صاحب الاحلام

موضوع: صاحب الاحلام السبت أغسطس 20, 2011 2:52 pm

اعزائي اعضاء المنتدي الكرام

لكل واحد فين حلم علي المستوي الشخصي يتمني ان يحققة , وتختلف الاحلام من شخص الي اخر حسب مستواة التعليمي و الاجتماعي

وايضا حسب السن والمراحل العمرية

هناك احلام يصعب تحقيقها واحلام لاتتحقق اصلا واحلام تحتاج الي مجهودات متفاوتة لتحقيقها

وانا كأنسان متفائل لا امل ولا اكل ولا اتشائم ابدا مهما ظهر في الافق قتامة مهما اسودت الدنيا في تحقيق احلامي

وانا صغير كنت احب اللغة الانجليزية وكنت مجرد ان اقول هاللو لسائح اجنبي في منتهي السعادة وخصوصا عندم يرد عليا هاللو اشعر وكأن سافرت

الخارج وها انا الان صاحب بازار وفين في شرم الشيخ وبتكلم روسي وايطالي وشوية لغات بس طبع علي قدي في مجال بيع العاديات السياحية

وانا الان صاحب محل لملابس السيدات وهذا لم يكن حلم ولكن حلمي الان ان اكون مستورد لملابس السيدات وهذا ليس صعبا ولكن توجد بعض

المعوقات وانشاء اللة قريبا ربنا يحقق احلامي الان فقط كملت عامين في مجال ملابس السيدات والحفاظ علي النجاح صعب بالرغم من تحديات سوق

المنافسة فهل من لة عامين مثل من لة اكثر من عشرة اعوام في السوق .

اذن كلنا كائنات تسكن فينا الاحلام من يريد ان نشاركة احلامة فليتفضل وممكن اعضاء النتدي الكرام يساعدوة حتي ولو بالتشجيع والنصح والارشاد.

فلنبدء..

بحلم ان الحل يتصلح والامن يسود والامان يرجع ترجع السياحة ونرجع نشتغل تاني فية مجالات كتير معطلة مثل مجال المقاولات والتجارة والسياحة وحاجات تانية كتير

تخيلوا معايا ان فية حوال 360 مركب سياحي ما بين اسوان و الاقصر لو افترضنا ان نصفهم في اسوان و كل مركب فيها حوالي 100 سائح و كل سائح بيأكل بحوالي 100جنية في اليوم مش اكتر يبقي السياحة بتدخل 1800000 يعني مليون و تمنميت الف جنية في اليوم دة علي الاقل غير باقي الفلوس اللي بتدخل البلد علي زيارات السد العالي و الاهرام و المتاحف و خلافة كل دة كان دخل كبير جد للبلد للي دلوقتي حالها واقف وانا بالنسبة لي وعلي المستوي الشخصي اتأثر لان ناس كتير من اهل بلدي بيعملوا في السياحة و يدوب الواحد بيسدد شيكاتة بالعافية بالرغم من ان دي تاني سنة في شغلة الملابس الحريمي دي والمفروض ان كل يوم بيعدي الواحد بياخدسمعة وبيكسب اكتر الا انة .. الحال شوية ..- الحمد للة -
نفسي انزل الصين او تركيا او تايوان او سوريا واجيب شغلي بنفسي واكون متميز بزيادة ادعولي

- يارب -

علي المستوي العام

انا بحلم بمصر دولة عدالة وتحترم حقوق الانسان

بحلم ان العالم العربي يستعيد قوته التي بسببها تعيش الدول العظمي في قلق حتي تسيطر علي تلك القوة ولكننا لا نفهم

________________

علي المستوي الشخصي

بحلم بحاجات كتيره..يعني بيني وبين ربنا يهمني انه يكون راضي عني ويمهلني الصواب دائما

وبحلم اخش كلية الاعلام يمكن اهم حلم ليا دلوقتي بالذات

بس في حياتي بجد بحلم اني ابني مستشفي كبيرة لمامي ونفسي يكون اسمها ( الطيب ) لقبها ولقب جدي ..صحيح ماشوفتهوش ولا هو شفني لاني اتولدت بعد ما مات بس انا بحبه جدا ..دايما بسمع عنه حاجات حلوة اوي وكمان قريت منه حاجات كتير وسمعت منه حاجات كتير مامي كانت محتفظة بيها..فحسة انه اثر فيا رغم اني ماشوفتهوش...بالنسبة لي هو الغائب الحاضر

بجد نفسي ربنا يكرمني فحياتي واحقق الحلم ده لجدي ومامي

واكيد بتمني لاسرتي كل الخير وبحلم لهم بكل خير

شكرا جدا جدا يا استاذ عماد علي الموضوع الرائع ده وبتمني لحضرتك وللجميع تحقيق احلامهم والبركة فيها

بكل بساطه
على المستوى العام بحلم بمصر تتسم بالعدل والديمقراطيه والحضاريه
على المستوى الخاص بحلم بالامان النفسى(الداخلى)
شكرا استاذ عماد على الموضوع الجميل ده

شكرا ايات & شكرا شيماء

وربنا يحقق احلامكم

أ/ عماد كل سنة وإنت طيب وأعجبتنى فكرة الموضوع وأحييك عليها

>>> على المستوى العام فى الوقت الحالى والقريب العاجل أتمنى أن أغمض عينى وأفتحها لأجد

أننا قد تجاوزنا المرحلة الإنتقالية بسرعة وســــــــــــــــــــــــــــــــــــــــــــــــــــــــلام كما نريدها

أما فى البعيد القادم والذى أنا متفائل جداً به فأحلم أن أرى مصر وقد عادت لدورهــــــا القديم والقدير

أتمنى أن تعود مصر مخزن الغلال ومصنع العقول ومنارة العلم ، أتمنى أن تكون لمصر اليد العليا

على الجميع وفى كل مجال ، إذا أردت ملخصــــــــــــــــاً لكل ما سبق تجده فى هاتين الكلمتين :

" الإمبراطورية المصرية "

>>> أما على المستوى الشخصى فقط أخبركم أننى شخص طمــــــــــــــــــــــــــــــــــــــوح جداً جداً جداً

ففى القريب القادم أطمح إلى أن أتمكن من تطبيق مشروع التصويت الإلكترونى ، وفى المستقبل المنشود هناك

الكثييييييييييييييييييييييييييييييييييييييييييييييييييير ، الأهداف واضحة ومحددة والوسائل متغيرة بتغير الزمان والظرف

وفى كل ما سبق لى غاية واحدة ووحيدة هى أن يرضى الله عنى .

كل عام أنتم بخير يا أصدقاء وأطيب المنى ،،،

» أوبريت ملحمة تحتمس الرابع ولوحة الاحلام
» أحمد بهجت، صاحب قناة «دريم»، رد بقسوة على منى الشاذلي في «العاشرة مساءً»، طالباً عدم تحويل البرنامج إلى منصة لترويج الشائعات!.
» احمد بهجت صاحب قنوات دريم مستاء من الاعلامية مني الشاذلي لاستضافتها مرشد الاخوان المسلمين في لقاءه علي الهواء مع معتز الدمرداش في 90 دقيقة ..