ايه أكتر حلقات عجباك

اكتر الحلقات الي عجبتني بصراحه هي كتير جدا وانا لوقعدت اقول للصبح مش ههخلص ومنهم
حلقه الدكتور مجدي يعقوب والرائع محمد صبحي وحلقه الاسري المصريين وحلقه الرئيس الايراني السابق محمد خاتمي وحلقه الكابتن محمد ابو تريكه وحلقه لويس جريس وحلقه مدحت صالح وحلقه محمد منير وحلقه نور الشريف ونجيب ساويرس
وفي حلقات كتير بس انا الذاكره لاتحضرني
اما عن الاشخاص الي كنت واخد فكره عنهم واتغيرت بعد اللقاء منهم علي سبيل الذكر وليس الحصر نجيب سويرس
وشكرا علي الموضوع يا جنه

بصراحة الحلقات الحلوة كتيييييييييرة جدا بس من اكتر الحلقات اللي عجبتني حلقة الدكتور مجدي يعقوب .وحلقة المصروف اللي كان فيها الاستاذ بلال فضلوعلى فكرة حلقةد/مجدي خلتني فعلا احس انه انسان عظيم جدا ويستحق كل تقدير000

سلام عليكم
طبعا ما فيش شك ان كل حلقات البرنامج احلي من بعض بس بجد اكتر حلقه عجبتني اخر حلقه في 2006 حلقه العبقري محمد صبحي و حلقه الاباء الي ابنائهم في الثانويه العامه كان دمها خفيف مووووووووت سواء من الضيوف او الاتصالات الهاتفيه و الصحفي مجدي مهنا كان دمه خفيف بردوا و طبعا حلقه الفنانه سهير رمزي و اكيد في حاجات تانيه كتير بس ده الي حاضرني دلوقتي و احسن تقرير تقرير الجملين الي اتقتلوا في حديقه الحيوان و حقيقه البرنامج كله بتقاريره و ضيوفه احلي من بعضه
سلام

بصراحة كل الحلقات روعة بس اكتر حلقة عجبتني ومع الاسف ما قدرتيش اكملها كانت السندريلا مع عم احمد فؤاد نجم وحلقة الاحتفال بمرور عامين

وكمان الحلقة بتاعت امبارح كانت روعة التقرير عن الشاب يحيي عبد الله كان روعة وكمان الحوار مع الوزير فاروق حسني كان جميل واكتر حاجة كانت جميلة هي ان السندريلا رجعت لوليد حقة في انة يسافر
وممكن اسالك سؤال يا جنة اية اللي ما بيعجبكيش في عم احمد فؤاد نجم
وشكرا علي الموضوع الجميل دة يا قمر

شكرا علي ردك علي سؤالي يا قمر
اما بالنسبة لان السندريلا رجعت حق وليد فبصراحة كل حاجة بتعملها السندريلا جميلة
اما بالنسبة لعم احمد فهو من اكتر الناس اللي لو قربتي منها او حاولتي تفهميها حتحبيها جدا واكتر حاجة بحبها فية انة مش كداب واللي في قلبة علي لسانة
حاولي حتحبية جدا
وشكرا مرة تانية يا قمر

انا متأكد انك لما تتبعية حتحبية جدا

بصراحة احلي حلقتين بحبهم عماد اديب وحلقة المستشار جابر ريحان رئيس المدعي العام الاشتراكي

العفو يا جنة وشكرا لردك

احلى حلقة هي
حلقة
عبد الرحمن الابنودي
سامي يوسف
وجيه عزيز
علي سلامة
حمدي قنديل
محمد صبحي
فاروق جو يدة
عماد اديب
نصير شمة
جمال بدوي
اسامة انور عكاشة
طلعت السادات
احمد بهجت

والى اللقاء في دفعة جديدة
سلام

انا راى ان حلقة الدكتورة عبلة الكحلاوى وطبعا محمد صبحى وفى حلقة ما حدش فاكرها خالص يوم الاحتفال براس السنة الى قبل لى فاتت لما كانت جايبة مذيعين القناة كلهم وعملتهم انهم وزراء بصراحة كانت حلقة جامدة جدا واكتر حلقة بكرها يوم الدكتورة منى بنت نوال السعداوى لانها عصبت منى جدا وعصبتنى جدا وكنت بتمنى ان الحلقة تخلص لاول مرة و اخر مرة

نفسى حد ينزلها لوعنده او حتى ان امكن حزء منها

اه والله يا جنة عندك حق انا بدور على حلقة محمد صبحى هى موجودة على المنتدى ولا انا بيتهيلى انى شوفتها

طبعا انا كل حلقات البرنامج بتعجبنى

بس حلقه الدكتور احمد بهجت والاعلامى عماد اديب والدكتور مجدى يعقوب شدونى اكتر

.

شخصيا يا جماعة كل الحلقات ماعدا كام حلقة زي سارة تقريبا حلقة فاروق شوشة وسهير رمزي ومحمود ياسين وشهيرة
اما الحلوين لا تعودوا ولا تحصوا كل الشخصيات اللي بتستضيفها مني في اي مجال خاصة الشعر والادب انا بحبهاااااااااااااااا اوووووووووي وتبقي حلقة ممتعة بس كمان حلقة توفيق صالح المخرج و الوزيرة اليابانية جميلة مووووووووووووووووووووووت ودول اللي جم علي بالي دلوقتي

.

كله تمام ياسلمي الباس ورد نفعت



مع ارق تحياتي ايات

الادارة

اة نفعت يا ايات كلة تمام ميرسي اووووي يا قمر تعبينك معانا

من الحلقات التي تبقى في الذاكرة هي الحلقات الخاصة بأحمد فؤاد نجم و تلك الخاصة ببلال فضل