معلومه أريد التأكد منها عن منى ؟؟؟؟؟؟

فى السنه الماضيه وهذه السنه رأيت منى تلبس السواد فى ايام عاشوراء فأستغربت ذلك جدا" فقلت منى ليست بشيعيه ودخلت على موسوعة (ويكيبيديا) وبحثت بأسمها ففوجئت بأن منى الشاذلى من الأشراف (ينتمى نسبها الى أل بيت النبى صلى الله عليه وسلم) مثل الحبيب بن على الجفرى فهل أحد سمع عن هذا من قبل ؟ Question

لنك موسوعة ويكيبيديا : -
http://ar.wikipedia.org/wiki/%D9%85%D9%86%D9%89_%D8%A7%D9%84%D8%B4%D8%A7%D8%B0%D9%84%D9%8A

ايوة سمعنا وقبل كدة واحد مش فاكره اسمه اتصل بيها وقاللها يابنت العم فعلى حد علمى انك من الأشراف ولما قلت الكلام ده فى المنتدى زعلوا مع انها مكتوبة فى منتدى المعلومات والأخبار ومتقوليش كدة تانى لحسن سارة ومراد يزعقولك زى ما عملوا معايا

عضو صاعد الدولــة : تاريخ التسجيل : 24/07/2007

اية يا تيو ليوب فى اية

هوة يعنى على شان واحد اتصل وقال كلمة يبقى خلاص بت قران يعنى

وكمان الموسوعة اللى بتتكلموعنها دى غير موثوق فيها

واحنا كل همنا هنا فى المنتدى ان المعلومات تكون دقيقة وصحيحة

لكن معلومة ذى دى احنا مش عارفين دى صح ولا غلط
والاحتمال الكبير تكون غلط

--------------------------------------------------- والسلام عليكم

انا لعلمك يا تيوليب مازعقتش ولا حاجة انا مش من النوع اللي بيزعق واستحالة ازعق غي خلاف راي ابدا لاني مومنة بان اختلاف الراي لا يفسد للود قضية ..................................................
كل القضية ان مش اي معلومة تتكتب تبقي صح وعلي فكرة يا احمد انت ممكن ترجع لموضوع مني الشاذلي من الاشراف وتشوف الردود و ردودي انا كمان واكيد هتلاقي اجابة علي سوالك ................... يا ريت بليييييييييز ترجع

واعتقد اتن احنا محتاجين اجابة من ايات

أصدقائى الأعزاء (تيوليب - Mourad- Sarah)شكرا" لتفاعلكم بس أنا مش شايف أن الموضوع فيه حاجه تزعل لأن ده شيء يزيد منى شرفا" وهو أيضا" ليست نقطه فى حياتها الشخصيه الخاصه ولها كل الحق أن تفتخر بها - وأنا حبيت أسأل هنا لأنكم بتتحروا الدقه فى كل معلومه عنها .

اوكية طبعا يزيدها شرف وياريت طبعا
بس تقدر تقولي لو هي معلومة خطا او مغلوطة ماذا سوف يكون الموقف حينئذ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

sarah كتب:: اوكية طبعا يزيدها شرف وياريت طبعا
بس تقدر تقولي لو هي معلومة خطا او مغلوطة ماذا سوف يكون الموقف حينئذ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عادي جدا يا سارة
يعني هي مش معلومة سيئة
تعرفي يا سارة انا مرات لما اقرى ردودك
بقول لنفسي انك ممكن تكوني منى ومستخبية
هههههههههههههههه lol!

بالراحة الموضوع مش مستاهل كل دا

انا مني يالهوي يا هدي حرام عليكي بجد لا بلاش الهزار دة لحسن يصدقوا وتوديني انا في داهية ابقي منتحلة لشخصية غير شخصيتي واتبهدل بقي
انا مني ههههههههههههههههههههههههههه يا ريت بس هو انا اطول ابقي عشرها بس
وبعدين هي مني محتاجة تستخبي ورا شخصية حرام عليكي بجد

