كل عم وأنتم بخير : - عيد ميلاد منتدانا الجميل

صورة الكوماندا الصغير
آيات السيد

ــــــــــــــــــــــــــــــــــــــــــــــــــــــــــــــــــــــــــ

لعب العيال يتنططوا وبيرفرفوا
وساعات كتير بيزهقونا ويقرفوا
ومن الشقاوة عمرهم ما بينضفوا
بس العيال مش كلهم متعفرتين
***************************
فيه بنت منهم لعبها فى الأجهزة
قولواعليها بين أروبة ومعجزة
خطرت لها فكرة جميلة مميزة
إسم الله يحرسها ويمنع أى عين
***************************
وكان ميلاد العاشرة من كام سنة
لما إتولد بإدين فى عمر السوسنة
وبقى لنا بيت يجمع قلوبنا وشملنا
ومين يصدق إنه فات أربع سنين
***************************
دة إستراحة وللاّ واحة وللاّ إيه
لا دى جنة وحتة منا بإللى فيه
لو تصاحب منه واحد هتلاقيه
وأنا لقيته وكنت هكسب زيه فين
***************************
منتدانا كان على طول المدى
منتدى أتحدى بيه كل الفضا
فيه البراءة والسعادة والرضا
فيه القلوب الطيبة والطيبين
***************************
حالة نادرة وكله ناس على مستوى
فيه الثقافة والأدب ماشيين سوا
عمرك ما تاخد فى الدفا لطشة هوا
والهوى المتعب هيدخلك منين
***************************
مليون تحية مننا لست البنات
هى فراشة المنتدى مين غير آيات
والإحترام للمشرفين والمشرفات
ولمنتدانا العاشرة طول السنين

**************************
تحياتى / طلعت الحداد

الله الله الله يا استاذ طلعت على القصيده والصورة الجميله ده
وكل سنه وحضرتك طيب يا استاذ طلعت Smile

الله الله الله
شعر جميل من شاعر أكثر من جميل
كلمات منتقاة بعناية ... احساس بالكلمة ... صعوبة استبدال كلمة بغيرها ... تلقائية في الأداء ... ترابط الموضوع ووحدة القصيدة ... هذا كله لابد أن يكون تحت مسمى " شاعر أكثر من ممتاز "
لكن نفسي أسألك ياصديقي العزيز :
ايه الفكرة المميزة اللي وردت للبنت المعجزة ... نفسي أعرفها بصراحة ؟
وأحسست بصدقك أيها الشاعر الكبير عندما قلت :
لو تصاحب منه واحد هتلاقيه
وأنا لقيته وكنت هكسب زيه فين
وأتمنى أن أعرف هذا الصديق الذي اخترته حتى نصادقه جميعاً فلا شك اختيار شاعرنا الجميل " طلعت الحداد " سيكون اخيارنا جميعاً وفي الحقيقة أنا شخصياً أتمنى أسمع أخونا الحبيب "ممدوح " هذا الرجل الأكثر من رائع ليستمع إلى هذه الكلمات الجميلة من هذا الشاعر الجميل وأنا أتوقع ان كثير من أعضاء المنتدى اجتمعوا على هاذين القلبين الدافئين :
" طلعت الحداد وممدوح السنباطي " مع احترامي وتقديري لكل أصدقاء وأعضاء ومشرفي ومشرفات المنتدى وعلى رأسهم المتألق أمير الموقع الأستاذ أمير
كما أسعدتني هذه الكلمات :
حالة نادرة وكله ناس على مستوى
فيه الثقافة والأدب ماشيين سوا
والحقيقة أن هذا الكلام واقع ... ولم يكن مجرد حروف مكتوبة .
كما أعجبتني الاستعارة التصريحية في :
عمرك ما تاخد فى الدفا لطشة هوا
والهوى المتعب هيدخلك منين
حيث تم حذف كلمة " الحب والمودة الموصولة بين أعضاء المنتدى" واستبدلت بكلمة "دفا"
وحذف كلمة " تجريح أو توبيخ " بكلمة " لطشة هوا " مما يدل على أنك أمام شاعر يتسم بالرقة وحب الناس وبأن هذا الرجل لم يكن مجرد قائد للكلمة بل يصلح أن يكون قائداً سياسياً واجتماعياً مذهلاً
هناك الكثير والكثير من الكلمات والمشاعر والأخيلة التى أريد أن أعلق عليها لكن المقام لم يتسع .أكتفي
شكراً للرائع الشاعر الرقيق المبدع " طلعت الحداد "

