رحلة للسعادة في رمضان مع د.عمرو خالد

ايات:امال انا بنزلها ليه عشان اللي مش قادر يشوفها ينزلها ويشوفها يلة نزيلها وشوفيها مع المقاطع الحصرية اللي متعرضتش في القنوات

ا.امير الله يكرمك ويجبر بخاطرك

اسلام اهلالالالالالالا العود احمد حمد الله على السلامة رمضان كريم عليك اي الحكاية قلت حتتجوز ورحت ومرجعتش هي العروسة خذتك مننا ولااي نورتنا ومتغيبش تاني وبشكر متابعتك

اليوم تنتهي المجموعة الاولي من المجموعات السبعه للسعادة .. وهي مجموعة (ابدأ بداية صحيحة)

أحلم حلم كبير تعيش سعيد .. أوعه ما تحلمش .. أوعه تخاف تحلم .. أوعه يكون حلمك صغير .. كبر حلمك

ربنا جعل سقف السماء عالي ليستع افقك وحلمك

ومن يتهيب صعود الجبال ... يعيش ابد الدهر بين الحفر ..

أنت بدون حلم مثل عملاق حبس في اناء

وضعوني في اناء ثم قالوا لي تاقلم .. وأنا لست بماء .. أنا من طين السماء ... واذا ضاق إنائي بنموي فسيتحطم أو أتحطم

أحلم كما بشر النبي الامة وقال (والله ليتمن الله هذا الامر حتى يسير الراكب من صنعاء إلي حضرموت لا يخشى إلا الله)

الدنيا كلها تعب وكلنا سيتعب لكن من عنده حلم سيتعب تعب لذيذ له معنى وقيمة



رابط تحميل الحلقة
http://amrkhaled.net/newsite/medias....=10073&id=1631

تحميل المقطع الحصري
http://amrkhaled.net/newsite/medias....=10049&id=1626

صور من حلقة الطموح



كن طموحاً





ياخذ الابريق!!!!!!



اي اللقطة دي؟؟؟؟؟؟


مع القطة

[[color=red]center]
المجموعة الثانية-(اسعد من حولك تسعد)
االحلقة السادسة - ابذر الحبّ
[/center][/color]



هدف الحلقة ابذل الحب .. اتعلم كيف تحب وتسعد من حولك .. الناس محتاجة تتعلم ازاى تحب وتتحب علشان تعرف تعيش


حلقة اليوم اسمها ابذل الحب .. الانسان غلبان كلنا محتاج للحب – محتاج حد يقوله لسه بحبك – حد يطبطب علية – يحضنة .

ابذر الحب تحصد الحب .. عايز تحصل على الحب اعطه .. يأتيك لحد قدميك .[/b]

[b]
تحميل الحلقة
http://amrkhaled.net/newsite/medias....=10089&id=1635


المقطع الاضافي للحلقة
http://amrkhaled.net/newsite/medias.php?mediaID=1628&mediaFileID=10064&id=1628

الحلقة السابعة
مع الضعفاء والمساكين

[size=18]
يمر الانسان بـ 4 مراحل ليصل لقمة النضج الانساني ..
1- مرحلة الاعتماد على الاخرين (الطفولة) - مرحلة أنت.
2- مرحلة الاستقلال عن الاخرين (المراهقة) - مرحلة أنا.
3- مرحلة الاعتماد المتبادل - مرحلة نحن
4- مرحلة العطاء للاخرين بلا مقابل - مرحلة أنتم.

والله لن تستمع في هذه الحياة الدنيا إلا بالعطاء المستمر للضعفاء والمساكين .. والله لذة العطاء أحلى بكثير من لذة الأخذ ..

أن تعيش سعيدا .. أعطي الفقراء والضعفاء ستعطيهم خمس اشياء ستكسب أكثر بكثير مما أعطيت أعطهم :


1- رافقهم
2- أحمل همهم.
3- حض الناس علي مساعدتهم.
4- لا تكثر بخاطرهم.
5- أنفق عليهم.

[u]

وستحصل علي الكثير
[

/u]1

-
قمة النضج الانساني.
2- لذة العطاء أحلى.
3- حب الله لك.
4- امان لمستقبلك ومستقبل أولادك.
5- امتداد عمرك بعد موتك.
6- بقاء اثرك.
7- ثواب عظيم من الله[/size]

الحلقة -8-
كن انسانا

انسانا ... هو عنوان حلقة اليوم وهو شعار لو استطعت أن تعيش به مع الناس ، والله ستعيش سعيدا .. وقد علمه لنا رسول الله صلى الله عليه وسلم حين قال ((لا يؤمن أحدكم حتى يحب لاخيه ما يحب لنفسه)) .. فلن تصل إلي حقيقة الايمان إلا اذا أحببت للناس ((كل الناس)) كل ما تتمناه لنفسك من الخير ... عندها ستدرك حقيقة الايمان وعندها ستصل إلي جوهر السعادة لانك ببساطة عندما تكون انسانا بصدق مع كل الناس وتتمنى لهم الخير كما تتمناه لنفسك عندهل ستتخلص من :

1


- الكبر .. لانك لا يمكن تتكبر علي نفسك ..
2- الحقد لا نه لا يوجد انسان يحقد علي نفسه
3- الحسد .. لانك لن تحسد نفسك ...
4- الغل .. وهكذا ...هكذا ستتخلص من كل أمراض القلوب ...يوم تكون انسانا بصدق تحب للناس ما تحب لنفسك ..

هل تسطيع أن تكمل باقي رمضان تتمنى وتحب الخير لكل الناس ؟ جرب واستمتع بالسعادة
..

رابط تحميل الحلقة
http://amrkhaled.net/newsite/medias.php?mediaID=1641&mediaFileID=10114&id=1641

رابط تحميل المقاطع الحصرية التي لم تعرض
http://amrkhaled.net/newsite/medias.php?mediaID=1642&mediaFileID=10121&id=1642

الحلقة التاسعة - لا للقلق

عبادة من اجمل العبادات القلبية .. مخصوصة لاطمئنانك واسعادك .. تعالج مرض معاصر خطير .. تعالج معوق من معوقات السعادة...حسن الظن بالله تعالى


القلق مرض العصر – الناس خايفة على المستقبل .. ومستقبل ولادها .

القلق .. يجعلة ينظر الى المستقبل دائماً انه ذلك المظلم المخيف

احسن ظنك بالله لاتقلق



صور الحلقة



لاتقلق



اثناء التصوير


الشاب الذي شارك في تصوير البرنامج

اd]].امير
ا.ابواسامة
محمود

اشكرك مروركم [/b]

الحلقة 10- - اللون الأحمر -لا للغضب الرفق والحلم

السعادة موضوع جماعى مش فردى ... هل انت غضوب عنيف فى ردود افعالك .. الغضوب العنيف لايمكن يكون سعيد .. لان الناس حتكرهه .. والسعادة موضوع جماعى .

امل ام لـ 3 اطفال .. هى فى التلاتينات من عمرها .. ربنا اعطاها كل شئ لتكون سعيدة .. زوج رائع – اولاد – بيت جميل – مال – جمال – ايمان وصلاة وصوم صلة بالله – بس مع كل ده هى مش سعيدة ..مشكلتها انها تتحمل كتير من اخطاء من حولها .. لكن لما بتغضب بتفقد السيطرة على نفسها .. غضوبة ثم عنيفة . مرة مع ولادها .. مرة مع جوزها ..مرة مع حماتها .. مرة مع الخادمة .حتى سقطت فاقدة النطق مرة فى خناقة مع ولادها علشان المذاكرة .. دخلت المستشفى ... ماذا حدث لامل ساخبرك فى نهاية هذا المقال لكن دعنى ابدأ معك انت بخطورة الغضب .


ضغوط الحياة كثيرة ... هموم وديون وقلة فلوس ..ضغوط مادية - الزحمة – المرور – قلة الحرية .. الضغوط دية بتسبب ردود فعل على الانسان عباره عن .. عصبية – سرعة انفعال – غضب – ردود افعال عنيفة غير مناسبة لحجم الخطأ ... تظهر مع اولادنا احياناً يضرب بلا ذنب & تظهر فى ضرب زوجه & تظهر فى طلاق متسرع فى لحظة غضب & تظهر مع الخدم بهدلة وضرب وشتيمة .... يظهر احنا بقى عندنا كبت عمل شحنات الغضب زايدة مش شحنات الكهربة لا شحنات غضب عايزين نفرغها فى حد .. فعادة نفرغها فى الاضعف منا ... ابنى – خادم عندى – موظف بسيط – مراتى ..


