هذا ما كنت أتمناه

تعليقى الوحيد على أول حلقه من برنامج "هذا ما كنت أتمناه "

وأنت تعليقك أيه؟؟؟؟

عايزه راي بصراحه يا شيماء احنا بنحب مني و علشان كده اي حاجه بتعملها بنحبها و خصوصا بعد غيبه طويله و لكن لا نستطيع ان ننكر ان مني غيرت كتير من اسلوب العاشره وان كانت هناك بعض الاخطاء زي ما قالت هي نفسها في الحلقه الاولي لكن نستطيع التقييم بجد فيما بعد و انا استشعر ان شاء الله خيرا يا رب تحياتي

مع اطلالة السيدة منى الشاذلى فى برنامجها الجديد جملة مفيدة شعرنا ان هناك بالفعل جملة مفيدة يتم صياغتها على الشاشة الصغيرة وان الروح بدأت تعود للشاشة من جديد

أستاذنا العزيز روثمان وأستاذ محمد رمضان أشكركم جدا وأحترم رأيكم جدا وأكيد نتفق جمعيا ان هناك اختلاف مابين العاشره مساء وجمله مفيده انا ما كنا نطالب به ونتمناه فى العاشره مساء سيحدث فى جمله مفيده اهمها مثلا التواصل مع الناس عبر النت وغيره .

هذا ما صدمت لرؤيته ؟!

بعد حمله الإعلان الضخمه عن البرنامج وفكرته الجديده بصراحه مش شايف أى جديد !!!

ومش عجبانى خالص فكرة الجمهور دى وكل شويه يصقفوا ع الفاشى والمليان

ومش لاقى الفقرة الخبريه فى البرنامج خالص

وكمان الإخراج وحش جداً جداً جداً

واللى عجبنى فى البرنامج بصراحه موسيقى التتر بتاعته رائعه جداً

وكمان فكرة بعث الأمل من جديد وإحياء روح التفاؤل عجبانى أوى بس

حاسس إن الإسلوب مش مناسب خالص

ده بصراحه إنطباعى الأولى وجايز مع الأيام يكون فيه جديد وأقدر أحكم على

فكرة البرنامج الجديدة بشكل أفضل

الإنصاف يقتضى إنى أقول رأيى بصراحه وزعلان جداً إن ده مستوى

البرنامج الجديد اللى أستاذه منى بتقدمه وكان نفسى يكون أفضل من كدا

لأنها تستاهل أحسن من كدا ، مستواها يجيب أحسن من كدا

خلاص ما أنا تراجعت عن هذا ما كنت اتمناه بعد حلقه امبارح الى طلعت ملهاش علاقه بألى اتقال فى الحلقه الأولى

انا عايزة استفيد من تعليق ا\ محمود وشيماء

ايه رائيكم نعمل استطلاع يومي عن جودة الحلقات ؟؟

ويتنشر علي الصفحة الرسمية للموقع ؟

ياريت والله بس ميبقاش نسب بس يعنى يتاح انى اعطى نسبه وكمان اعبر بالكلام

حلو برده

بقية الاراء ايه ؟

أنا معاكم وموافق ومؤيد لإضافه شيماء إنه يكون فيه تعليق بالكتابه بجانب نسب التصويت

طيب ده شئ جميل جدا بس انا لي تعديل بسيط انه اسباب تدني النسبه او ارتفاعها زي ما كتب الاستاذ Mahmoud.Abdalkarim
مثلا 1- القصور في أ- وجود جمهور بلا فائده ب - الجمله الخبريه منعدمه و هاكذ ا 2 - الايجابيات أ - موسيقي التتر رائعه ب - احياء روح التفائل و ها كذا بمعني تحديد الصالح و الطالع مش تعليق لتن التعليقات علي الحلقات ليه قسم مخصص اصلا في المنتدي الكريم و شكرا

ودى الى انا قصدته اننا نعبر بالكلام عن ايجابيات وسلبيات اقول انا ليه اديت النسبه دى

تمام يا ست الكل يبقي احنا متفقين تحياتي