفيس

قال لى يا عالم زميلى ده لسه فاكر الرابط ولا لأ

قلت له يبقى مش هصدق غير لما أشوف بنفسى

خلص الكلام على كدا ، لكن أنا الكلام عمال يروح ويجى فى دماغى من وقتها

أنا بقى عاوز أسأل ، حد فيكم شاف حاجه زى كدا ؟؟؟

أو فيه إشاعه طلعت بحاجه زى كدا وطلعت كذب فى الأخر ؟

Question

أه فى وثيقه انتشرت على الفيس كان موقع عليها اكثر من 40 شخصيه عامه من الكتاب والصحفين والاعلامين وغيرهم الوثيقه دى تضمن طلب منهم للسيد عمر سليمان بالترشح لأنقاذ مصر من الأسلامين .... فعلا الوثيقه كانت منتشره على الفيس

لكن لم يكن من ضمن الموقعين منى الشاذلى والأهم أن هناك أحتماليه كبيره أن تكون هذه الوثيقه مفبركه أولا لأن التواقيع أى فيها مكتوبه عادى مش توقيه فورمه ازار يعنى كده مثلا "شيماء خفاجه" مش توقيع الفورمه فبالتالى كده سهل أن أى حد يكتب الوثيقه دى ويكتب أى اسم يخطر على باله
ثانيا ان هناك أسماء كانت فى الوثيقه مستبعد جدا جدا أن تكون مع عمر سليمان كا "عبد الرحمن يوسف" الذى اعلن دعمه مسبقا لأبو الفتوح .

ربما وبنسبه كبيره تكون تلك الوثيقه مفبركه يا استاذ محمود

ممكن صورة الوثيقه يا شيماء لو ممكن

وهل تم تكذيب ما بها من قبل الأشخاص الذين ذكرت أسمائهم فيها

وبالنسبة للتوقيع بدون فورمه عادى ما دام بخط ايد الشخص ، ودا

اللى بيحصل فى الغالب بالنسبة للتوقيعات الكتير فى رفع تظلم أو

شكوى أو ما شابه ، دا دائماً ما يرتبط بالتوقيعات اللى فيها ناس كتير

بس دا مش معناه إنى مصدق إنها حقيقيه ، لأ المقصد إن دا مش دليل

نفى أبداً إلا إذا كان بقى الخط واحد فى كل الأسماء يبقى اللى بيزور

حماااااااااااااااااااااار ، والله أعلم

أولا الوثيقه لم يكن التوقيع فيها بخط اليد كان مطبوع
ثانيا بالفعل عدد كبير من ألى اسمائهم موجوده نفوا ذلك
ثالثا دى الورقه المنشوره على الفيس

متشكر جداً يا شيبماء

والحمد لله الموضوع شكله فبركه فعلاً

Mahmoud.Abdalkarim كتب:: متشكر جداً يا شيبماء

والحمد لله الموضوع شكله فبركه فعلاً

العفو يا فندم أى خدمه

» منى الشاذلى:ماسبب سرعةالتحقيقات مع ابراهيم سليمان..فيديو
» عااااااااجل : التحقيق مع منى الشاذلى فى قضية إهانة القضاة . و بالصور و الفيديو صرف منى الشاذلى من دار القضاء العالى بعد الاستماع لأقوالها
» منى الشاذلى ..عاشقة بمليون دولار .. منى الشاذلى ظاهرة تجتاح المجال الإعلامى .. لماذا اصبحت هذه المحاورة طفرة فى الاعلام التلفزيونى ...؟؟؟؟
» اعتذار منى الشاذلى
» هل منى الشاذلى عضو بالموقع