الجيش العربى يا بهجت؟؟

مين إللى بيسأل مين
الجيش العربى فين
*********
الجيش العربى ف مصر
صاحب رايات النصر
ما ادنشى عليه العصر
إلا وملك الشطين
********
واحد إتنين
الجيش العربى لمين
********
الجيش العربى ف سوريا
أجدع من جبانات كوريا
قبل حضارة فيكتوريا
بطولاته مالية العين
*********
واحد إتنين
الجيش العربى لمين
*********
الجيش الليبى إنطخ
من يوم ما حكمه الأخ
أول ما قالولوا بخ
سلم بإيديه لتنين
********
واحد إتنين
الجيش العربى لمين
********
الجيش فى بلاد المغرب
شمسه عمرها ما بتغرب
أحفاد بو حريد لو تغضب
هتقوم حرب ف ساعتين
*******
واحد إتنين
الجيش العربى لمين
*******
الجيش العربى سودانى
زى الهجر الصوانى
عنده مشاكل جوانى
حالف ليوفى الدين
*******
واحد إتنين
الجيش العربى لمين
*******
الجيش العربى إتحاصر
بعد ما مات عبد الناصر
ولاعاد أرحام وأواصر
ولا فيه حكام غيورين
*******
واحد إتنين
الجيش العربى لمين
*******
نظامنا العربى إتهان
يوم ما إنضربت لبنان
وسكت عن غزة كمان
خسروها دنيا ودين
واحد إتنين
محمد بهجت فين

[img]

الجيش العربى إتحاصر
بعد ما مات عبد الناصر
ولاعاد أرحام وأواصر
ولا فيه حكام غيورين
*******
واحد إتنين
الجيش العربى لمين
*******
نظامنا العربى إتهان
يوم ما إنضربت لبنان
وسكت عن غزة كمان
خسروها دنيا ودين
واحد إتنين
محمد بهجت فين
الله جميله يا أستاذ طلعت
ياريت الجيش العربى
يجىء
تسلم إيدين اللى كتبها

زائر

الجيش العربى رفع راية الإستسلام
وقال كفانا حروب وده وقت الكلام
دا خيارنا الإسترتيجى هو السلام
والحروب مش حنقدر عليها دالأيام
..
وشكرا طلعت أن ذكرتنا بهذا الكلام!!

شكرا يا إيمان على مرورك..وهذا الكلام أنا كتبته ردا على الشاعر محمد بهجت..ضيف العاشرة مساءحيث قال
واحد إتنين الجيش العربى فين
الجيش العربى ف مصر
ساكن فى مدينة نصر
بيقوم م النوم العصر
وبيفطر شاى ومنين
واحد إتنين الجيش العربى فين
الجيش العربى ف سوريا
حالق ع الموضة كابوريا
وعلى طريقة فيكتوريا
خللى التروماى بدورين
واحد إتنين الجيش العربى فين
الجيش العربى خليجى
ما فيه حيل لا يروح ولا ييجى
هذا صمت إستراتيجى
إيش فيك يا غراب البين
واحد إتنين الجيش العرببى فين
الجيش العربى الليبى
زى الفن التكعيبى
كله بتنجان ياحبيبى
والظاهر واخد عين
واحد إتنين الجيش العربى فين
الجيش العربى بتونس
أخضر مثل البقدونس
وعزيزة بتعشق يونس
تبقى الحروبات بعدين
واحد إتنين الجيش العربى فين
الجيش العربى سودانى
سامع هتوته فى ودانى
هو أنا ههجم فردانى؟
قوم بينا يابو حسين
واحد إتنين الجيش العربى فين
الجيش العربى إتهان
يوم ما إنضربوا الأفغان
وسكت فى البوسنة زمان
وقبل ياكل بالدين
واحد إتنين الجيش العربى فين
وشكرا على مرورك أخى أبو البنات

استاذ / طلعت .. الف شكر ..

تحياتي:

مساجلة شعرية بين شاعرين كبيرين
استخدما أسلوب السخرية في وصف الجيوش العربية في كل بلد على حده
وما لفت انتباهي هو جودة الوصف وبراعة الاستدلال عند كلا الشاعرين في أسباب تدهور كل جيش عربي في بلده على حده
شكرا للحاج طلعت شاعرنا الهمام
والشكر موصول للشاعر محمد بهجت

شكراااااا استاذ طلعت
جميلة كتييييير
تسلم ايديك

استاذ طلعت
سلم ايديك

شكراااااا يا استاذ طلعت

قد إكتمل النصاب...بتوافد الأحباب...للأهل والأتراب...قدحق الجواب
مرحبا بعمالقة المنتدى
أ0أمـــــــــــــــــير
أ0ابو أســــــــامـــــــة
نـــــاديـــــــن
مدام/هنـــــــد
رنــــــــــــا
أشكر حضراتكم جميعا على تشريفى بمداخلاتكم العذبة ..أسعد الله اوقاتكم..كما أسعد بصحبتكم[list][*][code]

الجيش العربى فين امتعنا الاستاذ محمد بهجت
الجيش العربى للستاذ طلعت حداد اكثر من رائع
اما الجيش العربى بلنسة لى لا يوجد جيش عربى بعد ما مات عبد الناصر وماتت قلوب الناس وماتت الشهامة وماتت الكرامة ومات الامل جونا وتولد الجبن وتولد الخف وتولد الا مبالاة
لا تطلب ان يأتى الجيش العربى من جديد ولكن ادعى من الله ان يعود جيش محمد ( ولا النصر الا من عند الله ) نكون مسلمين الاول وبعدين هيكون فى جيش وكرنة ونصر

» بوش والحذاء العربى
» الا الجيش
» الحكومه تعلن الحرب علي بهجت بسبب مني الشلذلي
» ينام العالم العربى ..
» الجيش المصرى