حملة قاطعوا العاشرة مساء والاعلامية مني الشاذلي بعد ان تخلت عن ضمرها ...علي موقع الفيس بوك

قام شباب من شباب 6 ابريل علي الموقع الشهير الفيس بوك

باقامة جروب لحملة بعنوان

قاطعوا العاشرة مساءا ومنى الشاذلى بعد أن تخلت عن ضميرها

وجاء غضب الشباب واضحا في الصفحة الرئيسية للجروب ::

نتوجه نحن شباب الفيس بوك والشباب الوطنى على الفيس بوك بسؤال الى
الاعلامية الكبيرة واللامعه والتى طالما اسرتنا بضميرها الحى ومبادئها
المستقيمة وعدم رضائها عن الظلم او الفساد
وهى الاعلاميه منى الشاذلى

فجأه
وبدون مقدمات
تبدلت منى الشاذلى من حال الى حال
ومن النقيض الى النقيض
كانت مصر تنتظر برنامج العاشرة مساءا كل يوم وتلتف حوله ولكن اصبحت الاعلامية النجمه مصابه بعدوى الامن المصرى والحكومه
اصبحت تلبس الحق بالباطل
وتدارى الحق
وتتحايل عليه
وتمنع اصوات الشباب اللذين يعارضون الحكومه كما حدث يوم السادس من ابريل فى عام 2009
حيث
قطعت اصوات شباب جامعه الاسكندرية اللذين اعتصموا فى يوم الغضب وأظهرت
اصوات الشباب المستهتر اللى عايش حياته ومقضيها بالطول وبالعرض
دون ان تعتذر فى تواطؤ ظاهر وسافر من ادارة البرنامج ومنها

تغاضت عن جهود الشباب الوطنى
وتغاضت عن اشياء كثيره
وتغاضت عن ضميرها المهنى
ولم تستفيد من مبادىء وجرأه استاذها الجليل حمدى قنديل
حيث تخلى عن احلامه فى سبيل مبادئه وعدم تخليه عن كلمه الحق
الى هذا الحد يتخلى الاعلامى عن ضميره؟
الى هذا الحد يبيع الاعلامى القضيه؟
الاستاذه منى الشاذلى من الاخر باعت القضيه
ونأسف لنقول
فقدنا احترامنا لكى ولبرنامجك المتواطىء مع الباطل
ولن ننتظرك بعد اليوم
ونداء اخير لها
عودى الى ضميرك
وتذكرى انه اذا كان التظام المصرى المستبد كبيرا وقويا فالله الذى سيحاسبك على طمس كلمه الحق أكبر وأعلى وأعظم

.<><><><><><><><><><><><><>

أيه دا كله للدرجه دى خلاص نسيوا كل اللى
عملته والحقائق التى قدمتها الأستاذه منى متستاهلش كل ده
أنا عن نفسى مش شايفه أى صحه فى الكلام اللى بيفتروا
بيه على الأستاذه منى الشاذلى مش مستاهله حمله والله
حتى لو عملوا مليون حمله برضه حنتابع البرنامج
الذى يسعى دائما لإظهار الحقائق طيب الأولى
إنهم يعملوا حمله على البرامج اللى بقالها
سنين طويله دورها فقط إظهار الباطل
على العموم أنا شايفه إن برنامج العاشره
مساء أكبر من كده وكمان الحمله دى
سوف تفشل وهى مجرد مؤامره
على الأستاذه منى الشاذلى والبرنامج.

????????????????

يعني عايزين يغلقوا البرنامج .. كل شئ بالعقل .. مني الشاذلي و فريق البرنامج ادري من اي حد بايه اللي ممكن يتعرض و ايه اللي مش مفروض يتعرض حتي لا يغلق البرنامج ..

أيه السذاجة دى؟؟
أولا: البرنامج لو خايف_زى ما بيقولوا_ يعرض تقرير زى دة، يتحدثون فيه الطلبة عن آرائهم بحرية لم يعرضه من الأساس و مش هيجيب الطلبة و يلغى صوتهم؛ علشان اللى زيهم ما يفهمش كدة و يفقد البرنامج مصداقيته لمجرد أفكار معدومة الصحة و ليس لها أساس.
ثانيا: الحركة دى حصلت فى تقارير قبل كدة أكثر من مرة و كانت تقارير عادية و منها تقارير سياحية زى تقرير كريم الشيخ عن الوادى الجديد و كانت غلطة معدين و لم تعقب عليها الأستاذة منى برضه؛ لأنها بالتأكيد لم تنتبه لها.
تبقى فين القضية؟؟؟
و على هؤلاء الشباب تحرى الدقة فى اختيار ألفاظهم عند التعبير عن آرائهم أو توجبه انتقاداتهم لمن هى أكثر منهم ثقافة و وعى و احترام للذات و للمشاهد، اذا كانوا يتحدثون عن القيم و المبادىء العليا.

