احضرى يا ادرة وعرفينى مين ابو نضارة

ابو نضارة

سجل فى 20 \ 5 \ 2008

عدد المواضيع 1

اخر مساهمة : الثلاثاء مايو 20 \ 2008

السلام عليكم ورحمه والله وبركاته...

معاكم ابونضارة ...انا مش هطول في الكلام لاني مش مسموح لي باكثر من كلمتين...بناء علي تعليمات الادارة ..الاستاذة ايات السيد...

انا حابب اوضح عملي ...الذي سيكون علي مدار 30 يوم فقط معكم..متبقي 28 يوم

انا كلفت من قبل ادارة موقعكم ...من حوالي شهرين اني اتابع المواضيع القديمة والجديد

والاعضاء...بهدف رفع تقرير للادارة عن جميع الاعضاء ...الملتزم منهم والمخالف وعن المواضيع الجداليه التي ظهرت خلال السنة ...والمعروفة في منتدي برلمان الموقع . وامور اخري ..ليس من حقي الاعلان عنها .ومن خلال ما تبعته في خلال شهرين...نتج عندي بعض الانطباعات عن الكثير من الاعضاءوبعض التحفظات ايضا.

اخر نقطة ...لاني كما قولت ..ليس مسموح لي باكثر من كلمتين.

حابب اطمن الجميع اني لا اخذ في الاعتبار ...ان كنت تدخل علي الموقع كل فترة واخري

كان في الاول ياخذ في الاعتبار ..لكن ادارة موقعكم تحاورت معي بشأن هذا وقالت ...نلغي فكرة الغياب والحضور عن الموقع...لظروف الاعضاء الحالية ..من امتحانات تقريبا ...او شئ من هذا القبيل.

وان شاء الله اكون ضيف ليس بثقيل عليكم ...وكل عام وانتم جميعا بخير.

سؤالى الى الادارة لماذا ابو نضارة مشرف فى قسم النقاشات

وهوا لا يقدم شىء للموقع الى الان

انا عارف ان مش من حقى انى اسأل ولا ادخل فى شون الادارة

بس هوا فضول منى فقط

تحياتى

سؤالك منطقي يا أ.سامح انا بضم صوتي لحضرتك
و ان شاء الله مش هيبقى فيه رفد يعني ممكن توصل لوقف يومين او خصم مثلا!ههههههههههههههه pirat

معذره فانا لا افهم اى شىء اطلاقااا؟؟؟

هل الموضوع جد ام من باب الهزار؟؟؟

وما معنى رفع تقارير؟؟؟

انا متراقبه مثلا وبيتسجل عليا كل حرف بكتبه ولا ايه؟؟؟؟

رجاء التوضيح وعدم كتابه ماهو غير مسموح بكتابته لانه لو مش مسموح وهى اسرار وترتيبات اداريه فما الداعى اذن للكتابه

شكرا

الموضوع مش هزار ولا حاجه
أ.سامح كاتب موضوع عادي بيسأل فيه سؤال للإداره و انا علقت عالموضوع بس في صوره هزار مش اكتر
الموضوع ميخوفش للدرجادي ده موضوع قديم جدا بقاله سنتين و كان ساعتها مُفعّل لكن دلوقتي خلاص "انا فاكره حتى كان ساعتها ايام انتخابات الإشراف تقريبا او حاجه زي كده"
أ.سامح بقى بيسأل ليه أبو نضاره ده لسه موجود شكلا فقط و هو ملهوش اي دور معانا؟؟
بس كده!

استاذة يمنى انتى كدة فهتى انا اقصد اية

فعلاً دة تسألى مش اكثر

اما عن الاستاذة مريم فاروق وعن توجسها خيفة مما تكتب فى المنتدى

حضرتك شخصية غير عادية وتملكى قلم غير عادى وكلنا بستفيد منك

وبعيدن مش تخافى من كلمة حق كتبيها

ومش تخافى على نفسك من كلمة حق جوكى

ومش تحبسى اىكلمة حق ممكن تكون نور يونير طريقك ويوصلك ويوصل غيرك

الى طريق الرشاد

وبعدين انتى حرة وما فيش قيود عليكى ما دام فى حدود القوانين والاخلاق

انا اذكر كلمة قالها زعيم مصرى قديم والى الان اتذكر هذة الكلمة

((لقد خلقنا الله احرار)) كلمة الزعيم احمد عرابى

يقبى مادام انتى عرفة انك مش بتغلطى او بتقولى مبدأ انتى متربية عليها يبقى مش تخافى

