مسلسل " سنوات الضياع " سبب زيادة نسبة الطلاق بالوطن العربى ... ! و مني الشاذلي ..

[size=29]

مسلسل " سنوات الضياع " سبب زيادة نسبة الطلاق بالوطن العربى ... ! و مني الشاذلي ..

بتاريخ : الاتنين 30 يونيه 2008 2:43:00 ص البشاير-نشوى عثمان:
تذيع قناة MBC 4 حاليا المسلسل التركى " سنوات الضياع " ، والذي يقدم بطريقة الدوبلاج بوضع ترجمة مسموعة لحديث الممثلين ، وهذا يحدث كثيرا فى العديد من المسلسلات ، ولاقى هذا المسلسل الاهتمام من البعض والإهمال من البعض الآخر ومنهم منى الشاذلي التى قالت ذلك عن نفسها عند تعليقها على ما أحدثه الفيلم بالعديد من الزيجات بالدول العربية .. !
سردت منى الشاذلى ما حدث بشكل ساخر من خلال برنامج " العاشرة مساءً " اليوم فكان مهند بطل المسلسل هو السبب فى زيادة نسبة الطلاق فى العديد من الدول العربية فأصبحت صوره تملأ أجهزة المحمول للعديد من السيدات المتزوجات بل ووصل الأمركما روته منى الشاذلى أن السيدات أصبحت تطالب أزواجهن بأن يعاملوهن كما يعامل مهند زوجته نور .

تخلل هذه الفقرة تقرير يسأل رأى من بالشارع المصري عن هذه الظاهرة وتباينت الأراء بشكل واضح بين كون هذا الأمر تافه ولا يحتاج للوصول للطلاق ، ورأى آخر يؤكد أهميته وأن العيب فى السيدات التى سمحت لنفسها مقارنة أزواجهن باخر ، وثالث الأراء هو أن الرجل إذا وجد زوجته تطلب منه تغيير معاملته فلا يوجد مانع من ذلك ما دام هذا سيصلح العلاقة أو يحسنها بينهم .

امير

[/size]

شكرا استاذ امير
ههههههه زي اول ما طلع جورج قرداحي كانت الستات عوزين واحد زيو و اول مطلع جمال سليمان في حدائق الشيطان كانت الستات كلها عوزه واحد زيه و برضو لما طلع مهند الستات كلها عوزه راجل زيه..
احنا كده و حنفضل طول عمرنا كده

ما هو الرجاله برضه كل شويه يعلقوا علي واحده ... مثلا شويه نانسي عجرم و شويه روبي

و شويه هيفاء وهبي .. كده نبقي خالصين ...

امير

أنا شايف أن الست اللى بتعامل جوزها بالطريقه دى تبقى مش بتحبه حب حقيقى
لا ده غالبا بيكون جواز صالونات ذى ما بيسموه والزوجه بتكون من جواها بدور على فتى احلامها
او بمعنى ادق رجل احلامها
ده رأى

الفرعون

الكلام كان علي مسلسل نور مش سنوات الضياع

انا كمان اتفق ان الست طالما اختارت زوجها من الاول وكانت مقتنعة تماما بية سواء بعقلها و قلبها يبقي استحالة تبص لواحد تاني لاني دي تبقي خيانة وهكذا الراجل

نفسى افهم ايه التفاهة دى يروحوا يروحوا عيالهم الصراحة انا ما شفتش المسلسل بس يعنى اى ان كان تتطلق علشان واحد اكيد حياته عادية بعيد عن التمثيل

والله دي هيافة ان دلت تدل على ماوصل له المجتمع العربي عامة من الهيافة وقلة العقل
ممثل اي ده اللي عشانه تتخرب بيوت؟ومستغربين من الحاصل لنا من حروب وويلات ومجاعات وعنوسة وبلاوي ملهى اول من اخر مكل ده بسبب قلة العقل والتعقل -الا مارحم ربي-

فعلا يا نونه كلامك صح ...

امير

المسلسل هو نور وسنوات الضياع مسلسل مظلوم والله المراسلة غلطت نور هو اللى مأفور شويه

وأنا لاحظت ان المصريين باعوا القضية خالص وعلى رأى مدام منى بقوا سبووووور أووووووووى

فعلا ياتوتو اسم المسلس نور

انا بقة خلونى ساكتة احسن

زائر

اوعي تكوني منهم يا هند
هههههههه

انا عمرى ما قارنت حتى بينى وبين نفسى جوزى باى حد
لكن هى فعلا مشكلة المسلسلات الى زى دى بتعرف الستات ان فى رجالة متجوزين لسة عندهم شئ من الرومانسية

ازيك يا هند ... وحشتينا قوي قوي .... الف حمدلله علي سلامتك ... كنتي سايبه فراغ كبير

في المنتدي ....

