الفقرة الطبية هل هى ضرورية؟؟

سؤال هام يتبادر الى ذهنى كل يوم اثنين و انا اشاهد العاشرة هو هل الفقرة الطبية هامة او لماذا فقرة طبية بالذات يعنى طب ما يبقى فى فقرة دينية و فقرة عائلية و ....
لا اعتقد ان هناك ضرورة ماسة لهذه الفقرة و ارجو ان اسمع ارائكم

.

معاكى حق

نا اعتراضى مش على خالد منتصر لكن على الفقرة اصلاً سواء قدمها هو او حتى منى الشاذلى
بس هو كل اللى داخل مش طايقه ليه كده؟

الفقره الطبيه ليها مواعدها المحدده ومشاهدينها بينتظروها "انا مش منهم"

هي الفقرة الطبية مفيدة جدا..والحقيقة مواضعها حلوة..الاعتراض علي خالد منتصر

مش الفقرة الطبية.....

شوفوا انا هارض بالترتيب لية مايبقاش فية فقرة دينية لانة باختصار في كذا برنامج ديني علي القناة ومش محتاجين نقول اسمائهم لانهم معروفين لينا كلنلا دة في البداية اتنين لان مني قالت قبل كدة انة ليس برنامج ديني و ما ينفعش يكون برنامج يغلب علية الطابع السياسي يبقي فية فقرة دينية تبقي مش راكبة دي مع بعضها
لية الفقرة الطبية ؟؟؟؟؟؟؟؟؟؟؟؟؟؟؟؟؟؟؟؟؟؟؟
لان الناس يا جماعة محتاجاها في ناس كتير غلابة ومش لاقيين يروحوا للدكتور و بيلاقوا الفقرة دي و لبيستافادوا ومحدش يقةولي غلبان ازاي وهو عندة دش لان دلوقتي الدش مابقاش الحاجة الهاي وبقي في اختراع اسمة الوصلة وبتحل المشكلة يبقي خلاص (مانعملش زي الحكومة اللي تقولك طالما عندة دش يبقي مستريح ماديا ومش محتاج الدعم )
بلاش الغلابة في ناس يا جماعة بتبقي مش عارفة انها مريضة او تعبانة ولما بتشوف المرض دة بتحس انها لازم تروح عند دكتور لان عندها اعراض مرض محتاج يتعالج ومحتاج انها تروح لدكتور يعني بيخلي ناس كتير تفوق بدل ما كانت نايمة دة غير ان في ناس كتير بتكلمة في التليفون وبتسالة وبتستفيد ببلاش وكمان الناس خاصة كبار السن بيحبوا يكون عندهم معلومات وثقافة طبية لانهم بيكومنوا اكثر عرضة للامراض فموضوع ان الفقرة دي في ناس كتير رفضاها انا اعتقد ان دة علي مستوي شريحة الشباب اللي زينا اللي بيشوفوا البرنامج لكن لو عملنا استفتاء للناس كبار السن اللي بيشوفوة هنلاقي العكس وان الفقرة دي مهمة جدا بالنسبة ليهم خاصة ان مفيش برنامج طبي في القناة غير هو الفقرة الطبية دي بتاعت خالد منتصر
انا مثلا مش بشوف فقرتة دي تقريبا خالص وبسترخمة واستغلثة مع اني احقاقا للحق شوفت الاسبوعين اللي قبل اللي فاتوا فقرة النوم والشعر لانها شدتني اوي لكن بردو هو دمة تقيل بس بقي علي الصعيد الاخر مامي لازم تشوفة كل اتنين ودي حاجة في غاية الاهمية بالنسبة ليها وتاتة كمان لازم تشوفة اوي و بتحب فقرتة اوي وبتستفيد كمان اوي دة غير انة لما بيستضيغف دكاترة بيستضيف دكاترة كبار و شاطرين فدة بيبقي بمثابة دليل للنلاس تروح فين عند انهي دكتور بدل ما يسالوا مين اشطر دكتور او يروحوا لدكتور خايب مش فاهم حاجة
الخلاصة ان انا مش بحبة بس مش معني كدة اني اصادر حق االكبار اللي محتاجين فقرة زي دي لان صحتهم ضعيفة بسبب اني انا مش محتاجة اشوف خالد منتصر عشان الحمد اللة ربنا واهبني نعمة الصحة ومش محتاجة لة لكن غيري محتاج
وميرسي للموضوع

thedentistmod كتب:

نا اعتراضى مش على خالد منتصر لكن على الفقرة اصلاً سواء قدمها هو او حتى منى الشاذلى
بس هو كل اللى داخل مش طايقه ليه كده؟

انا عن نفسى مش بحبة من ساعة الهوجة بتاعت الاعشاب جاب ناس دكاترة كبار اوى خارج مصر وهزقهم وكان جايب معاه دكتور اد ولادهم وفضلو يتريقوا عليهم من ساعتها مش بحترمة وبمنع اى حد يتفرج عليه عندنا

صح يا سارة انا بحب اسمع الكلام الطيبى بس خالد منتصر لالالا

اية كتب:

thedentistmod كتب:

