انا وانتم والفسيخ وكل سنة وانتم طيبين

الفسيخ هو اكلة شعبية مصرية ياكلها المصري من الاف السنين وهو يصنع من السمك البوري ويتم تجفيف سمك البورى في الشمس ثم يوضع في الملح و الذى يقوم بهذا العمل يطلق عليه الفسخاني

بالرغم من الحب الكبير المتبادل بين المصريين والفسيخ فان الكثير من الناس قد استبدل الفسيخ والذي يكثر اكله في شم النسيم بالرنجة وخصوصا بعد حالات التسمم الجماعي والتي حدثت في التسعينيات
الفسيخ كل سنة يواجه مصاعب ولكن ليست مثل هذه السنة حيث اعلن دار الافتاء با ان اكل الفسيخ حرام لانه اصبح طعام متعفن وهذا مايجعله حرام شرعا ولكن اذا اثبت انه في حالة صحيحة وانه ليس متعفن وقد اي ليس في حالة تسمم فهذا ما يجعل اكله غير محرم

وعند شراء الفسيخ تقدم الدكتورة ليلي علي محمد بالمركز القومي للبحوث بمصر، مجموعة من الإرشادات الصحية في عيد شم النسيم ، تساعدك عند شراء وأعداد الأسماك بأنواعها المختلفة وقاية لها من أخطار الأمراض البكتيرية ‏

_ تأكدي من بريق ولمعان عين السمكة‏، وان القرنية شفافة‏، والخياشيم مكتملة والغطاء الخيشومي‏ يكون ذو لون أحمر وردي والزعانف سليمة ليس بها تآكل أو تورم أو احمرار‏.‏

_ عند الضغط علي جسم السمكة يعود إلي وضعه الطبيعي‏،‏ ولا يترك جزءا غائرا‏، وعند فتح بطن السمكة تظهر الأعضاء الداخلية سليمة‏، ولا ينبعث منها رائحة‏‏.‏

_ وبالنسبة للأسماك المدخنة كالرنجة يجب أن تكون مغلفة ذات لون ذهبي بدون تهتكات بالجلد وليس بها علامات للعفن أو ديدان في تجاويفها الداخلية ‏.‏

_ عند شراء الفسيخ المشبع بالملح لأنه يقضي علي أغلب المسببات المرضية، ولكنه في نفس الوقت يقلل من القيمة الغذائية للأسماك وتتسبب ملوحته في ارتفاع الضغط‏.‏

_ قومي بإعداد الفسيخ والرنجة كوجبة غذائية آمنة بالطريقة السليمة والتي تتمثل في تسخين الفرن بدرجة حرارة‏100‏ درجة مئوية ولمدة ربع ساعة‏، ثم يوضع الفسيخ أو الرنجة ملفوفا في ورق الألومنيوم لمدة عشر دقائق حتي نفقده سميته والتي قد تمثل خطورة شديدة علي الصحة وأحياناً تؤدي إلي الوفاة‏.‏

بالرغم من كل شئ فان الفسيخ يعد من احد اهم الاكلات الشعبية الاولي في مصر
وكل سنة وانتم طيبين

انا رايي الشخصي انه لا خوف اطلاقا من الفسيخ اذا اشتريته من محل معروف و انا عن نفسي مداوم علي اكل الفسيخ بلا خوف .. هذا العام اشتريت الفسيخ بسعر يتراوح بين 60 الي 80 جنيه للكيلو من محل سلطان الفسيخ بالاسكندريه و هو من اشهر محلات الفسيخ و كان المنظر غريبا للغايه .. عشرات من السيارات اغلقت الشارع الرئيسي للمحل و طوابير طويله جدا لشراء الفسيخ .. و منذ الاف السنين و للان و المصريين ياكلون الفسيخ و زي ماجه في برنامج العاشره امس ان الحكومه المصريه الكسوله تحذر المواطنين بعدم اكل الفسيخ حتي تريح نفسها من الحملات علي باعة الفسيخ و حتي توفر ثمن المصل الباهظ الثمن .. انا ضد ما تفعله الحكومه المصريه لحرمان المواطنين من متعة اكل الفسيخ ...

و كل عام و انتم بخير ..

الف شكر يا مصطفي علي هذا الموضوع ..

انا عن نفسى بحب الفسيخ جدا ومش بخاف انى اكله عشان بنعمله فى البيت اما الرنجه مش بحبها

موضوع شم النسيم مبقناش نحتفل بيه كنا زمان بنعمل بيض ملون بس بطلنا بقولوا حرام وبرضه الفسيخ بنكله بس فى العيد الصغير
شكرااااااا يا مصطفى على الارشادات

لسه آكل فسيخ من شويه

والحمد لله الشوارع النهارده فاضيه الكل في المنتزهات
كل سنه وإنتم طيبين
بعيد الربيع وشم النسيم
شكرا يا درش

كل سنة وانتم طيبين انا لا بحب السيخ ولا الرنجة اكلت بطاطس محمرة هههههههههههه عكس الدنيا كلها
شكرااااااااااا يا مصطفى

كل سنه و انتم طيبين Smile

انا زي ايه مش بحب لا الفسيخ ولا الرنجه خالص اخري تونه و خلاص
بس الف هنه و شفا لكل اللي اكلو الفسيخ و اللرنجه
شكراااا يا مصطفى على الموضوع

وانا برضه مبحبش كل أنواع السمك
لا فسيخ ولا رنجه ولا أى أنواع السمك
كل سنه وأنتم طيبين .