امير

شكرا يا استاذ امير وحشتونى اوى

و الله مش عارف اقول ايه بس نهتم احنا بلقنة العيش و كل واحدة ست تخلى بالها من بيتها و جوزها و عيالها و تراعيهم بدل اللى هيا شاغلها نفسها بيه ده ولا ايه[img][/img]

و انتي وحشتينا قوي قوي يا هند ....

امير

أنا شايفة ان الشخصية اللى عجبت ستات كتيرفى المسلسل وبدأوافى مطالبة أزواجهم أن يكونوا مثلها دى كانت مجرد حجة للمطالبة بما يتمنوه0
لكن اللى بتحب زوجها بجد مش ممكن تفكرحتى بينها وبين نفسها ان تقارنه بأى شخص تانى 0

تمام يا نجلاء .. عين العقل ...

امير

تعليقاتكم ...كلام كبير
أنا عن نفسي بأحب كل شيء جميل ...عفوا ... بيعجبني كل شيء جميل
ولكن حبي الأول بيكون لأهلي
وأما تعلق الرجل أو الست بممثل أو ممثله ده مش حب
ده اسمه اعجاب
لأنه مش هيطول حاجه في النهايه
والعبرة بالخواتيم
زي أولادنا اللي في الجامعه بيعجبوا ببعض
وبعد كده كل واحد بيروح لحاله وبيشق طريقه
نادرا ما شاهدت اثنين كانوا بالجامعة وفي سنه واحده اتجوزوا بعض
ولكن
أعجبوا ببعض
بس هذا الاعجاب بيكون ليه مذاق غريب وعجيب يظل في حلق الواحد حلاوته ومرارته إلى يوم يبعثون
قلبتم علينا الماضي والأيام الخوالي
ربنا يسترها علينا وعليكم

امسك
استنا يا استاذ اسامة
كمل كلامك من فضلك
فين المواجع ؟
عايزين نعرف

وقعت يا ابو اسامه مع هند ... انت اللي جبته لنفسك ...

امير

ههههههههههههههههههههههه
كده برضه يا أم مريم
عاوزاني أكمل توجعاتي وآهاتي
وأنا نازل مصر بعد أيام
عاوزاني أنام بفندق نجمه واحده
هههههههههههههههههههههه
أم عاوزاني أروح من المطار على إمبابه مباشرة
أو أقلك أحسن حاجه أعمل سائح في الصين الشعبيه المصريه (الزاويه الحمرا)
وأنا شكلا قريب جدا جدا من فاروق بيه الفيشاوي وهوه صغير يعني أنفع أكون سائح خواجه
كلامك صحيح يا أميرنا
أنا اللي جبته لنفسي
ولكن
نزولا على رغبة أم مريم
إن كان عندي وقت كاف سأكتب لاحقا بابا كاملا حول (التوجعات ) والدروس المستفاده منها
بس الكلام ده مر عليه أكثر من ربع قرن 25 سنه
ياااااااااااااااه يا هند سنين طويله مرت بسرعه
ولكن مازالت حلاوتها على طرف لساني حتى الآن
ياخدوا بقية عمري ويرجعوني تاني لتلك الأيام الجميله
وكفايه كده
راجعلك يا مصر

اولا امبابة تنور بيك يا استاذ ابو اسامة
ثانيا واضح ان حضرتك الى بتتلكك وعاوز تحكى
بس ياريت لما ترجع مصر ما تدخلش المنتدى والمدام جنبك
احسن دى هاتبقى حكاية

» "الثائر جيفارا" ضيف برنامج "العاشرة مساء" .... ما كتب عن الحلقه و عن مني الشاذلي ...
» المذيعة المحترمة " مني الشاذلي،" كنقطة بيضاء في الثوب الأسود .. نماذج ايجابية مثل الاستاذة منى الشاذلي (ملكة الاداء الاعلامي المحترم) ..
» لميس الحديدي في برنامجها "فيش وتشبيه". مع غياب منى الشاذلي خلال رمضان، ستحصل لميس على لقب "أفضل مذيعة في الشهر الكريم" بدون شك...
» في نطاق التغطية المقروءة لحوار بوش مع مني الشاذلي..دريم "" تتعرض لضغوط " بعد حوارها مع بوش ..
» منى الشاذلي تقدم "التاسعة مساء" بدل من العاشرة