رساله إلي الرئيس

أكتب رسالتك إلي الرئيس محمد مرسي .....

لقد اخترناك وان لم نكن نراك افضل ما نتمناه ولكن لا يعنى ذلك انك معك تفويض مطلق
فان اصبت سنعينك و ان اخطات قومناك وان اسات فالعزل واجب
اخترناك ولا يعنى ذلك اننا لن نعارضك فنحن ننتظر منك الكثير وان لم تفعل ما وعدت به سنكون معارضيك
استقم يرحمك الله

انا بجد مستغربة الشخص دا سبحان الله حاسة ان ربنا كان موفقه اوووووووووووي
نزل قبل الانتخابات بحاولي شهر وحاصل علي المركز الاول في الجولة الاولي وكذلك في التانية
عارفين دا لية لانه مطلبهاش دخلها بناء علي طلب من الحزب ودا في حديث عن الرسول صلي الله
علي وسلم فيما معناه ان الشخص اللي مبيطلبش الحكم ربنا بيعنه علي الحكم لاكن اللي بيطلبها
بتبقي تبع قدراته ربنا يعينه بجد ويصبره
لان البلد فعلا تحت الصفر هقولة متخيبش امل كل المصريين اللي انتخبوك و اللي فرحوا من قلبهم انك كسبت
ربنا يعينك

أستاذه/tnlbon
مروه
أ/ خالد
أشكرمشاركتكم ، وأنا عاوز أقوله رسالتي في جمله واحده :
لقد دفعنا ثمنا كأغلي ما يكون كي تكون أنت في موضعك وعليه فعليكم نعول كثيرا ، فاستقم كما أردنا وإلا ...
إنتهي .

أعلم أن هناك 12 مليون مصرى صوتوا لشفيق وهناك أكثر من 25 مليون أنقطعوا عن التصويت وأكيدهناك عدد لا بأس به من الذين ليس لهم حق التصويت لم يكنوا يريدوك لذلك أعمل جاهدا لكى تقلص هذا العدد ولك تثيت أنك الأختيار الصحيح.

رساله إلي الرئيس 539375_496926506990851_1386130150_n

رساله إلي الرئيس 539375_496926506990851_1386130150_n

احباىئى
طبعا ماليش تعليق على كل كلامك غير حاجة واحدة
يعنى فيه كلمة حلوة انا سمعتها احب انكم تتعلموها كلمة ذاكرة السمك السمك بيختلف عن باقى المخلوقات انو بينسى اى حاجة بعد دقيقة
احنا كانت اكبر مشكلة عدنا فى العهد البائد الرئيس المرتبط بحاجة يعنى المرتبط بحزب بيبقى الحزب عندو فوق كل شىء
او الرئيس رجل الاعمال اللى شركاته واعماله عنده اهم من كل شىء
والرئيس اللى حواليه شلة منحرفة بتحركه .. ويبقى كويس فى الاول بعدين الشلة اللى بتقوده للإنحراف عشان يسرقوا
والرئيس اللى مراتو بتحشر نفسها فى الحكم يعنى مش تكتفى زى مرات انور السادات بالأعمال النسائية والخيرية ولكن بتلعب فى السياسة
يعنى اول حاجة نتفادى اللى فات
اهم حاجة ان الرئيس يستقيل من الحزب ومن الجماعة ... هى صعبة شوية بس دى اهم حاجة ,, لأن الجماعة كام مليون .. ومصر كام مليون
والرئيس لازم يبقى رئيس كل المصريين بالتساوى
ومن اخطر الحاجات زى ما انتم قلتم اللى انتخبه 21 ملليون من 90 مليون يعنى باقى الشعب مترقب حايعمل ايه .. والله لو اكرمهم حايجبوه
لأن المصريين ناس طيبين محتاجين اولا الكرامة ثانيا الديمقراطية ثالثا الحياة الكرريمة
كمان من الحاجات الخطيرة الحاسية اللى حوالين الرئيس
يعنى احمد عز ( ربنا يسامحه ) مرة طلع مش يتكلم عن الفقر ولكن بيتكلم عن العربيات الفاخرة واللى بتتعدى نص مليون جنيه .. والفيلات الحديثة الرهيبة الاسعار والمددن اللىزى الفور سيزونز واللى الفيلا بتوصل فيها ل 15 مليون .. وقعد يقول شوفوا كام فيلا وكام عربية الناس اشتروها السنة دى وده بيبن ان الناس كلهم اغنيا ومبسطوين ... اتكلم عن اقل من نصف % من الشعب ... ماجابش سيرة ان فيه 40% من الشعب تحت خط الفقر ومنهم كتير مايقدروش ياكلوا ال 3 وجبات الافطار والغداء والعشاء ومبارك واخد اجازة فى شرم الشيخ 11 شهر فى السنة ماعندوش فكرة عن اللى بيحصل فى البلد
لدرجة ان الدش بتاعه الخصوصى اللى بيتفرج عليه كانوا محددين له قنوات محددة بيتفرج عليها ... يعنى القنوات الشريرة اللى زى دريم تو
اللى بتجيب العشوائيات والناس الجعانة كانت مش على الريسيفر بتاعه ... كان ببيشوف القنوات اللى بتركز ع الزمالك و6 اكتوير وفيلات التجمع الخامس
طبعا الرئيس ربنا يعينه يعنى قدامه بلاوى تهد جبل وحايبتدى من الصفر ... لأنه اول حاكم يستلم مصر متبهدله من كله
واخطر مشكلة فى نظرى الانهايار الاخلاقى وتحطيم القوانين والتفرق بين فئات الشعب
ربنا معاه مع اطيب تحياتى

فعلآ ربنا معاه

رساله إلي الرئيس 13408140371

[URL="http://www.qzal.net"][/URL]

شيماء ، أ/عادل
شكرا جزيلا للمشاركه وخلينا نقول ربنا يعينه ويوفقه ، ياااارب

رساله الى السيد رئيس الجمهوريه
انا عايزة والدة خالد سعيد تنام مستريحة

وامهات الشهداء كلهم مش والدة خالد سعيد بس

اكيد يا مروة

» سيدى الرئيس عفوا لقد اوشك رصيدكم على النفاذ "رساله الى الحاكم"
» رساله معبره جداااا و جميله جداااااااااا....
» رساله إلى أوباما..........
» رساله واضحه إلى عزيز
» رساله شكر وتقدير مستحقه