صحبى جرجس

صحبى جرجس قصيده من نظمى اتمنى الكل يقرأها ونعيها ونشارك فيها وتطلع عليها الاستاذه منى ان امكن

قولى ياجرجس **ليه بتفكر**ان انا دايما**واقف ضدك

مع ان انت **دايما صاحبى**وكنت وهبقا **لسه بحبك

فاكرلما**ويااللمه**كانت صحبه**وكنت ارتاح**لماأأعد جنبك

فاكر زفة اخويا محمد** لمارئست بفرحه وحب **أنت وعمك

عم عبيد*لسه انا فكره*بطيبته وأدبه*كنابنحكى*وهو بيسمع*همى وهمك

والا الخاله تريزاوهى ف عيدنا*بتقول لامى*جهزى ياله*كحكى وكحكك

فاكر لما صحيت م البنج ياصحبى* امت لقيتنى* ناقل دمى جوه ف دمك

ويوم أكليلك **كنت ياأخويا **انا والحته**من فرحتنا* بنشيل عفشك

وأما سافرت ف بعثه لبره*كنت ساعتها*رب الاسره*وصاين عرضك

واما وقفت تعزى ف خالى **واما دفنت معاك الغالى**جثمان جدك

جدى أنا سعد* وجدك مكرم*كانوالبعض*علشان تفضل ارضى وارضك

فاكر عم حسين ف اكتوبر*ومعاه ف كتبته *خالك فوزى*حاربوا عشان يفضل لينا* شرفى وشرفك

عمرى ياصحبى*ماراح انا ابيعك*ولاهتبعنى**طبعاعارف*دا من اصلك

وانا من اصلى ** عمر ما نصلى** راح هيكون **شوكه ف ضهرك

ياصحبى تعالا**نبص لبره**على حيوان**ايا انكان* كرهنى وكرهك

نفسه ياصحبى*يفرق بينا*بس ربطنا**جوانا عايش**ف قلبى وقلبك

برغيف واحد**وطبق واحد **وربنا واحد**يعلم انى** والله بحبك