كل الفكرة اني انا برفض الاشاعات والمعلومات المغلوطة احب دائما لما اسمع او اري معلومة اكون متكدة منها تماما خاصة لو تمس حد بحبة اوووووووووووووي كدة زي مني لو قعدنا نقول ومالة يبقي هنملا المنتدي بالمعلومات المغلوطة طالما هي حلوة ونفقد مصدقياتنا يعني بدل ما واحد يدخل المنتدي ويقول هو دة مصدر معلوماتي الوحيد و الاكد ياخذ المعلومة من عندنا ويطلع برة يلاقيها غلط يبقي اية بالذمة منظرنا او موقفنا شوفي انا اتعودت من وانا صغيرة ولحد دلوقت اني لما اشيل مسؤلية حاجة ابقي قدها بمعني اني اما اتحمل المسؤلية دي علي اكمل وجة او اعتذر عنها بكل ذوق واقول انا لا استطيع حمل تلك المسؤلية لكن اشيل مسؤلية واانفض شوية واهتم شوية واطلع حاجة مش صح خاصة كمان لو مسؤلية تجاة حد بحبة يبقي لا و الف لا يا اطلع حاجة محترمة يا اترك الموضوع وبس
وصدقيني بجد انا من اول ما دخلت المنتدي دة وانا بقول لازم يبقي حاجة حلوة عشان لو قابلت مني في يوم وقولتلها علية تفرح وتنبسط مش لو قابلتلها وقولتلها تقول انتم مصدر الاشاعات حتي لو كانت حلوة مش وحشة لان مبدا المعلومة المغلوطة موجود من الاول حتي لو كانت المعلومة حلوة ومش وحشة انا اللي مضايقالة مصداقيتنا

دائما بشوف المنتدي علي انة زي العاشرة مساء احنا بنحاول نصنع اخبار و نجيب معلومات وبتبقي صحيح معظمها عن مني ولاننا بنشارك في صناعة اعلام ممكن يكون ضيق شوية لانة معظمة عن مني الشاذلي بس بردو بنواجة وبنخاطب ناس كتير كلهم من محبي العاشرة ومني الشاذلي ودول ناس اكيد محترمة وما ينفعش نضحك عاليهم بمعلومات نسبة صحتها اللة واعلم كام دول يستاهلوا انهم يتعاملوا زي ما بيعاملهم العاشرة مساء بالضبط ولانهم متعودون علي مبيدا المعلومة الصح و الاكيدة وبس
ولعلمك في ناس كتير لما بتدخل بتفتكرنا تبع البرنامج تخيلي تبع البرنامج وبنطلع معلومات مغلوطة يبقي بدل ما نقدم للبرنامج سمعة حلوة بنقدملة سمعة سيئة
لازم نقلد مني في الموضوع دة عمرك شفتيها ذاعت معلومة واحدة مغلوطة حتي لو كانت حلوة ومش وحشة ؟؟؟؟؟؟؟؟؟؟؟؟؟؟؟؟؟؟؟؟؟ عمرك شفتيها قالت حاجة مش متاكدة منها اكيد طبعا لا و لو قالت بتعتذر عنها لان دة يشكل خطا فادح ..........................

انا هقولك حاجة انا عندي عشرات المعلومات عن مني الشاذلي و لكن معظمها لست متاكدة منها بنسبة ماءة في المائة عشان كدة مش برضي احطها او اذيعها و ايات المشرف العام عارفة كدة كويس لاني لا ارضي ان اضع معلومة لست متاكدة منها لان احنا بنشيل مسؤلية كبيرة وانا شخصيا لم اتعود اني اشيل مسؤلية واتعامل معها بتهاون ابدا احنا منتدي العاشرة مساء مش منتدي حاجة تاني عشان لا نراعي دقة وصحة المعلومة قبل ما ننشرها او نحطها علي المنتدي دة مبدا ومايزعلش حد علي ما اعتقد

ميرسي يا هدي علي امنية الجامدة دي بس يا رب يسمع من بقك ربنا انا ابقي مني واللة دة انا هاروح دلوقت اترسم علي العيال في الكلية واقوولهم انا في ناس قالتلي انك زي مني الشاذلي هههههههههههههههههههههههههههههههههههههههههههههههههههه

هزاراية حلوة

يا سارة انا فى نفس الموضوع ده كنت طلبت منك انك تثوليلى اتأكدتى منين ان المعلومة غلط ومين قاللك الموسوعة مش موثوق فيها يا مراد وعلى فكرة انت وسارة انا مش بتخانق ومتزعلوش يعنى انا كان قصدى انكو خدتوا الموضوع بحساسية زيادة عن اللزوم وانا مبأكدش ده وقولتلكم قبل كدة أنا بتكلم على رد الفعل وزى ما بتقولوا ان المعلومات الغلط عنها تسىء للمنتدى برضه نفى المعلومات الصح كذلك وعلى فكرة دى مش حكاية صعبة اوى انها تبقى من الأشراف ما انا الحمد لله منهم ويا سارة متخديش حكاية زعقوا دى على محمل الجد انا كنت بقولها مجازا.هو كنت يعنى شايفاكى وانت بتتكلمى؟انا تانى مرة بقول كنت اقصد رد الفعل القوى منك وعلى فكرة ساعات بحس زى المتيمة .بس والنبى ياسارة ده مجرد احساس فى بعض المواضيع يعنى متقوليليش انتو هتنشروا اشعة ان انا هى

