أخيرا.. الكشف عن شخصية "الراجل اللي ورا عمر سليمان"! وهو يتلو بيان تنحي مبارك ..

أخيرا.. الكشف عن شخصية "الراجل اللي ورا عمر سليمان"! وهو يتلو بيان تنحي مبارك ..

لأربعة أيام متصلة شغلت شخصية الرجل الذي ظهر متجمها خلف عمر سليمان نائب الرئيس السابق وهو يتلو بيان تنحي مبارك، آلاف من مستخدمي الفيس بوك في مصر.

واتخذ الرجل مادة للفكاهة والتندر بعدما كان لافتا ظهوره بوجه عابس وملامح لافتة في خلفية مشهد التنحي، حتى أن "الراجل اللي ورا عمر سليمان"- كما أطلق عليه مستخدمو الفيس بوك- استحوذ على اهتمام كثير من المستخدمين وطالته تعليقات وقفشات ربما تساوت مع التعليقات التي تحدثت عن نجاح ثورة 25 يناير وتنحي مبارك، حتى أن أحدهم قام بتركيب صورته في خلفية خطاب تنحي الرئيس جمال عبد الناصر قبل مايقرب من 45 عاما!

وبعدما ذهب البعض في توقعاته وقفشاته لأن يكون "الراجل اللي ورا عمر سليمان" هو حارس شخصي لعمر سليمان أو لأوباما أو قاهر الهكسوس أو أنه بكل بساطة "الراجل اللي ورا عمر سليمان"، قام أحد مستخدمي الفيس بوك بإنشاء جروب بعنوان "اعتذار للراجل اللي ورا عمر سليمان"، قال فيه أنه ابن هذا الشخص وأنه المقدم أركان حرب حسين شريف قائد المجموعة 64 قتال من القوات الخاصة"، فيما لم يقدم ما يثبت أنه ابنا له فعلا أو أن هذا الشخص يشغل هذه الرتبة بالفعل، أو يجيب عن السبب الذي جعله ويؤهله للوقف خلف عمر سليمان وهو يقرأ خطاب تنحى مبارك، ومع هذا فإن الصفحة اجتذبت أكثر من 20 ألف مستخدم وقدم غالبيتهم اعتذارهم للرجل اللي ورا عمر سليمان مؤكدين أن الأمر كان دعابة لاذعة من دعابات الشعب المصري ولم تستهدف على الإطلاق الاستهزاء بالرجل أو وظيفته أي كانت.

مهما يكون هو مين ..المهم انو انسان و زعلت جدا من كمية التريقه اللي كانت عليه
برغم اني ربنا شاهد اني مشاركتش في نشر النكت اللي طلعت عليه إلا اني بعترف اني كنت بضحك من الكم الهائل من الفكاهة و الحبكه اللي مكتوب بيها الهزار
بجد بعتذر جدا لشخصه و يا ريت الشباب يوقفو بقى مادة الهزار دي

الف شكر يا يمني علي المتابعة ..

يمنى انت زعلتي من التريقة على الراجل ده امال النكت والكلام اللي تقال لمبارك كان ردك عليه ازاي بصراحة صحيح فيه كلام تكتب على لافتات ونكت تموت من الضحك بس بنفس الوقت مستغربة جدا عمري مشفت ريس حد اتكلم عليه كده علنا -صحيح انا الحمد لله قدرت بشكل قليل اشاركم في الثورة بمشاركتي مع اللي في الميدان والتواصل مع الاسر المصرية وفرحنا بيها بس بنفس الوقت كنت مشفقة على ر.مبارك من اللي بيتقال عليه في ريس في الدنيا يتقاله ارحل يعني امشي ياللي مابتفهمشي -ههههه-ويفضل ساكت !!!!!! يعني اقصد ده مهما كان ريس وحكم بلد من اكبر البلدان ودينا يعلمنا ان ننزل الناس بدرجاتهم عموما ربنا يشفيه لو كنتم استنيتوا عليه شوية كان اتكل لوحده هو دلوقتي عيان جدا ورافض يتعالج

ربنا يولي مصر اصلح الناس واتقاهم

أنا بصراحة مستاء جداً من وصلة التريقة اللى عملها الشباب على الفيس وغيره على الراجل

ودى مش أخــلاق الشباب اللى كانوا فى الميدان ، صحيح قادر أفهم درجة الحنق على كل فرد فى النظام

السابق وأنا من الحانقين ، ولكن لا ندع هذا الشعور يخرجنا عن نطاق الأدب ولا سيما إن الراجل مش من النظام

وأنا عارف إنه أكثر من 12 جروب دلوقتى إتعمل للإعتذار للراجل ، بس بصراحة كل ما اتخيل

شعور ابنه واسرته بزعل جداً ، وخاصه إن الراجل ما يستهلش ولا كلمة من اللى إتقال

أتقدم بإقتراح برغبه الى أ/ منى الشاذلى لتوصيل توضيح فى شكل إعتذار بإسمنا نحن شباب الثورة

لهذا الرجل وتوضيح موقف الشباب بأنه لم يكن يعرف من هو الرجل ، وسيكون لهذا الإعتذار :