كل سنه وأعضاء المنتدى بخير وعلى رأسهم رئيسة المنتدى أيـــــــــات

و كل مشرفى المنتدى الممزين
والاعضاء الحلوين
وطبعا الاستاذ طلعت والستاذ ممدوح و د / أبو أسامه و أيمان مدام عزه
و محمود شاهين والعمده ومريم فاروق و فرحه وندا النحاس وأمنيه احمد
ونونه ورنا واحمد سعد و يمنى و رضا عزيز و ...... الكل
شكرا طلعت باشا على الشعر الجميل

الف شكر يا استاذ طلعت .. و كل عيد ميلاد و حضرتك طيب ..

بس اياااات مش شكلها كده خالص .. دي صورة طفلة صغيرة .. ايااات الان اكبر من كده بكتير شكلا و حجما .. و غير الصورة دي خالص .. بمعني ان الصورة دي لا تدل اطلاقا علي شكل ايااااات .. لذا لزم التنويه ..

خالص شكري لحضرتك ..

مليوووووووووون تحية

لروعة القصيدة

شاعر عندك إحساس

ارفع لك القبعة

chapeau

عمدة الرياض واضح أنك درست أدب وشعر بشكل أكاديمى رائع

انا برده زيك كده بحب الأدب

وحدة البيت والموضوع جزالة العبارة إنسيابية الخيال

الترابط المعنوى بين الألفاظ

وكلام كتير كده

بس انا هسيبكم عشان عندى إمتحان إدارى بكره

المواد كلها أرخم من بعضها فى الحفظ ومشكلتى إن تركيبة مخى فهم مش حفظ

يالا نكدت عليكوا

ههههههههه

شكرا للجميع

عمدة الريا

زائر

أولآأشكر الشاعر الجميل الأستاذطلعت الحدادعلى هذة الكلمات الثمينة والشيقة وإبداع يضاف
لأبداعاتك أيها الشاعرالجميل
ثأنيآأشكرالاستاذ عمدة الرياض لزكرك الدائم لى وهذا من كرم أخلاقك سيدى الفاضل

