القمر بيختفي من مكانه كل يوم معادا الخميس و الجمعة !!!

.

سلام عليكم

الله يا جنه موضوع جميل خالص زي الموضوعات الي دائما بتقدميها في المنتدي

و الظاهره دي فعلا حقيقيه لان يوم الخميس و الجمعه بيبقي الواحد مشتاق كتير للبرنامج و حاسس ان في حاجه اساسيه نقصاه في اليومين دول

بس طبعا انا ما بنكرش ان مدام مني بتتعب قوي طول الاسبوع و لازم تاخد اجازه يومين

بس هيا بجد بتوحشنا اليومين دول كتير خالص

...

طبعا بتوحشنا عشان بنحبها جدا بس فعلا لازم تستريح
علي فكرة يا جنة اعتقد اللي كتب المقال دة هي ايات admin
ونزلتة تقريبا عي بلوج مش فاكرة اسمة
ميرسي انك نزلتية هنا علي الموقع

ميرسي علي المقالة هي جميلة فعلا

فعلا السندريلا بتتعب طوال الاسبوع ومن حقها تستريح وان كنت اشك في كده زي ما قالت جنه

الموضوع جد حقيقة
و الواحد دائما يكون مشتاق يشوف الحجات الجديدة
او الظواهر الجديدة

شكرا يا جنت الفردوس علي المقال الجميل دة
بس اهم حاجة مني محتجاة منا ان احنا ندعيلها
ان ربنا يهديها وتتحجب وانا متاكد من دة انو هايحصل في يوم
من الايام
بس انا عاوز اعرف حاجة هو البرنامج مابيتعدش لية مع ان
كل البرامج بتتعاد ياريت مني ترد علينا
والسلام عليكو

.

القمر بيختفي من مكانه كل يوم معادا الخميس و الجمعة !!!



طبعا سمعت عن الظاهرة اللي بتحصل اللي طيرت النوم من عيون علماء الفلك؟؟ انا مش بتكلم عن ظاهرة بتحصل كل عشر سنين ولا 100 مش بتكلم علي كسوف و خسوف ولا حتي نيزك هيخبط في الأرض الظاهرة تستحق الدراسة فعلا... قال بيقولك القمر بيختفي من مكانه كل يوم معادا الخميس و الجمعة حوالي الساعة عشرة عشرة و ربع حسب التساهيل ربنا يعني . العلماء في وكالة الفضاء الامريكية ناسا بمساعدة الأقمار الصناعية عرفوا مكان اختفاء القمر و اصدروا البيان :احنا لقينا ان القمر بيسيب مداره حول الارض و ينزل جوه الارض و بيتوجه بسرعة الي استوديوهات دريم الكائنة بمدينة السادس من اكتوبر -و تقريبا مش بياخد المحور عشان كده ساعات بيتأخر-القمر بيدخل الاستديوعشان يشع نور و علم و معرفة وثقافة و اخبار علي مدار الساعة و ده عكس الحقيقة العلمية اللي بتقولك ان القمر عاكس للضوء و غير مشع انما اللي بيشع هو النجم -لذلك الوكالة اعتبرته حاجة تجمع بين صفات القمر و النجم و سموا هذه الظاهرة (مني الشاذلي) انتهي البيان. ايوة يا سيدي مني الشاذلي ظاهرة لا بختلف عليها احد اللي دخلت قلوب المصريين من أول لقطة و عششت في قلبوهم هي التي أعادت لقناة دريم كل بريقها المفقود بل و زودت عليه من عندها و هي اللي وحدت المصريين جميعا علي حاجة واحدة - الشيء الذي يفشل فيه كافة الساسة الاعلامين اللذين هم مثال الكفتة في مصر!! بدرجة امتياز- علي حبها و تقديرها و ادمان مشاهدها هي و برامجها الللامعة بسبب ثقافتها الواسعة متعددة المناهل و احترامها لأدب الحوار و عقلية المشاهد و عدم الاسخفاف به و حيائها الذي لا حدود له عندما تاتي الساعة العاشرة ينتفض الشعب المصري ليتحول امام التلفاز ليري الملاك و هو يطلعهم علي اخر الاخبار الي جانب المقابلات مع صناعة الحوار مني الشاذلي

انا عاوز اكون مسئول فى ناسا عن قضية دريم واتابعكم وأوافيكم بأخر الاقمار المكتشفة منى الشاذلى..........طلب الى العالم المكتشف