ياتري ممكن تمسك مقشة وتنزل تنظف الشارع ؟؟؟؟؟؟؟؟

حملة اطلقها شباب علي الفيس بوك تدعو الجميع الي نظافة شوارعهم الحملة اذاعت عنها الاستاذ مني الشاذلي في العاشرة مساء

ولكن السؤال الان هل من الممكن ان تمسك مقشة وتنزل يوم الجمعة وتنظف شارعكم ولا لاء ؟؟؟؟

طيب لو نزلت ولقيت نفسك انت بس اللي بتنظف الشارع هتعمل ايه هتكمل علي اساس انك تكون قدوة للجميع ام اانك هتتراجع في هدواء لبيتكم ومن غير ماحد مايخود باله ؟؟؟؟؟؟؟؟؟؟

انا عن نفسي انزل عادي بس الاحلي نكون مجموعة من الشباب ولو اربعة بس

هيبقي شكلنا مشجع وهنزيد...انما لو واحد بس للاسف هيقولو عليه غريب او مفوت

والله لو ملقيتش استجابه ممكن انظف قدام بيتى بس لكن لو كان فى تعاون من شباب محترمين وبنات فليه لا

انا شخصيا ما عنديش مشكلة
بس اكيد بالليل وقدام بيتى
بس ممكن اخلى ولادى يشتركو لو فى مجموعة بتعمل كدة

انا متفقة مع ايات مفيش مشكلة بس المهم اني الاقي اني في حد مؤمن بفكرتي و بيدعمني علي الاقل نفسيا
لكن مش انزل اشارع و بعدين يوم والتاني الاقي اللي عملتة باظ تاني و لا كاني عملت حاجة يبقي كدة حرام

ايات انا معاكي ماهو انا كمان منزلش ومسك مقشة وطبعا هسمع كلام مش ظريف
رنا شكرا ليكي
استاذة هند متدبسيش العيال
سارة طول مااحنا عيشين بنفس الطريقة يبقي هنفضل نوسخ شوارعنا ودي المشكلة انه فعلا مفيش دعم معنوي

دعم حكومي قصدكم ....اصلا الحكومة هي المفروض تتعاقد مع شركة محترمة وتكون دي مهمتها

اما دور المجتمع المحافظة علي شغل الحكومة ...مش اهنا نعمل ونحافظ لوحدنا كماااااااااااان

المهم البلد تنضف من اللي فيها

أنا راى يا جماعه عادى ممكن أمسك مقشه وانظف
الشارع فيها إيه( نظافه حينا من نظافتنا أحنا )
يعنى بس مش لوحدى طبعا مع مجموعه
من شباب وبنات فى الحى أحاول أقنعهم
بالفكره وبالنسبه لشركات النظافه الحكايه
دى ترجع لمسأله الضمير
أتمنى إن الحمله تنجح وتستمر
يعنى لما أحنا ننظف حينا حنقدر
نحس بمعاناه رجل النظافه
يعنى بستغرب من ناس فى الشوارع أبسط
حاجه بيكون جنبهم صندوق قمامه
وببساطه يرمى منديل فى الارض الموضوع
ده بيضايقنى بجد ولما تكلمهم يقولوا أنتوا
بتحبيكوها قوى لى كده ده منديل
وكمان فى حاجه تانيه بتضايقنى
إستهانه الناس بعامل النظافه
المفروض نكرمه يا جماعه يعنى
أنا عاوزاكم تتخيلوا حياتنا من غيره
يبقى شكلها إزاى؟؟؟؟؟؟؟؟
وعذرا على الإطاله.

يا مصطفى انا مش بادبس العيال
انا باحاول اضمن لهم وظيفة
هههههههههههههههههه

اه طبعا ممكن بس لو لوحدى ومش معايا مجموعة يكون قدام بيتنا بس الاهم من اننا ننظف نحافظ على النظافة
ويا هند حرام عليكى عايزة تتضمنى شغل من دلوقتى هههههههههه

يا اية اي وظيفة غير دي

» ياتري مين ؟
» ياتري لسة فاكرينهم !!!؟؟؟؟؟؟؟؟؟؟؟؟؟
» ياتري هتقدر تحقق هدفك ؟؟؟؟؟؟؟؟؟؟
» ابو نضارة رجع من جديد..ياتري هيختار مين ؟
» ياتري تقدر تبعد عن بلدك ؟