كل سنة وكلنا طيبين

تحياتى يا أستاذ محمود وحمد لله ع السلامة

اللى قلته ده مش حاجة غريبة على المصريين , يعنى ده حاجة موجودة من 1400 سنة , المصرين كلهم نسيج واحد مش عنصرين زى ما بيقولوا ولكن نسيج واحد , البلد الوحيد فى الدنيا اللى لو وقعت فى الشارع الاقى خمسين واحد يسيب مشوارة وييجى يودينى مستشفى , والببلد الوحيد فى العالم اللى كل مسيحى لو سألته يقول لك كام مرة مسلم عمل معاه معروف او خير والعكس , كل مسلم يقول لك عن صديق عزيزي مسيحى وياما كان بينهم ذكريا حلوة , والفتن والتفريق ده ظهر من خمسين ستين سنة لما ظهر ناس بتستغل الدين لحاجات تانية غير الدين ,
لكن يبقى الحب والود , وكل مسيحى وكل مسلم لو رجعت للتاريخ من 1400 سنة حتلاقى جهم واحد , مش دول شعب جاى من مكان ودول شعب جاى من مكان تانى واتقابلوا فى مصر دى دول كتير , ولكن كلهم شعب واحد مفي حاجة بتفرقه ابداً , لأن اللى عايز يفرقهم اصلا عايز يدمر الوطن بأنه يفتت او يفتح ثغرة فى نسيج الوطن عشان يقضى عليه
مع اطيب تحياتى