راحة ولا كسل ؟

أنا هاتكلم النهاردة عن موضوع ممكن يؤدي الى تراجع مشاهدة العاشرة مساء ، وهو الاجازات الكثيرة التي بدأ يضيق بها كثير من المشاهدين والمتابعين لهذا البرنامج ولو أخذنا عذر منى الشاذلي في أجازة رمضان نجد أن هناك برامج أخرى لا تتوقف في رمضان وتتأقلم مع هذا الشهر وبدأت تسحب البساط وينجذب اليها متابعو منى الشاذلي ، والفترة القادمة ستشهد ظهور برامج أخرى مثل برنامج ساعة بساعة الذي ستقدمه مي الشربيني مع خيري رمضان ، وهناك برامج بدأت دخلت حلبة التنافس مثل برنامج مواجهة لعمرو الليثي على قناة الساعة ،.

وأتى العيد مع أن العيد انتهى يوم السبت وبدأت كل البرامج ولكن لم تبدأ منى ، لا أعرف السبب ، فهل ما تفعله منى الشاذلي وطاقم البرنامج راحة ولا كسل ؟ عاوز كلام موضوعي ومستني الآراء

انا بصراحه بحس انه كسل بالذات في اجازه العيد ورمضان لان في برامج كتير بتشغل وهما في رمضان بيبقوا اجازه

لا من حق كل واحد يأخد اجازة والله لو اخدوا اجازة سنة برضوا هستناهم وبعدين هما بيعيدو حلقات فى ناس كتير كانت عايزة تشوفها

الحقيقة الحلقات الي بتتعاد مميزة جدا

لكن انا هتكلم علي الجانب السلبي لكثرة الاجازات

ان في جميع برامج التوك شو شغالة دلوقتي بتغتي كمان

وده لازم نتفق علي انه مش في صالح البرنامج وطبعا كلامنا


في مصلحة البرنامج وخصوصا انهم كمان مش هيتلعوا هواء

من يوم السبت دي يوم 30 و31وليلة راسء السنة هتبقي

سهرات خاصة مع حلقات معادة ولكني اراي انه مش

كسل لانه الحقيقة دائما بيرجعوا بقوة لو فكرين بعد رمضان

عملوا طريق عن العيد الصغير وظهرت فيه سلمي سالم

والمراسلين وهما بيقولوا ان بعد الناس بيبقي عيدهم زاي

اي ايام وكان قصدها علي فريق البرنامج ولكن قكثرة

الاجازات محتاجة انها تحدد شويه وكمان قناة الساعة الجديدة

دي ناوية تشمل جميع الانواع البرامج الي بتهم الناس

ولكن في الاول والاخر هو عاشرة مساء واحد

ومني الشاذلي واحدة

مهما كان اهنا بنحبهم ومش هنسبهم ابدا

وانا واثقة انهم حرصيا علي ده ويحلوا المسئلة

وده الي عودنا عليه العاشرة مساء

وشكرا علي الموضوع علي فكرة يا اديب ويارب يكون ردي

محايد يا استاذ اديب

تحياتي ايات

الادارة

فعلا بيرجعوا اقوية جدا وهانت خلاص كلها يومين يارب يرجعوا بالسلامة

بصوا انا رايي بالضبط زي جنة في موضوع رمضان يعني اصلا رمضان الناس مش فاضية تتفرج علي برامج سياسية او احداث عامة الناس اما بتصلي اما بتتفرج علي برامج دينية اما بتتفرج علي المسلسلات يعني اكيد الناس مش هضيع 3 او 4 مسلسلات ويقعدوا يتفرجوا علي احداث عامة اما انا شخصيا لا اشاهد اي مسلسلات في رمضان بما معناة ان لو مني جت في رمضان انا هتفرج عليها حتي لو كان قدامي مليون مسلسل بس انا بتكلم علي غلبية العظمي من المشاهدين لذا فقرار التوقف في رمضان قرار ذكي لان نسب المشاهدة البرامج من النوعية دي بتقل في رمضان زفاجازة رمضان فرصة كويسة ليهم للراحة
اما اجازة اللي بعد العيد وليست اجازة العيد اعتقد ان ليس لهم الحق فيها لانها ايام عادية جدا يقفوا لية وفيها احداث كبيرة كدة ضاعت عليهم احداث كتيرة زي المترة والعربية الي غرقت في المنيا من علي العبارة والعمارة اللي وقعت في اسكندرية وانفردت بيها برامج اخري ودة طبعا مش في صالح البرنامج ولا في صالح المنافسة كان كفاية اوووووي اجازة العيد الي يوم السبت ويرجعوا الاحد زي بقية البرامج وكفاية كدة عشان مايدوش فرصة لبرنامج سخيف زي معتز انة يسحب المشاهدين منهم الناس عايزة تعرف الاخبار فبتروح للجايبلهم الاخبار وعلي فكرة انا اعرف ناس كتير استائت من الجازات الكتيرة دي احنا عن نفسنا طبعا وانا اولكم لا يمكن هنتفرج علي حاجة الا العاشرة مساء زي ما ايات قالت هي مي الشاذلي واحدة وبرنامج واحد اسمة العاشرة مساء ز لكن بقية الناس انا واللة يا جماعة بزعل لما الاقي حد بيقول لا اتفرج علي تسعين دقيقة خاصة ان معتز دة بيتبع اساليب .......... في برنامجة يعتمد علي الحرائق والفضائح وقضايا الاثارة اللي عاملة زي الجرايد الصفراء والي حد ما الحاجات دي بتشد الناس
انا مش معاهم في انهم ياجزوا بعد العيد بس يالا اهو احنا مستنين لاننا بنحب مني الشاذلي والعاشرة مساء ولا برنامج غيرهم

رمضان دة لازم يوقفو فية دة حتى احنا مبنرحش لا الكلية ولا المدرسة
-ويا جماعة دة برنامج لية فريق اعداد ولية خطة اكيد همة عرفين بيعملو اية يعنى لاكسل ولا راحة
--------------------------------------------------والسلام عليكم

دا مش كسل ولا حاجه يا جماعه ده من حقهم انهم ياخدو اجازه وحكايه ان البرنامج ممكن شعبية تقل طبعا لا لان البرنامج راجع بمجموعه حلقات جامده قوى وبمناسبه ان برامج التوك شو شغاله دلوقتى دى البرامج اللى بيخافو انهم ياخدو اجازه احسن الناس تنساهم لانهم برامج على قدهم اما العاشره فهو برنامج جامد (على فكره برنامج القاهره اليوم اجازه برضو ) زى العاشره مساءا

شكرا لآرائكم ، ولكن رأيي المتواضع ان الموضوع كسل سواء في رمضان أو في آخر أجازة أخذوها ، فمن المفروض مادام هذا اختيارهم انه يكون برنامج يومي أن يتحملوا اختيارهم ولا يتغيبوا وقت الناس تنتظرهم ، فهذا خطأ يجب تداركه حتى لا يهبط سهم البرنامج ،

انا لا اظن ان البرنامج ممكن يهبط مدام بيرجعوا بقوة وعلى العموم ربنا ما يجيب اجازات تانى ابدا

ان شاء الله