رأيك ايه في الشكل الجديد ؟

استطلاع رأي عن الشكل الجديد

جميع الحقوق محفوظ لموقع الاعلامية مني الشاذلي

بصراحة وبدون زعل
100%
جميل جدا وانا معجب به جدا
تسلم ايديك مجهود مشكور
يا ايات

جميل جداااا .. سلم ايدك ..

حلو جدا يا ايات والله
انا لما دخلت اتجأت بالشكل واللون بجد تحفة
واخير غيرتي الالوان الغامقة تسلم ايدك

يعنى مفيش كلام يتقال

بجد وبدون اى شبهة ان حد يفتكر انى بنافق ولا اجامل

اعتقد ان ده احلى شكل لمنتدى على النت على الإطلاق
واى حد بيدخل منتديات كتير حيقول نفس الكلام
الله ينور عليكى يا آيات وتسلم ايدكى يعنى فنانة بجد
بس بالطبع اتمنى يكون المضمون حلو زى الشكل
يعنى انا ملاحظ ان هنا فى قسم النقاشات المواضيع بقت اقل شوية يعنى نفسى نكتب مواضيع اكتر زى زمان

وفيه اعضاء احباء غايبين نفسى يرجعوا ينوروا المنتدى
مع اطيب تحياتى

بصراحه وكلمه الحق لازم تتقال "هذا ما كنت أتمناه"

]b]طبعا انا اول من قالك رائية من غير ما اشوفة
جميل جمال ملوش مثال[/b]

انا هقول رأي و معلش محدش يزعل ( الديمقراطيه بتقول كده ) اولا مجهود جامد جدا انا طبعا عارف بس كنت اتمني ان تنتظر ايات قليلا بعد انطلاق البرنامج حتي تستفيد اكثر من وضع الصور المناسبه ثانيا اللون الفاتح ده متعب للعين و يقلل من كفائه الصور يعني بيظهرها باهته قليلا وتفقد النضاره بتاعتها و تظهر عيوبها بوضوح انا عارف ان الشباب بيحب الالوان الفاتحه لكن العواجيز هم الي بيحبوا الغوامق عموما اشكرك ايات علي اهتمامك و تحياتي للجميع

جمييييل جدا. وكما قال الجمهور 'هذا ماكنت أتمني' : )

مش عارف حاسس إنه لسه فيه إضافات تانيه فمش هقيم دلوقتى

اشكركم جميعا بجد واحد واحد .. ويارب دايما اكون عند حسن ظنكم

استاذ روثمان واستاذ محمود

طيب ممكن تدوني اقتراحات وانا اضيفها عادي مافيش مشكلة

اولا تسلم ايدك اما عن الشكل الجديد فحسه ان فيه حاجة غريبه شوية مش متعودة عليها عما اعتقد ان لو صورة الاستاذة مني بقت موجودة علي الجانبي هيكون كامل

ايات تحياتي ليك انا لما قلت ان ننتظر شويه مش معناه انه مش عاجبني لكن انا كنت اتمني ان تكون الصوره مش ثابته يعني في الشكل السابق كان فيه فلاش بيغير الصور لمني الشاذلي ده بيعطي حياه للصفحه وتجديد انا عارف ان ده بيقلل من سرعه فتح الصفحه لكن جميل هو ده كان قصدي التعدد و شكرا لاهتمامك

استاذ روثمان

انا مالغتش خالص موضوع الفلاش..الفكرة ان البرنامج لسه طالع فمافيش صور لمدام مني

فانا عملتها ثابتة لغاية مايعدي اسبوع علي الحلقات اخد منها صور للفلاش

دي الفكرة

_________________

زينب خفاجة

ممكن توضحي اكتر ؟

معلش إتأخرت فى الرد يا أيات علشان كنت نسيت

وإقتراحاتى بالنسبة لجرافيك الموقع هى إنتقادات أكثر منها مقترحات لإن أنا مش شاطر فى الجرافيك

1. تداخل الألوان مع بعضها حاسس إن مفيهوش تناسق يعنى لون الخلفيه السيلفر الباهت ده مش ماشى

خالص مع لون القوالب الأحمر المحروق ، يعنى بيتهيألى لو كان كان غامق شويه كان هيكون أفضل وهيظهر

الكتابه والموضوعات عليه أكتر ، يعنى مثلاً فى الصفحة الرئيسية تلاقى إن عنواين الأقسام مكتوبة باللون الإسود

على قالب لونه أحمر محروق فمش باينه خالص ، زى كدا :
شاشات متابعي برنامج جملة مفيدة

وتحتيها فى الأقسام الفرعيه التابعه ، الأقسام مكتوبة بالإسود على خلفيه السيلفر أو الرصاصى الفاتح دى

فتحسى كدا مفيش تداخل ، بصراحة اللون السيلفر ده مش حاسه خالص

2. اللوجو اللى موجود فى أى صفحة بتاع حقوق النسخ
copy right
فكرته جديدة وحلوة بس يبقى تمام أوى لو بأه لونه مختلف عن لون الخلفية ويكون درجة وجودة أقل شوية

هيبان أكتر وتفاصيلة هتوضح وكمان الكتابة عليه مش هتبقى مش واضحة زى دلوقتى

3. هوا ينفع تغيرى فى أكواد الكتابه فى أقسام الموقع ، يعنى مثلاً قسم النقاشات ، ينفع تغيرى الخط اللى عنوان الموقع مكتوب بيه

كنوع من التغيير والتجديد ، لأنه خط الأقسام الرئيسية تقريباً ثابت من فترة كبيرة

4. لون خلفية مربع أرسل رد يا ريت تغيريه ويكون لونها غامق أفضل ولا دى تبع لون الخلفيه العام ؟

أخيراً لا أنتقص أبداً من مجهودك ، لكن النقد دائماً ما يصقل المنتج ويجعله أكثر بريق ، وبرضه جايز يكون

كلامى غلط ، لإن دى وجهه نظر فرد ، جايز يصيب وجايز يخطأ

لك كل التوفيق وأطيب المنى ،،،

» رائيك أيه في الشكل الجديد ؟
» أيه رأيك في التصميم الجديد للموقع ؟
» ما رأيك فى التغيير الوزارى الجديد ..........؟
» شبكتنا في ثوبها الجديد - تجديدات العام الجديد 2012
» قل رأيك ولا تتردد