النوع : العمر : 32Localisation : حصة شبشير -طنطا الدولــة : تاريخ التسجيل : 18/02/2009
موضوع: اهل الميدان الخميس يوليو 07, 2011 7:19 pm
اهذه الايام تذكرنى بايام 25 يناير لذا ساعيد نشر قصيدة اهل الميدان مرة اخرى لانها تتناسب مع ما يحدث الان https://www.youtube.com/watch?v=4UWWhnetARc
Mahmoud.Abdalkarim كاتب مميز
النوع : العمر : 38 تاريخ التسجيل : 31/10/2010
موضوع: رد: اهل الميدان الخميس يوليو 07, 2011 7:32 pm
أنا أول مرة أسمعها يا خالد ، بس بصدق قصيدة رائعة وإلقاء متميز
الغد موعدنا بالتحرير حتى التحرير
حسين إبراهيم
النوع : العمر : 58 الدولــة : تاريخ التسجيل : 03/07/2011
موضوع: رد: اهل الميدان الخميس يوليو 07, 2011 8:19 pm
الأستاذ / خالد المسيرى قصيدة جميلة جدا وواضح أنك متأثر جدا بالشاعر / أحمد فؤاد نجم فالقصيدة من حيث الأوزان تتشابه كثيرا مع قصيدته كأنك مفيش وفقك الله وإن شاء الله تكون شاعر متميز.
supervisor / Amir مشرف قسم التعليق اليومي وبقسم النقاشات والصور
النوع : العمر : 63Localisation : alexandria تاريخ التسجيل : 14/12/2007
موضوع: رد: اهل الميدان الخميس يوليو 07, 2011 8:53 pm
جميلة جدااا يا خالد .. الف الف شكر ..
خالد المسيرى عضو مميز
النوع : العمر : 32Localisation : حصة شبشير -طنطا الدولــة : تاريخ التسجيل : 18/02/2009
موضوع: رد: اهل الميدان الخميس يوليو 07, 2011 10:28 pm
معادنا بكره ان شاء الله يا سيادة العقيد
استاذ حسين الف شكر لمرور حضرتك وبالتأكيد اى شاعر بيبدأ لازم يتأثر بالاكبر منه لحد ما يظهر له لونه الخاص
الله يخليك يا استاذ امير مرور حضرتك بيدى للموضوع طعم تانى
marwa magdy عضو مميز
النوع : العمر : 28 تاريخ التسجيل : 01/03/2011
موضوع: رد: اهل الميدان الجمعة يوليو 08, 2011 12:16 am
بجد حلوة اوي ياخالد شكرا ليك لانها فعلا جميلة جدا وفعلا طريق عرضك ليها حلو اوي وصوتك طالع بحس حلو اوي شكرا بجد وفعلا خلتني ادمع لاني افتكرت لما اخويا كان هنالك وامي كانت هتموت عليه وافتكرت الشهداء اللي ماتوا وامهم كانوا هيموتوا عليهم واخرتها براءة لبطرس غالي وجرانة
عادل صموئيل كاتب مميز
النوع : العمر : 73 تاريخ التسجيل : 28/07/2010
موضوع: رد: اهل الميدان الجمعة يوليو 08, 2011 1:19 am
الاستاذ خالد
اشكرك قصيدة جميلة جدا وساخنة جداً
طبعاً رأى الموسيقار فى القصيدة بيختلف عن رأى باقى الاعضاء واختيار الموسيقى التصويرية رائع وللعلم الموسيقى والصورة بتعمق القصيدة وتجسدها جدا الكلمات رائعة جدا واسلوبك جميل بس ليا ملحوظة , اولا عازيك تلقى القصائد اللى من النوع ده ابطأ شوية عشان تعمل تأثير على المستمع اكتر من كده كمان يعنى الطء شوية بيركز الكلمات والكلمات بالطبع جميلة محتاجة انك تلقى عليها الضوء اكتر بالبطء شوية