الافلام المعبره عن مصر.....

فى حلقة يوم الاربعاء كانت العاشره مساء جايبه الفنان/عمرو سعد وهوه كان بطل فى فليم حين مسيره ودكان شحاته

ولما سالته منى الشاذلى اشعنه اتوجهت للنوعيه دى من الافلام رد وقال ان الافلام دى قريبه من الشارع شعبيه يعنى
وكان رأيه ان الافلام اغلبها دلوقتى فاقده الهويه ( مبتعبرش عن مصر) فى حين ان احنا لما نشوف فيلم هندى عالطول بنعرف انه هندى فمثلا لو واحد من موزبيق ده على كلامه شاف فيلم مصرى مش هيعرف انه مصرى
ومن هنا كان لازم يمثل افلام تعبر عن مصر زى حين ميسره ودكان شحاته
السؤال بقى ان الافلام اللى بتعبر عن العشوائيات والشذوذ وغيره هيه اللى هتعبر عن مصر وتتعرف مصر من خلالها
للدرجه دى فى ناس وصل تفكيرها لكده بناقص الافلام دى اذا كانت هيه اللى هتمثل مصر
عايزه اعرف رأيكوا فى الموضوع ده؟؟؟؟؟؟؟؟

لا ....... طبعا مش بتعبر عن مصر ممكن نقول بتناقش مشكلات موجودة فى مصر وغيرها مثل بلاد كتير.
لكن مانقولش بتعبر عن مصر اكيد مصر حضارة 7 الاف سنه مش كلها عشوئيات.
اكيد مصر اللى خرج من ارضها وتربى فيا احمد زويل و مجدى يعقوب و البرادعى و فاروق الباز و يحى المشد و ومصطفى مشرفة و سميرة موسى و محمد غنيم و ام كلثوم وعبد الوهاب
_مع حفظ القاب كل من هؤلاء العظماء_مش كلها تعصب وشذوذ. اكيد مصر مش كلها كده فى مشاكل ويجب ان نلقى عليها الضوء ولكن مع احتفاظنا بقيمه مصر كبلد عظيمة

صح يا لى لى كلامك ممكن نقول بتنقاش مشاكل مصر بس برضه المشاكل دى مش ظاهره يعنى قليله جدا فليه بقى نعرضها مع ان فى حاجات تانيه اهم بكتير واشمعنه خالد يوسف بيهتم بالنوع ده من الافلام بذات

الموضوع ده مهم جدا يا رنا فعلا و مستفزني جدا لأن ببساطه حتى لو فيه الحاجات اللي همه بيعرضوها دي في الواقع_و انا مش حنكر ده لأنها موجوده و بتحصل_ بس ربنا حليم ستار يعني لو ربنا بيستر على الناس يبقى احنا نفضحم و نقول الحقو يا جماعه الناس دي في المناطق دي بتعمل كذا و كذا و كذا و كمان على الملأ !!!؟؟؟؟؟؟؟ يعني لو انا متأكده اني لو عرضت اللي الناس دول بيعملوه ممكن اقول للمسأولين عنهم بس في السر و كمان لو انا "متأكده متأكده متأكده" ان المسؤلين دول حيتحركو و حيعملو حاجه ..انا موافقه جدااااا
لكن انهم يعرضو المشاهد المقززه دي على الملأ و يقولو اصلنا مبندفتش رسنا في الرمل و الكلام ده ..لأ لأ لأ..!!!!!!و في الاخر اهم عرضو الافلام و المشاهد و محصلش حاجه!!!!فين تصحيح الاوضاع اللي مفروض يحصل
يبقى بقى الافلام دي فاشله ولا مش فاشله؟؟؟؟؟؟؟؟؟؟

ببساطه خالد يوسف بيحط السم فى العسل زى ما بيقولوا
يعنى عمل فيلم كأنه بيناقش مشكلات المجتمع وحط فيه
اللى هو عاوزة والأفلام دى فيها مايخدش حياء المواطن
زى ما قالت يمنى بالظبط أفلام قذره
يعنوا شوفوا الأفلام دى بيكسبوا منها قد إيه ؟؟؟؟؟؟
ملايين الجنيهات فين صوره مصر الحلوة
أنا بقول خالد يوسف بلاش يتقمس دور المدافع
عن الوطن والمهتم بقاضايا البلد ومشاكل الناس
عمل فيلم خلاص كفايه وفين صوره مصر الجميله
المفروض يعرض صوره مصر كامله بإجابياتها وسلبيتها
شكرا يا رنا لإثارتك مثل هذه المواضيع الهامه جدا
عذرا على الإطاله .

