كالعاده .. العلاقات بين البلدين اقوى .. ؟؟؟؟؟؟

كالعاده سيخرج من يقول ان العلاقات بين البلدين اقوى و ان كرة القدم تقرب بين الشعوب لا تفرق بينهم
والكثير من التبريرات ممن لا يملكون غيرها من شدة ضعفهم و هوانهم على انفسهم
ما فعله (( قله من جماهير تونس )) له دلالات اكبر من تهور جمهور واصابة مجند
لو تمعنا فى الصوره المنقوله عبر التليفزيون لوجدنا رجال الامن المعتدى عليهم فى وسط ((المتعصبيين )) وحدهم دون ادنى محاوله لمساعدتهم ودرء الضرب عنهم او حتى سحبهم من وسط (( الزحمه )) .. ولكن كان دورهم هو تأمين زيادة الاعتداء على زملائهم و منع زيادة رقعة التجمهر حتى لا تصل لمن يجلسون فى المنصه الرئيسيه ..!!!!!!!!!!!!!!!
لماذ لا يجرؤ المصرى ان يقوم بمثل هذه الاعتداءات فى اى بلد ثانى (( لانه متربى و عارف الاصول ))
ولماذا لا يرد على من يهينونه فى بلده (( لانه متربى وعارف الاصول ))
فى السؤال الاول .. لانه مقهور من داخله و يعرف ان حكومته لن تقف بجانبه وستكون اول من يزايد عليه لترضى عنها اسيادها
فى السؤال الثانى .. لانه لازم يكرم الضيف و يقبل الاهانه و يبتلع المذله و فى الاخر .. احنا الكبار ولازم نتحمل ؟؟
كبار فى ايه وكبار على مين ؟؟
مش اول مره ننضرب فى مصر من الضيوف ولا هتكون اخر مره و لسه .......


............................

ملحوظه بعيد عن الموضوع ..
فى اعتقادى ان الرئيس عندما التقى محمود محى الدين عقب تقديمه استقالته لتولى منصب مدير البنك الدولى
كان الهدف من المقابله ليست التهنئه بالمنصب ولكن كان التحذير من عودته بعد ذلك بالحصانه الدوليه لينافس
جمال مبارك فى انتخابات الرئاسه وينغص عليه حياته زى ما البرادعى بيعكنن عليه ..

ودمتم أدام الله فضلكم

يا دكتور الحقيقة نغمة ان احنا مقهورين وكرامتنا ضايعة جوة وبرة دى بقت حاجة تضايق
لدرجة انى بقيت حاسة ان احنا المصدر الوحيد للكلام دة
احنا اللى عايزين نوصل للعالم كلة ان احنا مقهورين وحقوقنا ضايعة فى بلدنا وما حدش من الحكومة قلبة ع الشعب
اذا كان احنا مش قلبنا على بعض
وبعدين ماهو السوريين محكومين بالحديد والنار
بس ماحدش منهم بيطلع يقول بنتبهدل وكرامتنا ضايعة
وفى العراق البلد بتتنهب عينى عينك ومع ذلك منظرهم متماسك قدام الناس
لبنان القتنة الطائفية وكلاها ومع ذلك مش فاضحين الدنيا زينا
وغيرة وغيرة
الحقيقة احنا بقينا نموت فى ان احنا نجرس نفسنا بنفسنا
كفاية اللى حصل ايام ماتش الجزائر وفى الاخر بقا شكلنا زبالة
خلينا نتعامل مع الموضوع على اد حجمة
ولا مؤاخذة المصرى اللى حاسس انة بيتبهدل فى بلاد العرب او جوا مصر يبقا هو السبب
كرامة كل مصرى هى مسؤليتة الخاصة

وردا على الملحوظة البعيدة عن الموضوع
اولا لم يعد لدى البرادعى اى حصانة دولية
ثتنيا هو لا ينافس جمال مبارك
لم يصل بعد الى هذة الدرجة من الشعبية

اشكرك ع الموضوع يا دكتور
لان حضرتك من القلائل الذين لديهم الجراة لاثارة هذة المواضيع