دروس من القمح الروسى

القمح الروسى الذى يأتينا مره محمل بالحشرات والافات و مره محمل بالرمل و الزلط

وغصب عنا لازم ناخده .. مش خوف لا سمح الله
ولكن للحاجه وقلة الحيله لاننا كنا فى يوم من الايام بلد زراعى ومع سياسات الحكومات الرشيده فى العهد الميمون للرئيس الحكيم

أصبحنا بلد الثوره الصناعيه التى لا يصح أن ترهق نفسها بالزراعه!!!!!
وأى زراعه !!! زراعة القمح .المحصول الاستراتيجى الاول فى العالم .
أساس التغذيه و أساس الصناعات الغذائيه
بدل القمح زرعنا البنجر !!!!!!
عارفين ليه ؟؟؟؟؟؟؟؟؟؟؟
1 ـــ لاننا محتاجين سكر يغطى المراره اللى جوانا من الظلم والقهر
2 ـــ لان البنجر سعره عالى و و بنصدره
3 ـــ لان القمح أصبح موضه قديمه
و ألاهم 4 ــ لكى نظل فى وضع الانبطاح أمام سياسات الغرب
.........
المفروض يوقفوا تصدير البنجر و يوزعوه على المطاحن والمخابز علشان الناس تاكل البطاطس والملوخيه بالسكر
و الام تعمل لأبنها سادوتش وهو رايح المدرسه بنجرايه كبيره تشقها و تملاها جبنه !!! ياه على طعمها .. روعه !!!

سؤال مستفز نط فى دماغى
طالما روسيا و أحنا موقعين معاها عقود توريد القمح قررت تلغى التوريد نظر لتامين القمح للشعب الروسى اولا وقبل كل شئ.......
أحنا منقدرش نعمل زيها ونلغى عقود توريد الغاز الى أسرائيل !!!!
ولا الوضع مختلف .. لان روسيا عايز مصلحة المواطن الروسى وأحنا عايزين مصلحة المواطن الاسرائيلى !!!!!!!!!!
ولا ايــــــــــــــــــــــــــــــــــــــــــــــــــه !!!!

زمان في المدرسة في مادة الدرسات الاجتماعية كان في كلمة ورايا ورايا

تشجيع الحكومة

الحكومة مش بتشجع حاجة ازاي هنرجع نزرع وكل يوم السماد بيغلي والفلاح مشاكله مع بنك الائتمان الزراعي لا تعد ولا تحصي

تحياتي

شكرا جزيلا أخي د/ عبدالله

على موضوعك الهام
دارت في ذهني تساؤلك
وكنت قد أعلنت أنه سيكون هناك حلقه في (حوار مفتوح )حول هذا الموضوع
سأقتبس بعضا من موضوعك لأضعها ضمن محاور الحوار
ان أذنت مشكورا

فى البدايه اشكرك يا ايات لمروك وتعليقك المنطقى على الموضوع

ولكن من بديهيات اى انسان مهما كان مستوى تعليمه هو ان يوفر لنفسه طرق الاستمراريه و ضمان البقاء كريما بين الناس .. لا ان يضيع ما فى يده من ثروات لكى يصبح ذليل محتاج لغيره ممن ينتظر الفرصه ليتحكم ويسطير عليه
هذه هى السياسه مش اللى بتعمله الحكومه وعباقرتها اللى اكيد مش اغبيه ولا ساذجين انما خونه وعملاء ينفذون سياسات خارجيه هدفها جعلنا دائما فى خانة المحتاج .........
................................
ابو اسامه الموضوع و كاتب الموضوع فى خدمتك يا دكتور
.. تداعيات الموضوع كبيره وبدأت تظهر من انفلات اسعار كل ما هو مرتبط بالقمح ( مكرونه و دقيق ومخبوزات و ...........) وربنا يستر
الناس هتاكل تراب عما قريب

مالك يا استاذ عبد الله ومال روسيا سيبلى انت الروس بس وانا هظبطهملك هههههههههههههههههه

بالنسبه للسياسات الزراعيه فى مصر فكما هو معتاد زى الزفت وبما انى المفروض فلاح فاعرف نكت فى موضوع الٍاستهبالات الزراعيه اقصد السياسات الزراعيه اخرها موضوع الارز طول عمرنا بنزرع ارز وبيكفينا وبنصدر كمان لكن الحكومه قالت ما تزرعوش ارز ليه كده يا عم الحاج قال لك بنوفر ميه قلنا مش مشكله بلاه الارز السنه دى نزرع ذره

اللطيف بقى ان الذره كمان مش لاقينله ميه طب نعملكم ايه يعنى نبورها ونرتاح منها ومنكم

لا والالطف من كده انهم هيستوردوا ارز كمان يعنى هى غباوه وخلاص مش عارف والله الناس دى بتفكر ازاى

ا.ايات بالنسبه لموَ,ع التِشجيع احب اقولك انك ناكره للجميل مين قال ان الحكومه ما بتشجعش عادى جدا الحكومه بتِشجع الاهلى بتشجع المنتخب بتشجع حسن شحاته انتوا اللى ناكرين الجميل

وعلشان تشجعوهم روحوا واشتموهم
خالد المسيرى

لازم ننسى الزراعة
كل الزراعة
قمح بقا ولا بنجر مش هاتفرق
هو فى مية عشان نزرع
وكمان لازم ننسى الصناعة
لان الصين بتعمل الحاجة ام 100 ب10
ولازم ننسى التجارة
لان وزير المالية عمال يفرض فى ضرايب ع اللى داخل
ووزير التجارة مش مخلى حاجة خارجة
ولازم ننسى التعليم
لان ما بقاش فى تعليم لان احنا ماعندناش فلوس نتعلم

ومن باب الاحتياط ننسى اسامينا
وربنا معانا

شكرا يا دكتور
ع الموضوع اللى بيقلب علينا المواجع

شكرا خالد بيه المسيرى على ردك وتعليقك وأن كان من الضرورى ان نعود الى عاداتنا القديمه كفلاحين عندهم الكبرياء وعزة النفس وعدم قبول تحكم الاخر بارزاقنا ....

مدام هند ................
لو هننسا كل ده .... هييجى اليوماللى ننسى فيه انه كان فيه وطن اسمه مصر وشعب اسمه المصريين اللى نسيوا ارضهم فنستهم ارضهم وبخلوا عليها فبخلت عليهم ...........
ربنا يستر فى الايام الجايه

» دروس وعبر من محنة ( مضاد كلمة مبارك)
» ما سبب اخفاء اوراق القمح الروسي؟؟؟!!!!!!!!!