معقوله يا ايمان ؟؟

طيب هل بتحبي الجمبري و الكابوريا و السبيط .. ؟؟؟

ولا دول برضه يا أستاذ امير.

لااااااااااااااااااا ... دول احلي حاجه .. حاله فريده من نوعها .. اول مره اجد احدا لا ياكل كل هذه الحاجات جمله واحده :

الفسخ و الرنجه و جميع انواع الاسماك و الجمبري و الكابوريا و السبيط !!!!

و اكيد كمان الجندوفلي و ام الخلول و السردين المملح و الانشوجه ..

ههههههههههههه ..

من ايه ده يا ايمان ؟؟؟؟

صح يا ايمان ازاى كده اه فى انواع سمك مش حلوه بس بصراحه فى حاجات تانيه جميله جد

سواء الفسيخ سواء الجبنة سواء المكرونه

لو في مراقبة صحية وضوابط ومعاقبة فعليييييييييييييييييييييية

كان كله امان وماكنش حد يحتاج كل شوية يقول بطلوا ده وده

يعني كل شويه حريقة وماس كهربائي

بكره هنبطل الكهرباء بقي ؟؟؟؟؟؟؟؟؟؟؟؟؟

تماااام كده يا اياااااات .. الحكومه بتاعتنا كسلانه علشان تريح نفسها تمنع و تحرم الناس و خلاص ..

بس ياجماعة المواطن هو كمان عليه مسئولية زي الحكومة يعني مثلا كام واحد راح وبلغ عن فرن العيش اللي جانبهم انه بيسرق الدقيق مثلا يعني يعني اقصد ان المواطن هو كمان عليه دور مينفعش يهرب منه
ولا ايه ؟؟؟؟؟؟؟؟

السلام عليكم،

أية كتب:: كل سنة وانتم طيبين انا لا بحب السيخ ولا الرنجة اكلت بطاطس محمرة هههههههههههه عكس الدنيا كلها
شكرااااااااااا يا مصطفى

كل عام و الأحبة في مصر الحبيبة بألف خير و صحة و عافية..

كنت أقرأ لحبيبي مصطفى المناسبة و التوصيات..ألف شكر لحضرتك..و أواصل القراءة و الردود متفاعلة بين أخذ و رد (الأستاذ، أستاذنا الفاضل أبو أسامة أنهى من قريب أكل "الفسيخ"، هنيئا مريئا لأستاذنا) و إذا بي أقرأ رد آية النبل و صديقة الملائكة الصغار..فوالله "فسخت" من الضحك (هو من كل قلبي..و هو نزر قليل نادر)، أضحك الله سنك يا آية النبل.. يمنى الخير كذلك مثل أختها آية النبل.. Smile

"تيجي" أختي الفاضلة إيمان..لا تأكل أي نوع من الأسماك..و عذرتها و ابتسمت، لكن ردود حبيبنا الغالي الأستاذ أمير "وراها..وراها"، شرحت أسارير و جهي، خاصة مع استعماله لجملة: "الحكومة الكسولة"، بديعة، بديعة!..

معكم أتابع و أستمتع..و كل عام و كل الأحبة بألف خير.

ههههههههههههه ..

فعلا يا استاذ / زين العابدين .. انا استمتعت مثلك بالموضوع و من براءة ايه الطيبه اللي اكلت بطاطس محمره يوم شم النسيم .. و فعلا قصدت الاحق ايمان لاني اول مره اعرف ان احدا يستطيع مقاومة كل هذه المتع من الماكولات مره واحده ( الفسيخ و الرنجه و جميع انواع
الاسماك و الجمبري و الكابوريا و السبيط و الجندوفلي و ام الخلول و السردين المملح و الانشوجه ..

هههههههههههههههههههههههههههههههههه

هههههههههههههههههههههههههههههههههههههههههههههههههههه

ايوا ايوا يا استاذ زين سمعنا صوتك اللي واحشنا ووحشني انا بالذات

السلام عليكم،

VENOS كتب:: ايوا ايوا يا استاذ زين سمعنا صوتك اللي واحشنا ووحشني انا بالذات

أدخلت حضرتك على قلوبنا السرور و الفرحة حبيبي مصطفى، أدامها الله عليك و علينا.

أما الصوت..لأنك أخوي و حبيبي، سمعته حضرتك..أسمعك الله أعذب الكلمات في جنة الرضوان.

لكن هذا الصوت، هو هو نفسه، لم يحسب مع 90.24 في المئة..لم يسمعوه؟!..لا!، بل ليست لهم آذان. afro

أخوك و محبك زين العابدين.

هههههههههههههههههههههههههههههه

معليش يا استاذ زين احنا كمان عندنا نفس المشكلة علشان كده انا مقدر اللي انتم فيه ربنا يزيح عنكم وعننا
وواضح ان اصوتنا مش ببتحسب

» كل سنة وانتم طيبين
» كل سنة وانتم طيبين يا امهات المنتدي
» كل سنة وأنتم طيبين
» كل سنة وكلنا طيبين
» كل سنه وإنتوا طيبين :)