محفوظ عبد الدايم في القاهرة 30 مازال موجودا في القاهرة 2011

شاهدت امس خيري رمضان على قناة cbc وهو يدعوا ويبتهج لقانون الطواريء ويقول انه كيف يتم القبض على مئات الالاف من بلطجية النظام القديم بدون قانون ؟!!! ويتسائل هل يمكن القبض على بلطجي بتهمة انه يحمل سلاح ابيض ؟ ويقول ان قانون الطواريء سوف يستخدم للقبض على هؤلاء البلطجية الذين ينشورون الفوضى ؟ كلام ظاهره الحق وباطنه الباطل ، تذكرت شخصية محفوظ عبد الدايم في القاهرة 30 بعد القبض على رئيسه وعشيق زوجته وهو يواسي زوجته ويقول لها ان من سيأتي بعد رئيسه سيكون فاسد ايضا ، هل شعر احد بالفرق بين مصر قبل وبعد الثورة ؟ نفس الفساد موجود والفرق الوحيد هو ان الثوار ذاقوا طعم الحرية ولن يوقفهم احد او قانون سواء قانون طواريء او احكام عرفية كما لم يوقفهم قبل ذلك حظر التجوال اثناء الثورة بينما يوجد الملايين في الشوارع .
اتذكر قانون الطواريء في عهد المخلوع وحكومته تقسم في مجلس الشعب ان هذا القانون سيطبق فقط في حالات الارهاب والمخدرات ، بينما على مدار ثلاثون عاما لم اسمع عن تاجر مخدرات اعتقل تحت بند قانون الطواريء بينما يتم اعتقال الناشطين بهذا القانون ويستمر الاعتقال حتى بعد صدور احكام قضائيه بالبراءة ، فهل سيتم تطبيق قانون الطواريء بمواده الجديدة كما كان يطبق قبل الثورة ؟
هل كتب على انني سأظل البقية الباقيه من عمري في صفوف المعارضة ؟ كنت معارضا قبل الثورة واخشى الاعتقال ومازلت معارضا بعد الثورة واشعر انني مراقب ويمكن اعتقالي في اي وقت ، فأي ثورة هذه التي قمنا بها .
شاهدت امس انجازات رجب اوردغان في تركيا وكيف نهض بها في خلال 8 سنوات لتقفز هذه القفزة الهائلة ، واعتقد ان سر هذه القفزة هي انه اراد الخير لبلاده ولم يكن همه الوحيد هو تكنيز اكبر قدر ممكن من الاموال - عن طريق الفساد- خلال فترة رئاسته لمجلس الوزراء ، فهل يخبئ لنا القدر رئيسا على شاكلة اوردغان ؟
الامل الوحيد هو ان يأتي رئيس لمصر ذو خبرة ادارية ويحب وطنه ويكون نظيف اليد ، افتكر ان مثل هذا الشخص موجود ، ولن اذكر اسمه لاننا جميعا نعرفه

الاخ محمد تحياتى لك اولا

ثانيا لمن تحب تقارن رئيس تركيا او رئيس وزراء تركيا ارجو ان تراعى ان الشعب التركى مكنش كل يوم عامل مليونيه و موقف حركة الدوله و لا عجلة الانتاج اللى و صل له اردوغان مكنش من اجتهاده لوحده كان الشعب بيعمل من قبل و لمن و صل اردوغان للحكم طور عجلة الانتاج و اللى ساعده الشعب لكن شعب مصر بعد الثوره مهتم فقط بالانتقام من اللى كانوا فى الحكم يا اخى الكريم رجاء اتركوا الامر الى الله عز و جل ثم الى القضاء ياخد مجراه فى التحقيق و اصدار احكامه --- و اتجهوا الى العمل و بلاش و قفات احتجاجيه و مليونيه و تخريب و تعطيل لاقتصاد البلد لو ان الشعب توجه للعمل هتيجى رئاسه تقوده للامام اما الفوضى هى اللى هتؤدى لمزيد من القاوانين اللى مش هتعجب اى مواطن و السبب المواطن

