طيب يا ايات رغم اني مختلف معاك في المواضيع المنقوله من ام بي سي فانا ايضا مختلف مع مني الشاذلي فيما تقوله او منسوب اليها من انه احذر ان يكون جارك ارهابيا و سبب ذلك اننا نحن في مصر و خصوصا في المناطق الشعبيه كل الناس بتعرف بعض كويس جدا و الجيران عارفين بعض كويس زي ما في الحلقه كل الاهالي الي جابتهم عارفين بعض من 30 سنه و اكثر طبعا هنقولبلي طيب اذاي ده حصل اقولك ان المشكله في الشقق المفروشه التي تؤجر وللاسف فيه قانون ينظم الشقق المفروشه لكن زي حياتنا الي ماشيه اخر لخبطه برضه القانون و تاجير الشقق اخر لخبطه لان المفروض لما يتم تاجير شقه طبقا للقانون لازم يتم التبليغ عنها لعده جهات من ضمنها الشرطه علشان تتحري عنها و يتم متابعتها من الحي و الضرائب و العديد من الجهات لاسباب كثيره لا داعي لذكرها الان ولكن هذا لا يحدث و هو تقصير مش من الجار و لكن من الجهات المعنيه بالدوله و كنت افضل ان يكون النداء لو جارك بياجر شقته مفروشه فبلغ انت عنه للجهات المعنيه و ده هيمنع بلاوي كتير و يفيد الدوله في اشياء كثيره و انا مش هطول عليك في الموضوع لكن ارجو ان تكون الفكره و صلت تحياتي
النوع
موضوع: مني الشاذلي ... احذر قد يكون جارك ارهابيا ! 
الثلاثاء نوفمبر 13, 2012 5:33 pm
