سلسلة صرخة عجوز

سلسلة صرخة عجوز
من أجل مصر

أناشدكم بكل الايجابيات ..والسلبيات..وده الناتج الطبيعي لكل الثورات والانقلابات والانتفاضات...
بس...هس...كفاية دهس
بس ... يا اولادي... اذا مكنتوش احفادي
بس... عملتم اللي مقدرش يعمله...أ نا ...وأجدادي.
خرجتم من قمقم الصمت والخوف..ومزقت صرختكم..وشهدائنا ..أجنابي.
بس... وصلتم الرسالة..أديتم الامانة..فرحتوا الحزانه..
ومتزعلونيش علي دمكم ..انا..وأجدادي..واللي طالع من ولادي.
وسلمو الدفة لاصحاب الخبرةوالمبادي..لحسن يضحك علينا كل اهل البوادي.
بس... يا أولادي اذا مكنتوش احفادي.
بس... خلص كلامكم وكل غافل عاد لرشده..وأعلن رد كل الحقوق من اللحظة دي.
ولازم نفهم أنها اصوليات.. دساتير وقوانين..يعني دولة..خارجية وداخلية.. اقتصاد وعلوم سياسية. فيها تموين وصحة..وكمان شئون أجتماعية..يعني موش ارتجالية..
بس.. يعني اعتبروا أن خلصت بدايات كلامكم..واسمعو واحكموا علي تصرفات وحلول كباركم وحكمائكم..فأنتم اخرجتكم و استصرختكم آلامكم..وقهركم..وتهميشكم..فأعطوا الفرصة لحكمائكم..كل في تخصصه أن يعالجو كل آلامكم.
وأبدا لن يذهب ميدان التحرير ...ميدان الشــــهداء بعيدا...ولن يستطيع أي مخــــــلوق خلاص..أبدا ..أن يســلبه منــــكم, أو من أي مصري..لأنها أرضنا..وطننا ..مصيرنا ..مصرنا.
هس... يا متسلقيين..يا أنتهازيين..وأنتو كمان يا فاسدين..ويا متربصين..يا للي تلذذتم واستطعمتم دم وقهر الغلابة الطيبين...
موش هتعرفوا خلاص...تستولوا علي أي حاجة.
عشان ولادي خلاص...هدوا جحور كل الديابة.
يعني خلاص..بقي الحق للي يدي كل حاجة...ولازم يكون موش مستني يهبش أي حاجة...من دم الغلابة.
عشان ولادي خلاص صوت حقهم عليي علي عواء الديابة..وعرفوا طريق حساب كل الديابة..عرفوا خلاص يعروا جلود الحملان ...الي كانت لابسة جلود الديابة..والحمد لله أللي أعاد كرامتي اللي أستهان بيها بعض ولاد دولتي..هما برضه فلذات كبدتي.
هس... يا اللي واقفين ورا البيبان..وصدروركم مليانه بالحقد والكراهية..أو حتي تصفية الحسابات..أحنا خلاص عرفنا وفهمنا أنها أمراض في صدوركم..أدركنا أنها تفوق كثيرا أمراض الظلم وسلب الحقوق..وكل أمور الحرامية..وأبدا لن نعود نرضي بالعيش أو التعايش مع أي أمور انتهازية..لأن مصر لم ولن تكون بمعني أسم .....الوليه...بالدارجة المصرية..لأن ولادها طول عمرهم رجوليه..وخلاص عرفوا حسابات الايجابية.
كفاية وهس... يا كل المتربصين علي الحدود..جربتم كتير تقتحموا علينا الحدود..حاولتم كتير تهزموا فينا الصمود..وعرفتم كويس أزاي بنعرف نصبر..ونموت..ونقهر..كل من يتجاوز تلك الحدود..زي ما اتعلمنا من الجدود..أبدا موش هيعرف أي غــــربي.. أو حتي شرقي..يتخطي تلك الحدود..فعلا..أو حتي قولا..ومصر أبدا لم ولن تموت..حتي لو تخطيتم أي من الحدود..ومنذ مولدكم وعارفين أن مصر لصبرها ..أيضا ....حدود.
وكل ما أقدم عليه منكم ضدها أبدا لن يفوت...لأنها دوما تعرف كيف ومتي ترد حتي عندما تعتقدوا انها تموت.
كفاية وهس.. .يا كل لسان عربي ...أو أسباني...وحتي ألامريكاني...ولو كان أنجليزي وفرنساوي...أيضا لو كان زمباوي...
حاسبو علي مصر... لأنكم جربتم وعرفتم أنها قادرة علي كل عصر..لأنكم ولدتم علي حضارتها وتاريخها وأسمها وعرفتم فعلا أنها محور...لكل عصر.
حاسبو من مصر..فهي أبدا لم ولن تكون بلهاء..صحيح قلبها وبصرها يبكو دماء..ولكن بصيرتها وقدراتها دائما وعياء.ولم تخدع أبدا فيمن صديقها أو عدوها حتي وهي تبرء جسدها من حمي أي داء ..تعرف كيف ومتي وأين ترد.ع صاحب الداء وتحجم وتحاسب الغير أسوياء.
وفي نهاية مناشدتي ..أذا لم تكن صرختي ..أقول لنا جميعا ..ترابطو..أعيدوا الثقةا لتي فقدناها في بعضنا ..من بعضنا .. لبعضنا..لأن من يريد الدهس فينا أقسي علينا من سا رقينا ..أشد حقدا وكراهية علينا ممن أدت أفعاله مننا ضدنا..وأدي بجرحه لأبداننا أن نخرج عن شعورنا وتفضح صرختنا بعضنا ..لأن من يريد الدهس فينا موش عايزبس يتربح ..بحق أو بدون حق ..لأ..ده عايز كل التراب ..ودم وعرق كل الولاد..عايز كل مصر ..وبعدنا كل بقاع العرب .
فهل ندرك ..هل نسمع ..هل ينتبه كل أصحاب مهد الديانات.
أرجوكم ...أستحلفكم بشيبتي ..عشان خاطر أرحامكم.. والأطفال التي من حقها الحياة بكم ومعكم..حلوها ومرها ..حتي نرضي دماء شهدائكم..حسوا كلامي بقلبكم..اسمعو..وعوا..كلام واحد مات كتير قبل كده ..وبرضه من أجلكم.
لأني كنت سنوات طويلة محارب لكم..مقاتل من أجل أرضكم..وشرفكم..ساهرا حتي من أجل أصلاح أخطائكم.
ساعدوني أن أغادر حياتي التي ذهب حتي ..خريفها..أن أغادرها وأنا مطمئن علي ولادي وأحفادي..مني ومنكم.
واللي هيمشي علي صدق..وفهم كلمتي ..وانكار ذات ذريتي وعقليتي..هيلاقي في نهاية طريقها حبة أفعال مع كوم عظام ..مع جمجمة..فقط ساعدوني أن تكون علي فرشتي ..أو حدودي..وموش في ميدان التحرير قلب أرض دولتي.

مقاتل بالمعاش
يحلم يعيش الباقي من ساعاته برؤية حبكم لكلماتي ولبعضكم
وموش منتظر أي حاجة منكم كده كلكم علي بعضكم سوي متر
من ترابكم موش مروي بدمكم.
أرجو وأستحلف كل من تقع عينه علي كلماتي أن يطبعها ويحاول يوصلها لكل ولاد أمتي..للتواصل علي الايميل
Moustafalotfy_70@yahoo.com أو الفيس بوك بنفس الايميل.
0106524966