بعد 100 ساعة هكون فى مصر . وحشتنى قوى

يوم الجمعة هكون فى بيتنا

هنام فى سريرى
هتغدى واتعشى مع أمى
هضحك مع والدى وأخى
هخرج مع أصحابى . نلعب كورة . ندخل سينما
نتمشى على الكورنيش عندنا فى المنصورة
انا عارف أنها أجازة صغيرة لمدة 54 يوم . بس ناوى أستمتع بيها
أخيرا هكون بين أهلى وناسى وحبايبى وأصحابى
هدخل دوامة أمى والبحث عن عروسة و ضرورة الزواج وأنها عايز تربى اولادى زى ما ربتنى
ربنا يستر
هروح كليتى أكيد أسلم على أصحابى وزمايلى ودكاترتى و كل موظفينها
لكن للاسف مش هلحق اروح معرض الكتاب لانه هيكون أخر يوم ليه
يوم السبت و أنا طائرتى هتوصل الجمعه 11 مساء
وحشتنى مصر قوى قوى . وحشتنى زحمة المرور وغلاسة عساكر المرور
و الجنيه اللى ترميه للعسكرى علشان يغمض عينيه
وحشنى مطعم البغل وسندوتشات الفول بالزيت الحار
وحشى الناس الغلابة فى مستشفيات الجامعة اللى كل أملهم فى الحياة الستر والصحة
وحشنى النيل ومنظره الجميل والحياة اللى بيعطيها لكل اللى حوليه
وحشنى صاحبى (د / .............. ) وهو بينصب على المرضى فى
أسعار التركيبات و السبب أنه عايز يتجوز
وحشنى السرفيس وهو بينادى (الجامعة الجامعة ) و مشاكستنا مع التباع
علشان ننزل قبل المحطة امام باب الكلية و خناقنا معاه علشان الاجرة
وعلشان الرابع اللى هيجيبة معانا على الكرسى اللى ورا .
وحشتنى بلدنا مصر قوى
يا رب فرج كرب أهلها و تم عليهم الستر والصحة وحقق لهم أحلامهم البسيطة
يا رب أكرمنا بحكومة ونظام يكرمنا ويحافظ على كرامتنا ويحس بينا
اللى عنده عروسة يخبيها علشان ربنا ينجيها من مصيرى
يا رب

امين يا رب العالمين cheers

تروح وترجع بالسلامة يا دكتور عصام
مصر هتنور فى ال54 يوم دول sunny

ايه يا دكتور هتلعب كورة
طيب ما تنساش حضرتك تقولنا النتيجه كام كام Wink

تروح وترجع بالسلامة

الله يخليكى يا استاذه امنية

الف شكر على شعورك الطيب
بدون غرور قبل ما اسافر كنت دايما اكسب
بس الله اعلم بعد الرجوع من السعودية و أكل الكبسة (رز و لحم )
اكيد المستوى ضاع
شكرا على مرورك الجميل

ترجع بلدك ووطنك بالف سلامه ان شاءلله

تييجى بالسلامة يا دكتور
بقى بالزمة حد ياكل عند واحد إسمه البغل
وبعدين عروسة إيه إللى هتدور عليها ، هو إنتوا كدة يا دكاترة مصر زى القرع بتمدوا لبرة
المنتدى مليان عرايس زى العسل وجاى تقولها ف وشنا ؟
دة حتى ما يصحش
عموما هتنور مصر يا دكتور
والغريبة يا أخى إن كل الحاجات إللى بتضايقنا ف مصر زى اللى قلت عليها
هى أول حاجة بتوحشنا فيها زى ما يكون مصر بقت فى جيناتنا بحلوها ومرها
تييجى بألف سلامة يا دكتور
تقبل تحيتى0

تيجي بالسلامه ان شاء الله يا د.عصام هتنور بلدك
و اتمنى لك اجازه سعيده بين أهلك و اصحابك ان شاء الله بعد 100 ساعة هكون فى مصر . وحشتنى قوى 5m5e9xvkmr6r

تيجى بالسلامه يا دكتور عصام مصر حتنور بحضرتك .

