قصيدة شعرية عن الثورة

ما تفرحيش
*********
ما تفرحيش يابنت وزغرتي
بكرة ها يبان المستخبي وتزعلي
وتقولي ياريت اللي حصل ما كان وتندمي
وبصراخك وأهاتك ودموعك ها تهللي
مش راح ترجعي اللي فات وتفرحي
خدعوكي لما قالوا
ثورة يناير دي مش ثورتك
وضربوكي باالرجل والعصا
وعروكي من عبايا كانت بتسترك
وسحلوكي علي أرض طاهرة
وحنوا إيدهم بدمك وبجلد بشرتك
وقالوا عليكي عاهرة
وأتهموكي في عرضك
وفضحوكي في جامعتك
ما تاخديش في بالك من الكذابين
وتقولي إن ده مش راح يهمك
ولا يرجعلك سمعتك
دانتي شرفنا الغالي
اللي بنتباها بيه في العالم
وننشرفيه قصتك
وأحضنك برموش عيوني
وبدموعي أرسم علي قلبي بسمتك
وأصرخ وأقول يا مصري يا أصيل
دي أختي وأختك وبنتي وبنتك وامي وأمك
يا أبن التربة السمرا ومية النيل
أفتح صدرك لرصاص الخسيس ولا يهمك
وعيش لحظة وأنته فيها بطل نبيل
وما يقلوش عليك رجعت في كلمتك
دي ثورة 25 يناير ثورتك
أنت والشباب المصري الأصيل أبني وأبن حتتك
أنتوا الأمل اللي ضاع من عمرنا
في رغيف عيش مرسومة علية ضحكتك
صحيتوا فينا النخوة والهمة
ومعدناش نخاف السجون
ولا حتي كلمة أمن دولة
وأنتي يا اللي مش فرحانة
وتايه في الزحمة
بكرة يبقي أحلي وأحلي
وتاخدي حققك من اللي سرقوا ثورتك
بزيت وسكر وكلمة
ويرجع صوتك يعلي
ويجمع الثوار في لحظة
وتكتبوا في التاريخ
إن ثورتكم أعظم ثورة
وتفرحوا لما يرحل
اللي سرقوامنكم ثورتكم بكذبة
وربنا ينتقم من اللي ظلموكم وعيشوكم في الضلمة
وما تزعليش وما تندميش
يا بنت علي حبيبك شهيد الثورة
اللي ضحي بشبابة وروحة علشان غيرة يعيش
في أحلي وأغلي وطن بكرامة وفرحة

تمت،،،،،،،،،
بقلم : علم الدين سليم
السعودية /جده
ت/00966508798527