ولا تتراجعى

تحياتى لكما الاستاذة يمنى والاستاذة مريم

وانا ماذالت فى انتظار الادارة

لكى ارى الاجابة التى انتظرها

ههههههههههههههههههههههههههههههه

استاذنا الغالى سامح حضرتك لم تفهم قصدى

فانا لا اخاف ابدا الا من ربى وفقط

الموضوع كله مساله مبدأ وهو
""لا احب فى طبيعتى التلرصد والمراقبه من احد ايا كان سلطته""

فقط واعتذر لو كانت اللهجه شديده او غير مقصوده فانا اعتذر لكن الجمل قد اكون فهمتها خطا على انها ترصد لاى موضوع يكتبه اى احد فينا""حيث مكتوب كل الاعضاء وليس مريم عزيزبعينها""

شكى سخنتك وخليتك تقولى كلام من ورى قلبك

مش بنخاف ومش يهمنا حد ايه الكلام الجامد دة

ماشى شىء يسعدنا طبعاً لما نسمع كلام جامد زى دة

منورة يا استاذة مريم

انا اللى مش عايزه حد عزيز وغالى بجد على قلبى وربنا يعلم

شاعرنا الكبير اللى قال اجمل كلام فى توبيك عيد ميلادى واللى بجد بفخر بيه جداااااا

استاذنا الغالى الكبير سامح

زائر

صباح الفل ياكابتن سامح المصرى
أراك تصرلأجابة الأدارة متمثلة فى شخص أنسة أيات وقدأعترفت بفضولك ولكن ياعزيزى عذرآ
أتفقآ ألا نجامل الفضول أحيانآ قريب من التطفل وأنا لم أعرفك هكذا هل الأدارة تعلم لماذا دون شخص العضو الأستناذ/أبونضارة مساهمة واحدة وهل هى مجبرة على أجابتك أكيد لأ وعمومآ أكيد شخص
أ/أبونضارة شخص عبقرى وبارع فأنصحك ألا تزعج نفسك وأنت تعلم مقدارأحترامى لشخصك وتميزك عن باقى الأعضاء وتشريفك لى ولكن أتفقنا على الحرية فى أبداء الرئ وهذا رأى

انا معاك يااستاذ ممدوح ان الفضول ممكن يوصل للتطفل

بس لما يزيد عن حدة

انا بطلب الاجابة من الادارة وانا اعلم مدى الاحترام المتبادل بينى وبين الادارة

انا بس فى شىء مش واضح فى المنتدى حابب استفسر عنة مش اكتر

استاذى الغالى ممدوح نورت من جديد

عزيزي سامح ..

لا يوجد شخص اسمه ابو نظارة و هو شخصية وهمية وضعتها رئيسة المنتدي ايااااات منذ سنوات لتكون عينا علي كل عضو اثناء فترات غيابها الطويلة عن المنتدي .. و ذلك اثناء فترة انتخابات المشرفين منذ سنوات حتي تتمكن من معرفة ما يصلح من الاعضاء .. و في هذه الاوقات تبادر الكثيرين بسؤال ايات من هو ابو نظارة ؟؟؟

ردت عليهم اياااات و بكل ثقة ان ابو نظارة هو الاستاذ / امير و كنت وقتها مشرفا بالفعل .. و حاولت ان افهم الكثيرين انني لست ابو نظارة و لكن اياااات اكدت لهم ذلك انني ابو نظارة بمنتهي الاصرار ..

حاولت بعدها و لمدة اسابيع ان اؤكد للجميع انني لست ابو نظارة و لكن يبدو ان الجميع لم يصدقوا كلامي بعد ان اكدت ايااات لهم انني ابو نظارة الذي يراقب الجميع ..

بعد مرور كل هذه السنوات تستطيع ايااات وحدها ان تبرا ساحتي من ابو نظارة ..