هل فقدنا السيطرة على اعصابنا .. كثير بعد مانهدأ نفكر هو الخطأ اللى حصل ده يستاهل كل العمايل الى انا عملتها دية وتروح تعتذر بس بعد فوات الاوان ... لان ايذاء الناس بيعمل جروح فى قلوبهم لاتدواى .. زى جروح الوجه وعلامات الضرب كذلك فى القلب بيكون فيه جروح تعمل عاهة مستديمة بس مش فى الوش لا فى القلب .
(( كان هناك طفل سريع الغضب فأراد والده ان يعالجة من الغضب فأعطاه , أعطاه والده كيس مليء بالمسامير وقال له : قم بطرق مسمارا واحدا في سور الحديقة في كل مرة تفقد فيها أعصابك أو تعامل انسان بعنف
في اليوم الأول قام الولد بطرق 37 مسمارا في سور الحديقة . فقد اعصابة على الناس 37مرة .. ياترى انت كام .
وفي الأسبوع التالي تعلم الولد كيف يتحكم في نفسه وكان عدد المسامير التي توضع يوميا ينخفض
الولد أكتشف أنه تعلم كيف يتحكم في نفسه, أسهل من الطرق على سور الحديقة
في النهاية أتى اليوم الذي لم يطرق فيه الولد أي مسمار في سور الحديقة
عندها ذهب ليخبر والده أنه لم يعد بحاجة الى أن يطرق أي مسمار


قال له والده: الآن قم بخلع كل المسامير من السور فاذا بالسور مليان اخرام متبهدل ... فقال له الاب هذا بالضبط ماحدث فى قلوب كل من فقدت اعصابك معه كل واحد عنفت معه قلبة فيه ثقب مثل هذا المسمار.

عندما تحدث بينك وبين الآخرين مشادة أو اختلاف وتخرج منك بعض الكلمات السيئة, فأنت تتركهم بجرح في أعماقهم كتلك الثقوب التي تراها

أحياناً جرح اللسان أقوى من جرح الأبدان... والعجيب ان انت كمان قلبك لما تغضب وتفقد اعصابك بيكون حريقة نار ... اعصابك بس لضغوط الحياة ولا وراها مرض من أمراض القلب مثلاً الكبر / العند / الغرور / الحقد
السعادة موضوع جماعى مش فردى .. لايمكن تسعد وانت عمال تشعل حرائق بغضبك طول ما انت ماشى .. حريقة فى صدرك وفى صدور الناس .


حلقة اليوم عايزتعيش سعيد .. اياك والغضب .. حلقة اليوم عن الحلم والرفق بالناس .. خلق من احب الاخلاق الى الله ورسوله وفية سر سعادتك .


الاول معنى الغضب ولية هوتعاسة ..الغضب شعلة نار عارف الآية اللى بتقول (( نار الله الموقدة التي تطلع على الأفئدة)) ده عذاب الاخرة بس فية ناس فى الدنيا نار موقدها فى صدرها اهو الغضب كده.. لكن هذة النار تكون مستكنة فى القلب استكنان الجمر تحت الرماد، ويستخرجها الكبر او العند او الحقد أوالضغوط .


الغضب ياجماعه حته من النار ... اسمع حديث النبى "إن الغضب جمرة توقد في القلب" رواة احمد


"إن الغضب من الشيطان وإن الشيطان خلق من النار وإنما تطفأ النار بالماء فإذا غضب أحدكم فليتوضأ" رواه أبو داود
فمن استفزته نار الغضب فقد قويت فيه سيطرة الشيطان علية حيث قال "خلقتني من نار وخلقته من طين" فإن شأن الطين السكون والوقار، وشأن النار التلظي والاستعار.


فقوة الغضب مكانها القلب ومعناها غليان دم القلب بطلب الانتقام فيتحول الى عنف مادى او معنوى فاذا لم يقدر عليهما يتحول الى حقد وغل ... "ألا إن الغضب جمرة في قلب ابن آدم ألا ترون إلى حمرة عينيه وانتفاخ أوداجه "


عن عطية بن عروة السعدي (( إن الغضب من الشيطان وإن الشيطان خلق من النار وإنما تطفأ النار بالماء فإذا غضب أحدكم فليتوضأ )) ابوداود


هل انت غضوب لن تعيش سعيد .. لان ببساطة جواك مولع الشيطان نار .. وعمال ينفخ فيها .. تخيل المنظر
بس هو اية السبب الحقيقى لغضبك .. هل هوضغوط الحياة & ولا طبيعة الشخصية & ولا انت الشيطان مسيطر عليك فنارة فى قلبك .


ولا الحقيقة ان غضبك وراه مرض من امراض القلوب .. لاتضحك على نفسك قديكون السبب كبر اوحقد او غرور ..خلى بالك (( لايدخل الجنة من كان فى قلبة مثقال ذرة من كبر ))


ماهى عكس الغضوب العنيف .. الحليم الرفيق .. الحلم عكس الغضب .. الرفق عكس العنف .


- والحلم عكس سرعة الغضب والعصبية والرفق عكس العنف والحدة .

- الحلم ضبط النفس عند هيجان الغضب والرفق هو اللين فى القرار عند ثورة الغضب .

- يعنى الحلم قبل القرار اللى حتعمله والرفق فى اتخاذ القرار نفسة .. يعنى الحلم يسبق الرفق ويؤدى الى الرفق فى التعامل .

هل انت حليم رفيق .؟


النبى يحدثك عن الحلم والرفق


- عن ابى الدرداء رضى الله عنه عن النبى صلى الله علية وسلم قال " من اعطى حظه من الرفق اعطى حظة من الخير ومن حرم حظة من الرفق حرم حظة من الخير " البخارى


- عن جرير رضى الله عنه عن النبى صلى الله علية وسلم قال : " من يحرم الرفق يحرم الخير كله " الترمذى


- عن عائشة رضى الله عنها ان رسول الله صلى الله علية وسلم قال لها : " يا عائشة ارفقى فإن الله اذا أراد بأهل بيت خيراً دلهم على باب الرفق " البخارى .. وفى رواية " اذا أراد الله بأهل بيت خيراً ادخل عليهم الرفق " احمد


- " المؤمن هين لين سهل " " ان الله حرم على النار كل هين لين سهل "


- عن أبو سعيد الخدري قال رسول الله "ألا إن بني آدم خلقوا على طبقات شتى فمنهم بطيء الغضب سريع الفيء، ومنهم سريع الغضب سريع الفيء؛ فتلك بتلك، ومنهم سريع الغضب بطيء الفيء، ألا وإن خيرهم البطيء الغضب السريع الفيء وشرهم السريع الغضب البطيء الفيء "


- عن انس رضى الله عنه قال : قال رسول الله صلى الله علية وسلم " التأنى من الله ، والعجلة من الشيطان ، وماأحد اكثر معاذير (أحب اليه العذر) من الله (هو يتعامل معكم بالحلم والرفق وقبول الاعذار حتى لوسيئة يحب قبول الاعذار ) ، ومامن شئ احب الى الله من الحلم "


- عن عبدالله بن سرجس رضى الله عنه قال : قال رسول الله صلى الله علية وسلم " السمت الحسن والتؤدة والاقتصاد جزء من اربعة وعشرين جزءاً من النبوة "


- عن ابى هريرة رضى الله عنه انه قال : ان رجلاقال للنبى صلى الله علية وسلم اوصنى قال: " لاتغضب " فردد مراراً قال : " لاتغضب " .كيف يوصية بشئ غير قابل التحقيق .


- لية النبى يقول كله خير . الحلم والرفق مش معناه العبط او انك يضحك عليك بالعكس الرفق يعطيك فرصة تفكير صح لتحل المشاكل وعقلك معك فتطلع نتائج افضل . بعنى يعطيك مسافة بين الفعل اللى حصل ورد فعلك – الغضب العصبية يسحب منك هذة المساحة .

سؤال :

- هل الاخلاق قابلة للتغيير :- هل ممكن العصبى يتحول الى حليم ؟

– هل ممكن العنيف الحاد يتحول الى لين رفيق .. ؟

- وهل هى جينات مخلوق الانسان بها ولا تتغير ؟ ولاهى صفات يمكن اكتسابها ؟

- النفس كالبدن ... كما يتحول السمين الى رفيع بالرجيم والرياضة تحتاج مجاهدة للاكل والشرب والعادات . كذلك يتحول الغضوب الى حليم والعنيف الى رفيق برياضة النفس ... تحتاج مجاهدة لطبيعة النفس والعادات . اسمع حديث النبى :- " انما الحلم بالتحلم وانما الصبر بالتصبر " اى الحلم بالتدريب على الحلم ... تدريب اسمه التحلم ...وكل خلق عايز تصلحة اعمل ضدة مده شهر حتى يصير عادة مألوفة عندك.. بس ضده بالكامل لاتقول اوازن ..بعد شهر تبدا توازن .


عن أبي هريرة رضي الله عنه قال "جاء رجل، فقال: يا رسول الله، أوصني. فقال: لا تغضب. ثم ردَّدَ مراراً. فقال: لا تغضب" رواه البخاري. كيف يوصية بشئ غير قابل للتغيير .


