يعنى الاسلحة دى كلها انا اصطاد بيها سمك
يعنى ايه الكتيبة الخايبة دى فين الدبابات فين المدرعات ؟؟؟
وبعدين لو عايزن يطلعوا العيال بتوع 6 ابريل دول عيال بايظين تلفانين كانوا قالوا وقد تم ضبط 16 خرطوشة سجاير مهربة , او 20 ازازرة ويسكى مضروب او 3 كيلو حشيش او 15 كيلو بانجو عشان تبقى شبه العصابات اللى بجد
وبعدين عشر براميل بنزين 80 , وللعلم بنزين 80 ده بيبوظ العربيات انا مرة حطيته فى عربيتى قعدت ترجع وقعدت اسقيها سفن اب واديتها دوا فوار
طيب يستنضفوا شوية يعنى يقولوا بنزين 90 او 92 او حتى 95 ماهو الكلام ببلاش
الحكاية دى فكرتنى بالفقيد حبيب العادلى والمقيم حاليا وبيتدلع فى شيراتون طرة ... كانا كل شوية يمسكوا شوية عيال ويجيبوا كمية اسلحة من عندهم جوا فى المخزن ويرصوهم بطريقة تخليك تشوف الاسلحة اكتر من عددها عشان تتخض و ويوقل لك قيضنا على تنظيم بقى وانتم عارفين باقى السيناريو
دول للعلمكمان ممكن يلبسوهم تهمة حريق القاهرة فى يناير سنة 1952 مع انه كان قبل مايتولد شباب 6 ابريل ب 30 سنة , بس طريقة حبيب العادلى كانت بتطبخ المحاضر , يعنى من ان حريق القاهرة كان قبل ما يتولدوا ب30 سنة لكن كان ممكن يجيبوا شهود انهم شافوهم ساعتها وهم متلبسين
وكله عند العرب صابون
محطة الفراعين دى ( مع انى مش منزلها عندى ابداً ) بس كل ما اشوف حاجة منها زى الفيديو اللى هنا بفتكر افلام اسماعيل ياسين وبالذات اللى فيها
مشاهد فى مستشفى المجانين ,,, ونفسى الأخ توفيق يمسك صاجات وبقول : انا عندى شعرة .. ساعة تروح ... وساعة تيجى , ساعة تروح وساعة تيجى ... وشر البلية ما يضحك
النوع
موضوع: المفروض مني الشاذلي ودينا عبد الرحمن ولبني عسل وكل المذيعات يعتزلوا بعد الفيديو ده !! 
السبت ديسمبر 31, 2011 2:07 pm
