تعالوا نشوف الفرق بين زمان ودلوقتى هنعقد مقارنة ....
1 -كان الكل راضى بمستواة المادى اى ما كان مسلم او مسيحى...................... دلوقتى الى بيجيب رغيف العيش جدع
2-كان المسلم والمسيحى يبقوا مشين جنب بعض ما تعرفيش المسلم من المسيحى................... النهاردة بقى كل واحد فينا بيخرج يطلب مطالبة لوحدة
3-كان الى عاندة حاجة زيادة علية يديها للمحتجها سواء مسلم او مسيحى ماكنوش بيفكروا اصلا دة ملتة اية كان كل الى بيفكروا فية انة مصرى............... النهاردة مفيش حاجة اصلا عشان يبقى فية حاجة زيادة
4-كان فية حلم عند المصرين بوجة عام ان بلدهم تتقدم للامام فيما معناة مشروع وطنى واحد.................النهاردة مافيش غير مشاريع اختلاس اموال الدولة
5-كان فى المدارس دروس عن الوحدة الوطنية سعد زغلول ومكرم عبيد بشرح وافى...............النهاردة كتاب التاريخ جايب سطر عن الوحدة الوطنية
6-كان فية كرامة لو حد هان مصر الدنيا تقوم ما تقعدش الا باعتزار رسمى وعلنى.............. النهاردة بقينا مباحين دون اى رد اعتبار
7-كان فية قيم وعادات وتقاليد.....................النهاردة صاحب القيم والاخلاق لازم ياخد نوبل اصلة عملة نادرة
8-كان فية ام كلثوم وعبد الحليم وغيرهم...............النهاردة فية مين فى زمن الاحصائيات بتقول فية ان المصرين اكثر ناس نتكتب على الجوجل العاب واغانى
9-كان للمدرس قيمة ومكانة....................النهاردة المدرس بلا قيمة والسبب انة ادى درس خصوصى لانة محتاج
10-كان الطبيب عندة ضمير..............النهاردة مابيعدش فى المستشفى العام ساعة على بعضها دى لو راح اصلا السبب انة بيجرى على العيادة الخاصة عشان يعرف يعيش
11-كان النيل شئ يحترمة المصرين وكانة الاب...............النهاردة مصارف المصانع والقمامة والحيوانات النافقة هى محتويلت النهر بجانب المياة الى مش هنلقها قريبا
12-كان المشاكل اقل بكتير من دلوقتى..................النهاردة المصرى ماشى يفكر هيدبر بقية الشهر منين دى النهاردة لسة عشرة فى الشهر وهيجوز البنات منين وهيجيب لبس ازاى للولاد والغدا انهاردة هيبقى اية ولما محمد اوجرجس يسئل على فلوس الدرس هقولوا اية اقولوا الحقيقة انى جبت دوا الضغط والسكر بيهم ولا ما ازعلوش واحاول استلفهم طب مين الى هيسلفنى طب اللحمة الى بسبعين جنية والانبوبة الى بتلاتين جنية والسكر الى بسبعة جنية هجبهم منين .........وهموم كتييييييييييييييييير لسة.....................كل دة خلانا تايهين مش عارفين نخرج من المتاهة الى احنا فيها طب وحدة وطنية طب اى حاجة مفيش..............على فكرة انا عندى 18 سنةممكن تقولوا هية عرفت قبل كدة ازاى عرفتة من بابا وماما وخالى والكتب القديمة والبرامج الصادقة اما النهاردة فاطبعا حفظاة وعرفاة وعيشاة ..
الله معنا الله حارسناالله يكون فى عونا الله يصبرنا............رحم الله شهداء الطن واسفين يا مصر مقصرين فى حقك دة ان لم نكن مقصرين فى حق بعض استحملينا يا مصر دى احنا والله مستحملين كل دة عشانك عشان بنحبك اوى
.............................................................
شيماء خفاجة
النوع
موضوع: زمان.........ودلوقتى 
الإثنين يناير 03, 2011 3:08 am