وكذلك حديث النبي : (( انما الحلم بالتحلم وانما الصبر بالتصبر )) رواه ابن حجر في فتح الباري ...اذن الاخلاق قابلة للتغيير .
اى عاده عايزة 21يوم علشان تتغير .. رمضان شهر الحلم والصبر .. (( فان شاتمة احد او قاتلة فليقل انى صائم ))

ياترى مين اسعد الحليم الرفيق ولا العصبى الغضوب .. طبعاً الحليم الرفيق اسعد 100مرة


هذا الحديث شعار عيش به " ماكان الرفق فى شئ الا زانة ولا نزع من شئ الا شانة " " وان الله رفيق يحب الرفق ويعطى على الرفق مالايعطى على العنف " ...


هذا الحديث جميل اوى فاعده تعيش بها فى الحياة كل شئ تعملة برفق لازم يحلو ويصير جميل " ماكان الرفق فى شئ الا زانه " ..


واى شئ تنزع منه الرفق الى الغضب والحده ..لازم ينكر او يبوظ او يفقد حلاوته وجماله


"وان الله يعطى على الرفق "... يعطى ايه .. رضا – طمأنينة – سعاده – هدوء نفسى – راحة الرفق والحلم شفاء من نار الصدر


حتى وانت تدافع عن الحق .. لاتقل غضبة لله وتشتم .. قاعدة الامام مالك (( اذا وجدت الرجل يدافع عن الحق فيشتم ويسب فاعلم انه معلول النية واما يتبع هواه .. قالحق لايحتاج لسب وعنف لانه الحق سبحانة هو الذى قال (( وجادلهم بالتى هى احسن ))


تذكر ان اداب النصيحة ..ان تكون برفق .


السعادة فى الحلم والرفق .. انت ضامن بالحلم والرفق حب الله لك .. ازاى .. حديث الاحنف بن قيس (( يقدم وفد عبد القيس من سفرهم ..ولشدة شوقهم..يتركون جمالهم دون أن يعقلوها..ويقدمون على النبي صلى الله عليه وسلم ..بهيئة المسافر الذي لم يصلح هيئته كل ذلك شوقاً وعجلة في لقاء النبي صلى الله عليه وسلم..الا ان الاحنف بن قيس لم يذهب معهم بل ذهب يعقل بعيره..ثم يذهب فيستحم ويصلح هيئته ويأتي بخطوات متأنية الى النبي صلى الله عليه وسلم ويجلس معه..فيقول له النبي صلى الله عليه وسلم" إن فيك خصلتان يحبهما الله ورسوله" فقال ماهما؟ فقال رسول الله صلى الله عليه وسلم " الحلم والأناة " قال: يا رسول الله، تخلقت بهما أو جبلني الله عليهما؟ قال: بل جُبلت عليهما.


تفتكر تكون سعيد ولا لأ لو عرفت ان الله يحبك ...تخيل اليوم تبدأ فى الحلم والرفق على نهاية الشهر تصير حبيب الله .. هاه يستهل المجاهدة ولا لأ .


وقال صلى الله علية وسلم " "من كظم غيظًا وهو قادرٌ على أن يُنفذه دعاه الله عز وجل على رؤوس الخلائق حتى يُخيِّره من الحور ما شاء". رواة ابوداود وابن ماجة فى المسند


اهدوا ياجماعة .. الناس بتتطلق على كلام بسيط .. وتضيع اولاد ... ناس تخسر بعض وعائلات تتمزق على كلمة .. ارفق .. احلم .


الرفق والحلم مش معناها السلبية او السكوت على الخطأ وعدم علاجه .. ده حرام اصلاً السكوت على الخطأ .. ولكن الرفق والحلم فرصة لعقلك ان تفكر لتخرج بحل ذكى غير الغضب والعصبية والضرب . يحدث فعل تاخذ مساحة تفكير لتخرج بحل ذكى غير متسرع ثم رد فعل اما طريقة لكل فعل رد فعل مباشر ليست طريقة الانسان السوى .


يعنى الرفق والحلم مع اخطاء الناس محتاج معاه طرق ذكية لاصلاح الخطا برفق .


انا عارف انك الا ن ناوى انك ستحاول طول الشهر ... لكن ماقلته لك حتى الان كلام نظرى .. لكن عند المواقف العملية – ساعة التطبيق تحدث اللخبطة ... كيف اكون رفيقاً حليماً مع ابنى لو كذب على وانا عرفت انه كذاب .


كيف اكون رفيقاً مع واحد عاصى مذنب مجاهر بذنبة ... ازاى يعنى ارفق به

كيف اكون رفيق حليم مع واحد أخطأ ويستحق العقوبة فعلاً ..

كيف اكون رفيق حليم مع واحد ندل لايحوق فيه لارفق ولا حلم بل يزداد سوءاً

تعالوا نعيش مع نماذج كثير عملية لاخطاء الناس وكيف يتعامل النبى برفق وحلم ممزوج بعاطفة عملية ذكية لاصلاح هذة الاخطاء بدلاً من العنف والغضب .

وانت تقدر تكتب عندك هذة الطرق للتتعلم منها وتنفذها ... طرق عملية نبوية للحلم والرفق مع اخطاء الناس واصلاح بواسائل غير الغضب والعنف .

- فكرة غير مفتاحك ... انت بقالك 20سنة تستخدم العنف والعقوبة والصريخ والزعيق مع اولادك جابت نتيجة ؟
زى اللى بيحاول يفتح باب بمفتاح لايفتح ولسه مصمم يفتح به – حاجه تضحك مش كده ... ممكن تغير مفتاحك .. الى الرفق والحلم وطرق جديدة


النبى نفسة نموذج للحلم والرفق { فبما رحمة من اللَّه لنت لهم ولو كنت فظا غليظ القلب لانفضوا من حولك } (لقد جاءكم رسول من أنفسكم عزيز عليه ما عنتم حريص عليكم بالمؤمنين رؤف رحيم ) آل عمران

تعالوا نشوف نماذج لأخطاء الناس وبدائل .


1) واحد كذب عليه لانه محرج من تصرف غلط ظل يسأله عما فعل ومش بتريقة او بغضب ... بل بنفس سمحة .. دون كشفة اعمل نفسك مش شايف ... انا كشفتك لانك كذاب وفضحتك . لو فعلت ذلك تفسدة اكثر .
عن خوات بن جبير : تزلت مع رسول الله صلى اله عليه وسلم مرّ الظهران فخرجت من خبائي فإذا نسوة يتحدثن , فأعجبني فرجعت فأخرجت حلة لي من عيبتي فلبستها , ثم جلست إليهن , وخرج رسول الله صلى الله عليه وسلم من قبته , فقال :

أبا عبدالله , ما يجلسك إليهن ؟

قال ( خوات ) : فهبتُ رسول الله ( صلى الله علية وسلم ) , فقلت : يا رسول الله , جمل لي شرود , أبتغي له قيداً . لعلي اجد احداهن تبيع قيداً له .. كذب لأنه مكسوف

قال فمضى رسول الله (صلى الله علية وسلم ) .. كان ممكن يسأل الستات هو فعلا جاء لكم علشان كده .. يكشفة عيب تضحك على رسول.. وتبعته فألقى إلي رداءه , ودخل الأراك فقضى حاجته وتوضأ ثم جاء فقال :
أبا عبد الله , ما فعل جملك الشرود ؟

ثم ارتحلنا فجعل لا يلحقني في المسير إلا قال : السلام عليكم أبا عبدالله ,مافعل جملك الشرود ؟

قال : فتعجلتُ إلى المدينة , فاجتنبت المسجد , ومجالسة رسول الله (صلى الله علية وسلم ) , فلما طال ذلك علي تحينتُ ساعة خلوة المسجد
فجعلتُ أصلي فخرج رسول الله (صلى الله علية وسلم ) من بعض حجره , فجاء فصلى ركعتين خفيفتين , ثم جلس , وطوَّلتُ رجاء أن يذهب ويدعني , فقال :

طوِّل أبا عبدالله ما شئت , فلستُ بقائم حتى تنصرف
فقلتُ : والله لأعتذرن إلى رسول الله (صلى الله علية وسلم ) ولأبرئن صدره فانصرفت
فقال : السلام عليكم أبا عبد الله , ما فعل شرادُ الجمل ؟

فقلت : والذي بعثك بالحق ماشرد ذلك الجمل منذ أسلمت

فقال : رحمك الله , مرتين او ثلاثا , ثم أمسك عني فلم يعد لشئ مما كان )) الهيثمى فى مجمع الزوائد .

2) واحد أخطأ لضعفه البشرى ... راعى الضعف البشرى وعالجه بتخيل النتائج ...


- عن المقداد بن الأسود قال : قدمت المدينة أنا وصاحبان فتعرضنا للناس فلم يضفنا أحد فأتينا النبي فذكرنا له ، فذهب بنا إلى منزله وعنده أربعة أعنز ، فقال : (( احلبهن يا مقداد ، وجزئهن أربعة أجزاء ، وأعط كل إنسان جزءاً )) ، فكنت أفعل ذلك فرفعت للنبي ذات ليلة : فاحتبس واضجعت على فراشي فقالت لي نفسي : إن النبي قد أتى أهل بيت من الأنصار ، فلو قمت فشربت هذه الشربة فلم تزل حتى قمت فشربت جزأه ، فلما دخل في بطني وأمعائي أخذني ما قدم وما حدث .