وانا كمان بهزر بس سارة بتاخد حاجات كتير جد

الدولــة : تاريخ التسجيل : 29/07/2007

على فكرة الشيعة قليلين في مصر جدا ، ومنى الصراحة متستضفش الا علماء سنة بتقدرهم جدااااا ، أعتقد ان شيعية بعيدة جداااا

وزي ما جنة شاكة طيب يا جماعة أنا قريبها وأنا مش شيعي ( مع الاحترام للشيعة )

اولا انا مش زعلانة خالص ومش معني اني اخذ الحكاية بجد يبقي زعلانة لا خالص انتي لسة غالبا مافهمتنيش اوووووووي بس لما تقعدي معانا هتقدري تعرفي دة كويس وبجد انا مش بزعل من اي اختلاف في راي دة بداية

اما انا من المشكوك فيهم اني اعرف مني يسمع من بقكم ربنا واشوفها بس واللي انتم عايزينة ان شاء اللة عزومة في الهيلتون

قصة ان احنا المعلومات الصح ننفيها شوفي يا تيولين انا عندي الحل في المووضع دة اما انك تكوني متاكدة من المعلومة بنسبة 100% او اننا نسكت ولا نكتب حاجة لسنا متاكدين منها ولا ننفي حاجة لسنا متكدين منها طالما مش متاكدين يبقي نسكت الي ان نتاكد وانا شخصيا متبعة المبدا دة في كتير من المعلومات اللي مش متاكدة منها عن الاستاذة مني الشاذلي وصدقيني بالامانة ببذل مجهود ضخم عشان اعرف واتاكد من المعلومات دي وعلي فكرة جنة وكلكم في المنتدي عارفين اني بسال طوب الارض و سلمي قبل كدة سيحتلي و قالت الكلام دة بس بردو لو مش متاكدة افضل الصمت علي اني اكتب حاجة غلط او اني انفي حاجة صح .................

واظن مني كدة بردو وطالما بنحب حد لازم نتمثل بية ولا اية هم فضلوا الصمت في انتخابات الشوري علي انهم يقولوا شيء مش صح لية احنا مانعملش زيهم بس علي مدي الضيق في المنتدي هنا ولا هو صعب و لا مستحيل
اتنين الموضوع مش كبير وانا كبرتة لا هو كبير اصلا لان قبل كدة قلت انها مسؤلية طالما وافقت اشيلها يبلقي لازم التزم اني اطلعها باحسن صورة

مش معني اني بحب مني وشايفاها انسانة عظيمة وعايزة الموقع بتاعها يبقي احسن المواقع واصدق المصادر عنها وعن البرنامج ابقي انا مني ولا اقربلها ........................................... ولا داعي للشك وعلي فكرة انا اخذتة انة هزار يا جماعة وبس بجد مش بزعل وانتوا عارفين دة

قصة منين عرفت ان ويكيبديا دة مصدر غير موثوق انا جاوبت علي دة في الموضوع بتاع مني الشاذلي من الاشراف بعد اذنك ممكن ترجعيلة وتشوفي انا رديت باية وعشان تعرفي اني اللي كتب المعلومات في ويكيبديا دة اصلا شكلة ماكنش يعرف مين مني الشاذلي اصلا لاني اللي بيكتب في ويكيبديا دة اي شخص ممكن يكون عارف معلومات والاحتمال الاكبر انة لا ؟؟؟؟؟؟؟؟؟؟؟؟؟؟؟؟؟؟؟؟؟؟ لية لاني انا ممكن ادخل واكتب و انتي ممكن تدخلي وتكتبي اي شخص عندة نت ممكن يدخل و يكتب براحتة وبمزاجة ويحط اي معلومات ولا حد هيقولة انت فين ولا بتعمل اية ولا من اي مصدر او مكان جبت المعلومات دي ولا اتاكدت منها باية ؟؟؟؟؟؟اوكية يعني بابسط الصور في نفس المعلومات دي اللي كانت مكتوبة علي مني ان مني من الاشرا\ف كان مكتوب معاها ان مني درست علوم سياسية ودي طبعا معلومة خطا و خطا كبير و تدل اصلا انة مايعرفش مني الشاذلي و لا حتي كلف نفسة انة يدخل علي النت و يبحث في جوجل عشان يعرف هي خريجة اية او كانت فين ولا حتي قرا جرايد عنها يعني معلومة صغيرة زي درست اية دي ومتاحة لكل البشر وفي كل المواقع و الجرائد وهي بنفسها قالتها علي الهواء اكتر من مرة وهو مش عارف يجيبها او يكتبها في ويكيبديا صح مما يدل انة اصلا مش بيسمع البرنامج او مش متابعة من الاصل
لان لو كان قرا عن مني او سمع البرنامج كان عرف انها خريجة صحافة بالاصل مش علوم سياسية اوكية ودي اول حاجة

