المحافظات كترة ولا إيه !!!!!

بسم الله الرحمن الرحيم
أمتي يوم السبت يجي تاني ... علشان يتم إلقاء الضوء على موضوع التقسيم الأداري للمحافظات .
وتسمحوا لى أقول رأي :-
أولا ً :- تم إصدار القرار فجاة . يعني بالليل أنا تبع محافظة والصبح أن تبع محافظة تنية خالص . طيب فين دراسة المواضيع وعرضها بالشفافية الكافية . فين الخبراء والمختصين من هذا الموضوع . ولا هو القرارات كده ... يعني نوع من الإلهاء والفبركة .
ثانيا ً :- أنا متغاظ من بعض الأفراد إلا خرج علينا بيصفق بشدة للموضوع والله هو زينا مش فاهم أي حاجة .. بس أحنا أحسن منه ... لإننا بنسال وعيزين نعرف أنما هو ......
ثالثا ً :- أنا بفسر ده بأنه تقسيم أمني يعني علشان تسهل السيطرة الأمنية وكل لما تصغر المحافظات تسهل السيطرة والأحتواء وطبعا ً ده في ظل الغليان والأحتقان الموجود بالشارع المصري وهم حسين بده ... وبما أن الحلول أمنية وفقط فهذا التقسيم يعد تقسيم أمني .
رابعا ً :- في شك داخلي كبير جدا ً أن هذا التقسيم له دخل مباشر في موضوع الدوائر الأنتخابية ... يعني تقسيم في صالحهم عملينوا لنفسهم ... بمعني الدوائر التي بها أصوات لهم تكبر ... والدوائر التي تعد مناوئه لهم تصغر ... والتفصيل من جهة هذا الموضوع بحاول أجتهد في جمعها ... ولو في حد بسعدني ويمدني بالمعلومات يبقي كتر خيره وعموما ً ان منتظر يوم السبت علشان تمدنا الأستاذه / منى الشاذلي بالمعلومات وتعرفنا بالضبط حقيقة الموضوع المفاجىء ده ... لأننا أصبحنا معدومي الثقة في الحكومة أو أي حد تاني من كتر التضليل وعدم الشفافية ... هم مفكرين الناس مش فهمه ... وده عيب فيهم همه .
محمد صبحي