ليكى مليون اعتذار
ياحبيبتى يا امى ياولادى فى كل دار
قومى دوسى واقلبى ارضك على الناس الكبار
وباعتذرلك انهم كانو ف يوم هما الكبار
دول خربوكى واخدو خيرك جردوكى
دول طلع شيطانى عالجسور
شربو مية ارضنا وسابوها بور
ماعرفنا نشرب ولا حتى تنبت البذور
تنبت منين وازاى وليه
هما سابو لنا فيها ايه
باعتذرلك
انى فيوم كنت مغمضه
انى عمرى قضيته كله مضمضه
كل ما جراحى تئن
يربطوها ويمنعونى من الصراخ
يدخلونى فى قوضه ضلمه
ويقولولى املنا راح
راح مع كل اللى راح فى الحرب والتعمير
صدقتهم وفضلت ساكته
والجرح ينزف وانا برضه ساكته
والجرح يقرف وانا برضه ساكته
وريحته فاحت وانا برضه ساكته
انا باعتذر لك ياحبيبتى
وباعتذر للكسرو لينا السكات
وطلعو فى الشوارع والحارات
ونادو يفوقونا من السبات
اللى عشنا العمر فيه
واملنا مات
وكنت فاكره انه مات
وبيطلبو كل اللى ضاع
مالاخدو فغفله من الزمن كل الحاجات
وباعتذر لك ان قلت عيب فيوم
حافظو على رمز البلاد
لانى فقت وعينى فتحت
وبات واشوف
ولقيت مصيبه مقنعه
لو تنكشف هتموت مالخوف
متخبى المايسترو
والعزف هو المكشوف[b]
النوع
موضوع: اعتذار 
الأربعاء فبراير 09, 2011 12:52 am
