تصبح علي خير

كنت انا وشوكت طالبان ندرس في سوهاج وكنا نقيم في غرفة واحدة في احد بيوت الطلبة وقبل النوم دائما كنت اختم الليل واقولة تصبح علي خير وكان يرد عليا ويقول وانت من اهلة ..
مر اسبوع وعشرة ايام وانا اقولة تصبح علي خير وهو يقولي وانت من اهلة
وبعدين فكرت هو انا لية دايما اللي بأبتدي
طيب الليلة دي هستني هو اللي يقول تصبح علي خير
المهم جة وقت الاستسلام للنوم واستنيت يقول تصبح علي خير وعدي وقت قليل وماسمعتهاش فقررت انا اني اقولة تصبح علي خير واليوم اللي بعدة برضة حاولت اسمعها منة وكالعادة مقلهاش فقلتها انا تصبح علي خير وهو رد عليا وانت من اهلة
وبعدين قررت اني مش هقولة تصبح علي خير الا لو هو قال الاول انتظرت بعدما فرغنا من الحكاوي والحواديت وماسمعتهاش فققرت انام بدون ما اقولة تصبح علي خير ونمت وهو نام
وفي الخامسة فجرا صحي بيت الطلبة كلة مذعور علي هزة ارضية افزعت البلد كلها وعلشان احنا كنا في الخامس شعرنا ان البيت كلة بيطوح
وبعدين مرت دقائق والطلبة هدأو شوية شوية وصبح الصبح و الامور مشيت عادي وجة الليل
وفكرت شوكت بما كان يجول في خاطري
ومن ساعتها اتعلم قبلما ينام انة يقولي تصبح علي خير .
هذة الحكاية حصلت معايا شخصيا و استفدت منه كتير اتمني انها تعجبكم وتستفيدوا منها

شكرا يا شيماء علي المرور

حكاية حلوة ... و جميل إن الواحد يستعيد ذكريات الماضي الجميل ... بس تفتكر يا أستاذ عماد لو كنت قررت في تلك الليلة إنك تقول لشوكت تصبح على خير مكنش حصل زلزال؟ طب لو كان شوكت قال لك تصبح على خير كان هيحصل الزلزال و لا لأ؟ أقصد أعرف السر فين؟ فيك و لا في شوكت؟ أكيد انت تقصد تحكي هذه القصة في هذا التوقيت بالذات فهناك مقعد هام جداً شاغر بالكنيسة أكيد عينك عليه إنت و لا شوكت .
خالص تحياتي

شكرا مروة

و شكرا استاذ محمود علي المرور

بيتهيألي لو ان اي حد فينا قال للتاني تصبح علي خير كان برضة هيحصل زلزال

ولكن الموقف حصل كما هو وكأنه رسالة الينا حتي نعرف مدي ضرر الكلمة السيئة ومنفعة الكلمة الطيبة

اما بالنسبة للكرسي الشاغر في الكنيسة فالهروب منة هو الافضل لانها مسؤلية جسيمة (حاكم نفسة خير من

حاكم مدينة)

..تحياتي

شكراً استاذ عماد ... طبعاً انا كنت أمزح معك و شكراً على الحكمه الجميلة ( حاكم نفسه خير من حاكم مدينة )
لأول مرة أقراها.
تحياتي

انا اللي بقولك شكرا يا عزيزي