ثالثآوهذا المهم كل سنةوصاحبة الدارعالية المقدارالأستاذة أيات بالف خيروصحة وسعادة
البروفيسيرسيرأميرومجهوداته القيمة والشيقة دائمآمتالق سموالأمير
طاقم الأشراف محمود ورنا ونونة دائمآمبدعون ومتألقون ومتألقات فى صرح العاشرة
الأستاذأبو أسامة أعمالك وكتاباتك القيمة ربنا يحفظك ويعيطيك الصحة
الشاعر الجميل المبدع طلعت الحداددائمآوأبدآتثرينا بكتاباتك الممتعة والمبدعة
الأستاذزين العابدين القلم الذهبى والقلب النقى الطاهروردودك القيمة والمنمقة
الوقورة الأستاذة هندالديب دائمآمتالقة برغم أننى لم أتشرف بحضرتك وهذا من سؤ حظى
العملاقة خلقآوفكرآوثقافة الأستاذة عزة كل عيد للعاشرة وحضرتك بصحة وسعادة
الأستاذأحمدسعد صاحب الزوق العالى والحس النابض والقلب النظيف
الأخ والصديق سموحة المصرى دائمآمتواجدبيننا فأنت أحدأعمدة هذا الصرح
الصديقة الصدوقة مريم فاروق مليكة مملكة الرومانسية كل سنة ودائمآمتواجدة بيننا أنتى وعلى عليوة بس من غير زوميرة منورة ومتألقة ومبدعة دائمآوأبدا
الأستاذات دنيا رؤف أحدالأقلام المميزة بالموقع أمنية أحمدويمنى ويمنى عليان وفرحة وندى النحاس
والمواطن الصالح ربنا يطمنا عليك ومصرى بالغربة كاظم الساهروعم متقال مصطفى الوكيل
واخيرآشرف وفخر هذا الصرح عمدتنا عمدة الرياض الأنسان الوقورالمثقف كل سنة وانت صديق لنا
ومتواجدبيننا بخلقك وفكرك وأبداعاتك المنمقة والقيمة
وأذا نسيت صاحبة الأعمال القيمة والمجهودالثرى أكون ناكرآوحاقدآللمجهودات وما أنا بذلك
الأستاذة إيمان كل سنةوأنتى طيبة
الأساتذةعمروعلى والدكتورعبدالله كل سنة وحضراتكم بخير
كل سنةوجميع الأعضاء والزوارالدم المتجددللعاشرة مساءآبكل خير ورخاء وسعادة
كل عام وأنتم أحبائي وأصدقائي بقيادة البارعة والممتعة والمرنة والحكيمة أيات السيد
والبروفيسير سيرأمير عميدنا وكبيرأسرتنا وجميع عمالقة واعمدة الموقع ألف خيروصحة وستر من الله وراحة البال فهذة كنوز لاتفنى تقبلوا جميعكم وجميعكن فائق الأحترام ووافر التحية والتقدير

أمنية منورة يا أجمل بنوتة
وشكرا على كلامك الرائع ومرورك الجميل
...........................................
أخى العمدة
والله لقد أعجزتنى تماما عن الرد
ولا أجد مفردات تفيك حقك ، وكيف لى ذلك وأنا أمام عملاق فى الشعر والأدب واللغة
متواضع بلا إفتعال ذكى بلا خيلاء ،
وكيف لى ألا أصاب بالغرور بعد ذلك ؟
لعلها نفس الأسباب التى تدعونى إليه
أما عن سؤالك عمن هى البنت وماذا فعلت
فهى آيات السيد التى أسست موقع العاشرة مساء وهى فى سن 12 سنة تقريبا
تقبل تحيتى أخى الكريم وبارك الله فيك ولا حرمنا من أدبك وذوقك الرفيع
...........................................
شكرا جزيلا دكتور عبد الله على مرور وكلماتك الطيبة
وكل عام وأنتم بكل خير
..........................................
شرفت بمروركم أخى الكريم أستاذ أمير
وأعتز بملاحظتكم على الصورة
لكن آيات كانت قدوضعت هذه الصورة كصورة شخصية
واسمح لى أنا شايف آيات إلى الآن على هذا الشكل بالرغم من معرفتى أنها كبيرة
ولكنى تعمدت وضع هذه الصورة الصغيرة التى تعاصر تقريبا السن الذى أنشأت فيه الموقع ، وبعدين مايصحش أشتم فى العيال وأحط صورتها وهى كبيرة
شكرا يا أستاذى الكريم
..........................................
الأستاذ المشغول /محمود شاهين
شكرا على مرورك وكلامك الطيب
وإن شاء الله هتحل كويس جدا
وتجيب فى المادة الرزلة دى جيد جدا
وربنا يطمنا عليك
شكرا يا محمود

إيه الجمال دة يا أستاذ / ممدوح
هو سعادتك داخل على الموضوع علشان تعمل موضوع أحسن منه وتضيعنى
لكن هنعمل إيه
هو دة الأستاذ الكبير/ ممدوح السنباطى
مكان ما يتواجد تلاقى التميز والأدب والجمال والشهامة والرجولة
وصفات كتير ما أعرفش أسجلها كلها
شكرا أخى وصديقى الحبيب على مرورك المميز العطر.

