عارفة يا شيماء التليفزيون المصرى ده عامل زى ايه ؟ ومن زمان مش من دلوقتى
الانسان لما يكون متخصص فى مجال فنى معين بياخد بالة من المحاطات والاذاعية والتليفزيونية , يعنى لو تسمعوا اذاعة مصر البرنامج العام بالذات تحسوا طول الوقت انه مازال محترم جدا جدا زى من خمسين سنة , لأن القائمين عليه وهم تلاميذ العمالقة مازاولا بيحاولوا يحافظوا على شكله الصح , يعنى انت لما تسهر كل يوم مع الراديو تلاقيه بيركز على تسجيلات زمان زمن الفن الجميل والثقافة الجميلة وكل شىء جميل , ده بيخليه عنده مستمع راقى اوى , والاذاعة بتعمل حسابه , يعنى مش معقول بعد انت ماتسمع برنامجين 100% من بتوع زمان يذيعوا لك برنامج جديد واطى او اغنية من الخبط بتاع دلوقتى , لازم البرامج الجديدة تكون على المستوى , لكن تليفزيون مصر بتاع الدولة تحس ان المدير بتاعه كان مدير جمعية تعاونية قبل كده او كان ملاحظ دودة فى الغيط , يعنى مافيش فرق عنده بين الشرائط الاعلامية والفنية وبين كراتين الصابون وعلب السمن , ماعندهمش ده حلو وده وحش او ده تافه وده دون المستوى , اى حاجة ورا اى حاجة , حتى المذيعين معظمهم تحس ان انتهى عمرهم الافتراضى , يعنى المفروض انى لما اجيب مذيعة تليفزيونية عمرها 60 سنة , لازم تكون على الاقل حاجة مذهلة يعنى المتفرجين بينتظروها , مش يحسوا انها مالهاش لازمة ومش بتقول حاجة اصلا , تحسن انها ماطلعتش ع المعاش ليه , وحتى اى تطوير فى التليفزيون بيبقى تطوير لورا مش لقدام , يعنى اقعد اتفرج 3 ساعات على القناة الفضائية اللى هى مراية مصر قدام العالم حتلاقى برامج تجيب شلل اطفال , ومذيعين تحس كان فلان جايب بنته وفلان جايب ابنه , وكانوا زمان مسميينه عزبة ماسبيرو لأنه كان بالتوريث , يعنى اى واحد بيزرع اولاده جوا التلليفزيون حتى لو مالهمش فى الاعلام خالص , وده عامل زى جواز الاقارب , يعنى حلو مرة مرتين , لكن لوعائلة ولادها ما بيتجوزوش من برة اطلاقا بعد جيلين تلاثة حتلاقى الاطفال كلها طالع فيها امراض من الجينات المتقاربة بتضيع المناعة , وده زى التليفزيون المصرى , يعنى لو تسمعوا القصص اللى كانت بتحصل هناك تتجننوا , ويكفى ان القنوات الخاصة مسحته بالأستيكة من خريطة المحطات ذات الجذب
مع اطيب تحياتى
النوع
موضوع: التلفزيون المصرى عفوا لقد نفذ صبرنا !!! 
الثلاثاء أكتوبر 18, 2011 10:24 pm
