ردود الفعل الغاضبة على اتصال احمد شفيق بمنى الشاذلي على تويتر تتمحور حول الاستنكار لهذا الاسلوب ..

ردود الفعل الغاضبة على اتصال احمد شفيق بمنى الشاذلي بخصوص مرتب محمود سعد على تويتر تتمحور حول الاستنكار لهذا الاسلوب ..

خرج علينا رئيس الوزراء الفريق احمد شفيق ردا على استقالة محمود سعد من برنامج مصر النهاردة بسبب ضغوطات لاستضافة شفيق في البرنامج الليلة على حد قول محمود سعد .

من جانبه رد شفيق بأن محمود سعد ترك البرنامج لان الشركة المسئولة للبرنامج خفضت راتب محمود سعد الي مليون ونصف بدلا من تسعة ملايين جنية في السنة .

وكانت تلك بعضا من تعليقات الشباب على تويتر :

** من إمتى رئيس وزراء مصر مسؤول عن مرتب مذيع او يعرفه او يخفضه ؟؟ موقف رخيص لايليق برئيس وزراء يبدو فيه محاولة الانتقام والنيل من شعبية سعد

** شفيق بكلامه عن مرتب محمود سعد عاوز الناس تكرهه و هو مش عارف مين المكروه

** كان ناقص شفيق يقول الكلاب الضالة...دقت ساعة العمل !

** محدش سال مرتب شفيق لما كان ماسك المطار كان كام و تحت الترابيزة كام

** المذيع استقال لما مرتبه تم تقليله و ادعي انه بسبب موقفه من لقاء رئيس حكومة تسيير الاعمال في مصر

** المنافق محمود سعد مش عاجبة الفريق احمد شفيق بجد حاجه مستفذه يلا ياريت تستقيل من الاعلام خالص مش من برنامج مصر النهارده بس

** مع احترامي، حتي لو محمود سعد فسخ عقده علشان هيقللوا مرتبه ده حقه، وأي حد طبيعي هيعمل كدة

** طريقة كلام الفريق أحمد شفيق عن راتب محمود سعد, بعد عزله من التلفزيون.. بتفكّرني بطريقة السيد البدوي بعد فصل إبراهيم عيسى من الدستور وتدمير الجريدة المعارضة

** مين قال ان رقم محمود سعد مبالغ فيه ..هو انتوا عارفين سعر الثانية في اعلانات برنامج مصر النهاردة كام ..التسعة مليون دول ملاليم

** كنتم مع فاصل من الردح ورئيس وزراء مصر المعين - يا شماتت ابله ظاظا فينا

** خد 9 مليون ياخد 20 مليون من جيوب الرعاه و لنجوميته و حقه, انما الردح و كلام بهذه الطريقة لا تليق برئيس وزراء موزمبيق حتى!

** عني يا شفيق سبت كل حاجة في البلد ومشكلة الشرطة والداخلية والمصريين في ليبيا وأول لما نسمع صوتك تمسك في مرتب محمود سعد

** دا محمود سعد يا شفيق!!! الوش النضيف الوحيد اللي بيطلع في التلفزيون. انسى إنك تقلب الناس عليه. انت الخسران

** يا شفيق...حتى لو كلامك عن محمود سعد صحيح...عيب ده انت "لسه" رئيس الوزراء المصري

** بلدى اووووى المداخلة اللى عاملها شفيق مع منى الشاذلى....حركة حريمى اوى زى النساوين اللى قاعدين فى النادى يقطعوا فروة الخلق

** احيانا بحس اني مجرد جرذ يعبس في مزبلة شفيق ويطلع منها كل زبالاته ووساخات

** في زميل لينا بيسأل, ليه الفريق أحمد شفيق طِلع مخصوص في دريم عشان يقول إنه مافرضش نفسه على محمود سعد! رغم إنه فارض نفسه ع البلد كلها؟؟؟

** شفيق يتوهم بأنه يمكن أن يخنق الثورة بتكويشه وألاضيشه على الإعلام وحظره على الثوار ولا يدرك ___ أن الثورة نجحت فى ظل أكبر حصار إعلامى فاجر

** ثم يعني إيه شفيق كان هيتعذر عشان شغله؟!! ده ما بيصدق يطلع في أي حديث وهيبقى عامل زي حسن حسني وينزلنا من الحنفية!

** شفيق طالع يصفى حساب مع محمود سعد لانه قال انه رفض اجراء حوار مع جمال وابوه المخلوع المرة اللى فاتت طلع انس الفقي علشان يرد ويهاجم ويقول اجر محمود كام....والمرة دى طلع هو بنفسه علشان يقول ان الاجر نزل الى هذا الحد ..فرق كبير طبعا بين المبلغين ..وهو طلع بنفسه لانه زق المسئول عن البرنامج يقول الكلمتين دول معرفش لانهم قالولو ان الفقرة الاخبارية خلصت وممكن نقرا الرد فرفض...ولذلك استخدم شفيق نفوذه وطلع هو على الهوا وقال وكان سعيد جدا بذلك ..وعلى فكرة منع اعادة حلقة واحد من الناس لان ابراهيم عيسى هاجمه كذلك...كده هنرجع عصر الظلام تانى.. وياريت يقولنا اجر زمايل محمود نزل كام والا دول تبع ذيول النظام المخلوع؟؟؟؟؟

لا تعليق.................................................................يا م ص ر ي ن

الواضح أن كلاهما كان يريد أن يصنع بطولة على حساب الآخــــر

mahmoud.a كتب:: الواضح أن كلاهما كان يريد أن يصنع بطولة على حساب الآخــــر

للأسف و خسر كل منهما رصيد لهما عند المصريين

الف شكر علي مشاركتكم ..

والله ما نعرفه عن ا/محمود سعد من مواقف جريئة وحرة يجعلنا نصدقة

بينما رئيس الوزراء فلم نعرفه بعد...واولا واخيرا كل لايستطيع احد لوم الاعلامى محمود سعد على هذا القرار

فهذه هى حريته الشخصية......مع دعواتنا له بالتالق و النجاح دائما...........

للاسف سقطة رهيبة من سيادة رئيس الوزراء لم يحسبها جيدا ..... على الرغم انى احترم هذا الشخص جدا ولكن ما فعله كان غريب جدا .... خصوصا وانه يتكلم على الاعلامى الرائع / محمود سعد .... غريب اوى انه زعلان انه بياخد هذا الراتب ولم يحزن قط مما اخذه غيره وبدون وجه حق ..... الظاهر انه مفيش فايدة

الف شكر للجميع ..

» متابعة و صور و فيديو حلقة الأربعاء 12 يونيو 2013 . أصداء خطاب مرسى بدأت تظهر في إثيوبيا و من ضمن ردود الفعل الغاضبة إلغاء بطريرك الكنيسة الإثيوبية لزيارته
» شاهد ردود الفعل العالمية بعد مناظرة مرشحو الرئاسة المصرية
» منى الشاذلي حفيدة علي بن ابي طالب على تويتر وشيوعية على فيسبوك
» هل فوز احمد شفيق فشل للثورة وفوز محمد مرسي انتصار لها
» منى الشاذلي : رجال مبارك على اتصال بنا من سجن طرة