إن لم تكن معنا فأنت عدونا

شعار أطلقه بوش اللعين في حربه على الإسلام والمسلمين
وليس معنى أن العاشرة مساء والست منى الشاذلي ليستا معهم أنها ضددهم
عجبي

احنا كده لما حد يكون واقف جبنا طول الوقت وعمل لنا حاجة وممكن يكون مش قصادها او حتى قصدها بس ليه اسبابه لاى ما نعرفهاش بنقلب عليه القلبه دى علشان كده ربنا عمره ما هيقف معانا فى حاجة وفى حديث عن الرسول صلى الله عليه وسلم فيما معناه التمس لاخيك سبعين عذرا ان لم تجد فالعيب فيك

يعنى ايه الناس دى نسيت كل اللى بيعمله البرنامج همه دول اعداء النجاح

مع احترامى الشديد لما قال به بعض الشباب إلا اننى أرى إذا كان هناك من مدان فهى جريدة المصرى اليوم التى نشرت خبر انفصال الدكتور أيمن نور وجميلة إسماعيل فخبر مثل هذا كان لا بد من تغطيته وهو الذى ربما يكون أخذ المساحة التى كانت مخصصة لأحمد ماهر ومحمد عادل وهناك تقليد فى الإعلام أن السيدات أولا وعلى الرغم من اننى لا أبرئ الإعلام من أن الأمن مسيطر عليه ، لكنى استبعد أن يكون حدث هذا مع الأستاذة منى لأن الواقع كان يشهد بإخفاق الإضراب .
مع تحيات صاحب مدونة لقمة عيش http://lokmetaesh.blogspot.com/

اي كل ده بقى الكلام ده كله على منى وعشان ايه عملت ايه لكل ده؟ياساتر لاوبيتكلم في ربنا والحساب
لاحول ولاقوة الابالله

اليوم في البديل تنشر خبر المقاطعة

http://www.id3m.com/D3M/View.php?TreeID=576&image=p25-008-08042009.jpg&Number=1&ID=261257

هنا وجه اعتراضي علي الجروب
يمكنك المشاركة

https://www.facebook.com/topic.php?topic=7713&post=29341&uid=79231278905#/topic.php?uid=79231278905&topic=7713

أبو أسامة كتب:: إن لم تكن معنا فأنت عدونا

شعار أطلقه بوش اللعين في حربه على الإسلام والمسلمين
وليس معنى أن العاشرة مساء والست منى الشاذلي ليستا معهم أنها ضددهم
عجبي

أنا أوافق حضرتك الرأى، و احب اضيف ان دل هذا الكلام على شىء فانه يدل على قلة وعى هؤلاء الشباب و مجمل ما يعرفونه عن السياسة هو الاضراب فقط.

أبوالمعالى فائق كتب:: مع احترامى الشديد لما قال به بعض الشباب إلا اننى أرى إذا كان هناك من مدان فهى جريدة المصرى اليوم التى نشرت خبر انفصال الدكتور أيمن نور وجكبلة إسماعيل فخبر مثل هذا كان لا بد من تغطيته وهو الذى ربما يكون أخذ المساحة التى كانتت مخصصة لأحمد ماهر ومحمد عادل وهناك تقليد فى الإعلام أن السيدات أولا وعلى الرغم من اننى لا أبرئ الإعلام من أن الأمن مسيطر عليه ، لكنى استبعد أن يكون حدث هذا مع الأستاذة منى لأن الواقع كان يشهد بإخفاق الإضراب .
مع تحيات صاحب مدونة لقمة عيش http://lokmetaesh.blogspot.com/

أهلا بيك يا أستاذ أبو المعالى.
أوافق حضرتك الرأى فى أن الأولوية للسيدات و لكن الاستمرارية للأكثر كفاءة.
أما بالنسبة لفشل الاضراب فلم يحدث اضراب من الأساس، فهو كان مجرد احتجاج؛ لأن لا عمال أضربوا عن العمل و تركوا مصانعهم هذا اليوم و لا طلاب جامعين لم يذهبوا الى جامعاتهم.

