منى الشاذلى فاجاءت الجميع

فى العاشرة من مساء امس الموافق 10/11/2012
نعم 10/11/12 تزامن مع بدء وانطلاقة جملة مفيدة للاعلامية منى الشاذلى
والتى اكدت من خلالة ان سيكون مصنعا للامل الصلب المنبى على حقائق ورؤى
كما اكدت الاعلامية الكبيرة انها ستقدم فى هذا البرنامج كل ما يحتاجه الناس
واول هذه الحوائج الوضوح والصراحة وهذا ما اعتدناه من الاعلامية الكبيرة
كما اكدت منى على التواصل مع جمهورها العريق من خلال Social Media
ولا اعرف الى اى مدى مواقعنا سيحظى باهتمام الشاذلية ام لا خصوصا
انه يوجد صفحة رسمية للبرنامج على الفيس بوك تحمل اسم GomlaMofeeda
ولكن بغض النظر سنتفاعل مع مواقعنا ومع البرنامج
واول تفاعل عقب انتهاء البرنامج فاخذ على البرنامج الاضاءة والديكور يغلب عليهما الغمقة
صحيح انا اعلم ان الاستاذة منى لاتحب الاضاءة الكثيفة
ما هو الشئ اللى تفاجئت به فى البرنامج ؟
gomalmofeeda

اولا صديقي العزيز او الابن العزيز شكرا لحضرتك علي ملاحظاتك بس عايز ارد علي حضرتك في موضوع ( ماذا عن مواقعنا ) و هو ان يكون للبرنامج موقع تواصل علي الفيس بوك و التويتر هو شيئ جديد و لكن اعتقد انه لن يكون مميزا فهو سيكون مثل ما هو موجود لعديد من البرامج الاخري التي ترد عليها بكلمه سريعه و ربما بلا اهميه تذكر مجرد تواصل بدون فائده و لكن في موقعنا هنا نحن نتناقش و نعرض و نتامل و الجميع اجتمع في اسره و احده و مميزه اعتقد اننا الافضل دائما و مميزون اكثر تحياتي

نحن كنا وبقينا وسنبقى الأفضل ..... والأيام القادمه ستثبت

نعم استاذ روثمان واستاذة شيماء اننا الافضل ونتميز عن غيرنا
لكن يجب علينا ان نحافظ على هذا النجاح

ان شاء الله بالاعضاء المتميزون لهذا المنتدي الجميل سيتواصل النجاح و سنظل ان شاء الله بمجهود الاعضاء الكرام سيستمر النجاح كل بقدر استطاعته تحياتي

هينجح ان شاء الله بس لازم كلنا نبادر وأنا هكون أول من يبادر أن شاء الله

استاذ احمد الاجابة في السؤال نفسه

صفحة للبرنامج

الموقع موقع استاذة مني اينما ذهب وبتاريخها الماضي والحاضر والمستقبلي

اي الموقع أعم وأشمل

بالاضافة الي الخطوات المستقبلية الخاصة بنا باذن الله والتي لم يأتي المجال للحديث عنها علي العامة الان

مع تحياتي للجميع

هو ده الشغل
واضح ان هيكون فيه مفاجاءت سارة ان شاء الله
مزيد من التفوق لموقعنا

بالتوفيق ان شاء الله ..

عندى إقتراح هقوله وقبوله أو رفضه متاح بالطبع

يتغير إسم الموقع إلى موقع محبى ومتابعى الإعلاميه منى الشاذلى

ومنى الشاذلى وبس علشان لما تغير البرنامج تانى يبقى إسم الموقع كما هو

وكمان علشان غالباً من يوم ورايح كل برنامج هيكون له موقع أو حساب ع الفيس

وإقتراح أخر وهو أن يكون الجرافيك والتصميم خاصه الموقع مستقل عن ديكور البرنامج

أى يكون للموقع بصمته الخاصه وليس تابع لديكور البرنامج ، دا رأى شخصى قد يتفق أو يختلف معه الأعضاء والإدارة

يتغير إسم الموقع إلى موقع محبى ومتابعى الإعلاميه منى الشاذلى

فى ناس مسمين نفس الأسم ده

وإقتراح أخر وهو أن يكون الجرافيك والتصميم خاصه الموقع مستقل عن ديكور البرنامج

مش موافقه لأن المشاهد مرتبط بالشكل الى بيشوفه فى التيلفزيون يعنى هو ميال اكتر لديكور البرنامج فالجرافيك االشبيه ببتاع البرنامج نقطه جذب للناس

shaymaa kafaga كتب:: يتغير إسم الموقع إلى موقع محبى ومتابعى الإعلاميه منى الشاذلى