شاعرنا الكبير الحاج طلعت

كل عام وانت وريستنا ومشرفينا وجميع اعضاء الموقع بكل خير
قصيدتك رائعه بكلماتها وباوصافها
عبرت اجمل تعبير عن نشأة هذا الصرح الكبير وتلك الواحة الفواحه بوجود رجالات وفتيات الفكر المستنير والأدب الرفيع
تحية اكبار لادارتنا الرشيدة صاحبة الدار الاميرة آيات
تحية لكل عضو ومشرف في هذا البيت العامر
وشعاري دائما وأبدا (الى الأمام على الدوام )
لكم جميعا كل الحب
وأهمس (بقدر ما أعجبتني قصيدة شاعرنا الكبير طلعت أعجبني تعقيب صديقي ممدوح باشا حيث جمع تقريبا معظم الأعضاء واصفا كل بما يستحقه فللعملاقين مني كل تقدير واحترام واذا ما ذكر العملاقان فاعلم أنهما (الحداد والسنباطي )

الاصدقاء الاعزاء

أردت ان ان اعقب فوجدت نفسى امام اربع موضوعات فى غاية الروعه

اولا : كل عام وكل اصدقائنا واحبابنا بألف خير ومنتدانا فى تقدم ورفعه بالاقلام القيمه والشخوص المحترمه النقيه التى تدرك وتحترم قواعد الاختلاف فى الرأى قبل الاتفاق فيه وهذا من شيم الكبار

ثانيا : نرفع القبعه للاخ والصديق الشاعر أ طلعت الحداد على كلماته الرقيقه التى تنم عن مدى حبه وولائه لمنتدانا الذى ننتمى له جميعا وكذلك حبه واحترامه لجميع اصدقائه بالمنتدى وهو الشخص الخلوق الجدير بكل الاحترام

ثالثا: الاستاذ عمدة المدينه تعقيبك سيدى اضافه واثراء بالشرح والتحليل وابراز مواطن الجمال فى كلمات شاعرنا الرقيق أ طلعت وانا شخصيا استمتعت بالتحليل الذى ينم عن شخصيه متذوقه للمعانى الجميله الرقيقه

رابعا : الاخ الفاضل أ ممدوح اشكرك بالاصاله عن نفسى ونيابة عن جميع الاصدقاء على كلماتك الرقيقه فى حق كل منا وانت يااخى أهل لكل ما أصبغته علينا من صفات كريمه نشكرك عليها
ويارب يديم المحبه والاحترام بيننا دائما

والى العزيزه البنوته المحترمه الواعيه ايات
انتى انجزتى شئ عظيم وانا فخوره بيكى وان شاء الله ستكونين فى تقدم دائم
فيه مثل مصرى بيقول ( الديك الفصيح فى البيضه بيصيح )
وانتى انشأتى المنتدى وانتى عمرك 12 سنه فما بالنا وانتى فى 22 سنه ان شاء الله
انا متوسمه فيكى كل خير التوفيق والنجاح باذن الله

بصراحة انا مش لاقية اي كلام يتقال بعد الي اتقال من الاعضاء الكرام
كل سنة وكل الأعضاء بألف خير

الله عليك يا استاذ طلعت Very Happy

كل سنه و احنا كلنا مع بعض و العاشره مجمعنا بقياده أيات
I love you

الله على المعانى الجميلة و التلقائية يا استاذ طلعت

تسلم ايدين حضرتك و قلمك يا رب

و كل عام و الجميع بخير يا رب و صحة و سعادة و كل حاجة حلوة فى الدنيا

و كل عام و انتى بخير يا ايات و كل عام احسن من اللى قبله يا رب و دايما تحققى احلامك و نفرح معاكى و بيكى

و يا رب يفضل منتدى العاشرة مساءا اجمل و احلى واحة نتجمع فيها عشان نلاقى الدفا على رأى استاذ طلعت