نا اعتراضى مش على خالد منتصر لكن على الفقرة اصلاً سواء قدمها هو او حتى منى الشاذلى
بس هو كل اللى داخل مش طايقه ليه كده؟

انا عن نفسى مش بحبة من ساعة الهوجة بتاعت الاعشاب جاب ناس دكاترة كبار اوى خارج مصر وهزقهم وكان جايب معاه دكتور اد ولادهم وفضلو يتريقوا عليهم من ساعتها مش بحترمة وبمنع اى حد يتفرج عليه عندنا

هو كان على حق فى قضية الاعشاب لكن اخطأ فى ما بدا و كانه استهزاء باشخاص ( الاعشابيين)

صح يا دكتور...هو مش المفروض كمان يقول رايه لانه في موضع مذيع

مش دكتور..والغريب انه كمان قال الراي ده في بداية الفقرة من غير ما نسمع الضيوف ايه

ردودهم ..

أنا بقول انه الفقرة الطبية مالهاش أى لازمة وخصوصا إن خالد منتصر بيقدمها ومش لازم يكون فيه معاد محدد لأى فقرة يعنى أى حدث دينى جديد يتعرض فى الحلقة المتواكبة معاه وكذلك أى حدث طبى ومممكن منى تقدمهم برضه زى حلقة الأوزون ولا إيه؟00000مجرد رأى

إخوانى فى البدايه نحن نعلم جيدا بأن هناك مقدمى برامج ثقيلة الوزن وبالتالى يصعب على من لايملك سلاح العلم والثقافه حملها . اما المتخصصين ومثقفين بمعناها الحقيقى خاصة فى مجال الطب قليلون وبالتالى انا اشاهد الدكتور // خالد منتصر منذ البدايات واراه مثقفا ويستطيع ان يأتى لنا بالمعلومه من الضيف بسهولة ويسر .. ثم أنه لمن لايرغب فى المشاهده يستطيع بمجرد معرفة عنوان الحلقه ان يحول القناه ولكن هناك امراض كثيره وفيروسات منتشرة بأجساد المصريين لذا من الواجب علينا ان لم يكن من باب الحرص على الصحه فهو من باب الثقافه العامه والعلم بالشيىء ولا الجهل به ومثال ذلك انا من حاملى فيروس س وعندما علمت من التحاليل فجربت جميع انواع العشاب من واقع وصفات البعض ولم يكن من ورائها طائل سوى المصروفات بل كانت ستؤدى بى الى الفشل الكلوى وبحلقة الدكتور / خالد امتنعت تماما عنها وتركت حتى الادويه حتى لا أساعد على نشاط الفيروس الى ان يقضى الله أمرا كان مفعولا .. والحمد لله حاليا بصحه جيده من اعشاب وادويه .نحن ننادى دائما بأن نعطى العيش لخبازه واللا إيه .

إخوانى فى البدايه نحن نعلم جيدا بأن هناك مقدمى برامج ثقيلة الوزن وبالتالى يصعب على من لايملك سلاح العلم والثقافه حملها . اما المتخصصين ومثقفين بمعناها الحقيقى خاصة فى مجال الطب قليلون وبالتالى انا اشاهد الدكتور // خالد منتصر منذ البدايات واراه مثقفا ويستطيع ان يأتى لنا بالمعلومه من الضيف بسهولة ويسر .. ثم أنه لمن لايرغب فى المشاهده يستطيع بمجرد معرفة عنوان الحلقه ان يحول القناه ولكن هناك امراض كثيره وفيروسات منتشرة بأجساد المصريين لذا من الواجب علينا ان لم يكن من باب الحرص على الصحه فهو من باب الثقافه العامه والعلم بالشيىء ولا الجهل به ومثال ذلك انا من حاملى فيروس س وعندما علمت من التحاليل فجربت جميع انواع العشاب من واقع وصفات البعض ولم يكن من ورائها طائل سوى المصروفات بل كانت ستؤدى بى الى الفشل الكلوى وبحلقة الدكتور / خالد امتنعت تماما عنها وتركت حتى الادويه حتى لا أساعد على نشاط الفيروس الى ان يقضى الله أمرا كان مفعولا .. والحمد لله حاليا بصحه جيده من اعشاب وادويه .نحن ننادى دائما بأن نعطى العيش لخبازه واللا إيه .

ربنا يشفي حضرتك
وانا اري ان فعلا الفقرة الطبية تفيد اناس كثيرون انا اعرفهم فانا تاتة ومامي لازم يتابعوها كل يوم اتنين و بيحيوها جدا
انا مش بحبها بس ساعات بتبقي فية فقرات حلوة زي عن الشعر او الجلد وطبعا بسمعها
اة مش بحب خالد منتصر بس مش عشان انا مش بحبة يبقي خلاص لا في ناس تانية بتحبة وبالتالي الحل الامثل اللي بعملة انا اني لما مش بلاقية جايب حاجة حلوة تهمني وبما اني مش بحبة بروح قافلة التليفزيون او بحول القناة او اروح سايبة لمامي التليفزيون واروح اعمل اي حاجة تاني وبس
حاجة بسيطة خالص