فقلت : يجئء الآن النبي جائعاً ظمآناً فلا يرى في القدح شيئاً ، فسجيت ثوباً على وجهي ، وجاء النبي فسلم تسليمة تسمع اليقظان ولا توقظ النائم فكشفت عنه فلم ير شيئاً ، فرفع رأسه إلى السماء ، فقال : (( اللهم اسق من سقاني ، وأطعم من أطعمني ))


فاغتنمت دعوته وقمت فأخذت الشفرة فدنوت إلى الأعنز فجعلت أجسهن أيتهن أسمن لأذبحها فوقعت يدي على ضرع إحداهن فإذا هي حافل ونظرت إلى الأخرى فإذا هي حافل ، فنظرت فإذا هن كلهن حفل ، ( الحفال : اللبن في ضرع الناقة وما سواها ) ، فحلبت في الإناء ، فأتيته به فقلت : اشرب ، فقال : ما الخبر يا مقداد ؟ فقلت : اشرب ثم الخبر فقال : بعض سوآتك يا مقداد ، فشرب ثم قال : اشرب ، فقلت : اشرب يانبي الله ، فشرب حتى تضلع ثم أخذته فشربته ، فلما عرفت ان رسول الله صلى الله علية وسلم قد روى فأصبتنى دعوته ضحكت حتى ألقيت الى الارض .. فقلت يارسول الله كان من امرى كذا صنعت كذا . فقال النبى صلى الله علية وسلم : (( هذه بركة منزلة من السماء ، أفلا أخبرتني حتى أسقي صاحبيك ؟ )) فقلت : إذا شربت البركة أنا وأنت فلا أبالي من أخطأت ...!! ... لم يضغط علية " لم تطع الامر – هذة سرقة – هو حس بغلطة خلاص ... يسر على الناس نفسياً .. يحبك الناس – تسعد ...


3) شاب شغلة اللعب بس متميز فى حاجة شاركة لتصلح الخطا من خلال المشاركة ...


- شاب اخطأ لانه موهوب اصلاً ... موهوب فى الشعر علمة بحكمة ... عن عمرو بن الشريد يقول كنت شاباً احب الشعر حباً شديداً يلهينى احيانا وعرف عنى ذلك فرانى النبى فى الطريق فاركبنى معه بغلته ففرحت بذلك (هذة اول مشاركة ) ثم قال لى هل معك من شعر امية بن بى الصلط ؟ ( هذة ثانى المشاركة ... شاركة فى اهتامته قبل التوجية للخطأ ( قلت نعم قال فانشدنى فانشدته بيتاً قال هية ) كمان .. ( فأنشدتة بيتا فقال هية فانشدتة بيتاً فقال هية ) كمان .. ( حتى انشدته مائة بيت ) مستعد تسمع من ابنك رغم انشغلاتك مدة 100بيت يعنى مش اقل من 20 دقيقة علشان توجهة فى الاخر ( ثم لاحظ اختيار النبى لامية بن السلط – لانه كان اكثر الشعراء اعتدالاً فى الجاهلية – ثم نظر لى النبى وقال اتدرى اصدق كلمة قالها شاعر ( منتهى المشاركة ) قلت لا.. فقال لى كلمة لبيد ( الا كل شئ ماخلا الله باطل *** وكل نعيم لامحالة زائل ) ثم قرأ (({ والشعراء يتبعهم الغاوون ألم تر أنهم في كل واد يهيمون وأنهم يقولون ما لا يفعلون إلا الذين آمنوا وعملوا الصالحات وذكروا الله كثيرا وانتصروا من بعد ما ظلموا)) يقول فعرفت انه لاينهانى عن الشعر وانما ينهانى عن فحش القول .}) مسلم .. حلل اسباب الخطا وعالجها .. استخدم مواهبتة


4) ثم ركز على مشاعرك انت ... وصل الجوع بالمسلمين أن ربطوا على بطونهم الحجر، واتفقوا أن أي أكل يرد لهم سيقسمونه فيما بينهم، ووجد أحد الصحابة - واسمه "عبس بن جبر"- بعض الشحم وقطعة لحم متبقية من شاه، فنظر فلم يجد أحدا يراه فقال والله لا أعطي منه أحدًا، يقول فالتفت فإذا رسول الله أمامي، فنظر إلى وابتسم ابتسامة الحزين " انا زعلان "، وتركني وسبقته إلى الناس أقول: هذا هو اللحم، لكي يسمع النبي. فأحيانا كلمة: أنا زعلان تكون أشد من أشد عقوبة، لكن متى؟ لو تربينا على الحب، وإلا فلن تجدي أن تفعلها الآن مع أولادك وتخاصمهم لأنهم لا يشعرون بها.
5) واحد اخأ لانه موهوب اصلاً ... سلمة بن معمر


نهاية قصة امل اتكلمت .. الدكتور خيرها بين ادوية ضغط ومهدءات اوخلق اسمة الحلم والرفق .. نور من رسول الله رائع .

كيف اتدرب على الحلم والرفق :- الاخلاق تتغير بالتدريب زى الرياضة للجسم لكن فيه وسائل عملية ... " انما الحلم بالتحلم وانما الصبر بالتصبر "


1- علق حديث عن ام المؤمنين عائشه (( إن الرفق لا يكون في شيء إلا زانه . ولا ينزع من شيء إلا شانه .)) مسلم موجوده بلوحات فنانين على الموقع .


2- استخدم وسائل النبى السابقة .


3- تخيل منظرك والشيطان يلقى الحجر ه وينفخ فى صدرك نارة ... تخيل صورتك وانت غضبان والشيطان يضحك من كل رجلية ..تعوذ بالله من الشيطان ..ان الشيطان اذا ذكر الله خنث .

6) غير وضعك لتتحرر من الشيطان ... " "إذا غضبت فإن كنت قائماً فاقعد وإن كنت قاعداً فاتكئ وإن كنت متكئاً فاضطجع"
جاء رجل إلى سلمان فقال: يا عبد الله أوصني، قال: لا تغضب، قال لا أقدر، قال: فإن غضبت فأمسك لسانك ويدك.
قد لا تقضى علية وقد لايموت بالكلية لكن يبقى ضامراً مخفياً
هو قرار تاخده وتصر عليه وتدية امر لعقلك الباطن لن اغضب طوال شهر رمضان كتدريب لبعد رمضان .. عن عبد الله بن عمرو: أنه سأل رسول الله : ماذا ينقذني من غضب الله؟ قال "لا تغضب"

أبدا تدريب من اليوم .. قال اوصنى يارسول الله :- قال لاتغضب فردد مراراً لاتغضب "

شعار حلقة اليوم :- ((ما كان الرفق في شئ ألا زانه .. وما نزع من شئ ألا شانه)) (رواه مسلم)



رابط تحميل الحلقة



http://amrkhaled.net/newsite/medias....=10153&id=1649


تحميل المقطع الحصري
http://amrkhaled.net/newsite/medias....=10156&id=1650

[center]
الحلقة 11-انزعوا الكراهية من قلوبكم
[/center]


حلقة اليوم ... تعلمك ان تحب ولا تكره في قلوب تعودت الكراهية ... مساكين يعيشون حياة كئيبة تعيسة مظلمة ..

- اياك ان تعود قلبك الكراهية ..
- اياك ان تكره منافسيك .. نافسهم لا تكرهم .
- أوزن الناس بحسناتهم وسيئاتهم
- الغي من حياتك فكرة اما أن تكون معي أو تكون ضدي.
- اياك أن تستخدم الدين لتعبر عن كراهيتك للاخرين بطريقة (من ليس معي فهو ضد الله)
- أختلف برحمة ...
- قلد نبيك عندما يواجه أخطاء الاخرين بفكرة (ما بال أقوام يفعلون كذا وكذا) دون أن يذكر أسماؤهم أو يفضحهم.
- أبحث عن منطقة مشتركة مع كل من تختلف معه.
- التمس الاعذار للناس حتى لا تكرهم .
- (ولو كنت فظا غليظ القلب لانفضوا من حولك فاعفوا عنهم واستغفر لهم)

- اياك ان تقلد ما تشاهده على الفضائيات الان من شتائم وفضائح وتظن أن هذا هو الطبيعي... لا لا هذا لا يرضى الله ورسوله .

- اياك والشتائم الالكترونية على الانترنت .. فهي ليست من أخلاق الاسلام .