أدعو أستاذ ممدوح

أن يحضر لنا أغنية

لما نقرب أوى من بعض

بشعر فى الأغنية دى بروح الجماعة الرائعة

وأتمنى عليك أن

تحضر الرابط إلى هنا

ونستمتع بها جميعا

معلش ياجماعة عندى تحقيق بقاله 3 أيام

أصل القضية اللى معايا دى صعبة يدوب لسا راجع من النيابة

وكتبتلكم الكلمتين دول

شوفتوا وكيل نيابة بالحلاوة دى

ههههههههههه

تحياتى

اجمل تهنئة لجميع افراد اسرة المنتدى الجميلة والله ينور عليك يا استاذ طلعت على هذا الشعر الرقيق وكل سنة وانتم اروع واجمل

زائر

لما نقرب اوي من بعض

https://www.youtube.com/watch?v=mlBJYl1T3dE

احلامك اوامر يا حضرو وكيل النيابة روح زاكر وبطل دلع

تشريف عظيم من أخ كريم/ دكتور أبو أسامة
خالص الشكر والتقدير لمرورك العطر وكلماتك المحترمة الراقية .

ــــــــــــــــــــــــــــــــــــــــــــــــــــ

السيدة الفاضلة والأخت الكريمة / عزة عبد المنعم
سعدت جدا بتقديرك وكرمك وأتفق مع حضرتك
بأن أخى عمدة الرياض قد أثرى الموضوع وجعله جميلا وغلفه بما لا أبلغ من المعانى الجميلة والصور الرائعة
شكرا جزيلا لتشريفك
ــــــــــــــــــــــــــــــــــــــــــــــــــــــ

شكرا ياندى على حضورك وتهنئتك الرقيقة

ــــــــــــــــــــــــــــــــــــــــــــــــــــــ

الآنسة الرقيقة والأخت الشقيقة / يمنى
دائما تكونى حيث يجب أن تكونى وفى الوقت المحدد تماما
سعدنا جميعا بمرورك النسائمى الرقيق.

ـــــــــــــــــــــــــــــــــــــــــــــــــــــــ

الآنسة الرائعة فرحة
أتتبع كل مساهماتك لأننى أحترم قلمك السوى الناضج
الذى يحمل لنا من صفات شخصيتك الكثير بما يجعلنا نتلمس وجودك فى أرجاء المنتدى الجميل
لننهل من عذب مشاركاتك التى تتسم بأصدق معانى الأدب والثقافة الواسعة
شكرا جزيلا أختنا الكريمة على تشريفك

ــــــــــــــــــــــــــــــــــــــــــــــــــــــ

يا أستاذ محمود
روح ذاكر ربنا يهديك
من الصبح بإذن الله أول حاجة تعملها تييجى تطمنا لأنك قلقتنا
النيابة يا كابتن
ربنا يوفقك وتيجى فرحان وسعيد
ماشى ياسيدى
أهو الأستاذ ممدوح جابلك الأغنية
شكرا يا أخى الحبيب

ـــــــــــــــــــــــــــــــــــــــــــــــــ

شرفت بمرورك يا أستاذ خالد
وألف شكر على حضورك الرائع

ـــــــــــــــــــــــــــــــــــــــــــــــــــ

شكرا مرة أخرى يا أستاذ ممدوح
على تشريفك الثانى للموضوع وهو مازادنا شرفا وتباهيا
ـــــــــــــــــــــــــــــــــــــ
كل عام وحضراتكم جميعا بكل خير

الصديقة الصدوقة مريم فاروق مليكة مملكة الرومانسية كل سنة ودائمآمتواجدة بيننا أنتى وعلى عليوة بس من غير زوميرة منورة ومتألقة ومبدعة دائمآوأبدا
________________________________________________

كل عم وأنتم بخير : - عيد ميلاد منتدانا الجميل Icon_biggrin

هههههههههههههههههههههههههههههههههههههههههههههههههههههه

استاذى واخى الكبير وصديقى العزيز ممدوح باشا بل وجلاله الملك ممدوح
اشكرك

ليس على كلامك المهذب لان ذلك شىء غير مستغرب عليك فانت اهل الخلق الجيد والكلمات الرائعه

ولكن اظل اشكرك سيدى الفاضل لانك صاحب فضل كبير عليا فى كل حرف كتب هنا وانا اعلم جيدا انك من القلييلين الذين يفهمونى ويعرفون ما بداخلى او وجهه نظرى لذلك يرون مريم فى صورتها الحقيقيه التى قد تكون مشوهه عند البعض

لولا وجودك........................