فى ناس مسمين نفس الأسم ده

وإقتراح أخر وهو أن يكون الجرافيك والتصميم خاصه الموقع مستقل عن ديكور البرنامج

مش موافقه لأن المشاهد مرتبط بالشكل الى بيشوفه فى التيلفزيون يعنى هو ميال اكتر لديكور البرنامج فالجرافيك االشبيه ببتاع البرنامج نقطه جذب للناس

1. بس ده الواقع الحالى فعلاً دلوقتى

2. وجهه نظــــــــــــــــــرك وتحترم

استاذ Mahmoud.Abdalkarimاولا انا بحي حضرتك جدا ووجهه نظر حضرتك انا فكرت فيها من قبل و عارف ان حضرتك بتقول الراي ده من منطلق حرصك علي موقنا هذا في الاستمرار و الانتشار وخصوصا بعد تصريحات مني الشاذلي بالحلقه الثانيه من جمله مفيده و كذلك من وجود موقع مثل موقع ام بي سي بامكانياته و علشان كده انا عارف ليه حضرتك بتقول الكلام ده دلوقت ثانيا انا في راي الشخصي ان المشكله مش في الاسم اطلاقا لان زي ما بتقول شيماء ان يوجد اسم لاقتراح حضرتك برضه في اسم لنفس البرنامج و اسم لمني الشاذلي في كثير من المواقع بمختلف انواعها و علشان كده بقول الاسم مش مشكله و لكن المشكله الحقيقيه في ماذا يقدم الموقع ده عن الاخر و مدي قدرته علي الجذب و يجد فيه ما يستمتع بيه و يفضله هذه هي القضيه المهمه و الاساسيه و مقدار تنوع الموضوعات المعروضه به و لهذا انا استغربت جدا لما لقيت موضوعات في الموقع نقلا عن موقع أم بي سي يعني بقول للاعضاء انا بنقل من موقع منافس او بمعني اخر انا بقدم الي بيقدمه الموقع الاخر و هو ده من وجهه نظري الشخصيه الخطاء ممكن تختلف معايا او تتفق لكن دي و جهه نظري بمعني انا ممكن انقل خبر عن طريق مثلا الاهرام او اليوم السابع او اي مواقع اخري غير مشابهه ليكون موقعي شامل و مجمع لاخبار كثيره لكن موقع زي بالظبط ده شئ مش منطقي يعني بقول للاعضاء روحوا شوفوا لموقع ده عموما زي ما قلت لحضرتك المشكله الكبري في الاستمرار و النجاح هو ما يستطيع ان يقدمه الاعضاء لمستخدمي الموقع و اخيرا اسف للاطاله و شكرا لحضرتك تحياتي

أتفق مع حضرتك يا أستاذ روثمان وخصوصا فى ثانيا لأنها مهمه جدا اى كان حتى لو معندناش أمكانيات تقنيه لعمل الموضوعات احنا المفروض منقلش من موقع mbc

ياستاذ محمود مهو موقعنا اسمة موقع الاعلامية منى الشاذلى وشيماء واستاذ روثمان وضحو دة
وبعدين مش هانختلف على الاسم لان المصدقية والحقيقة هم من يحققا النجاح
والنجاح هو الذى يصنع اسما
ويمكن تاكيد مدام منى على عدم وجود مواقع اخرى يعنى لنا النجاح لان مواقعنا الاول فى البحث على جوجل فى معرفة الاخبار عن منى الشاذلى
هناك نقطة اخرى فاذا كان هذا المنتدى يشمل 70%من الاخبار عن منى الشاذلى وبرنمجها
مش عازين نناسى ان هناك 30%من الاخبار الاخرى علينا ان نهتم بها ايضا
لان ببساطة مفهوم الاعلام هو اعلام المشاهد بكل ما يحدث على الشاشة
ونحنو فى هذا المنتدى علينا ان نعلم القارئ بكل شئ يحدث من حولة

يا جماعه رأيكم على عينى وعلى رأسى من فوق لكن أنا شايف إن العنوان مهم جداً

قبل ما أ/ منى تعلن عن المواقع والحسابات الرسميه لبرنامجها كان فعلاً الموقع ده الأول

الأول من حيث المحتوى وبالتالى أى حد بيبحث عن منى الشاذلى او العاشرة مساءً بيدخل هنا

مباشرة ، أنا شخصياً دخلت الموقع ده عن طريق جوجل ، طيب ده كان فى السابق عندما لم يكن

هناك أيه حسابات رسميه للبرنامج ، طب دلوقتى بأه فيه حسابات وموقع رسمى ، وبغض النظر بأه

عن المحتوى والمجهود المبذول فى موقعنا قياساً بالموقع الرسمى بس هو اسمه رسمى ودى حقيقه

ما هو التقنين الحالى لموقعنا ؟

ما هو التوصيف الدقيق له ؟

برنامج جمله مفيده أصبح له موقع وحسابات رسميه ، أ/ منى قالت ملهاش أى مواقع أو حسابات شخصيه