- لا تتدعي أنك تدافع عن الحق فتشتم الاخرين .. تذكر قاعدة الامام مالك ((اذا رايت الرجل يدافع عن الحق فيسب ويشتم فاعلم أنه مريض النفس لأن الحق لا يحتاج أن تسب من اجله ، فالحق سبحانه هو الذي قال : وجادلهم بالتي هي أحسن))

- كبر مساحة التشارك والتفاهم مع كل من تختلف معه

اذا فعلت ذلك ...ستعيش سعيدا وتموت كريما وتبعث من عباد الله الصالحين

]b]
تحميل الحلقة
[/b]

http://amrkhaled.net/newsite/medias....=10165&id=1655



تحميل المقطع الحصري



http://amrkhaled.net/newsite/medias....=10168&id=1656

ألبوم الصور:

http://amrkhaled.net/newsite/albums.php?pictures=1&catID=183

الحلقة-12-(مجموعة قلب كبير)
لا للذل

[b]

بسم الله الرحمن الرحيم الحمد لله رب العالمين والصلاة والسلام على رسول الله صلى الله عليه وسلم. أهلا بيكم في رحلة للسعادة إحنا في المجموعة التالتة، خلصنا أول مجموعة .. أول مجموعة كانت ابدأ بداية صحيحة.. ارسم خطك للجنة، وبعدِيّن المجموعة التانية إسعد الناس حولك ربنا يسعدك وكان اللون الأخضر لون الزرع والخير والنماء، وبعدِيّن إتنقلنا على المجموعة التالتة للسعادة من المجموعات السبعة اللي إحنا بنقول فيها عايز تكمل تعيش سعيد في دنيتك ديا وتبقى عارف ملامح السعادة ده إزاي.. وتمسكها إزاي.. وتوصلها إزاي.. يبقى كمل السبع مجموعات.



إحنا في المجموعة التالتة وزي ما قلنا كان إسمها نفس نقية من موانع السعادة، في حاجات بتمنع من السعادة..إزاي تبقى نفسك نقية من موانع السعادة؟ قلنا لا للقلق وقلنا حسن الظن بالله وقلنا لا للغضب وقلنا الرفق والحلم وبعدِيّن قلنا لا للكراهية وقلنا اختلف برحمة، وإنهاردة ما زلنا ماشيين مع الموضوع الرابع من موانع السعادة .. قبل ما أقول موضوع إنهاردة لأنه مش واضح قوي خليني أفكركوا.. المجموعة ديه رمزنالها باللون الأحمر.. لون الخطر وحطنالها العلامة ديه علامة ممنوع الدخول، إوعى تمشي وتخش على السكة ديه إبعد عن الطريق دوت، اللاءات الأربعة بتاعة السعادة .. لا للقلق، لا للغضب، لا للكراهية والحقد والحسد حلقة إمبارح، وإنهاردة اللا الرابعة.. لا لإيه؟ مش هقولك دلوقتي هقول الأول الفكرة بتاعتنا، الفكرة بتاعتنا إيه؟ ناس كتير بتتصل بيا وبالذات الشباب والبنات الصغيرين.. بيقولوا إيه؟ يقول أنا سعات مابعرفش إمتى أفرق بين إن أنا أبقى سعيد وغير سعيد، وسعات أبقى سعيد وفجأة مش عارف ليه مودي يتقلب وتلاقيني حزين جداً، من خمس دقايق كنت سعيد.. إزاي التغيير الفجائي ده حصلي أنا مش عارف! الحلقة ده بتتكلم عن الموضوع دوت، إزاي النقلة اللي بتحصل وإيه السبب؟ إزاي نتنقل فجأة من سعيد لغير سعيد وفي لحظات قليلة؟! خلينا أقولكم يا جماعة السعادة زي الإيمان، الإيمان بيزيد وينقص والسعادة كمان بتزيد وتنقص، بس أكيد في أسباب بتخلينا نتحول فجأة من سعيد إلى غير سعيد، إيه الأسباب ده؟ وهل هي أسباب خارجية ولا كتير منها نابع من النفس؟ صدقوا كتير منها نابع من النفس.. الحلقة دِيّن سبب رهيب يخليك تتنقل فجأة من عادي وكويس ومبسوط وكله تمام لفجأة حزين وتعيس وشاعر بمرارة وضيق وهم وغم، إيه الموضوع دون وإيه المانع الرابع من موانع السعادة اللي يخليني أتنقل كدة؟



عشان أشرحهولك لازم أسألك سؤال، إنت بتحب نفسك؟ هتقولي تقصد إيه بتحب نفسك، يعني تقصد إن أنا أناني، تقصد إن أنا بحب نفسي ومش بحب الآخرين؟ لا لا لا ده معني، بس في معنى تاني لكلمة بحب نفسي يعني بعزها أصلها غالية عليا.. أصل نفسي ده غالية عليا قوي وبقدرها قوي، خلي بالك من المعنى دوت لو نفسك غالية عليك قوي وإنت حاسس جواك بكدة.. مش هتهنها، كإن موضوع الحلقة بيقول إوعى تهين نفسك إوعى والذل لنفسك، أربع موانع للسعادة الرابعة فيهم إوعى تهين نفسك.. إوعى تذل نفسك.



أشرحلك أكتر؟ عملوا إحصائية إيه أكتر كلمة بيستخدمها الناس في التليفونات؟ وقعدوا يقيسوا إيه أكتر كلمة بيستخدموها؟ يا ترى تفتكروا أكتر كلمة كانت إيه؟ كانت ألو ولا إيه؟ طلعت أكتر كلمة أنا، طبيعة النفس البشرية إنه يحب يحس بنفسه معزز مكرم، أنا غالي أنا مقدر أنا قيمتي كبيرة، عشان كدة المانع الرابع من موانع السعادة إوعى تهين نفسك، إوعى تهين نفسك قدام الناس وإوعى تهين نفسك قدام نفسك، إوعى وإهانة النفس إوعى تذلها إوعى تهنها.. مش شرط مع الناس، هما حاجتين إوعى تذلها قدام الناس وإوعى تذلها قدام نفسك، لأنك أول ما تهين نفسك يحصل للسعادة زي الأسانسير اللي فك من الفرامل بتاعته فحصل هبوط مفاجئ تبص تلاقي روحك بتتسحب، عارف في الملاهي اللعبة اللي يطلعوا فوق فوق فوق ويقوموا نازلين فجأة، عارف بيحصل إيه للروح أهو بيحصل في السعادة كدة، أول ما تهين نفسك قدام بني آدم أو قدام نفسك هبوط مفاجئ وتحس إن روحك اتسحبت، عايز أقول إيه؟ عايز أقول ربنا لما خلق البني آدم خلق فيه تلات غرائز، يعني ربنا لما خلق الناس خلق تلات غرائز، غريزة الأكل والشرب غريزة الجنس وفي غريزة تالتة إسمها إيه؟ الاعتزاز بالنفس، طيب الأولى والتانية معروفين غريزة الأكل والشرب وغريزة الجنس مفهومين، لكن الغريزة التالتة إيه؟ يعني غريزة الاعتزاز بالنفس دِيّن عبارة عن إيه؟ إيه هي غريزة الاعتزاز بالنفس؟ غريزة الاعتزاز بالنفس ده يا جماعة عايزة توضيخ، أنا بحب إنجازاتي أنا بحب إن أنا أكون مكرم، أنا بحب تبقى صورتي الذهنية حلوة قدام ولادي قدام مراتي قدام عيلتي قدام صحابي قدام الدنيا كلها.. أنا معتز بنفسي وفخور بنفسي وأحب إن أنا بعد ما أموت وبفكر في الحكاية ده إن يفضل يتقال عليا كلام كويس.. غريزة الاعتزاز بالنفس.



طيب ممكن أسألكم سؤال؟ دول التلت غرائز اللي ربنا خلقهم وأوجدهم فينا، طيب ليه ربنا أوجد التلت غرائز دول فينا؟ طيب الأولى والتانية معروفين غريزة الأكل والشرب والجنس ليبقى البشر موجودِيّن، لكن غريزة الاعتزاز بالنفس ده ربنا حطها فينا ليه؟ كان ممكن تبقى مش موجودة، ليه ربنا غرز في كل البشر من آدم ليوم القيامة أياً كان دينهم أو لونهم أوجنسهم كبار صغيرين غريزة الاعتزز بالنفس؟ حتى الأطفال لو أهنته يعيط، الغريزة ده ليه ربنا حاططها؟ عشان ربنا بيحبنا، إيه العلاقة؟ عشان الأرض ماتنحرفش، يعني إيه؟ ما هو جزء من الناس خايفة على صورتها إنها تتفضح إنه يبقى شكله وحش، حريص أنه يستر نفسه، حريص إن هو يجمل نفسه.. ليه؟ عشان ربنا حاطط جواه الاعتزاز بالنفس ولو دِه مش موجودة تخيل كمية الفساد اللي في الأرض وبمنتهى البجاحة، فربنا حط الغريزة ده عشان الأرض تكون أقل إنحرافاً، يعني شوف الأرض فيها إيه دلوقتي، تخيل بقى لو الغريزة ده كمان مش موجودة كان حصل إيه في الأرض.