اتنين : قصة المعلومة بتاعت مني من الاشراف اسالي نفسكم واحد مش عارف هي درست اية ودي معلومة مفيش اكتر منها انتشارا في الجرايد و علي النت وهي قالتها قبل كدة يبقي هيعرف معلومة صعبة زي ان مني من الاشراف طب ازاي يعني ؟منطقيا مش قادرة اقتنع بيها ازاي يعني
الحكاية انة ممكن يكون استنتج او انة قرا في موقع علي النت وانا كنت شفت قبل كدة عن موضوع بعنوان (مني ترتدي السواد ) واللي قعدوا يردوا ويكتبوا تعليقات و الكاتب نفسة شك ان مني ممكن تكون شيعية

بس فاللي كتب في ويكيبديا ممكن يكون خذ المعلومة من هنا ولا هنا ولا استنتجها من اي مكان ولا من عقلة هو او ممكن يكون هو نفسة نفسة ان مني تكون من الاشراف فكتب كدة عادي يا جماعة (لان المواقع اللي زي ويكيبديا دي ليس عليها رقابة اي حد يكتب اللي عايزة واللي نفسة فية ) ولا حد قالة كدة ام مصدقة وحط المعلومة زي الموضوع بتاع مني ترتدي السواد دة اهو واحد شك في ان مني شيعية وراح كتب دة بسيطة وعادي في نفس الوقت لانها شكوك فردية
وبليز ارجعي الي موضوع مني من الاشراف عشان تعرفي ازاي اني ويكيبديا عامة مش موضوع مني الشاذلي بس مصدر غير مؤكد للمعلومات وذلك من تجارب حية في الجامعة

انا مقدرة كلامك يا سارة وأنا قولتلك انا مبأكدش المعلومة ويوم مانفتوها سحبتها علطول ومقولتش حاجة بعدها عن حياة منى ودى رغبتكم وانا مؤيدة الفكرة دى وعايزاكى تعرفى تانى انى مبنشرش معلومات غلط ده كان مجرد رد ومش تأييد للمعلومة ومنى شيعة ولاسنة ده شىء ميهمش لأنناكلنا مسلمين زى ماعلى بن ابى طالب قال (قتلانا وقتلاهم فى الجنة)..وان شاء الله باصرارك ده هتشوفيها ....................بس سورى مش هتنازل عن العزومة

يا ستي انا ماقلتش انك بتنشري معلومات خطا ولا اتكلمت من الاصل عن شيعة اوسنة كل القضية اني اتكلمت عن مبدا نشر المعلومات وفقط
وبس كدة مش عزومة واحدة اتنين يا ستي بس اشوف مني الاول لان كل اصحابي شافوها وانا لا

شافوها فين دول بتبقى موجودة فين يعنى انا صحابى برضه شافوها

ما سلمي قالت شافوها يا ستي في نادي الصيد في المهندسين
انتي اصحابك شافوها فين عشان نعمل ليست بكل الاماكن اللي مني بتروحها ونروحها يمكن تصادف ونشوفها

والله مسألتش اصلهم شتموا فيها لأنهم مبيحبوهاش فاتخانقت معاهم ونادى الصيد قشطة قووووووووى ساعات الواحد بيروح يمكن تصادف

يا رب تصادف معاكي يا رب وتصادف معايا كمان

بس شتموها لية في حد يشوف مني ومايروحش يسلم عليها قال يشتمها قال لا حرام عليهم بجد دة انا اصحابي ماصدقوش لما شافوها و لا انا ما صدقتش لما قالولي انهم شافوها

» التأكد من حقيقة وائل غنيم _ تم حذف الموضوع _
» اللهم اجرنا في مصيبتنا واخلفنا خيرا منها
» إيمان السيد مقلدة منى الشاذلي تنفي غضب مني منها .. نقلا عن ال ( egynews )
» لا تنتخبوه لكن تعرفوا عليه فانه قامه يمكن ان تتعلموا منها الكثير
» جريدة المصريون اليوميه تفرد صفحه لسب و اهانة مني الشاذلي و الاستهزاء منها .. يارب ولع في الجريده ..