ليه بتحب مصر؟!

سألونى ليه بتحب مصر ؟
استغربت سرحت انا صحيح ليه بحب مصر
يمكن عشان هى بلدى وعشان انا اتولدت فيها قلت معنى كده ان المصريين اللى اتولدوا واتربوا فى السعوديه مفروض يحبوا السعوديه وهكذا لكن ده مش بيحصل
يمكن عشان اهلها طيبينوبيخافوا على بعض بس ده كان زمان دلوقتى اهلها تعبانين وبيكرهوا نفسهم قبل ما يكونوا بيكرهو حد _الا من رحم ربى_ وفيهم المرتشى والفاسد واللىبيظلم واللى بيتحكم فى خلق الله
يمكن عشان اهلها راضيين وعمرهم ما يقولوا لأ يعنى اللى يحكمنى اسقفله واهلله وعاش الملك مات الملك قلت ده عيب وعمره ما يكون ميزه
يمكن عشان نيلها واراضيها بس النيل فيه الصرف وبيترمى فيه كل ما لذ وطاب وبيشتكى من اهله وارضها مرشوشه بالمبيدات المسرطنه و اتباعت لكل من هب ودب وخيرها اصبح لغيرها
يمكن عشان ابوى وامى واخواتى واصحابى منها بس معنى كده انى احبهم هم بس
يمكن عشان تاريخها بس اى تاريخ الفرعونى ولا الرومانى ولا اليونانى ولا القبطى ولا الاسلامى ولا ولا دى حاجه تخلى العقل يتوه
يمكن عشان فيها زويل و محفوظ والباز ومصطفى السيد ومشرفه والمشد و و و و بس معنى كده ان احب امريكا اكتر لانها فيها اكتر
يمكن عشان فيها جاهين والعقاد وطه والابنودى بس معنى كده ان احب فرنسا اكتر او انجلتر
يمكن عشانفيه مصطفى كامل ومحمد فريد وعرابى ووو بس معنى كده ان العن ابوه دلوقتى بسبب 000000 انت عرف ليه متودناش فى داهيه
طب ليه بس بحب مصر ؟! معرفتش سبب بس كل اللى عرفته انى بحبها ونفى اشوفها احسن المدن واموت عشان تحيى هى واهلها فى احسن حال
بحبك يا بلدى

صدق ابو فراس وهو يقول

ازعمت انك صابرا اصدوده هيهات صبر العاشقين قليل

ما المحب على الصدود جلاده ما اللمشوق الى العزاء سبيل

فدع التعزز ان عزمت على الهوى ان العزيز اذا احب ذليل

على اسم مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
على اسم مصر
مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصرمصر
السما الفزدقي وعصافير معدية
والقلة مملية ع الشباك .. مندية
والجد قاعد مربع يقرا في الجرنال
الكاتب المصري ذاته مندمج في مقال
ومصر قدامه اكتر كلمة مقرية
قريتها من قبل ما اكتب اسمي بإيديا
ورسمتها في الخيال على أبدع الأشكال
ونزلت أيام صبايا طفت كل مجال
زي المنادي وفؤادي يرتجف بجلال
على اسم مصر

شفت الجبرتي بحرافيش الحسين وبولاق
بان البلد ماشي زي النمس في الأسواق
بالفلاحين ع المداخل من بعيد وقريب
بالأرنؤوط بالشراكسة بكل صنف عجيب
مترصصين سور رهيب مزراق
في ريح مزراق
كأنهم لا بشـر ولا خلقـة الخـلاق
ومصر فلاحة تزرق بين رقيب ورقيب
من غير أبو الهول ما ينهض ناهضة
شايله حليب والصبح بدري الجبرتي ينام
وقلمه يسيب
على اسم مصر

والمس حجارة الطوابي وادق بكعابي
يرجع لي صوت الصدى يفكرني بعذابي
يا ميت ندامة على أمة بلا جماهير
ثورتها يعملها جيشها ومالها غيره نصير
والشعب يرقص كأنه عجوز متصابي
إنهض من القبر احكي القصة يا عرابي
يطل لي رافع الطهطاوي م التصاوير
شاحب ومجروح في قلبه وجرح قلبه خطير
وعيونه مغرورقين بيصبوا دمع غزير
على اسم مصر

مالك سلامتك بتبكي ليه يا طهطاوي
قال لك عرابي .. انكسر بسلاح أوروباوي
وسلاح أوروبا ماهواش المدافع بس
ده فكر ناقد مميز للثمين والغث
قلناها ميت ألف مرة ألف مرة بصوت جهيرداوي
بس الحماقة لاليها طبيب ولا مداوي
ولا حد م الخلق بالخطر اللي داخل حس
الغفلانين اللي خلوا العقل صابه مس
قالوا الخطر هو فكر أوروبا لو يندس
على اسم مصر