Like a Star @ heaven

قدر كبير من التخفيف عن الرجل وأسرته

Like a Star @ heaven

كما أن مساحة إنتشار الإعتذار ستكون أوسع

Like a Star @ heaven

وكمان ده هايضيف للبرنامج قيمة كبيرة وسط الجمهور

أتمنى من أ/ أمير والإدارة توصيل هذا المقترح لـ أ/ منى الشاذلى

وجزيل الشكر مستر أمير

فعلا هذا الرجل شغل الناس أكثر من بيان التنحي
واللي خللى الشباب يكتبوا عنه هو ظهوره الصامت والعابس جدا أثناء القاء البيان خلف عمر سليمان
أنا أول لما شفته قلت أسمع البيان الاول وبعد كده أشوف الراجل ده هيعقب خلف سليمان يعني هيقول كلمه وراه لكن ما ان انتهى البيان حتى انصرفا
فقلت احتمال جه علشان لو سليمان حرّف بتشديد الراء في البيان يقوم هو باللازم
شكرا مستر أمير
بس للتوضيح
لقد قرأت لاحقا أنه ليس المقدم حسين شريف لان المقدم حسين شريف استشهد قبل حرب أكتوبر
قرأتها سريعا في أحد المواقع ولا أتذكر مكانها الآن
على العموم هو راجل طيب من رجالات الحرس

اشكركم علي اهتمامكم و طلبكم الهام بتصحيح الموقف ..

والله يا جماعه ما هو سخريه من الراجل احنا هنسخر منه ليه حنا ما نعرفوش بس والله سؤال برىء ايه اللى جاب الراجل ده هنا وبيبص كده ليه

لا احد يعلم الاجابة علي سؤالك يا خالد حتي الان ..

نونة كتب:: يمنى انت زعلتي من التريقة على الراجل ده امال النكت والكلام اللي تقال لمبارك كان ردك عليه ازاي بصراحة صحيح فيه كلام تكتب على لافتات ونكت تموت من الضحك بس بنفس الوقت مستغربة جدا عمري مشفت ريس حد اتكلم عليه كده علنا -صحيح انا الحمد لله قدرت بشكل قليل اشاركم في الثورة بمشاركتي مع اللي في الميدان والتواصل مع الاسر المصرية وفرحنا بيها بس بنفس الوقت كنت مشفقة على ر.مبارك من اللي بيتقال عليه في ريس في الدنيا يتقاله ارحل يعني امشي ياللي مابتفهمشي -ههههه-ويفضل ساكت !!!!!! يعني اقصد ده مهما كان ريس وحكم بلد من اكبر البلدان ودينا يعلمنا ان ننزل الناس بدرجاتهم عموما ربنا يشفيه لو كنتم استنيتوا عليه شوية كان اتكل لوحده هو دلوقتي عيان جدا ورافض يتعالج

ربنا يولي مصر اصلح الناس واتقاهم

الفرق كبير جدا بي الرجل ده و الرئيس السابق يا نونه
الرجل محدش يعرفه و لا يعرف حتى اسمه و لا هو كان واقف ليه , و في الاخر هو انسان بيمارس وظيفته اللي ممكن تكون حتمت عليه انو يقف في المكان ده بالتحديد
و فعلا انا زعلت جدا عليه برغم اني كنت سعات بضحك على اللي كان بيتكتب ..و اعتذرت.
اما الرئيس السابق فتاريخه معروف للجميع و فيه ناس كتيييييييييييييير اوي تضررو منه بشكل مباشر سواء من قراراته او فساد المحيطين به
انتي عارفه اني مقدرتش اهينه ولا اكتب عنه زي اللي شتموه ولا اللي اتريقو عليه لأني مش مع اني اخد حقي بالشتيمه والاستهزاء
و اكيد فاكره لما كتبتلك عالفيس اني رافضه الصوره و بشكرك تاني انك شلتيها

اما بخصوص الرائد حسين و السؤال هو ليه كان واقف كده ورا السيد عمر سليمان فأنا شفت برنامج الحياه اليوم كان مستضيف سالم عبد الجليل و كان بيقول "انا مقرب جدا من السلطه و من مركز صنع القرار و متأكد من ان كان فيه خطه موضوعه لأخر لحظه لتصفية المتظاهرين _هو قال كده بالحرف_ من اجل الحفاظ على السلطه, لكن تدخل الجيش كان واضح و يحسب للمشير طنطاوي انه رفض بشده هذا التخطيط و كاد ان يكون هو بالفعل وراء اجبار الرئيس على التنحي حتى تهدأ الامور و لما طلع السيد عمر سليمان ليلقي بيان التنحي كان وراه افراد من القوات الخاصه لحمايته"

» مبارك يعلن تنحيه من منصبه فى بيان رسمى
» شخصية الجنيه !!!!!!
» منى الشاذلي: الكلام اللي جاي عن مدينتي أكتر بكتير من اللي فات
» صور لمحمد علاء مبارك مع جده الرئيس حسني مبارك .. تنشر لاول مره .. تم نقل الصور من جروب الفيس بوك الخاص بمحمد علاء مبارك ..وصور الجنازه ..
» تعلمت أخيرا