اشكرك يا محارب الفساد وصاحب اجرأ الموضوعات والنقد المحترم

وكل عام والجميع بخير اداراه ومشرفون واعضاء

الله الله
حاجة حلوة خالص!!!
الآنسة مريم دخلت موضوعى وسلمت على صاحبى ممدوح السنباطى من غير ألقاب وسابتنى ولا كأنى هنا
ماشى
على العموم أنا وصديقى واحدوبصراحة عندك حق
لأنه إذا حضر الماء بطل التيمم
شكرا يا مريم على مرورك الرائع الجميل
وكل سنة وإنتى سعيدة وبألف خير

ايه ده ايه ده ازاااااااااااااااااااااااااااااااااااااااااااى

معقوله

شاعر المنتدى

وصاحب الكلمات الذهبيه

والحس الراقى

والذوق العالى

وفن الحوار

واكتر الشخصيات اللى بحبها وبحترمها فى المنتدى

الكبير
استاذ طلعت الحداد

يزعل منى

والله ما انام الليله

انا اقدر برضه استاذى الكبير والمحترم والغالى والشاعر والمتميز والاخ والمحبوووووووووووب من كل من فى السايت يزعل منى برضه

ازااااااااااااااااااااااااااااااااااااااااااااااااى

والله ما اناااااااااااااااااااااااااااااااااااااااااااااااااااااااااااااااااام

استاذى الفاضل كل سنه وحضرتك طيب ومنور

انا بس لاقيت مشاركه استاذ ممدوح وفيها جمله ليا فحبيت اشكره بس والله مع الاحتفاظ بقدرك وقيمتك ومكانتك ومكانك

خصوصا وان شعر حضرتك موجهه للكل عامه وللاستاذه ايات خصوصا وتحديدا واكيد لما تشوف روعه كلماتك حتشكرك بنفسها وانا والله شكرت استاذ ممدوح لانه من ضمن الشكر للكل خصنى بجمله لكن ذلك لا ينفى معزتك وقيمتك فانت شاعرنا الكبير والغالى والكاتب المتميز استاذى طلعت الحداد واخى الاكبر

ولكن والله حضرتك كبير قيمه ومقاما وغالى وعزيز ومحبوب لنا جميعا

كل عام وحضرتك بخير وبالف صحه وسلامه وجميع الموجودييييين

عيد ميلاد سعيد

وكل عام والعاشرة مساء وكافة أعضاءه بخير وحب وسلام

تحياتى للجميع
الشحات مرزوق المحامى بالمحمودية - بحيرة
المقرر العام لرابطة المستقبل لمحامين المحمودية

الله الله على الكلام الجميل من ملكة الرومانسية والمشاعر المرهفة
مـــــــــــــريم فــــــــــــــــــــاروق
هو دة الكلام
وبعدين أنا أعتقد إنه مستحيل حد يزعل من مريم فى الدنيا
وعمرى ما أزعل منك طبعا
و أنا عارف إن الموضوع لم يتعدى السهو العابر ، لكن حبيت إن الموضوع ما يعديش من غير ما أناغش واحد صاحبنا ،
وقلت فرصة تشرفينى مرة تانية ، وحصل بالفعل ونورتى الدنيا
كل سنة وإنتى طيبة يامريم ويارب يسعد أيامك ويتمم لك بخير
وألف شكر على كلماتك الجميلة الغالية على نفسى.

شكرا جزلا لمرورك أخى الكريم
الشحات مرزوق المحامى بالمحمودية - بحيرة
المقرر العام لرابطة المستقبل لمحامين المحمودية

» كل سنة وأنتم طيبين
» *** كل عام وأنتم جميعا بكل خير ***
» كل عام وكل قبطى بخير
» الإخوان المسلمين ؟؟؟
» جمعة رد الجميل 18 فبراير