اكيد طبعا هيبقى رايى انى موافق على الفقره الطبيه
السبب فى عدم الموافقه عليها هو اللى لازم يتقال
مش معنى الاعتراض على خالد منتصر تبقى تتلغى الفقره
مفيش واحد لو سمع جزء من الفقره دى مش هيستفاد
اعتقد ان دلوقتى الناس عايزه تعرف فى الطب اكتر من الاول
خاصه مع ارتفاع اسعار الدكاتره فى الكشف وثمن العلاج
فالناس فى الحاله دى بتلجئ للصيدلى كدكتور بديل لتوفير الكشف عند المتخصص
فلازم الناس تبقى عندها درايه بالموضوع ده


وانا مع ان يبقى فى فقرات مماثله دينيه او اجتماعيه او اى فقره متخصصه
بشرط ان تكون اداره اللقاء من قبل المستضيف
سؤاء كانت منى الشاذلى اللى هتقدمها او غيره _على المستوى المطلوب
لان فى رايى ان المذيع بيبقى اهم من الضيف
لانه لو متمكن بيعرف يخلى الضيف يقول اللى هو عايزه وبطريقه توصل للناس بسرعه
بعكس لو كان الضيف بيتكلم والمذيع مش عارف يقول غير
نعم
ايوه
صحيح
وهكذا

انا مش فاهمة الجزء الاخير من تعليقك يا محمود
بس فقرة فقرات دينية لية مش موجودة
لان فية فقرات وبرامج كتير دينية علي قناة دريم نفسها متخصصة وعمر الكلام اللي بيتقال في البرامج دي ما هيكون اقل من الفقرة الدينية في برنامج العاشرة مساء بمعنب ان استحالة يكون الكلام اللي هيتقال في الفقرة اكتر من اليبيتقال في البرامج الدينية المتخصصة و اللي هي كتير في القناة
لكن فية فقرة طبية في البرنامج لان مفيش و لا برنامج طبي واحد في القناة
فاهمني
يا ريت توضح الجزء الاخير من كلامك

فعلا أنا رأي ان الفقرة الطبية مش مناسبة بعد البرنامج خصوصا وأنها مش مرتبطة ، ولو لازم يعني يكون في فقرة طبية أقترح أنها تكون عن الطب النفسي ، لأن كل ضيف لبرنامج العاشرة مساء من أتباع وأنصار الحكومة والحزب بيحسسنا أن العيب مش في الحكومة ولا في النظام العيب في الشعب اللي مش قادر يصدق أن فيه تقدم وفيه رخاء وان الحياة لونها بمبي والدنيا ربيع والجو بديع وقفللي على كل المواضيع

smsm123 كتب:

فعلا أنا رأي ان الفقرة الطبية مش مناسبة بعد البرنامج خصوصا وأنها مش مرتبطة ، ولو لازم يعني يكون في فقرة طبية أقترح أنها تكون عن الطب النفسي ، لأن كل ضيف لبرنامج العاشرة مساء من أتباع وأنصار الحكومة والحزب بيحسسنا أن العيب مش في الحكومة ولا في النظام العيب في الشعب اللي مش قادر يصدق أن فيه تقدم وفيه رخاء وان الحياة لونها بمبي والدنيا ربيع والجو بديع وقفللي على كل المواضيع

قفل قفل قفل !

كمل باقي الأغنية علشان مش حافظ !

قفل ليه ماهي الدنيا بنبي...!!!

انا عن نفسى مش بطيق اشوف الفقرة دى بحس انها ممله جدا
يمكن يكون العبي فى المذيع ويمكن يكون فى الفكرةى اساسا
لانة فعلا مفيش اى علاقة بين البرنامج والفقرة الطبية دى
وبعدين لو الناس فعلا محتاجاها ممكن يعملو برنامج خاص بالطب يجى كل اسبوع مثلا
بس المهم انة يكون منفصل عن البرنامج اما انه يكون مرتبط بالبرنامج
حاسة انها فكرة اساسا مش مهضومة خالص
او حلها انهم يوزعو مع كل حلقة لبن "اكتيفيا"لانة بيساعد على الهضم
ههههههههههههههههههههه

يا اخونا انتو عارفين احنا زعلانين منه ليه

لأنه بيجي بعد ما بنشوف ست الكل منى الشاذلي

تخيلو

لو د خالد منتصر جا بعد أى حد تانى مش هيبقى الفرق كبير ومش هنحس بفرق ومش هنزهق منه قوى

الحاجة التانية

د خالد اتكلم عن الحجامة وهى سنة نبوية ومعترف بيها فى جميع أنحاء العالم أما د خالد ناقش الموضوع بشكل بشع وأظهر من يعملون فى هذا المجال أنهم متخلفين


الحاجة التاليتة هجومه على المتخصصين فى الأعشاب

لما هاجم مثلا نقول د عادل عبدالعال وكان فعلا متهم فى 6 قضايا على ما أعتقد وهذا الرجل ثبتت برائته والناس كلها فرحت له كان من المنطق أن يشير البرنامج إلى هذه البراءة

أنا من زمان قلت إن د خالد منتصر يسيء لبرنامج العاشرة مساء