وتاخد نفس بين المقاطع او كل مقطعين او فى المكان المناسب , والمناسب بمعنى , ان الموضوع اللى انت بتتكلم فيه كأنك بتطلق نار يعنى فيه كلام لازم يبقى متصل وكلام لازم يبقى متقطع وثانيا الموسيقى التصويرية لازم اثناء القاءك يكون النسبة بين ارتفاع صوتك لإرتفاع الفوليوم بتاع الموسيقى التصويرية اربعة الى واحد , يعنى يكون صوتك اعلى اكتر من الموسيقى , وممكن فى الفواصل تاخد نفس وتعلى الموسيقى شوية بعدين تنزل لما تبتدى تستطرد فى الإلقاء , ولو عندك شريط الفيديو ةشريط الموسيقى انا اتمنى انك تعيد تنفيذها تانى وحاتشوف الفرق , معلش انا مزعج شوية بس الاخراج فى دمى , وثانيا القصيدة جميلة وقوية وممكن تتنفذ احلى كمان وكمان مع اطيب تحياتى
خالد المسيرى عضو مميز
النوع : العمر : 32Localisation : حصة شبشير -طنطا الدولــة : تاريخ التسجيل : 18/02/2009
موضوع: رد: اهل الميدان السبت يوليو 09, 2011 2:06 pm
اشكرك يا مروه تعليقك بيدى للموضوع طعم تانى بقيت كل ما انزل حاجه استنى تعليقك ومعلش بقى لو كنت فكرتك بحاجات تضايق بس مع الاسف كان لازم نفتكر
استاذ عادل بجد مش عارف اشكر حضرتك ازاى على النصايح الجامده دى واوعدك المره الجايه ان شاء الله اخد بالى منها اعذرنى اول مره اعمل فيها الموضوع ده
marwa magdy عضو مميز
النوع : العمر : 28 تاريخ التسجيل : 01/03/2011
موضوع: رد: اهل الميدان السبت يوليو 09, 2011 5:44 pm
خالد المسيرى كتب:
اشكرك يا مروه تعليقك بيدى للموضوع طعم تانى بقيت كل ما انزل حاجه استنى تعليقك ومعلش بقى لو كنت فكرتك بحاجات تضايق بس مع الاسف كان لازم نفتكر
بجد شكرا ليك ياخالد ودا فعلا شرف ليا انك تستني تعليقي ودي مش مجملة والله انا بقول التعليق اللي يرديني ويردي ضميري والله الواحد لازم يفتكر القديم مينفعش يتنسي
عادل صموئيل كاتب مميز
النوع : العمر : 73 تاريخ التسجيل : 28/07/2010
موضوع: رد: اهل الميدان الإثنين يوليو 11, 2011 8:14 am
اشكرك اخى العزيز على تقبل النصيحة , اولا لو ماكان شغلك حلو ماكنت اديت رأيى , وثانيا زمان فى زماننا كانت الفنانين بيحبوا بعض ويشجعوا بعض , بعنى تسمع عن سلامة حجازى ؟ تبنى سيد درويش وسيد درويش ساعد عبد الوهاب , وعبد الوهاب ساعد عبد الحليم كلهم بالإرشاد والتوجيه , والمؤثرات الصوتية زى الموسيقى والإضاءة والفيديو لازم تكون حاجة زى السكر اللى فى الشاى يعنى يكون على القد مش اكتر لأن لوزاد عن حده الشاى مش حاينشرب طبعاً , وهنا الاساس الشعر , يعنى كل المؤثرات تخدم عليه , وطبعا عادى اول مرة بيحصل حاجات لكن المرة الجاية حاول تتفاداها وعايز اقول لك على س انت اكيد بتستعمل الكمبيوتر , يعنى فيه امكانيات خطيرة وبرامج جميلة جدا تساعدك فى الموضوع ده مع اطيب تحياتى
النوع
موضوع: اهل الميدان 
الخميس يوليو 07, 2011 7:19 pm