طيب يبقى دلوقتى إحنا أيه ؟

ده السؤال اللى مش أنا بسأله ، ده السؤال اللى الباحث فى جوجل هيسأله لنفسه وبالتالى هينحينا جانباً على الرغم

من دسامه المعروض لدينا ببساطه لأننها غير رسميين ، إذن عنوان الموقع بالشكل والتوصيف ده هيخلى الباحث

فى تشكك من ناحيه موقعنا (وله الحق) وأنا بقول كدا علشان أنا لو مكانه هعمل كدا ، علشان كدا أنا بقول نغير

أو بالأصح نقنن لموقعنا وضعه وعنوانه الصحيح ، اللى لما الباحث يشوفه ميحطوش مع موقع البرنامج الرسمى

فى مقارنه ده الحقيقى ولا ده ؟

لأ يصنفنا إننا مش فى مقارنه مع الموقع الرسمى وبالتالى هو هيشوفنا فى وضع مماثل وليس منافس (أعنى بمنافس منافس فى
الكينونه أما المنافسه فى المحتوى فهى شىء أخر مطلوب)

إزاى ؟

أنا إقترحت إسم موقع محبى منى الشاذلى على أساس لما الباحث يدور على منى الشاذلى ويلاقى موقنا ده بعنوانه ده فبكدا

هيعرف إن ده موقع منى الشاذلى فانز وليس الموقع الرسمى وبالتالى بكدا هنكون فى وضع مماثل مش منافس ، الفرق واضح

إنتوا قلتوا فيه موقع موجود بالإسم ده

أنا عندى إقتراح تانى ، نحول الموقع ، بمعنى إننا نسميه منتدى الإعلاميه منى الشاذلى وطبعاً المحتوى ثابت لأنه بالفعل

منتدى ، وجرب وحط نفسك كدا مكان الباحث هتلاقى فيه فرق كبير بين البحث على الوضع الحالى أو البحث على الوضع المقترح

جوجل سيرش ــــــــ > منى الشاذلى

النتائج :

موقع برنامج جمله مفيده للإعلاميه منى الشاذلى

موقع محبى الإعلاميه منى الشاذلى

منتدى الإعلاميه منى الشاذلى

ايه رأيكم ؟

لو إنته كباحث على جوجل وطلعت لك النتائج دى ، أعتقد إن توصيف موقعنا أصبح واضح ومميز وصحيح

جايز دلوقتى لما يجى حد يبحث موقنا هيطلع رقم واحد فى البحث على إنه الموقع الرسمى لكن مش دى الحقيقه

الحقيقه إنه الموقع الأصلى لكنه فى الوقت الحالى مش الرسمى ، علشان كدا أنا بقترح منتدى الإعلاميه منى الشاذلى

مش منى الشاذلى وبرنامج جمله مفيده ، لأ نركز على الأصل اللى جمعنا ، الحقيقه إنها منى الشاذلى مش البرنامج

وإلا كنا فضلنا مع العاشرة مساءً

دى وجهة نظرى إنه لازم يتم تقنين وتوضيح كينونه الموقع حتى لو كان هو الأشهر دلوقتى ، إحترامنا لتجمعنا ده

أعتقد يفرض علينا تقنين وتوصيف دقيق للموقع فى ظل المعطيات الجديدة ، ووجهة نظرى دى نابعه من حرصى وإهتمامى

بالموقع وأعضائه المتميزين وإلا مكنتش هشغل بالى ، أنا بحط نفسى مكان الطرف الأخر ، مكان الباحث وعليه طلعت بوجهه

نظرى دى ، إنه لازم يتم تحديد وصف موقنا بدقه من خلال عنوانه لأنه العنوان هوا اللى بيوصل الإنطباع الأول لدى الباحث

معرفش وجهه نظر حضراتكم ايه مش بخصوص المقترح بتاع المسمى التانى (المنتدى) ، لأ ده ممكن توافقوا عليه او ترفضوه

عادى ، دى حاجه ممكن نتناقش فيها وممكن حد يكون عنده إقتراح أفضل ، لأ أنا أقصد من حيث المبدأ فكرة تقنين وضع الموقع ؟؟؟

» منى الشاذلى اقوى من الجميع
» عااااااااجل : التحقيق مع منى الشاذلى فى قضية إهانة القضاة . و بالصور و الفيديو صرف منى الشاذلى من دار القضاء العالى بعد الاستماع لأقوالها
» منى الشاذلى ..عاشقة بمليون دولار .. منى الشاذلى ظاهرة تجتاح المجال الإعلامى .. لماذا اصبحت هذه المحاورة طفرة فى الاعلام التلفزيونى ...؟؟؟؟
» مصر فوق الجميع
» الادارة الي الجميع