حبيب قلبى فى السودان

بعد ما امضيت ليلتان عصيبتان من قلقى والوحشة لحبيبة قلبى
وانا اعاتبها عتاب الاحبة
كده يا منمن كده يا منمن
وقلت انها لا و لم تغيب ولكنى انا المخطئة فى الموعد وساعاتى معطلة .
سمعت اعلان أ.احمد المسلمانى بان السيدة منى الشاذلى وفريق العاشرة
فى السودان لمتابعة احداثها .
وقلت ليتنى كنت تراب فى السودان كى تطأه قدماك
اى تراب تدوسى عليه يا حبيبتى كحل لعيوننا وحنة لرأسنا
ترجع بالف سلامة يا جميل كى ترجع روحى لجسدى بعودتك كما فارقته معك.

ايه يا داليا الكلام الكبير ده ........زهى فعلا حبيبة قلبنا كلنا ......ربنا يرجعها بالسلامة

لا حول ولا قوة الا بالله

ربنا يرجعها بالسلامة

بسم الله
يا جماعة بهدوء من فضلكم
انا اسفة انى زعلتكم
انا والحمد لله لا احتاج منها ولا من برنامجها شىء
ولو احتجت اى شىء لا اطلب من اى انسان
انما يغنينى الله عن الجميع
حتى لو جعت .لا يشعر بى احد ابدا
كل ما هنالك ان تعرفت عليكم فى وقت صعب
فى وقت الكل ينتققدنى من رفع التليفون قبل الحلقة واننى لا اعير اى
برنامج اخر اى اهتمام
قلت لنفسى اخيرا وجدت من يحبها مثلى
واخرج معهم شحنة عاطفية كبيرة بداخلى دون لوم او تريقة لكن اتضح انه
يبقى الوضع كما هو عليه. ساكبت مشاعرى وانا قادرة على ذلك باذن الله
احب ان اوضح موضوع التراب اللى مزعلكم .
انا اقصد اننى اتمنى ان اكون فى مجموعة نافعة للناس ولكن لا يوجد عندى
اى مؤهلات انا عطائى محدود وقدراتى محدودة .فوجدتنى للحظة
انا والتراب سواء.بل انه انفع للناس من شخصى الضعيف.
ممكن تزرع من التراب.ممكن تبنى ممكن تستفيد منه باى شىء لكن
ماذا يستفيد المجتمع من داليا.
وحبى لها يا سادة هو من منطلق حبى لله ورسوله
لانى كما قلت لا اطلب منها شىء
لان المولى عز وجل يحب العبد النافع والرسول صلى الله عليه وسلم يشير الى اليد العاملة ويقول هذه يد يحبها الله ورسوله
فطالما اننى لا اقدر ان اكون مثلها فعلى الاقل. احبها
احب الصالحين ولست منهم
وانا لم اقصدكم انتم بالجمع لانى بطبيعة الحال لا اعرفكم .
انه مجرد مثل دارج.
يعز على قلبى جدا ان ازعل احد يحب السيدة منى .
سامحونى انا كان قصدى اعرفكم وافرحكم بانجازاتها .
لكن على راى المثل جيت اكحلها عميتها( ومضطرة استخدم لفظ
الكحل مرة ثانية )
وان كنتم تحبوا انسحابى من المنتدى
فانا على اتم الاستعداد
لانى رغم زعل السيد الذى قال روحك معاها ليه
انا فعلا روحى معاها وهذه نعمة من الله سبحانه وتعالى
فانا قبل ان اسمع الخبر كنت متاكدة انها خارج مصر لسبق اعلامى
واشعر بكل احساسها وما تقصده وحجات كتير لا اريد الدخول فى مهاترات.
دى حاجات بتاعت ربنا
هذه السيدة كانت مثل بارقة الامل لى فى ظروف عصيبة امر بها
لا اريد ان احزن قلبكم بها.
هو كده فى وجوه تراها تقول سبحان الله كان عندى ضيق وربنا فرجه
ووجوه تراها تقول اعوذ بالله قلبى افل منها.
وكلام تسمعه يخرجك من احزانك.
وكلام تسمعه يقلب عليك احزانك.
سامحونى يا محبى منمن.
والسلام عليكم ورحمة الله.

لا يا داليا ارجوكي مفيش لازمة للاعتذار
الاعتذار واجب علينا احنا
وانتي ما زعلتيش حد او جرحتي حد
كلنا زيك يمكن واكتر في حبنا لمني و كلنا بنحبها زيك و يمكن اكتر كمان وعايزة اقولك انك انتي عبرتي بالطريقة اللي حسيتيها و دي لا تسيء لحد ولا للدين في شيء و انتي ما زعلتيش حد
ولو كنا تسببنا في اي زعل ليكي
ارجوكي اقبلي اعتذاري نيابة عن ادارة المنتدي و عن اي حد اساء اليكي
و تاني انتي ما زعلتيش حد
احنا كلنا بنموت في مني ولما بتبقي بعيد روحنا بتبقي معاها و حاسيين بيها
وعلي الراي القول الي بيقول الارواح جنود تتلاقي
وعايزة اقولك لا تاخذي فكرة مش حلوة عن المنتدي
انتي هنا ممكن تخرجي كل مشاعرك و عواطفك ناحية منمن واوعدك ان مفيش حد هيسيء اليكي
هذا المكان مخصص للبيحبوا العاشرة مساء و مني و غير كدة لا و ما حدش يقدر يمنعهم من التعبير عن مشاعرهم ناحية مني او العاشرة مساء
بعتذر ليكي تاني و يا ريت تقبلي الاعتذار
وارجوكي اوعي تفكري تسيبينا
انتي عضوة محترمة و نشيطة واحنا هنزعل اووووووووي لو سبتينا

