فرعون من صنعنا(بقلم المسيري)

ياعرق الغلابه ياللي ضايع من زمان

يشقوا ويجروا ويتعبوا في كل مكان

والرب ما يبخل بيرزق والرزق في بطن الحيتان

من يوم ما شمسك نورت يامصرنا

ومتقسمه عبد وسيد

خوفو وخفرع تحتمس واشي ابصر ايه

وتتر واغريق وغجر وده كله ليه

لجل الغلابه ما يرزقم واسيادنا دول كما الدود الئيم في الارض يسرح

ويمص عيدان زرعنا

ومتقسمه امرا وعبيد

وامتي الوعيد

من كل كام الف سنه

يجي ولد من ارضنا

يرفع هامات كل الولاد

ونعيش سياد وده حقنا

فينك ياسعد وياعرابي وياجمال

القهر ذاد والظلم ذاد

وما عدشي فاضل غير مزاد

زي زمان ننباع عبيد

والجوع يزيد

والخوف يكسر ضهرنا

في حر الصهد دي حياتنا وحينا

ولما نتعب من وجع الزمان فينا

نمسك قلوبنا بين ايدينا

خايفين لا روخرا في المزاد تتباع

والانكي انها قدام عينينا

وبين حيطان مدهبه في العالي في العالي

كرسي كبير مفتخر والحاشيه سلطاني

سلطان وزين م انكتب في صفح تاريخ عمره

سلطان وابوه سلطان والحكمه من فمه

في السن جاب تسعين نغه ياحيله امه

ماشافشي ابوه ولا جده واللي جابوا عمه

بيقولو في الحكايات عنهم زمان انه

في مثل هذا الوطن رضعوا حليب همه

ضربت كف بكف وكفوفي خانتني

شافتني ارض جدودي من عجبي ناديتني

قالتلي يابني المثل عند العرب حكمه

فرعون وايش فرعنه دي قمه النقمه

ابني وفاتني ونسي ودي اخره الخدمه

واولادي سكتوا ورضوا وياخدو بالجزمه

فرعون وايش فرعنه سكاتكو علي القسمه

المسيري 2009

لا تعليق....................

شكرا خالد علي المرور الكريم

الله اكبر ولا اله الا الله

هههههههههههههههههههههههههههههههههههههههههههههه

ربنا يستر علي الموقع ده والله

خطيرة وتودي في دهية

» عبرات(بقلم المسيري)
» بما اننا لم نلتقي(بقلم المسيري)
» سقط اليوم قناع الزيف(بقلم المسيري)
» رد أدارة الموقع عن ما حدث بخصوص موضوع المسيري بقسم الاعضاء الجدد
» قصيدة أوهام الفاسد الكبير ... بقلم (( حسن الشحات ))