من باب خالف تعرف

تلميذ يوسف شاهين (أعني خالد يوسف)
عمل أفلام تشوه صورة مصر وأهلها وهو إمتداد لأستاذه حتى وصل بنا الحال في خارج مصر عند من يشاهدون أفلامهما بأن مصر العريقة هي كما يصورها شاهين وخالد يوسف وإيناس الدغيدي في أفلامهم
رجال سكرى سارقون ونساء........
يوسف قال إن أفلامه محتاجه عشرين عام حتى يفهمها الناس لأنه كان يتخيل نفسه ذو نظرة مبعدية
وخالد يوسف يظن نفسه حامي الحمى وكاشف المستور
وكلاهما ومن يسير على دربهما يضر ولا ينفع ويربح المليارات من جيوب ودماء أبناء مصرنا الحبيبه
بالعربي الفصيح (عالم بتضحك علينا باسم الفن)
شكرا للفاضلة رنا

غير ان ربنا حليم ستار يا يمنى انا واثقه ان فى ناس بعد ما شافت الافلام دى اتاثرت بيها ومش بعيد تكون قلدتها يعنى مصلحتش اى وضع بالعكس زادت الطين بله

شكرا يا يمنى
فعلا يا ايمان المفروض خالد يوسف يقتنع انه كده بيقوم بدور المخرب مش المصلح ويتجه لاى نوع تانى من الافلام فيه اى حاجه كويسه عن مصر
شكرا يا ايمان
طيب لما يبقى خالد يوسف خليفة يوسف شاهين مين بقى هيكون خليفة خالد يوسف وهيعمل ايه اكتر من اللى اتعمل مش عارفه الرقابه سيباهم كده ازاى بيعملوا اللى يعملوه ويخربوه اللى يخربوه من غير ما حد يقولهم بم
شكرا يا استاذ ابو اسامه

عودنا برنامج العاشرة مساءا على استضافة مفكر أو شاعر فى حلقة عيد ميلاد البرنامج و لكن هذا العام تم استضافة عمرو سعد .......
و كمان ليه محضروش حلقة عيد ميلاد البرنامج بشكل قوى فأكتفوا فقد بعرض أهم الشخصيات التى تم استضافتها هذا العام فى البرنامج ليه مثلا معرضوش أهم التقارير التى تعد انفراد للبرنامج _ و أهم موضوع تم طرحه و الرد عليه من قبل المسئولين _ اهم حلقة اخذت وقت و جهد فى التحضير سواء من قبل فريق الاعداد او من الاستاذة منى .... . وغيرها
اعتقد لو تم تخصيص كل الحلقة للاحتفال بالبرنامج لكن ذلك أفضل .

صح يا روز الحلقه السنه دى كانت ممكن تبقى اقوى من كده والاحتفالات اللى فاتت بعيد الميلاد كانت افضل بكتر

اسفه على الرد المتاخر

تمام يا رنا السنه دي كانت اقل سنه ...

علي فكرة انا لا احترم الشخص الذي يدعي خالد يوسف كمخرج شخصيا لا اعرفه الحقيقه

اولا

كلامك منطقي جدا يا رنا لو كان في عشوائيات وناس عشوائية فلا يعني ان مصر عشوائية

مازلنا نتعلم ونخرج كل يوم دكاتره ومهندسين وتجار وزراعيين كل عام فهذه ليست عشوائية

مازلنا نبني المسشفيات الارقي مثل 57357 ومركز الكلي لدكتور غنيم

مازلنا نحصد الجوائز العلمية مثل الدكتور مصطفي السيد

مازلنا ننفاس في المجالات الرياضية

كل هذا ليست بعشوائية وكل هذا الجانب الاكبر في مصر

خالد يوسف راح مكان عشوائي كبير فيه وبقول بمبالغه فيه مثلا كام يعني 4 مليون شخص

وهل جعلت ال4 مليون شخص مقارنة مع 80 مليون شخص ؟؟؟؟

مصر ليست عشوائية ومش دي الافلام الي بتمثل مصر

لما تعملوا مهرجانات وحملات توزيع افضل ممثل وافضل مخرج وافضل فيلم ووووووو

عشان تقولوا مين الي مثل مصر في المهرجان العربي الفلاني ولا العلاني في اوربا

لو عملتوا مهرجان افضل عالم وافضل باحث وافضل مهندس وافضل اب وام

هتعرفوا برده مين الي بيمثل مصر

شكرا جدا يا رنا علي نقاشك المتميز

هوه ده الكلام يا ايات مصر عمرها ما كانت العشوائيه ولا حتى اغلبها ده قطاع صغير فى المجتمع واعتقد انه موصلش للدرجه اللى خالد يوسف بيوصفها فى افلامه انما القصد من الافلام دى الفرقعه وانه يعمل جدل عشان خاطر

نفسه مش عشان مصلحة مصر ولا حاجه ولا حتى بنية اصلاح اوضاع فاسده فى المجتمع ده اذا كانت موجوده اساسا
لكن هوه او غيره دوروا هيلاقوا حاجات احسن من كده بكتير تتعرض فى الافلام وتمثل مصر صح
شكرااااا يا ايات على تعلقيك الجميل

» اشهر الافلام المصرية فى القرن العشرين