صح يا استاذة دنيا

الاضراب كان سئ وكان اي كلام

يدوب تقرير متكامل عنه

اسراء عبد الفتاح كمان

أهلا بيكى يا آيات.
أولا يا ستى أنا لا أستاذة ولا حاجة، لما أبقى أستاذة هبقى أقولك علشان تباركيلى مش أكتر، يعنى مالهاش لزوم أبدا الألقاب دى.
و كل اضراب و احنا طيبين ان شاء الله.
هههههههه

ايات احييكى فى طريقة اسلوبك للحوار فى اعتراضك على الفيس بوك
اما الاستاذة منى فهى مثال كلنا نتشرف به
وبالنسبة لما حدث فى التقرير يجب ان نعى جيدا الضغوط التى تمارس على
القناة

صح يا جاسمين هو ده الي قصدته

العاشرة مش حزب ولا وزراة ولا وزير

ده برنامج تلفزيوني عادي

مش في ايده القرار

واشكرك علي قراءة تعليقي

السلام عليكم عندما نسمع هذا الكلام نتاكد من المثل القائل ان الشجرة المثمرة هي التي تهاجم فهذا دليل نجاح ليس دليل ادانة ماذا يريدون برنامج محترم مقدمة اكثر احتراما معدين في غاية الكفاءة مراسلين يعطون ادق التفاصل كل هذا ويهاجم وفي حملة مقاطعة كمان تصدقوني كل كلمة تقولها الاستاذة مني او تعليق هو نفسة ما نحس بة و نريد ان نقولة عموما ربنا دائما مع الحق والحق فقط ويجعلة عامر!!!!!!!

شكرا أستاذة دنيا رؤوف
وفعلا لم يكن فيه إضراب أما الأولوية للسيدات كنت أقصد الضيفة التى استضافتها الأستاذة منى
وشكرا لتعقيب حضرتك

العفو...
خلاص يبقى كدة اتفقنا يا أستاذ أبو المعالى

لا بد من وجود توازن فى الأخبار وهو واضح من السيدة الفاضلة منى الشاذلى

و لابد من تقبل وجهات النظر الأخرى والخروج من الموضوع لترى الأمور من كافة الزوايا

m_allawy

شكرا لتعليقك القيم واهلا بك في موقع العاشرة مساء

نتمنا منك موضوع تعريف بك في قسم الترحيب بالاعضاء الجدد

حتي يتعرف عليك الاعضاء

لو كانت باعت القضية زى مابيقولوا لم تكن لتبكى حينما استضافها احمد السقا فى برنامج على كرسى المذيع حينما سألها هل بيجيلك تهديدات على التليفون قبل ان ترد على سؤاله امتلئت عيناها بالدموع يهدودها بقتلها وقتل اسرتها والتعرض لها وبعد كل ذلك نقول باعت القضية انتم طلبتم الشهرة على حساب منى الشاذلى ولكن كما قال قرأننا فصبر جميل وزى مبنقول كمصريين ياجبل ميهزك شباب 4 نوفمبر او 6 ابريل كله واحد

لية كدا ان بعد الظن اثم

a elly bt2olo da.w ba3deen kool masr 3rfa en mafiish programme zay el 3ashera masa2an.w akeeeeed mafish e3lamia zay el ostaza mona el shazli..bgd masha2allh hia gari2a gedan bs be adb w i7tram.w kman ma2bola mn el gami3 ..w mahma 7awlto daiman fi nazarna hatkooon el afdalllllllll

» موقع " في الفن " قناة دريم تقرر استبعاد مني الشاذلي وايقاف العاشرة مساء لاسبوعيين
» هل تخلت الشاذلية عن الاتصالات الهاتفية فى العاشرة مساء
» الادارة : تطوع موقع الاعلامية مني الشاذلي الي حملة انترنت بلا فتنة
» اعلان هام :: خدمة اطمن وطمنهم بموقع العاشرة والاعلامية مني الشاذلي
» ضدد غلق جروب محبي العاشرة مساء علي الفيس بوك ........هاااااااااام