ايه ياداليا اللى بتقوليه ده تمشى وتسبينا ليه ........وبعدين انا ماتزمة بكلام سارة جدا لان انا بحبها وبحترمها هى وناس كتير ......وعلى راى المثل اللى ملوش كبير بيشترى كبير وسارة كبرتنا كلنا ........ وانا اسفة انى اتفعلت .........وبعدين انا عايزة حد يساعدنى فى الورطة دى .....انا مش عارفة الغى مساهمتى .......حد يلغيهالى او سارة تتكرم وتحذفها .....انا مليش فى النت اوى .......اوك

على فكرة يا توليب انا مجاش فى مخى انك مسلمة او مسيحية ودى مسالة متفرقش معايا على فكرة انا عندى اصحاب مسحيين بحبهم جدا وهما كمان ......وبعدين احنا خوات ويخرب بيت اللى يزعلك ههههههههههههه.

ميرسي يا خلود علي ذزقك و ردك الجميل مفيش زعل و لا حاجة يا جميل و حصل خير

استاذه / داليا .. احييكي علي احساسك المرهف الراقي تجاه محبوبتنا كلنا مني الشاذلي .. و لا تاسفي انتي خرجتي مشاعرك بدون اي قيود ... و كل واحد حر في مشاعره ...و انتي وسط عائله كلها تحب مني الشاذلي و تقدرها .. و لكن ايضا هناك البعض في هذه العائله اصبح دمهم ثقيلا و ردودهم و افكارهم اثقل ... ينشرون في المنتدي جوا من الكابه و التفكك الاسري بين الاعضاء ..


امير

عندك حق يااستاذ امير كلنا بنحب منى الشاذلى ويارب انا مكنش من الناس اللى وجودهم ثقيل ودمهم تقيل لان راى حضرتك فيا اكيد يهمنى

بالعكس يا خلود انتي من الاعضاء المميزين العاقلين و اعتز بوجودك جدا ... اما ثقيلي الدم فهم عارفين نفسهم جيدا ...

امير

يااااااااااااااه ربنا يخليك يااستاذ امير .........بجد انا سعيده برايك فيا ويارب اكون عند حسن ظنك

امير a1g1a1 كتب:

استاذه / داليا .. احييكي علي احساسك المرهف الراقي تجاه محبوبتنا كلنا مني الشاذلي .. و لا تاسفي انتي خرجتي مشاعرك بدون اي قيود ... و كل واحد حر في مشاعره ...و انتي وسط عائله كلها تحب مني الشاذلي و تقدرها .. و لكن ايضا هناك البعض في هذه العائله اصبح دمهم ثقيلا و ردودهم و افكارهم اثقل ... ينشرون في المنتدي جوا من الكابه و التفكك الاسري بين الاعضاء ..


امير

-------------------------
شوف يا استاذ امير اكيد حضرتك بتقصد بالاعضاء اللى دمهم تقيل انا وتوليب
وكمان بتتهمنا بنشر الكابة والتفكك بي الاعضاء وان احنا افكارنا ثقيلة

هقول لحضرتك شوف ردود باقى الاعضاء على رسايلنا
وتشوف ان كل الاعضاء بيحبونا ويحترمونا جدا
فدة راى حضرتك بس
وحضرتك غلط عاليا انا عمرى ملهرود على حضرتك بكلام زى دة واقول قلام عل ناس مش حقيقى
لكنى هاخد كلامك من اخ كبير لاخوة الصغير
ونا اهلى عالمونى وربونى انى عمرى ما اغلط على اخويا الكبير حتى لو هوة غلط عاليا
شكرا لحضرتك يا استاذ امير

اخوك الصغير مراد

والسلام عليكم

اخي مراد : قلبي مفتوح للجميع و لا اكره احدا و لكن ليس عيبا ان احد ابنائي في المنزل يقول شيئا و اعرفه ان دمه ثقيلا في هذا الموضوع و ليس في كلها ..


هدوء تام : لا بد من وقف الشجار والجدال والمناقشة الحادة والند والتحدى والعصبية لا تجريح ولا غلط باللسان بالمعنى الأصح هدوء لا خناق كل فرد يترك الأخر دون الوقوف أمام بعض حتى تهدأ الأعصاب وحتى نستعد للإصلاح .

المشرف

امير

فى ايه ايه الى حصل انا مش شايفة حد غلط فى ايه
لو الموضوع خلص خلاص مش عايزة اعرف