فهمت الفكرة.. فالغريزة ده ربنا حطها فينا عشان يخلي الأرض أكثر رحمة للناس ببعضها وكل واحد يبقى حريص على صورته، أب خايف على صورته قدام ولاده فمش عايز يعمل المصيبة الفلانية عشان قدام ولاده.. وموظف مش عايز يرتشي عشان خايف على صورته قدام عيلته وفي الجرايد وعمال يكتم على نفسه علشان خايف على صورته.. الصورة الذهنية قدام الناس غريزة الاعتزاز بالنفس، أول لحظة إهانة النفس لو أهنت نفسك أمام الناس أو أمام نفسك فجأة تسقط من عين نفسك، عارف يعني إيه تسقط من عين نفسك؟ تخيل كمية التعاسة، عرفتوا أحد أسباب تغير المود المفاجئ من سعادة وانشراح تحصل حاجة.. أهنت نفسك في حاجة.. غلطت في حاجة خلت شكلك وحش.. عملت تصرف ذليت نفسك قدام بني آدم، هو ربنا خالقنا كدة فجأة تهبط من فوق لتحت في دقيقة.. لحظة إهانة النفس عشان ربنا خالق جواك.. مركب جواك حاجة، حاجة متركبة جوا بتنور كدة، عارف المنبه لما يقعد يرن عشان يصحيك.. جواك حاجة إسمها إعتز بنفسك.. إعتز بنفسك.. إعتز بنفسك..عارفين في المولات في أوربا وبعض الدول لما تكون بتشتري حاجة من المحل وواحد سرق حاجة وبعدين طالع من المحل ومادفعش تمنها وهو على باب المحل بيحصل إيه؟ في جهاز محطوط بيعمل إيه؟ زمارة.. حرامي حرامي حرامي إجري إمسك، تصدق ربنا مركب جواك حاجة زي كدة، أول ما تهين نفسك أول ما تذل نفسك، حاجة إسمها الضمير ده متركبة فين؟ ربنا مركبها جواك، تبدأ تزمر تعرق ويحمر وشك وعنيك تزيغ وتهبط وتقع، إوعى تهين نفسك.



أدّيك أمثلة؟ أدّيك أمثلة إزاي الناس بتهين نفسها؟ مدمن المخدرات أهان نفسه.. شكله وهو بيدمن.. وشكله عشان يسرق من أمه عشان يدمن.. وشكله وهو بيعمل جريمة عشان يدمن.. وشكله بعد ما تعاطى المخدرات وتبص عليه.. منتهى الإهانة منتهى إهانة النفس، شارب الخمر، شارب الخمر أهان نفسه، تخيل وهو بيرجّع تخيل وهو في الشارع بيهذي تخيل مثلا -أنا آسف في الكلمة- وهو بيتبول في الشارع تخيل المنظر دوّن شايف الأهانة؟ ولذلك يا شباب أوعوا تصدقوا اللي يضحك عليكم ويحطلك إعلان مكتوب عليه إشرب كذا واسترجل، إشرب خمرة خليك راجل إوعى تصدق الإعلان ده، ده منتهى الإهانة ده عيب إنه يتحط لأنه بيهينك.



من إهانة النفس أنا أعرف قصة واحد سرق من محل وصاحب المحل بدأ يشك أن هو بيسرق وهو عمال ياخد من المحل.. ياخد من المحل ويجي يسأله على الحساب يقوله لا ده الزباين اشتروا بضاعة بتمن أقل وهو مغلي التمن عن التمن بتاع المحل وعمال يكسب يكسب يكسب، صاحب المحل اتفق مع ناس قالوهم تروحوا تشتروا منه وتسيبوه يبعلكم ويشترلكم بالتمن اللي هو عايزه، راحوا قالوله ده بكام صاحب المحل كان مسعرها بخمسين قالوهم لا ده بسبعين فخد العشرين في جيبه بالليل جه صاحب المحل قاله بعت بكام قاله بعت بخمسين وهو حاطط عشرين في جيبه بعد خمس دقايق دخلوا الناس اللي اشتروا، شفت هيحصل إيه دلوقتي وقدام بعض قاله فين العشرين إنت بعتلهم بكام، تخيل إهانة النفس عارف حصله إيه؟ وقع مغمى عليه.



إوعى تهين نفسك عايز تعيش سعيد إوعى من العلامة ده إوعى من علامة إهانة النفس، إوعى تهين نفسك حافظ على نفسك درب نفسك إن أنا مش ههنها، وقبل ما تاخد أي خطوة إسأل نفسك فيها إهانة؟ ههين نفسي، وكلنا بنغلط يا جماعة إوعى تفتكر من كلامي إنك مش هتغلط أو إوعى تفتكر من كلامي إن أنا بقولك خليك مثالي بس لو سمحت لو أهنت نفسك في موضوع معين قبل كدة.. ماتعملهوش تاني، مش معقولة واحد ينزل من بيته كل يوم يلاقي حفرة قدام البيت وكل يوم بيقع فيها تخيل بقاله عشرين سنة بيقع في نفس الحفرة ده تقول عليه إيه.. يعني ده ضايع، إوعى تهين نفسك، الشاب اللي عاكس بنت في الشارع وبعدِيّن في وسط ما هو بيعاكسها أخوها مسكه شايف إهانة النفس، أنا بضربلك أمثلة إزاي الناس بتهين نفسها، مسكه قعد يعيط شفته المنظر ده في الشارع قبل كدة؟ ويقوله والله ماعملتلها حاجة.. ياه بص عامل إزاي متخيل إهانة النفس، شايفه وهو بيعمله كدة شايفه وهو بيعيط وشايف أخوها ماسكه.



أعرف قصة واحد وواحدة راسلوا بعض بالـ chat وقعدوا يراسلوا بعض بالـ chat يجي سنة ما شافوش بعض وبعدِيّن إتواعدوا يتقابلوا راح يقابلها طلعت مراته، قصة حقيقية..وقفوا قدام بعض وجهاً لوجه.. طلقها كان لازم يطلقها مش عشان مين غلط عشان ماعدوش قادرين يبصوا في عنين بعض، إوعى تهين نفسك حافظ على نفسك ماتهنهاش، ده حلقة إنهاردة بمنتهى الوضوح، خلي بالك مستحيل أقولك ماتغلطش بس على الأقل الحاجة المعينة اللي إنت عارف إنك بتهين نفسك فيها بقالك عشر سنين وهي سر تعاستك وإنت بتعملها عشان تبحث عن سعادتك ممكن توقفها، يعني العاقل اللي يشوف هيحصل إيه نتيجة اللي أنا بعمله، فممكن لو سمحت ماتهنش نفسك، ممكن تقعد دلوقتي إسكت كدة لمدة ربع دقيقة واسأل نفسك إيه الحاجات اللي أنا بهين فيها نفسي وهي مصدر شقائي، عرفتوا يا بنات عرفتوا يا شباب إمتى بينزل الأسانسير فجأة من سعادة فجأة هبوط حاد زي هبوط في الدورة الدموية.. هبوط حاد في السعادة، من سعادة إلى فجأة حزن وهم وتعاسة وضيق ومرارة وخجل بتحصل إزاي؟ بتحصل بسبب الحكاية ديه، أديني حطيت إيدك على حاجة تعرف بيها إزاي بتنتقل من السعادة إلى الشقاء.



طيب ممكن آخد معاك حاجة أكتر من كدة؟ إحنا في زمن صعب إنتوا عارفين المشكلة إيه؟ إن الناس دلوقتي هانت عليهم نفسهم، وإيه يعني.. آه هاخد رشوة.. آه هعاكس بنات.. آه هعمل كذا وإيه المشكلة ربنا بيقول [ وَلَقَدْ كَرَّمْنَا بَنِي آَدَمَ...] {الإسراء:70}، لما غرزنا جواه الاعتزاز والتكريم للنفس، إحنا في زمن صار إهانة النفس حاجة عادية، وعلى فكرة ده من أسباب شقاء البني آدم الآن، والتكنولوجيا عمالة بتزيد والتكنولوجيا بتيح للناس سهولة التعامل والناس عمالة تنزل في التعاسة ليه؟ لأن في شقاء، ليه؟ لأن بقى في مجاهرة عرفتوا ليه النبي بيقول (كل أمتي معافى إلا المجاهرين) مالهم المجاهرين؟ مالهمش معافاة لا في الدنيا ولا في الآخرة، مالهمش معافاة، في الآخرة نار.. ومالهمش معافاة، في الدنيا تعاسة وشقاء وضلال، كأني عايز أقولك إيه؟ كأني عايز أقولك الأول إوعى تهين نفسك ثانياً الستر، إوعوا يا شباب ويا بنات إوعى تدخل على النت وعادي بتتكلم وبتقول وأنا عملت وأنا سويت إوعى تجاهر بإهانة النفس، إوعوا تقفوا في الشارع وتعملوا ذنب كبير وتبقى إنت وبنت في عربية في وسط شارع وعادي ماحدش له عندي حاجة ده أسوأ (كل أمتي معافى إلا المجاهرين) إذا كان الزمن وحش فماتتسببش في تعاسة فوق تعاسة فوق تعاسة، يعني أولاً ماتهنش نفسك ثانياً استر نفسك، ثالثاً إوعى تجاهر المجاهرة وحشة..المجاهرة تضيع معافاة ربنا.. غضب من ربنا سبحانه وتعالى، إوعى تهين نفسك.



