هِىَّ مُـوتـَه ؛ واللا أكـتـَر ...؟! .. الطبيب الشاعر / د. محمد رزق .

[SIZE="6"][SIZE="7"]

هِىَّ مُـوتـَه ؛ واللا أكـتـَر ...؟!
***
من كلمات
**
الطبيب الشاعر / د. محمد رزق
*
*
*
"
( 1 )
هِىَّ موتـَه ؛ واللا أكتـَر ...؟!
رَبِّ واحِـد ، عـُمـرِ واحِـد ،
يَـعنِـى مُـمكِـن يـيجـِى واحِـد
بَـعـد مِـنـِّى يـِعـمِـل اكـتـَر ..!
يـِبـقـَى لِـيه نِـسـكـُت لِـظالِـم ...؟؛
طول مافِـى الله ُ أكـبَـر ...!
*
"
( 2 )
تِـفـصِـلـونى ، تِـحـبـِسـونى ،
تِـقـتِـلونى ؛ مِـش حَ اطاطِى ؛
مِـش حَ اذِلِّ النـَّفـس مَـرَّة لأىِّ واطِـى ،
مِـش حَ اتاجـِر فِ الحَـقـيقـَة ،
أو حَـيـِفـلِـت يـوم رُباطِـى ...!
*
( 3 )
والكـَلام اللى حَ اقـولـُه
أو حَ اعـيدُه فى الـدَّفاتِـر ،
بَـسِّ فى مِـليون بـِيـِسـكـُت
عَ الحَـرامِى لـَجلِ خاطِـر ..!
الـمَحَـلـِّى وِالمُـحافِـظ
وِالوِزارَة والسِّـفارَة
والـلـِّوا فـلان الفِـلانِى
وِالإدارَة ؛ وألفِ ساتِـر ..!
واللى يِـِفـتـَح مَـرَّة بُـقـُّـه
مِ اللى يـِحصَـلـُّه .. ياساتِـر ...!
*
( 4 )
والحِـكايَـة مِ الـبـِدايَـة
تِـفـهـَموها مِـن كـَلامِـى ؛
الـعِـصابَـة فِ الوِزارَة
والـدِّيابَـة فِ الإدارَة
والـغـَلابَـة فِ الـبَـلـَـدِّى
يـِطحَـنوهـُم وِبـجَـدارَة ..!
واللى يـِسرَق يـِسكـُتولـُه
واللى يـِقـتِـل يـِهـتِـفـولـُه
واللى يـِكـدِب سَـتـِّفولـُه
واللى يـِسكـُت سَــقـَّفـولـُه
واللى بـِيـعارِض بـِكِـلمَـة
أو يـِلـَمَّـح بـِالأسامِـى ،
يـِبعَـتولـُه الموت لِـحَـدُّه
والصُّـحُـف تِـكتِـب : حَـرامِـى ..!
*
( 5 )
صَـدَّقـونِى ؛ .. دِى الحَـقـيقـَة
واسـمَعـونى لـَو دِقـيقـَة
وِافـتـَحوا كـُلِّ الـدَّفـاتِـر ؛
تِـلـتِـقـوا مِلـيـون سِـريقـَة
وَامَّـا بـِتـبانِ الـفـَضايـِح
كـَهرَبا تِـعـمِل حَـريقـَة ..!
والمفتش ييجى يجرى
يـِوصِـفِ الحالـَة بـصَـراحَة
والـلـِّجان داخِـل وخارِج
والكـُبار آخِـر بَجاحَـة
قـول يـفـوت شـَهرين تـَلاتـَة
وِالحَـوافِـز مُسـتـَباحَـة
بَـعـدَها تـيجـِى الـنـَّتـيجَـة
والـلـِّصوص تِـطلـَع بَـريـئـَة
*
( 6 )
عَـم شـَنطـَح ، لـَو حَ يـِنطـَح
يـِبـقـَى عادِى ، فِ الـزَّبادِى ؛
والعِـبارَة ، فِ الـدُّوبارَة
والحِـدِق بـِيـقـول بـِلادِى ؛
واللى يـِفـهـَم مِن كلامِى
كِـلمَة واحـدَة أو مُـرادى ؛
يـِبـقـَى شـاطِر ، فِ الـقـَناطِر
عَـمُّـو حُـسـنِى ، يـِبـقـَى دادِى ...!
مِش بَـاقولـَّـك ..؟!، واللا اقـولـَّك
طـَنـط سـوزِى .. أ ُمِّ فـادِى ...!
*
( 7 )
سَـلـِّمولِـى عَ الحَبايـِب
والقـَرايـِب ، وابن خالِـى ..!
أصلـُه واد ناصِح مِـدَردَح
وابن نـُكتـَة ، أصلـُه خالِـى
مِ الـمَـشـاكِل لـَجـل واكِـل
واللى ياكـُل يـِبقـَى غالِـى
عَـند عَـمـِّى وابن عَـمِّـى
والمِـغـَمـِّى زَىِّ حالِـى ..!
لِـلفِـلوس يـِضرَب سَلامُه
والفِـلوس حَ يرُدُّوهالِى ..!
*
( 8 )
آاه يانـارى مِ الحَـقايـِق ..!
واللى حاصِل ، واللى جارى ،
واللى حاكِـم ، واللى عاكِـم ،
والمَحاكِـم ، واللى سـارى ؛
والـقـَضايا ، والـنـَّوايا ،
والكِـفايَـة ، واليَـسـارى ؛
والـيَـمـيـنى ، والـحَـقـيـنى ..!
دُخـت ياامَّـا ؛ زاد مَرارى ..!
بـين عَـلامِى ، والـتِـزامِى ،
واللى بايـِع واللى شـارى ؛
واللى سـاكِن قـَصر عالى ،
واللى نايـِم عَ الكـِّبارى ،
واللى شـارب مَـيـَّه حِلـوَة ،
واللى شارب مِ المَجارى ؛
واللى واكِـل لـَحـم أهلـُه ،
واللى واكِـل سِـم هارى ؛
واللى قـَرَّرت انـِّى اقولـُه ،
واللى ضـَـيَّـعـتـُه بـقـَرارى ؛
واللى شـُفـتـُه ، واللى عِـشـتـُه ،
واللى لِـسَّـه فِ انـتِـظارى ...!
*
( 9 )
هِىَّ موتـَه ..؟؛ واللا حـوسَـة .؟!؛
واللا كوسَـه أمريكانى ..؟!
واللا شـُرطـَة ؟؛ واللا تورتـَة ؟؛
واللا قـُرطـَة شـَكل تانى ؟!
واللا مُـسلِـم ؟؛ واللا قِـبطِـى ؟،
واللا واحِـد أ ُلـعُـبانى ؟!
واللا نازِل ؟؛ واللا طالِـع ؟؛
واللا هادِم ؟؛ واللا بانى ؟!
واللا صَهـيـونى ويَـهـودى ؟؛
واللا صـيـنى أو يابانى ؟!
فـَهـِّمونى أىٍِّ حاجَـة ..!
وارحَـمونى مِن هـَوانى
لـَو حَ نِـسجُـد لِـلخـَواجَـة
مِـش حَ يـِرحَـمكـُم لِـسانى ..!
مَـوِّتـونـِى ورَيـَّحونى ؛
مـوتى أرحَـم مِـن جـِنانِـى ...!
*
الجمعة / 10 يونية 2011
*
مع خالص تحياتى
الطبيب الشاعر / د. محمد رزق
**
[/SIZE]

