كانت مصر .. وبقو مصرين ..
حرب وقايدة على الجانبين ..
كل فريق الحق معاه ..
عادي يكون عندنا حقين
بعد الثورة ممكن جدا ..
إن القاتل والمقتول يطلعوا أخين
ممكن تمشي تلاقي ناس بتزرع شجرة
وناس بتولع فى الميادين .. !
اللى بيزرع شجره مخادع
واللى بيحرق زفت وطين
ممكن برضوا تلاقي مخَدر قاعد يتكلم فى الدين
أو عيل تافه متصدر .. عامل فيها سياسي الجيل
وكل الناس فاهمه وعاقلين ..
عادي الناس تطلع تتظاهر ويموت أكتر من تلاتين
علشان حَكم القاضي الطاهر بإحالة أوراق عشرين
شاركوا فى فى أحداث ماتش الكورة
مات فيها حاجه وسبعين
وعادي تلاقي شاب بيحرق مركز شرطة
.. ويطلع منه المساجين
علشان رافض حكم المرشد
.. أو رافض يحكمنا الدين
------------------------
عادي تلاقي مبارك بكرة بيحكم
.. بالانتخابات وبالصناديق
عادي تلاقي مرسي المجرم
.. والحق يطلع لشفيق
إعلام شغال على أرواحنا
.. ونخبة عايزة بلدنا حريق
وجبهه إنقاذ وطني حقيرة
.. عايشة على دم المخاليق
-------------------------------
فعادي جدا يا صاحبي
.. وطبيعي جدا ومنطقي
إن اللى يولع فى بلدي
.. يتقال عليه شباب نقي
وعادي تلقي الجهول
يتقال عليه عالم تقي
وعادي يطلع أسراب شباب شبه الكلاب ..
يتقال عليه نعم الشباب العاشقِ ..!!
فاللى انت شايفه فى بلدنا بقي عادي جدا ومنطقي
---------------
كتبها تامر عزت 26/1/2013
النوع
موضوع: كانت مصر وبقوا مصرين .. 
الإثنين يناير 28, 2013 9:54 am