أحسنت في القول صحيح يا ولد يا متنبي
جبت اللي جوه الفؤاد عن مصر متعبى
وحكمت بالعدل لكن بعضنا انظلموا
" يا أمة ضحكت من جهلها الأمم "
العلم كان عندنا من صغره متربي
لكنه هاجر وعدى البحر متخبي
لما الإيران هجموا ثم اليونان هجموا
ثم الرومان دمروا ثم التتار هدموا
ثم الجميع كل واحد جه مسح قدمه
على اسم مصر

والديك الصفيح
م البيضه بيصيح
ويقول بالصريح
الفكر فوق في الشمال
يا الله الحقوه يا ولاد
لحقوه ولاد من ولاد الأغنيا الأسياد
وهم راجعين رموه في الباخرة
في البحرونزلوا حكموا في ظل الانجليز والقصر
ومصر في الشمس بتغربل كلام منعاد
عن ابن بنت ابن حنت وطارق ابن زياد
والانجليز راضية بالخطباء وخطب الفخر
خطيب يهز الرؤوس وخطيب يهز الخصر
وخطيب يموت موتة الأبطال قتيل القهر
على اسم مصر

هل مصر موميا جميلة صورتها فوق النعش
يعشقها مجنون ينادي عليها ولا تطلعش
هل مصر نار صفصفت والنفخ فيها محال
والأرض نشعت على رمادها استحال أوصال
سألت أنا الرافعي كان عجٌز ولا بيسمعش
لكن عينيه كانوا يحكولي قصص ما اشبعش
يقولولي ماتخافش مصر بخير وعال
العال مصر الجبرتي
ومصر الرافعي حال غير الحال
انظر محمد فريد أعظم وأرقى مثا
لعلى اسم مصر

أنا الذي مشيت ادوٌر باشتياق وحنين
على مصر .. والمشي خدني من سنين لسنين
لحد ماسنيـنهـا وسنـيني بقم واحد
وعاصرتها يوم بيوم لم فاتني يوم واحد
وحضرت شاهد عيان مولد وموت ملايين
مازعلت من كلمة قد البركة في الجايين
مين هم دول يا جدع .. ما توحد الواحد
البركة فينا وفي السامعين بالواحد
أنا قلتها بنرفزة .. من غيرة الواحد
على اسم مصر

مصر الرمال العتيقة وصهدها الجبار
والنيل كخرطوم حريقه وحيد في وسط النار
في إيدين بشر نمل رايحه وجاية
ع الضفةفيهم مطافي وفيهم كدابين زفة
وفيهم اللي تعالى وقال أنا حكمدار
وكل باب م البيبان مقفول على اسرار
وكل سر بحريقة عايزة تتطفا
من أهلي تندهلي وتقوللي تعا اتدفا
أنا اللي عمري انكتب إلى يوم ما اتوفى
على اسم مصر

القاهرة في اكتئاب والأنس عنها غاب
من عتمة تدخل لعتمة كأنها ف سرداب
أو قرية مرمي عليا ضل هجانةالحظر
م المغربية بأمر مولاناومصر في الليل بتولد
والبوليس ع الباب
صبية ولاٌدة يابا ولحمها جلاب
طلع الصباح زغرطت في السكة فرحانه
على كتفها مولودتها لسه عريانه
وف لحظة كانت جميع الدنيا دريانة
على اسم مصر

لأن مصر بتجري في دمنا

لا لا لا ،،إيه الجمال دة يا أستاذ إسلام،،أنا كدة هلم ورقى وأركن على جنب،،الله ينور ،كلام جميل وغزير وذهن حاضر ،،ماشاء الله،،الله ينور ،،وأظبط على كدة وشغلنى معاك ،،وللا حتى شغلنى عندك،،مش فارقة حاجة ،المهم يطلع شىء جميل وألف شكر على الكلام الجميل0

بحب كل حاجة فى مصر لأنها بلدى

جميلة بكل حاجة فيها

شوارعها ... أهلها ... بيوتها

وكفاية انها ذكرت فى القرآن وقال عنها الرسول صلى الله عليه وسلم (ادخلوا مصر ان شاء الله آمنين)

يعنى مصر بلد الآمان ولا عمرى أحس بالآمان إلا فى مصر

شكرا يا أستاذ طلعت على الموضوع الجميل ... تقبل مرورى

بجد استاذ اسلام واستاذ طلعت ما اروعكما
فعلا حب البلد دى معشش جو كل مصرى وفعلا من غير ليه
لم تشوف اى مصرى بالخارج وحرصه للرجوع ليها ورغم كل اللى شايفه فيها بس بيحبها وبيحن ليها
يمكن يكون المصرى بس هو الوحيد اللى كده مع بلده
بحبك يا مصر