حلوة القصيدة دى يا دكتور ، ألف شكر

Mahmoud.Abdalkarim كتب:: حلوة القصيدة دى يا دكتور ، ألف شكر

أشكرك جداً يامحمود ، ولكن الأحلى مرورك ومشاركتك ،
بارك الله فيك ولاحرمنى تواصلك الراقى
أهديك خالص محبتى وجل تقديرى
وكل عام أنت وأسرتك الكريمة بخير وسعادة بإذن الله
الطبيب الشاعر / د. محمد رزق
http://elshaereltabib.blogspot.com/
........

حلوة جدا
شكرا لحضرتك
وفعلا هيا موتة ولا اكتر

الله عليك يا د.محمد بجد رائع

» عَـلى نِـجـمِـة سَـما شـابـِت ...! ( الطبيب الشاعر / د. محمد رزق ).
» حَـــــالِـة سَــــــــــــــــلام ...! ( للطبيب الشاعر / د. محمد رزق ) .
» يـانـَفــس تـــــــــــــــــــــــــوبى ... ( للطبيب الشاعر / د. محمد رزق ) .
» مَـوكِـــب نـــــــــــــــــــــور ... ( للطبيب الشاعر / د. محمد رزق ) ..
» نِحـاسِــــــب مـين ...؟! ( للطبيب الشاعر / د. محمد رزق ) ..