استاذ احمد
مين قال ان المليونية عشان الانتقام ؟ طيب خلينا نحس ان المجلس العسكري ناوي يسقط النظام بجد وانه مع الثورة وليس مع النظام السابق وشوف حد هينزل تاني الميدان ولا لأ ، المشكلة اننا نشعر ان النظام موجود زي ماهوه في كل شيء وان المجلس العسكري دوره هدم الثورة ومش ناوي يسلم السلطة والايام هتثبت ليك ، اما بخصوص عجلة الانتاج اللي احنا معطلنها ياريت تعطيني دلائل ، اللي بيوقع البلد ان المجلس العسكري لسه سايب لصوص مبارك بيهربوا اموالهم للخارج هيه دي المشكلة ان الدولة ما زالت بتتسرق ، هات لي واحد مش شغال زي الاول واكثر ، السياحة بس هيه اللي واقعة عشان مفيش امن وده مش بسبب الثورة ، الانفلات الامني وعدم نزول الشرطة بأوامر عليا ، بدليل اخر شيء ماحدث عند السفارة الاسرائيلية ، كان ناقص ان العسكر توزع زهور للي بيخترقوا السغارة وده مش عشان همه بيكرهوا اسرائيل لاسمح الله ولكن عشان عندهم اوامر بذلك ومش بعيد يكون اللي رمى الاوراق ده من الامن ومش بعيد يكون كل ده حدث بالاتفاق مع الموساد عشان نسكت على جنودنا المقتولين وتتحسن صورة اسرائيل بعد اللي عملته تركيا ومن ناحية تانية يكون المجلس عنده المبرر للبقاء في السلطة بحجة الفوضى وخير دليل قانون الطواريء ، ارجوك دائما فكر في كل اللي بيحصل وشوف ده بيعمل على بقاء المجلس العسكري في السلطة ولا بيخدم قيام دوله مدنية

استاذه مروة
الرئيس اللي انا اتمناه لمصر في هذه المرحلة هو البرادعي لانه الوحيد من بين المرشحين الذي لم تتلوث يده ايام مبارك ، كل اللي في المعارضه استفادوا من النظام السابق على اقل تقدير استطاعوا ان يحصلوا على قطعة ارض او ترخيص او عينوا اولادهم بالوساطة يعني من الاخر اعينهم مكسورة ، اما البرادعي فهو لم ترشحه مصر لوكالة الطاقة النووية ، ثانيا كون البرادعي عاش كل عمره بره دي ميزة ، يعني مثلا لو جاء رئيس من داخل مصر ابسط شيء تفتكري هيفكر ان كوب الماء الذي نشربه غير صالح للاستخدام الادمي عشان الكلور ولاعينيه تعودت على اشياء كثيره خطأ ؟ جربي تنزلي لبيئة معيشية اقل منك في المستوى مثلا انزلي لقريه صغيرة وشوفي عينيكي هتقع على كم شيء خطأ ، عشان كده انا عايز البرادعي لانه اكيد هيشوف اشياء كثيرة خطأ في حياتنا وتعودنا نحن عليها

احبائى
المشكلة مش رئيس بس المشكلة اخطر من كده لأن الرئيس ده جزء , لازم يكون معاه كل يساعده لمصلحة البلد مش لمصلحته الشخصية , يعنى لازم يكون اولا مجلس شعب بيعبر عن جميع التيارات الموجودة , بحيث ان لو حد اقترح اقتراح يتناقش ويشوفوا ينفع ولا لأ , لكن لو جه مجلس شعب من تيار واحد اللى حيقوله حايمشى حتى لو ما وافقش عليه 80 % من الشعب , وثانيا ان مجلس الشعب هو اللى حايعمل الدستور وعشان يتعمل لصلبح كل الشعب , وثالثا عشان تيجى وزارة تخدم الشعب كله من فئة , واخيرا لما يكون مجلس الشعب من كل تيارات الشعب لما نيجى لإنخاب رئيس الجمهورية اكيد الانتخابات حتكون بتعبر عن كل تيارات الشعب , لكن لو مجلس الشعب من تيار واحد الرئيس المنتخب حاييجى ما تعرفش ازاى من التيار الواحد اللى مكتسح اغلبية مجلس الشعب , وساعتها حانرجع مش زى ما كنا ولكن اسأ مما كنا , والشعب لو اتخنق شهرين حاتحصل ثورة تانية , والمرة اللى فاتت كانت سلمية ومات ففيه شوفوا كام شهيد ممكن ما تبقلش سلمية المرة الجاية لأن اللى بيتصارع على كل الاغلبية فى مجلس الشعتب والحكم مش حايسيبه بسهولة زى ما مبارك سابة ( وللعلم مبارك سابه بسهولة ) لو قارنته باللى بيحصل فى البلاد العربية الشقيقة
مع اطيب تحياتى

للأسف كنت ارى رؤيتك هذه قبل فترة وهى اننا نحتاج الى رمز وطنى مخلص ولديه رؤية واضحة وليس لديه ماضى مشين او عين مكسورة
وان هذا يكفى لتنطلق مصر لتعويض ما فاتها
ولكنى الآن اشعر بخيبة امل وشك فى انه لو حكمنا الآن اى فارس فسيكون همه الأول هو اطفاء حرائق والدفاع عن اتهامات ونفى شائعات والقيام بمصالحات وتوافقات حتى نهاية ولايته

ولكى الله يا مصر