النوع : العمر : 41 الدولــة : تاريخ التسجيل : 06/03/2012
موضوع: قصيدة مكتومة الأربعاء مايو 22, 2013 10:41 am
مين اللى قال شعبيتي فى النازل ؟!! نَــزلة فى ركبك إنته والإعلام نهَضِت بلدنا والجميع شايف ..!! والكل صار عارف عايشين فى ظل النهضة .. وفـــ دولة الإسلام .. غنوا وقولوا يا سلام .. ايه يعني نور مقطوع .. وطابور على البنزين .. دي طبيعة المشروع .. تطفح مجاري شهور .. وأراضي مصر تبور .. ونعيش فى ضلمة سنين .. اهم فى شىء فى الكون .. نحمي الرئيس مــــ العين !! نسمع لسب الدين نضحك ونقول ده كلام .. دي شريعه الرحمن محفوظة من الحاقدين .. !! ولو سبك الإعلام .. يا رئيسنا يا مقدام يخرج وراك ملايين .. بالله قولي يا مرسي .. هو انته تطلع مييييين ؟؟ شوية جنود اتقتلوا .. وشوية جنود اتخطفوا .. ومرت الأيام .. نستني فى القرارات .. وحوادث القطارات .. ودم ولادنا اللى شرب منه الحديد لما ارتوي وقلب الأم اللى إنكوي .. ولسه بتغنوا علينا .. بالنهضة ننهض سوا نبنيها بإيه يا رئيس .. بشريعه مش موجودة ولا بجهود إبليس .. بفلوس إخوانك الشيعه , وروسيا ويا الصين .. ولا بدم الشااااااام ..!! ولا احنا مش فاهين .. على كل حال صابرين .. وبكلمة مكتومة بنقول وبنشارك وعلى أي حاجه بتحصل نفرح وبنبارك .. نهتف مع الهاتفين .. عاش الرئيس الهمام .. سير يا زعيم للأمام .. واحنا وراك ماشيين .. وهتافنا عزه وأمل .. عاش النضال والعمل .. ولما تضرب يهود .. فى القدس ضرب جحود نعمل مظاهرة نندد .. ونغني لفلسطين .. قلبي معاكي يا قدسي .. يا اغلي مني ونفسي بس إحنا مش فاضيين ..!! ورانا مجلس شعب .. ولبخة انتخابات هنوري يهود الرعب .. بالهيصة والهتافات بكرة هنتظاهر .. هتقولها من الآخر .. يسقط يسقط يهود .. وجيوش النصر تَعود محنا احترفنا الكذب .. وحياتنا بالشعارات !! نهضتنا بالإسلام .. كام كلمة بنكررها ومعاني محدوده دينا ولاء وبراء .. ولما يموت البابا نترحم على شنوده خيبة على اللى انتخبكوا .. أيامكو معدوده .. زود كمان العناد وخلص فينا تارك .. زودها من طيشك مــ الغفله , من عِندك لو دام الكرسي لمبارك .. لما وصل عندك احلق للظباط لحاهم .. واضرب ضرب الحديد رجع عصر الطغاه يا زعيمنا من جديد .. واوعي تنسي الصوابع .. اللى بتلعب فينا .. تعبنا من لعبها .. ومنها ملينا ولا انت ناوي تسيبها .. واهي حاجه تلهينا .. واهي ساعات الصبح تبقي تصحينا .. ويمكن فى وقت الفراغ تبقي تسلينا !!! والله ملينا .. والله ملينا .. على فكرة انا مش علماني .. ولا كافر بالإيمان .. لكني مسلم مصري .. وكاره الإخوان ------------------------------------------------- تامر عزت 22/5/2013
النوع
موضوع: قصيدة مكتومة 
الأربعاء مايو 22, 2013 10:41 am
