أحنا ليه كده

موضوع: أحنا ليه كده الثلاثاء مايو 11, 2010 9:08 am

ليه يا جماعة لما بيحصل نجاح في أي شيء في أي مجال يتم أختزال هذا النجاح في شخص واحد فقط والمقصودة هنا هي مني الشاذلي فلماذا يتم أختزال نجاح برنامج العاشرة مساءا في شخص مني الشازلي لا أحد غيرها وليه هي ترضي بكده؟!!!! أين المعدين الذين يواصلون الليل بالنهار عشان يطلعولنا حلقة واحده؟؟؟؟أين المراسلين الذين يتم ضربهم من قبل الامن في المظاهرات ويتم تكسير كاميراتهم ؟؟؟؟؟أين معدين الفقرات الخارجيه؟؟؟؟أين واين واين لو قعدنا نقول اين مش هنخلص،،،،،وبعين انا مش هكذب عليكم انا اول مدخلت الموقع أستفزتني جدا الصورة الموضوعه اعلاه كل فريق العمل محشورن في حته واحده مش باين منهم ولا واحد ولا لما يكونوا راكبين اتوبيس نقل عام ومني الشاذلي راكبه السوبر جيت المكيف لوحدها !!!طب عارفين ان الصورة دي كانت هتبقي أجمل لو مني الشاذلي كانت صورتها محطوطه بين كل فريق العمل وبنفس الحجم....أي زائر لهذا الموقع هيفتكر من أول وهله انه موقع مني الشاذلي وليس موقع العاشرة مساءا مع ان مني ليها الموقع الخاص بها وللأسف أختزال النجاح مبقاش في برامج التوك شو بس ده بقي في كل مناحي الحياه المختلفة والمتنوعة فعندما تم بناء السد العالي تم تبجيل عبد الناصر متناسين المهندسن والعمال المصريين اللي طرشوا الدم وراح منهم المئات في بناءه وعندما تم نصر اكتوبر العظيم تم اختزاله في الضربه الجويه ومش عارف ايه متناسين دور اللواء سعد الدين الشاذلي وعبد الغني الجمسي

تم حذف الجملة الأخيرة بناء على طلب العضو

اهلا بحضرتك معانا وسعداء بوجودك
مين اللي قال ان الاستاذه/مني بتنسب النجاح لنفسها هذا لم يحدث وهي لن ترضي بهذا
هي دائما تقول انا يعمل معي جيش من المعدين والمراسلن ولم تنكر دورهم
ودائما تنسب نجاح البرنامج لفريق البرنامج ككل وليس لشخصها ولاحظنا ذلك اكثر من مره
في حفلات التكريم تعترف بجهودهم ولا تنكرها مثل غيرها
وشكرا لحضرتك

كلنا نعلم ان العاشره هى مجهود فريق بالكامل من اعداد واخراج ومراسلين فلا يوجد شئ اسمه اختزال نجاح البرنامج فى شخص واحد وهى الاعلاميه منى الشاذلى الكل له مكانه محفوظه ومقدره منا جميعا
حضرتك لو تابعت كافة الاقسام هتلاقى موضوعات متصله بجميع اخبار البرنامج فنحن نوثق كل ما له علاقه بالعاشره والاعلاميه منى الشاذلى

اهلا بحضرتك أستاذ

too poor man

رجل فقير جدا

تلك هى وجهة نظر سيادتك ونحن جميعا نحترمها وهذه هى سياستنا

فى الموقع

ربما يكون تولد هذا الشعور لدى سيادتك لأنها هى من تظهر أمام الكاميرا

وهى المرحلة النهائية للخبر

أعتقد ذلك

لكنها دائما ماتثنى على المراسلين وفريق العمل

ولكن المشاهد يعلم أن الجميع ينجز كلا فى مجاله ليس هنالك تفضيل

لكن ستايل الصور

ده بيقولك أن

على اليمين العاشرة كفريق

وعلى اليسار

أستاذة منى هى أيضا النجم الثانى

أى أن هنالك نجوم ماخلف الكاميرا

على يمينك

وتلك هى النجم أمام الكاميرا

لاحظ أيضا أن الموقع

أسمه موقع العاشرة مساء والإعلامية منى الشاذلى

أهلا برأيك والله بكل حب

تحياتى

اهلا برايك و اهلا بيك .. شرفت الموقع ..

علي فكرة أنا عبرت عن رأيي ومش عايزكم تزعلوا مني لأن الخلاف في الرأي لا يفسد للود أدني قضية وكمان عايز أقول أني والله مش حاقد ولا بنظر لنصف الشفشق الفاضي بس هي شوية أفكار خطرت علي بالي وقولت لازم أقولهالكم وانشالله من نجاح لنجاح بس عايزكم والنبي ماتنسوش موضوع الايجارات القديمه وكمان عايز أقول حاجه أخيره وهي أني أسف جدا علي الجمله الاخيرة بتاعة الجندي المصري وخط بارليف أنا مش عارف ازاي كتبتها وياريت تحذفوها وشكرا جزيلا لكم يا أصحاب احسن برنامج توك شو في مصر واكثرهم أحتراما وقيمة

أهلا بحضرتك

مفيش زعل أنا قولت لحضرتك دى سياستنا فى السايت

الرأى والرأى الأخر

لكن أيه مسألة الإيجارات

ياريت توضح

بص حضرتك اناا كنت كتبت في قسم اقتراحات الاعضاء عن مهزلة الايجارات القديمة وكيف نحن الملاك (ملاك العقارات يعني) كيف اصبحنا شحاتين نتيجة السكان اللي قاعدين لنا ب3و4و5جنيه نتيجة قانون عقيم وضعه دكتاتور عظيم لا مثيل له علي وجه البسيطه ،،،فأرجوكم تثيروا موضوع الملاك اللي حالتهم الماديه وصلت للحضيض والمستأجرين الذين اصبحوا مليونيرات من دم الملاك الغلابه أمثالنا

بالعكس من اهم اسباب ان مشاهدي ومتابعي البرنامج حاسين بقرب من فريق البرنامج علي غير العادة لان معظم المشاهدين لان برنامج بيهتموا بالمذيع وبس
من ضمن الاسباب ان االاعلامية ممني الشاذلي اظهرت ما وراء الكاميرا من مجهود ودأب فريق العاشرة مساء والاهم الاسباب انهم مختلفين تحت قيادة رئيسة تحرير متفردة اسمها الاستاذة اسلام ماهر

واهلا بك في موقع العاشرة والاعلامية من يالشاذلي

» المصرى مش لايقه عليه كلمه"مهان" أحنا برده ألى عملنا فوضى!!!!!!