إوعى تهين نفسك ده اللا الرابعة من موانع السعادة، إوعى تذل نفسك، يا جماعة إنت غالي قوي على الله، إنت مقدر وعزيز جداً على الله، إنت مش واخد بالك إن إنت خلاصة الخلق، إنت واخد بالك من المعنى ده؟ يا جماعة إحنا خلاصة الكون.. خلاصة الخلق، يعني ربنا سبحانه وتعالى خلق الكون وإنت ثمرة الكون قال تعالى [... كَرَّمْنَا بَنِي آَدَمَ...] {الإسراء:70}، إنت مش ثمرة الكون.. ربنا خلق الكون واختصر الكون فيك، زي ما اختصر القرآن في الفاتحة اختصر الكون فيك إنت، [ وَالتِّينِ وَالزَّيْتُونِ(1) وَطُورِ سِينِينَ(2) وَهَذَا البَلَدِ الأَمِينِ(3) لَقَدْ خَلَقْنَا الإِنْسَانَ فِي أَحْسَنِ تَقْوِيمٍ(4) ثُمَّ رَدَدْنَاهُ أَسْفَلَ سَافِلِينَ (5) ]. {التِّين: 1-5} وذلك بإهانة نفسه، ربنا يريد لك العزة ويريد لك الكرامة لكن ومن يهن الله بإهانته لنفسه فما له من مكرم، إوعى تهين نفسك إنت غالي على الله إنت عزيز على الله، ده إنت ربنا خلقك من أنقى عنصرين في الوجود طين ومية، التراب والمية أنقى عنصرين، المية تغتسل بيها وتتوضأ بيها وتنضف كل حاجة بيها، مالقتش؟ التراب نضيف.. إنت نقي إنت خلاصة الكون.. ثمرة الكون.. ليه تهين نفسك؟ ليه بعد ما ربنا خلقك في أحسن تقويم تنزل نفسك قوي كدة وتنزل وتفقد سعادتك وتخسر.



تعالى أحكيلك النبي صلى الله عليه وسلم بيعامل الناس إزاي، وبيكرم الناس إزاي، وحتى لو واحد غلط إزاي مايهنوش، النبي صلى الله عليه وسلم في يوم فتح مكة مين أكتر واحد أذى النبي صلى الله عليه وسلم أبو جهل مش كدة؟ مافيش أكتر من كدة، ومين معاه؟ إبنه عكرمة بن أبي جهل، إتفتحت مكة.. النبي صلى الله عليه وسلم قال للناس كلها إذهبوا فانتم الطلقاء صح؟ لكن قال فيه عشرة ( من وجدهم متعلق بأستار الكعبة فليقتلهم ) من كتر ما هو أساء منهم عكرمة بن أبي جهل، لكن مِرات عكرمة بن أبي جهل جريت ورا عكرمة لأنه هرب من مكة لجدة عايز يركب البحر ويهاجر، فجريت وراه بعد ما رجعت للنبي وقالتله يا رسول الله أمِّن عكرمة، فالنبي قالها أمنا عكرمة، فراحت جابت عكرمة، وعكرمة جاي للنبي –صلى الله عليه وسلم- فهو جاي من بعيد والصحابة قاعدِيّن..آه نعمل فيه إيه ده ياما عمل فينا.. شوف النبي –صلى الله عليه وسلم- هيقولهم إيه ( أيها الناس يأتيكم عكرمة فلا تسبوا أباه فإن سب الميت يؤذي الحي ولا يبلغ الميت ) هيجلكم عكرمة ماتهنهوش في أبوه، أبوه.. أبو جهل يا رسول الله اللي عمل وعمل وعمل، (يأتيكم عكرمة فلا تسبوا أباه) لأنك هتؤذيه (يؤذي الحي ولا يبلغ الميت) مش هتوصل لأبو جهل، أحياناً الواحد بيغلط يا جماعة ولازم يتعاقب بس إوعى تهينه إوعى تهين ولادك وإنت بتعاقبهم إوعى تهين مراتك، ولذلك شوف النبي مثلا، بيقولك ( ما ضرب رسول الله إمرأةً ولا خادماً ولا طفلاً قط ) وينهى إن حد يضرب على الوش.. ليه؟ إهانة، الوش رمز الاحترام ورمز التقدير لو ضربته على وشه أهنته، إوعي تضربي إبنك بالقلم.. إوعى تضرب ولادك بالقلم.. إوعى تعمل كدة.



شوف النبي –صلى الله عليه وسلم- واحد لازم يتعاقب لأنه عمل جرم لكن مش هيهينه ويفضل ماشي معاه لغاية الحد اللي بعديه بشعرة تبقى إهانة، لأ.. يوقّف، شوفوا عمل إيه، في واحد من بني حنيفة.. بني حنيفة كانوا أعداء للنبي وطلع منهم مسيلمة الكذاب في اليمامة، منهم واحد إسمه ثمامة بن أثال، ثمامة دون مرة أغار على مجموعة من الصحابة وقتل واحد منهم ففي دم بينا وبينه، فالنبي –صلى الله عليه وسلم- كان في مجموعة من الصحابة في غزوة من الغزوات أسروا ثمامة، فجابه النبي –صلى الله عليه وسلم- إلى المدِيّنة فأمر أن يحبس وحده بس مش في سجن إنفرادي لأن فيها إذلال، حبسه فين؟ قعده لوحده في ركن في المسجد، في المسجد؟ أولاً عشان مايبقاش حاطه بين أربع حيطان ثانياً عشان يشوف الناس وهي داخلة وهي خارجة ويأتنس بيهم وعشان يخالط المسلمين ويشوف المسلمين عايشين إزاي، ثم مر النبي عليه فقال: "يا ثمامة ما تراني أصنع بك"، تفتكر أعمل فيك إيه بعد ما قتلت من أصحابي قال: "إن تقتلني تقتل ذو دم"، أنا فعلاً عليا دم ليكم يبقى ليك حق، "وإن تعفوا وتنعم تنعم على شاكر" هتلاقيني أشكرهالك، "وإن تريد مالا أعطيت لك ما تشاء من الأموال فأنا غني" فتركه النبي وانصرف.. لسة عايز يتوضب، ثم عاد إليه في اليوم التالي قال: "يا ثمامة ما تراني أصنع بك"، فقال: "إن تقتلني تقتل ذو دم وإن تنعم تنعم على شاكر وإن تشاء مال أعطيتك من أموالي ما تشاء" فتركه النبي وانصرف، ثم عاد إليه في اليوم الثالث فقال: يا ثمامة ما تراني أصنع بك، فسكت.. آه خلاص، سكت ليه؟ إتكسر ووصل للدرجة اللي بعديها إهانة، فقال النبي: أطلقوا ثمامة، خدت بالك أطلقه إمتى.. سابه يوم واتنين وتلاتة لغاية ما التعليم ولغاية ما الأدب جاب وبعد كدة هيوصل للإهانة.. لأ، زي ما سيدنا يوسف عمل مع إخواته.. لغاية ما قالوله وتصدق علينا.. إحنا خلاص ضعنا، قال: لا تثريب عليكم اليوم.



تعرف تعمل كدة؟ يعني لازم تعاقب بس توصل للحظة الإهانة.. الإهانة لأ، كأن النبي بيعلمك أنا لا ههين عكرمة ولا ههين ثمامة، على فكرة يا جماعة نتيجة إن النبي ما أهنهوش ثمامة خد بعضه أول ما النبي قال أطلقوا ثمامة وقام وأخد الفرس بتاعه وطيران برة المدِيّنة، وأول ما طلع برة المدِيّنة دور على مكان نزل فيه، وغير هدومه واغتسل وقام داخل تاني المسجد وقام قايل أشهد أن لا إله إلا الله وأن محمد رسول الله، مارضيش يقولها أول ما أطلقوه عشان الاعتزاز بالنفس، أنا خدت القرار بمزاجي زي بلقيس لما قالت وأسلمت مع سليمان لأنها عزيزة، إوعى تهين نفسك والنبي بيعلمك كدة ويقولك كدة ويقولك (من تتبع عورات الناس تتبع الله عورته ولو بعد حين) إوعى تتبع عورات الناس لتفضحهم إوعى تهنهم إوعى تدور إزاي تفضحهم هيهينك ربنا ويفضحك في بيتك، شفت النبي بيتعامل مع الناس إزاي علشان يحافظ عليهم.