يعنى ابو نضارة طلع ( A scarecrow) خيال مأتة

وانا كل اما ادخل القسم قبل الدخل اسلم علية

مساء الخير يا استاذ ابو نضارة صباح الخير يا استاذ ابو نضارة

تشرب شاى يا استاذ ابو نضارة يلزمكشى خدمة يا استاذ ابو نضارة

بنهار ابيض وفى الاخر يطلع وهم يطلع اسم كدة وخلاص

وبعدين ابو اسامة يقولى اوعى تزعل ابو نضارة وكان يقولى خالى بالك

مستقبلك فى المنتدى فى ايد ابو نضارة

قال وانا كنت عايز اسال على عنوانة واخدلة زيارة فطير مشلتت واروح ازورة

ينهار ابيض ههههههههه كل دة يطلع منك يا ابو نضارة

وانا الى كنت فكرك فكرك اتريك اتريك

استاذ امير يا حارس المنتدى اشكرك على المعلومات دى

اما ايات دى بيطلع منها حجات تفطص من الضحك

انا بصراحة كنت متوقع أن ابو نضارة دة مشرف شرفى فى المنتدى

وكنت متوقع كمان انة يكون والد أيات

وكنت متوقع حجات تانية كتير اخاليها جويا احسن

كنت مفكر ان ايات مجبرة ان يكون فى المنتدى جهة أمنية وابو نضارة دة الجهة الامنية

فكرتنى بفلم كدة كنت بسمعة لما قالو(( اهون عليك تحبسنى يا ابو نسمة رد قالة انا احبس نسمة نفسها ))

شكرا يا استاذ امير مرة اخرة وربنا ما يحرمنى من مسعدات حضرتك

وربنا يدوم المودة والمعروف بيننا

هههههههههههههه .. ده كل معلوماتي عن ابو نظارة .. لكن اياااات وحدها اللي عندها السر و لا احد يعرفه حتي الان غيرها و هي صاحبة الحق في الاعلان عنه ام لا .. و لكني حتي الان غير متاكد تماما هل ابو نظارة شخصية حقيقية ام لا ؟؟!!

احضرى يا ادرة وعرفينى مين ابو نضارة Icon_question

شكرا يا استاذ امير

انا مازالت فى انتظار الاستاذة ايات لكى ترفع الستار وتكشف عن شخصية ابو نضارة

مادام الاستاذ الكبير الاستاذ امير لم يعلم من هوا اذا كان مثلما قال ام لا

ايات يا سيد مين ابو نضارة ؟ احضرى يا ادرة وعرفينى مين ابو نضارة Icon_mad

ولا حاجة ابو نضارة كانت فكرة مشرف قديم اسمه اديب وهو اخترع فكرة ابونضارة لسبب واحد ولحظوا من مساهمته قال باقي 30 يوم اي كانت الفكرة لشهر رمضان وفقط كان مجرد رقيب علي بعد المواضيع الي عملت مشكلة وقتها وبعد انتهاء الشهر خلصت القصة وانا استخدمت العضوية بعدها بدخل بها لما بعوز اعرف صلاحيات المشرفيين شغالة تمام ولا لا لما بتحصل معاهم مشغلة تقنية مثلا ا فبدخل بعضوية ليها اشراف في اي حته وشويه شغل روتيني عادي
مافيش حكاية غامضة يعني ولا تقارير ولا امن دولة ولا الجو ده
وبعدين يا استاذ سامح حضرتك بتقول فضول وتريد السؤال لادارة طب ما تسأل الادارة عبر البريد الخاص .....وبعدين مستغربين ليه اوي كده طب ما المشرف بيبلغ الادارة بالمخالفات العادية الي بتحصل ولما بتكرر المخالفات بتتحذف العضوية وده في العادي .المسميات مش هي الي هتفرق عشان كلمة كان (بيرفع تقارير تعمل) القصة دي كلها

كلام جميل يا ادارة

ليه أسال السؤال على الخاص

والموضوع هنا عام يعنى الامر يهم الجميع

واكيد ناس كتير كانت حبة تسال نفس السوال

تحياتى الى الادارة

هما جاديرين بالسؤال اكيد ولو عايزين يسألوا ماحدش بيتردد بالسؤال وهيسأل بنفسه علي طول

[size=18]هما جاديرين بالسؤال اكيد ولو عايزين يسألوا ماحدش بيتردد بالسؤال وهيسأل بنفسه علي طول
؟؟

» ابو نضارة رجع من جديد..ياتري هيختار مين ؟
» ابو نضارة يتحدث في كلمتين ...ليس اكثر.....