الحاج طلعت كتب:
تييجى بالسلامة يا دكتور
بقى بالزمة حد ياكل عند واحد إسمه البغل
وبعدين عروسة إيه إللى هتدور عليها ، هو إنتوا كدة يا دكاترة مصر زى القرع بتمدوا لبرة
المنتدى مليان عرايس زى العسل وجاى تقولها ف وشنا ؟
دة حتى ما يصحش
عموما هتنور مصر يا دكتور
والغريبة يا أخى إن كل الحاجات إللى بتضايقنا ف مصر زى اللى قلت عليها
هى أول حاجة بتوحشنا فيها زى ما يكون مصر بقت فى جيناتنا بحلوها ومرها
تييجى بألف سلامة يا دكتور
تقبل تحيتى0

=============================
من أجمل التعليقات التي قرأتها
وخاصة ان مصر بتوحشنا بحلوها ومرها
ولقد أحسست هذا الاحساس أثناء غربتي الطويله فلما استقر بي المقام هنا منذ عام ونصف تقريبا بدأت أتذكر أيام الغربه بحلوها ومرها وبدأت أحن للغربه ولو صحتي مساعداني لتغربت مليون مره
بس عن جد بتوحشني بلدي بكل ما فيها
توصل بالسلامه يا دكتور عصام وتمنياتي لك بأجازه جميله صافيه
ويارب يكون لك فيها نصيب للزواج
وأهمس قائلا (اوعه القطر يفوتك)ههههههههههههههههه

أشكركم جميعا على ذوقكم و صفاء قلوبكم

شكرا مريم . شكرا يمنى على شعوركم الجميل الرقيق
شكرا استاذة ايمان على مشاعرك الجميلة
شكرا طلعت باشا ومحتاج منك خدمة (انا لسة جديد فى المنتدى
ومعرفش أن فيه عرايس عسل معانا هنا . تخيلت كله متجوز .
رشحى لى عروسة . انت اكتر منى خبرة ودراية وانا بثق فى رأيك .)
شكرا ابو أسامة على ذوقك و مرورك وأحب أطمنك أنى لو حتى
حبيت اهرب من القطر علشان ما اركبوش . امى هتعملى قطر جديد .
دى مصممة ومفيش مفر .
شكرا ل مروركم الجميل

ههههههههههههههههههههههههههههههههه فكرتني بايام الغربة يا دكتور عصام

بس بصراحة كتبت الحالة بطريقة تجنن

توصل بالسلامة ان شاء الله وهتنور مصرررررررررررررررررررررررررررررر

الله يسلمك يا استاذه اياااااااااااااااات

شكرا على شعورك الجميل
وربنا ما يكتب عليكى الغربة

أشكرك اخى الحبيب أبو اسامة
يا اخى فيك حاجات جميلة لازم بتفرق مع كل الناس من غير ما يعرفوا
سر تميزك بيحبوك، لكن من واقع خبرتى فى الدنيا أقدر أقول إن أبو أسامة
شخص راقى وحسه عالى ومتميز و بيحب دايما يكون فى حالة تواصل مع
الناس ، يعنى مثلا يقرا الموضوع وبعدين التعليقات ويكون فكرة رايقة وصافية
وبعدين يرد بخلاصة العقل والحكمة والأدب والذوق السليم
ولو إن الموضوع خاص بالدكتور عصام لكن بعد إذنه حبيت أدى للراجل حقه
..............
وبعدين معاك يا دكتور عصام ؟
دة إنت شويط بجد
أنا كنت عارف إنك هتقول كدة
لا ياعم ،دور إنت على عروستك بمعرفتك
تيجى بالسلامة يا صاحبى0

تيجى بالسلامه يادكتور عصام انشاء الله واجازه سعيده واكيد اللى مص توحشه كده يبقى هو كمان وحشها اكتر من كده مصر حتنور بيك

الحاج طلعت كتب:

أشكرك اخى الحبيب أبو اسامة
يا اخى فيك حاجات جميلة لازم بتفرق مع كل الناس من غير ما يعرفوا
سر تميزك بيحبوك، لكن من واقع خبرتى فى الدنيا أقدر أقول إن أبو أسامة
شخص راقى وحسه عالى ومتميز و بيحب دايما يكون فى حالة تواصل مع
الناس ، يعنى مثلا يقرا الموضوع وبعدين التعليقات ويكون فكرة رايقة وصافية
وبعدين يرد بخلاصة العقل والحكمة والأدب والذوق السليم
ولو إن الموضوع خاص بالدكتور عصام لكن بعد إذنه حبيت أدى للراجل حقه
=================
وأقول:
شكرا جزيلا لرجل المشاعر الحساسة والذوق الرفيع
لقد أخجلتم تواضعنا
شخصية الشاعر الكبير الحاج طلعت تستحق كل احترام وتقدير ليس لكونه يمتعنا باشعاره الراقيه ولكن يسحرنا بأدبه الجم
لكم كل تحيه

أخى الحبيب أبو أسامة بعد 100 ساعة هكون فى مصر . وحشتنى قوى 910934996

دكتور عصام اسف على التأخير

ترجع بسلامة وتنور مصر والمنصورة

الحاج طلعت بيقول حد ياكل عند واحد اسمة البغل

البغل دة يا حاج طلعت من احسن مطاعم الشعبى فى المنصورة

وليه كمان فرع تانى فى المحلة انا أكلت عندة قبل كدة

عندهم طبق فول واوووووووووووووووووووووووووووووو تاكل صوبعك ورة

ترجع تنور مصر يا دكتور

طبعا يا سامح هو فيه حد فى مصر ما يعرفش البغل ومحمد أحمد بتاع إسكندرية
أسماء كلها مشهورة ، بس البغل دة أنا ما جربتهوش أنا جربت محمد أحمد بس
عموما زمان دكتور عصام دلوقتى فى مصر مش عارف يتكلم من أكل الوز و البط ومش هيحود على البغل إلا بعد الجواز إن شاء الله
شكرا يا سامح0

عندك حق يا حاج طلعت زمان المحمر والمشمر عامل شغل مع الدكتور عصام

لا جرب بقى تاكل من عند البغل بقى يا حاج طلعت شوية فول

احسن من بتاع محمد احمد بتاع الاسكندرية

زائر

د/عصام حمدلله على سلامة الوصول
كده فاضلك 50يوم أن شاء الله أجازة سعيدة وجميل أنك تذكرالسلابيات حتى وأنت تفرح بلقاء والدتك وأسرتك وأصدقائك وعليك كما روجت لمحلات البغل الشهيرة
أن تنصح صديقك مع ثقتى بأن أمثالك لايعرفون أطباء نصبون فأذا كان ذلك عليه الأقتضاء بأخلاقك الرفيعة وحبك وأنتمائك لوطنك وكفاية أنك بلديات الأبراشى وأعتقدك بأنك تغارعلى المنصورة مثله وباعدين ؟أنت من امنصورة المشتهرة برجولة رجالها وأنوثة وجمال نسائها وجاى تدور على عروسة عليك بألأطلاع على اللوحة الشخصية المرتبطة ببيان لوحة التسجيل وعرض المساهمات أى خدمة يادكتور نورت مصروالمنصورة

» دقت ساعة العمل ... دقت ساعة التفكير
» دقت ساعة الأوميجا!
» ساعة النجوم على الفضائيات " سعرها مولع نار"
» منذ ساعة من الان الخميس 27 يناير 2011 الساعة 7 مساءا تم غلق موقع الفيس بوك تمامااااااا !!!!!!!
» حلقة امس . تم منع الفقرة النقاشية باوامر عليا ( تكلفة الأفراح عند الأغنياء والفقراء..الفرح الشعبي والمودرن ) و تنزيل تتر نهاية البرنامج بعد فاصل نصف ساعة .