طيب في لسة نقطة فاضلة، نقطة إيه؟ إوعى تهين نفسك، إوعى تذل نفسك للناس عشان فلوس عشان منصب، ما أنا الأول قلتلك إوعى تهين نفسك تعمل ذنب أو معصية، إوعى تهين نفسك تشرب خمرة تدمن مخدرات، إوعى تهين نفسك تسرق، إوعى تهين نفسك تخون، إوعى تهين نفسك بالمعاصي والذنوب، لكن في حاجة تانية إوعى تهين نفسك بإنك تذل نفسك، شوفوا حديث النبي –صلى الله عليه وسلم- ( من تضعضع لغني لغناه فقد ذهب ثلث دِيّنه ) شوف كلمة تضعضع ده.. خلي بالكم الناس اللي بتطبل وبتذمر الناس اللي بتقول أحلام سعادتك أوامر وشخبطت سيادتك تخطيط لمستقبلي و .. و .. و.. الناس اللي بتنافق ( من تضعضع لغني لغناه فقد ذهب ثلث دِيّنه ) لأن ثلث دِيّنك كرامتك، لأن ثلث دِيّنك عزتك، لأن إنت من غير عزة أسفل سافلين، شفت الفكرة ديه.. يا ناس مهما كنت محتاج، ده ربنا بيقول على الفقراء.. الفقراء المعتزين بأنفسهم [... يَحْسَبُهُمُ الجَاهِلُ أَغْنِيَاءَ مِنَ التَّعَفُّفِ...] {البقرة:273}، إوعى تكون فقير والفقر مشكلة.. فتبقى فقير وبتهين نفسك، يبقى في أسوأ من كدة؟



إوعى تهين نفسك إوعى تذل نفسك، ده ربنا من أسماؤه الحسنى العزيز عارف يعني إيه العزيز؟ (الذي يأبى الذل لعباده) لأنهم عباد العزيز.. عباد العزيز ما ينفعش يكونوا مهانين، إوعى تذل نفسك لصاحب منصب شوفوا النبي – صلى الله عليه وسلم- يقولك إيه (اطلبوا الحوائج بعزة الأنفس فإن الأمور تجري بالمقادير) لما تطلب حاجة إطلبها بعزة نفس مش معنى كدة إنك ما تطلبش.. لأ تروح وتخبط.. وأنا ليا طلب ومن فضلك ممكن تقضيلي المهنة الفلانية وتطلبها بأدب وبأخلاق وبذوق وأرجوك لو سمحت، ما بقلكش تبقى بقى قليل الأدب..لأ لأ لأ إطلبوا الحاجات بعزة أنفس فإن الأمور تجري بالمقادير، بس إوعى تهين نفسك إوعى تحطها في التراب وإنت عبد العزيز.. العزيز سبحانه وتعالى، شوف سيدنا علي بن أبي طالب بيقولك إيه.. كلمة حلوة قوي، يقولك ( والله والله لكنس الجزيرة بريشتين.. ) حاجة معقولة الجزيرة العربية تتكنس بريشتين؟ ( والله والله لكنس الجزيرة بريشتين ونقل جبلين ثقيلين أهون عندي من ذل نفس للئيم ) إنك تذل نفسك لواحد لئيم.. والله والله لنقل جبلين ثقيلين أهون عندي من إني أذل نفسي لواحد لئيم.



ممكن بقى أطلب منك طلب، أدي الحلقة.. عايز مني إيه؟ عايز منك حاجتين.. إوعى تهين نفسك بالمعاصي والذنوب وإوعى تذل نفسك عشان تطلب حاجة إنت عايزها، إنت مكرم إنت عزيز والله هتعيش سعيد، عارف واحد فقير لكن عزيز.. سعيد، وواحد غني لكن بيذل نفسه للي أغنى منه.. ذليل، يا جماعة الحاجات المادية ما بتخشش على السعادة على طول، بينها وبين السعادة مسافة إسمها النفس، يعني أنا معايا فلوس ماوصلتش للسعادة.. لأ ده في مسافة.. المسافة ده إسمها إيه؟ إسمها القلب والنفس، فلو الماديات موجودة وده بايظة مش هتوصل للسعادة بص المسافة ده أدي الماديات وأدي النفس وأدي السعادة، عايز أروح من هنا لهنا لازم تعدي على القلب الأول لازم تروح للقلب الأول، فلو القلب ذليل يسعد إزاي، خد فلوس يا عم وخد مناصب وخد شهوات وبردو تعيس، والله لازم تعدي على القلب الأول، إوعى تهين نفسك، وإذا كان في ذنب بتعمله بقالك مدة وقفه بقى عشان ماتهنش نفسك، إوعى تهين نفسك في خيانة إوعى تهين نفسك في سرقة إوعى تهين نفسك في رشوة، خلي بالكم المرتشي وهو بياخد الرشوة ذليل.. والله ذليل، رغم إنه راجع بفلوس كتيرة ذليل.. ذليل من جواه، وفي عنين الراشي.. ياه الراشي بيبصله إن هو ذليل، والراشي وهو بيدي الرشوة في عنين نفسه ذليل وقلبه واقع تحت، إوعى تهين نفسك.



طب أعمل إيه عشان أعيد لنفسي عزتها وكرامتها؟

تدريب لمدة واحد وعشرين يوم، على إيه؟ عزة نفس، دور على الحاجات اللي بتخليك تهين نفسك، ها.. الشات الفلاني.. كذا كذا على الفايس بوك، بكزدر .. بكزدر ده بالبناني، بلفلف في الشوارع.. بلفلف ده بالسعودي، بلف في الشوارع بالليل أعاكس بنات وقف ماتعملش حاجة بتهين نفسك، اللي يهين نفسك وقفه، دِيّن واحد، يبقى تدريب لمدة واحد وعشرين يوم.

أعمل إيه كمان عشان ماهنش نفسي؟ التوبة.. تبت يا رب من الذنب الفلاني، مش أنا قلتلك إزاي السعادة يتنزل فجأة؟ والله ترجعلك فجأة، يعني بعد الحلقة ده.. والله والله والله.. واحد يقول كدة.. مانا واخد رشوة تاني، نفسي واحد يعملها بعد الحلقة ده، ياه تخيلوا، والله هتعيش سعيد وولادك ياكلوا من حلال يقول الرسول –صلى الله عليه وسلم- (كل لحم نبت من حرام فالنار أولى به) وترجعلك سعادتك وعزة نفسك وكرامتك.



الرشوة انتشرت قوي يا جماعة، بالله عليك أي حد في إشارة مرور أي حد في مصلحة حكومية أي حد في وزارة أي حد في شغل أي حد في business خاص أي حد عشان يمشي شغل إنوي بنية إن ربنا يكرمك ويعزك ويرفعك، يقول تعالى [... وَمَنْ يُهِنِ اللهُ فَمَا لَهُ مِنْ مُكْرِمٍ ...] {الحج:18}، إنوي من إنهاردة مافيش رشوة من إنهاردة مافيش معاكسة من إنهاردة مافيش خيانة، تيجوا نركز على التلاتة دول، يبقى:

التوبة.


تدريب واحد وعشرين يوم.


استر الناس عشان ربنا يسترك، استر الناس.. استر الناس ربنا يسترك لحسن يفضحك لو فضحت الناس.


الحاجة الأخيرة إوعى تجاهر، إوعى تجاهر لو إنت على خطأ، يعني يا تسيبه ي إما لو عليه إستر نفسك قوي إوعى تجاهر بيه على فايس بوك ولا في شارع ولا في نادي، إوعى والمجاهرة

.



لتحميل الحلقة

http://amrkhaled.net/newsite/medias.php?mediaID=1658&mediaFileID=10176&id=1658


المقطع الحصري
http://amrkhaled.net/newsite/medias.php?mediaID=1659&mediaFileID=10179&id=1659

حلقة 13-

حلقة الرضا


هدف الحلقة أن نعلم أنّ سعادة الإنسان تنبع من رضاه..عن نفسه ومن حوله وعن ربّه سبحانه ونعلم أسباب وطرق وآثار الرضا ... ونجيب عن هذه الاسئلة


هل انت راضى ؟

هل انت راضى اليوم عن حالك ؟

هل انت راضى عن حياتك ؟

هل انت راضى عن الله ؟

أحد أسباب التعاسة في حياتنا المعاصرة هو غياب كلمة مكونة من 3... الرضا

أثر الرضا في حياتك .. الرضا سعادة .. تكفل الله باسعادك لورضيت


ارض عن الله تسعد ..



تحميل الحلقة

http://amrkhaled.net/newsite/medias.php?mediaID=1662&mediaFileID=10183&id=1662

الحلقة 14

العفو

[size=12]
المجموعة اللي إحنا فيها حاليا إسمها قلب كبير.. قلب كبير صافي نقي.. عشان كده هتكون حلقاتها كلها في البحر..سما صافية.. وبحر صافي. يااه انت قلبك كده؟ أنا عايزك بقه كل ماتشوف لون السما الصافية الخالية من السحب زي يومنا انهارده.. وكل ماتشوف كده هدوء البحر تسأل نفسك: طب هو أنا قلبي كبير؟ قلب كبير يعني إيه. قولنا يرضى رضا.... فاكرين مركب الصيد الصغيرة؟ ودلوقتي بنقول يعفو ويسامح.. حلقة النهاردة العفو.[/size]


لتحميل الحلقة
http://amrkhaled.net/newsite/medias.php?mediaID=1665&mediaFileID=10188&id=1665